थरप्या तका का काम 9
9
साउल को मन बदलणो
1साउल अबाणू भी परबू का चेला ने मारबा का वाते दरपातो हो। वो खास मोटा याजक नके ग्यो 2अन वे दमिसक का परातना-घराँ को वींने ओळकाण की एक पानड़ी देबा का वाते अरज किदी। ताँके वींने वटे कुई भी ईं पन्त को मनक मले, पलेई वा लुगई वेवे कन आदमी, वो वाँने बन्दी बणान पाच्छा यरूसलेम लावे।
3जद्याँ वो ग्यो अन दमिसक के भड़े पूग्यो, तो अणाचेत को वींके च्यारूँमेर आकासऊँ उजितो वेग्यो। 4वो रेटे पड़ग्यो अन एक अवाज हूणी, जो वींने केरी ही, “साउल, ए साउल! थूँ मने काँ हतारियो हे?”
5साउल पूँछ्यो, “परबू, थाँ कूण हो?”
वीं बोल्या, “मूँ ईसू हूँ, जिंने थूँ हतारियो हे।” 6पण, अबे थूँ ऊबो वेजा अन नगर में जा, वटे थने बता दिदो जाई के, थने कई करणो हे।
7जो भी मनक वींकी लारे जातरा कररिया हा, वीं छाना-माना ऊबा हा। वाँकाणी अवाज तो हूणी ही, पण किंनेई कई दिक्यो कोयने हो। 8पछे साउल ऊबो व्यो अन आपणी आक्याँ खोली, पण वो कई ने देक सक्यो। ईं वाते वींका हण्डाळी वींको हात पकड़न दमिसक लेग्या। 9तीन दनाँ तईं वो कई भी ने देक सक्यो हो अन नेईं कई खादो-पीदो हो।
10दमिसक में एक हनन्या नाम को एक विस्वासी रेतो हो। परबुजी वींने दरसावो देन क्यो, “हनन्या”।
तो वो बोल्यो, “परबू, मूँ अटे हूँ।”
11परबू वींने क्यो, “ऊबो वेजा अन ‘हेटा’ केबावावाळी गळी में जा अन वटे यहूदा का घरे जान तरसूस का रेवासी साउल नाम का एक मनक के वाते पूछताछ कर, वो परातना कररियो हे 12अन वणी एक दरसावो में देक्यो के, हनन्या नाम के एक मनक आन वींपे हात मेल्यो ताँके वो पाछो देकबा लाग जावे।”
13हनन्या जबाव दिदो, “परबू, में ईं मनक के वाते नरई लोगाऊँ हुण्यो हे। यरूसलेम में थाँने मानबावाळा लोगाँ की लारे अणी जो भी बुरो किदो हो, वो हारोई में हुण्यो हे। 14अन अटे भी ओ मोटा याजकाँऊँ अदिकार लेन थाँका नाम पे भरोसो राकबावाळा मनकाँ ने बन्दी बणाबा वाते आयो हे।”
15पण, परबू वींने क्यो, “थूँ जा। काँके ईं मनक ने हारी जात्या, राजा अन इजराएल का लोगाँ में मारो नाम फेलाबा वाते चुण्यो हे। 16मूँ वींने ओ हारोई बताऊँ, जो वींने मारा नाम के वाते सेण करणो पेड़ी।”
17अन हनन्या निकळग्यो अन वीं घर मयने ग्यो अन साउल पे आपणो हात मेल्यो अन क्यो, “भई साउल, परबू ईसू मने खन्दायो हे, जो थने गेला में दिकई दिदा हा, ताँके थूँ पाछो देकबा लाग जावे अन पुवितर आत्माऊँ भर जावे।” 18पछे तरत छोपटा जस्यान कई चीज वींकी आक्याँऊँ पड़ी अन पछे वींने दिकबा लागग्यो। वो ऊबो व्यो अन बतिस्मो लिदो। 19पछे खाणो खादा केड़े वींने तागत पाच्छी मलगी।
साउल को दमिसक में परच्यार
वो दमिसक में चेला की लारे थोड़ाक दन रियो। 20पछे वो यहूदी परातना घर में पूगो अन तरत परच्यार करबा लागो के, “ईसू ईंस परमेसर को पूत हे।”
21जणी भी ओ हुण्यो, तो अचम्बा में पड़ग्या अन केबा लागा, “कई ओ मनक वोईस हे, जो यरूसलेम में ईसू का नाम पे भरोसो करबावाळा मनकाँ ने मारतो हो? कई ओ मनक अटे वाँ लोगाँ ने पकड़न बन्दी बणान मोटा याजकाँ के हामे लेजाबा के वाते ने आयो हो?”
