लूका 17

पाप अन मापी

(मत्ती 18:6–7,21–22; मरकुस 9:42)

1ईसू आपणाँ चेलाऊँ क्यो, “अस्यो तो वे ने सके के, ठोकर खवाड़ाबा वाळी बाताँ ने वेवे, पण, धिकार हे वणी मनक पे जिंका मस ईं ठोकर की बाताँ वेवे। 2ज्यो अणा फोरामूँ कणी एक ने भी ठोकर खवाड़े हे, तो वींका वाते यो हव हे के, घट्टी को पाट वींका गळा में लटकायो जावे अन समन्द में नाक दिदो जावे। 3#मत्ती 18:15हेंचेत रेवो। यद्याँ थाँको भई पाप करे। तो वींने हमजाज्यो अन वो अणीऊँ पछतावे तो वींने माप कर देज्यो। 4यद्याँ वो दन में हात दाण थाँरा विरोद में पाप करे अन हातई दाण थाँरा नके आन केवे के, ‘मूँ मनऊँ घणो दकी हूँ’, तो वींने माप कर देज्यो।”

5ईंपे में थरप्या तका चेला परबूऊँ क्यो, “माकाँ विस्वास ने बढा।”

6तद्याँ परबू क्यो, “यद्याँ थाँकामें हरूँ का दाणा के जतरोक भी विस्वास वेतो, तो थाँ ईं हेतूत का रूँकड़ाऊँ केता के, ‘जड़ हमेत उखड़न समन्द में लागी जा’, तो वो थाँकी बात मान लेतो।”

पाका दास बणो

7“पण, थाँकामूँ अस्यो कूण हे, जिंको दास हळ ज्योतरियो वे कन गारा चरातो वे अन जद्याँ वो खेतऊँ आवे, तो वणीऊँ केवे, ‘तरत आन खाणो खाबा का वाते बेट जा’? 8‘कई वो वणीऊँ यु ने केई? मारा खाबा का वाते कई बणा अन त्यार वेन जतरे मूँ खाणो खा ने लूँ, वतरे मारी चाकरी करतो रे, ईंका केड़े थूँ खाणो खई लेज्ये’? 9कई वींको क्यो करबा के केड़े वो वणी दास की बड़ई करी? 10अणी तरियाँ थाँ भी जद्याँ वणा हाराई कामाँ ने कर नाको। ज्याँकी आग्या थाँने दिदी गी हे, तो अस्यान केज्यो के, ‘माँ तो हुदा-हादा दास हा, ज्यो माँने करणो छावे वोईस माँ किदो।’ ”

ईसू दस कोड़्या ने हव करे

11पसे अस्यान व्यो के, वीं यरूसलेम में जाती दाण सामरिया अन गलील का बचमें वेन जारिया हा। 12जद्याँ वी एक गाम में ग्या, तो वटे ईसू ने दस कोड़ी मनक थोड़ाक छेटी ऊबा तका दिक्या। 13वणा मनकाँ हाको करन क्यो, “ओ ईसू, ओ मालिक, माकाँ पे दया करो।”

14जद्याँ ईसू वाँने देकन क्यो, “जान आपणाँ खुद ने याजकाँ ने बतावो।” अन पसे अस्यान व्यो के, वीं गेला में जाता-जाताई हव वेग्या। 15जद्याँ वाँका मूँ एक जणो यो देक्यो के, मूँ हव वेग्यो हूँ। तो वो जोरऊँ परमेसर की बड़ई करतो तको पाछो आग्यो। 16अन ईसू की बड़ई करतो तको वाँके पगा में पड़ग्यो। वो एक सामरी मनक हो।

17यो देकन ईसू क्यो, “दस का दस हव व्या हा, तो पछे वी नो जणा कटे हे? 18कई अणी बारवासी ने छोड़न वणा मूँ कुई ने हे ज्यो परमेसर की बड़ई करे?” 19पछे ईसू वणीऊँ क्यो, “ऊबो वे अन परोजा। थाँरा विस्वास थने हव किदो हे।”

परमेसर को राज थाँका मयने हे

(मत्ती 24:23–28,37–41)

20एक दाण फरीसियाँ ईसुऊँ पूँछ्यो के, “परमेसर को राज कदी आई?”

