गलातियों 3
3
नेम अन विस्वास
1हे बना अकल का गलातिया का मनकाँ, थाँने कणी भेंम में नाक दिदा हे। में पुरो-पुरो बखाण अस्यान किदो हो के, मानो थाँकी आक्याँ का हामेईस तो ईसू मसी ने हूळी पे चड़ाया ग्या वे। 2मूँ थाँकाऊँ ओ जाणणो छावूँ के, कई थाँने परमेसर की आत्मा को वरदान मूसा का नेमाऊँ कन हव हमच्यार पे विस्वास करबा का मस मल्यो? 3थाँ अतरा मुरक कस्यान वे सको हो के, आत्मा की रिती चालूँ करन देह का रितीऊँ खतम कररिया हो? 4कई थाँ अतरो दुक फालतू में उटायो? ओ कदी बेकार ने वेई। 5परमेसर जणा थाँने आत्मा दिदी हे अन थाँका बचमें अचम्बा का काम करे हे, कई वीं यो ईं वाते करे हे के, थाँ मूसा का नेमा को पालण करो हो कन ज्यो हव हमच्यार थाँ हुण्यो अन विस्वास किदो वींके मस करे हे?
6 #
उत्प 15:6; रोमि 4:3 अस्यानीस अबराम का बारा में सास्तर केवे हे, “अबराम परमेसर पे विस्वास किदो, जणीऊँ वो धरमी मनक गण्यो ग्यो।” 7#रोमि 4:16अणीऊँ थाँ यो हमज लो के, ज्यो विस्वास करे हे वीं अबराम का बंस का हे। 8#उत्प 12:3सास्तर में ओ पेल्याई बतायो ग्यो हे के, परमेसर पे विस्वास करबाऊँ ज्यो यहूदी ने वीं भी धरमी ठेरी, ईं वाते परमेसर पेल्याँई अबराम ने ओ हव हमच्यार हुणा दिदो के, “थाँराऊँ हाराई मनक आसीस पई।” 9ईं वाते ज्यो मनक विस्वास करे हे, वीं हाराई विस्वासी अबराम का हाते आसीस पाई।
10 #
वे.वि 27:26
पण ज्यो मनक मूसा का कामाँ का जस्यान चाली वीं हाराई मनक पाप का गुलाम रेई। काँके सास्तर में लिक्यो हे के, “ज्यो कुई मूसा का नेमा की किताब में लिकी तकी हारी बाताँ ने कोयने मानी, वींने हराप लागी।” 11पण आ बात तो परगट हे के, मूसा का नेमाऊँ कुई परमेसर में धरमी वण्यो ने रेई, काँके सास्तर केवे हे के, “धरमी मनक परमेसर का विस्वास का भरोस्येईस जीवतो रेई।” 12पण मूसा का नेमाऊँ विस्वास को कई रिस्तो कोयने, काँके सास्तर में लिक्यो तको हे के, “ज्यो नेमा ने मानी वो वींके भरोस्येईस जीवतो रेई।” 13#वे.वि 21:23ईसू मसी ज्यो आपणाँ वाते हरापित व्यो अन आपाँने वणा मूसा का नेमाऊँ छोड़ाया, काँके सास्तर में लिक्यो हे के, “ज्यो कुई हूळी पे लटकायो जाई वो हरापित वेई।” 14ईसू मसी आपाँने ईं वाते छुड़ाया के, अबराम ने ज्यो आसीस दिदी गी, वा ईसू मसीऊँ ज्यो यहूदी ने वाँने मल सके, ताँके विस्वासऊँ आपाँ वणी आत्माने लेवा, जिंका वाते वादो किदो ग्यो हे।
मूसा का नेम अन वादो
15हो भायाँ, मूँ मनक का रिति-रिवाजऊँ केवूँ, यद्याँ दो मनकाँ का बचमें कस्यी बात पाकी वे जावे, तो वींने ने कुई टाळ सके अन ने वींमें कई कम कर सके अन ने बड़ा सके हे। 16अस्यानीस परमेसर अबराम अन वींका पिड़ीऊँ वादो किदो, परमेसर अस्यान ने क्यो के, मूँ थाँरा पिड़ियाँऊँ वादो करूँ हूँ, ईंको मतलब तो घणा का वाते वेवे हे, पण वो वादो पीड़ी का वाते किदो अन यो वादो एक मनक ने बतावे हे ज्यो ईसू मसी हे। 17#निर 12:40पण मारे केबा को मतलब यो हे के, ज्यो बात परमेसर पेल्याँई पाकी कर दिदी हे, वींने चारस्ये तीस वर का केड़े मूसा का नेम आन वींने टाळ ने सके हे। अन नेई वणी वादा ने बेकार ठेरा सके हे। 18#रोमि 4:14काँके यद्याँ बापोती मूसा का नेमाऊँ मले तो पछे वादाऊँ ने मलती, पण परमेसर आपणी दयाऊँ अबराम ने बापोती वादाऊँ दिदी।
19तद्याँ पछे मूसा का नेम काँ दिदा ग्या? यो तो मनकाँ ने पाप का बारा में बताबा का वाते दिदा ग्या, ताँके ईं नेम वणी बंस तईं रेवे जिंका बारा में परमेसर वादो किदो, अन अणा नेमा ने परमेसर हरग-दुताऊँ मूसा ने दिदा, ज्यो मनकाँ अन परमेसर का बचमें बात करबावाळो हो। 20बचमें रेबावाळो तो दो मनकाँ का बचमें में वेवे हे, पण परमेसर तो एकीस हे।
मूसा का नेमा का उपदेस
21तो पछे ईंको कई मतलब हे, कई नेम परमेसर का वादा का हामे हे? कदी ने हे, काँके यद्याँ अस्या नेम दिदा जाता जीं जीवन दे सके हे। तो हाँची में नेमईस परमेसर का हामे धरमी बणाबा को सादन बण जाता। 22पण सास्तर हाराई मनकाँ ने पाप का हाताँ में हूँप दिदा हे, ताँके परमेसर वो वादो ज्यो ईसू मसी पे विस्वास करबा दिदो ग्यो, वो विस्वास करबावाळा का वाते पूरो वे जावे।
23पण विस्वास के आबा के पेल्याँ आपाँ मूसा का नेमाँ की रुकवाळी में हा अन विस्वास के आबा पेल्याँ आपीं अणा काईंस केबा में रेता हा। 24ईं वाते मसी के आबा तईं मूसा का नेम आपणाँ मारसाब हा, जणीऊँ आपाँ विस्वासऊँ धरमी बण सका। 25पण अबे जद्याँ विस्वास आग्यो हे तो अबे आपाँ मूसा का नेमा का केबा ने रिया।
26थाँ हाराई ईसू मसी पे विस्वास करो हो, ईं वाते अबे थाँ परमेसर का बेटा-बेटी हो। 27अन थाँकामूँ जतरा ईसू मसी में बतिस्मो लिदो हे वणा हाराई ईसू मसी ने मान लिदा हे। 28ईं वाते अबे ने कुई यहूदी, ने कुई युनानी, ने कुई दास ने आजाद, ने कुई मनक ने लुगई, काँके थाँ हाराई ईसू मसी में एक हो। 29#रोमि 4:13अन यद्याँ थाँ मसी में हो, तो अबराम की पीड़ी का अन वादा की तरियाऊँ ईसू मसी का बेटा-बेटी की बापोती में भेळा हो।
Iliyochaguliwa sasa
गलातियों 3: एम टी आर
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
(c) 2010-2017, New Life Computer Institute. All rights reserved