22पण, साउल अणीऊँ भी हेली सगतिऊँ परच्यार करतो हो के, दमिसक में रेबावाळा यहूदियाँ की बोलती बन्द कर देतो हो अन ओ साबत करन केतो हो के, “ईसू ईं मसी हे।”
23 #
2 कुरि 11:32,33 नरई दन निकळबा के केड़े यहूदी लोगाँ वींने मारबा की ओजणा लगई। 24पण, वाँकी ओजणा साउल ने नंगे पड़गी। वे लोग नगर का फाटक पे रात-दन ताकता रेता हाँ ताँके वींने मार नाके। 25पण, वींका चेला रात नेई वींने लेन, ठोपली में बेठाण नगर की बारली भींतऊँ लटकान वींने रेटे उतार दिदो।
साउल यरूसलेम में
26पछे जद्याँ वो यरूसलेम पूग्यो, तो वो चेला में भेळो वेबा वाते कोसीस करबा लागो। पण, वीं तो हारई जणा दरपग्या हा अन वाँने ओ भरोसो कोयने हो के, वो भी एक चेलो हे। 27पण, बरनबास वींकी मदत करबा ने आयो अन वींने थरप्या तका का नके लेग्यो। वणी वाँने बतायो के, साउल परबू ने गेला में कस्यान देक्या अन परबू वींऊँ कस्यान बाताँ किदी ही अन पछे दमिसक में वे कस्यान हिम्मत राकन ईसू नाम में परच्यार किदो। 28पछे साउल वींकी लारे यरूसलेम में आबाजाबा लागो अन बना दरप्या परबू नाम में उपदेस देतो हो। 29वो युनानी भासा बोलबावाळा यहूदियाँऊँ बात-बच्यार करतो, पण वे वींने मारबा वाते ताकरिया हा। 30पण, जद्याँ भई-बन्दा ने ईं बात को पतो पड़्यो, तो वे वींने केसरिया नगर लेग्या अन पछे तरसूस खन्दा दिदो।
31अस्यान वीं टेम में हारई यहूदियाँ, गलील अन सामरिया की मण्डळ्याँ सान्तीऊँ रेरी ही। ओरी हेली तागतवर वेबा लागी अन परबू ने मानता तका जीरिया हा अन पुवितर आत्मा वाँने ओरी मदत किदी, तो वे ओरी हेली वेबा लागी।
पतरस लिद्दा अन यापा देस में
32पछे वो पतरस हारी जगाँ जातरा करतो तको लिद्दा देस में ईसू ने मानबावाळा लोगाऊँ मलबाग्यो। 33वटे वींने एन्यास नाम को एक मनक मल्यो, जो आट वराऊँ खुतलियाँ पे पड़ग्यो हो, जिंने लकवो वेग्यो हो। 34पतरस वींने क्यो, “एन्यास, ईसू मसी थने हव करी, ऊबो वे अन आपणो वसाणो हामट” तो वो तरत ऊबो वेग्यो। 35पछे लिद्दा अन सारोन का रेवासी वींने देक्यो अन वीं परबू ने मानबा लागग्या।
36यापा में तबीता नाम की एक चेली रेती ही, जिंका नाम को मतलब हो “हरणी” वाँ हमेस्यान हव काम-काज करती अन गरीबा ने दान-पन करती। 37वाँ दनाँ मेंईस वाँ मांदी वेन मरगी। वाँकाणी वींकी लास ने हपड़ई अन पछे ऊपरे ओवरा में हुवाण दिदी। 38लिद्दा देस यापा नगर का भडे़ई हो। तो चेला जद्याँ ओ हुण्यो के पतरस लिद्दा में हे, तो वाँकाणी वींका नके दो मनक खन्दाया ताँके वीं वींऊँ अरज करे, “करपा करन, हट माकाँ नके आजा।” 