ईसू वाँने क्यो, “परमेसर का राज परगट रूप में ने आई। 21अन नेई ईंका वाते लोग-बाग केई के, ‘देको, अटे हे कन पछे वटे हे’, काँके परमेसर को राज तो थाँका मयने हे।”

22पण, ईसू आपणाँ चेलाऊँ क्यो, “अस्यी टेम आई, जद्याँ थाँ मूँ मनक का पूत का दनाँ मेंऊँ एक दन ने भी देकबाऊँ तरसेगा, पण ने देक सको। 23अन लोग-बाग थाँकाऊँ केई, ‘देको, अटे कन वटे हे।’” पण थाँ वटे मती जाज्यो अन वाँके पाच्छे मत चालज्यो।

24जणी तरिया बिजळी चमकन आकास का एक खुणाऊँ दूजाँ खुणा में जावे हे। वस्यानीस मूँ मनक को पूत भी आपणाँ दनाँ में आऊँ। 25पण, पेल्याँ ओ जरूरी हे के, मूँ हेलाऊँ हेलो दुक उठऊँ अन अणी पीड़ी का लोग-बागाऊँ त्याग्यो जावे। 26#उत्प 6:5–8जणी तरिया नूह की टेम में भी व्यो, वणीस तरिया मूँ मनक का पूत की टेम में भी वेई। 27#उत्प 7:6–24जद्याँ तई नूह नाव में ने चड़्यो वीं टेम तईं लोग-बाग खाता-पिता अन ब्याव करता हा, तद्याँ बाड़ अई अन हारोई नास वेग्यो। 28#उत्प 18:20—19:25अन लुत का दनाँ में भी अस्यानीस व्यो। वी खाता-पिता, लेण-देण करता अन खेती करता हा अन घर बणाता हा। 29पण, जीं दन लुत सदोमऊँ निकळग्यो, वणीस दन आकासऊँ वादी अन तेजाब की बरका वरी अन वीं हाराई मनक नास वेग्यो।

30जणी दन मूँ मनक को पूत आऊँ। वणी दन भी अस्यानीस वेई। 31#मत्ती 24:17,18; मर 13:15,16वणी दन जी मेड़ी पे वे अन वाँको सामान रेटे घर रे मयने वे तो, वीं सामान लेबा का वाते रेटे ने उतरे। ईं तरिया ज्यो कुई खेत में वे, वीं पाच्छा कई भी सामान लेबा का वाते ने आवे। 32#उत्प 19:26आद राको के, लुत की लुगई का हाते कई व्यो हो। 33#मत्ती 10:39; 16:25; मर 8:35; लूका 9:24; यहु 12:25ज्यो कुई धरती पे आपणाँ खुद को जीवन बंचाणो छावे हे वो आपणो हरग को जीवन खो देई। पण, ज्यो कुई धरती पे मारा वाते आपणो जीवन खोई, वो हरग को जीवन पाई। 34मूँ थाँकाऊँ केवूँ हूँ के, वणी रात दो मनक एक माचा पे हूँता वेगा, तो एक ने तोक लिदो जाई अन दूजाँ ने वटेईस छोड़ दिदो जाई। 35दो लुगायाँ एकीस जगाँ घट्टी पीसती वेगा तो एक तोक लिदी जाई अन दूजी ने वटेईस छोड़ दिदी जाई। 36दो मनक खेत में काम करता वेई तो एक तोक लिदो जाई अन दूजाँ ने वटेईस छोड़ दिदो जाई।

37तद्याँ ओ हुणन चेला ईसुऊँ क्यो, “ओ परबू, अस्यान कटे वेई?”

वणा वाँकाऊँ क्यो, “जस्यान लास का नके थाँ हेवळा ने देको हो, वस्यानीस अणा बाताँ ने भी ओळक लेवो।”

Iliyochaguliwa sasa

लूका 17: एम टी आर

Kuonyesha

Shirikisha

Nakili