39तो पतरस वाँकी लारे परोग्यो। जद्याँ पतरस वटे पूगो, तो वे वींने ऊपरे वीं ओवरा में लेग्या जटे हारी राडी-बायाँ रोती-धोती तकी वे गाबा-छींतरा बताती तकी च्यारूँमेर भेळी वेगी, जो गाबा वे तबीता नाम की चेली बणाया हा, जद वाँ वाँके हाते ही। 40पतरस हारई जणा ने बारणे खन्दान गोडा टेकन परातना किदी। पछे वीं लास दयने देकन क्यो, “हे तबीता, ऊबी वेजा।” वा आपणी आक्याँ खोलन पतरस ने देकती तकी उटी वेगी। 41वींने पतरस हात पकड़न ऊबी किदी अन पछे वाँ राडी-बायाँ अन ईसू ने मानबावाळा लोगाँ ने बलान वाँने हूँप दिदी। 42हारई यापा देस में ईं बात को पतो पड़ग्यो अन नरई लोगाँ परबू पे विस्वास किदो। 43पछे पतरस यापा मेंईस समोन नाम का एक चामड़ा को काम करबावाळा के घरे नरई दनाँ तईं रियो।
Iliyochaguliwa sasa
थरप्या तका का काम 9: एम टी आर
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
(c) 2010-2017, New Life Computer Institute. All rights reserved
थरप्या तका का काम 9
9
साउल को मन बदलणो
1साउल अबाणू भी परबू का चेला ने मारबा का वाते दरपातो हो। वो खास मोटा याजक नके ग्यो 2अन वे दमिसक का परातना-घराँ को वींने ओळकाण की एक पानड़ी देबा का वाते अरज किदी। ताँके वींने वटे कुई भी ईं पन्त को मनक मले, पलेई वा लुगई वेवे कन आदमी, वो वाँने बन्दी बणान पाच्छा यरूसलेम लावे।
3जद्याँ वो ग्यो अन दमिसक के भड़े पूग्यो, तो अणाचेत को वींके च्यारूँमेर आकासऊँ उजितो वेग्यो। 4वो रेटे पड़ग्यो अन एक अवाज हूणी, जो वींने केरी ही, “साउल, ए साउल! थूँ मने काँ हतारियो हे?”
5साउल पूँछ्यो, “परबू, थाँ कूण हो?”
वीं बोल्या, “मूँ ईसू हूँ, जिंने थूँ हतारियो हे।” 6पण, अबे थूँ ऊबो वेजा अन नगर में जा, वटे थने बता दिदो जाई के, थने कई करणो हे।
7जो भी मनक वींकी लारे जातरा कररिया हा, वीं छाना-माना ऊबा हा। वाँकाणी अवाज तो हूणी ही, पण किंनेई कई दिक्यो कोयने हो। 8पछे साउल ऊबो व्यो अन आपणी आक्याँ खोली, पण वो कई ने देक सक्यो। ईं वाते वींका हण्डाळी वींको हात पकड़न दमिसक लेग्या। 9तीन दनाँ तईं वो कई भी ने देक सक्यो हो अन नेईं कई खादो-पीदो हो।
10दमिसक में एक हनन्या नाम को एक विस्वासी रेतो हो। परबुजी वींने दरसावो देन क्यो, “हनन्या”।
तो वो बोल्यो, “परबू, मूँ अटे हूँ।”
11परबू वींने क्यो, “ऊबो वेजा अन ‘हेटा’ केबावावाळी गळी में जा अन वटे यहूदा का घरे जान तरसूस का रेवासी साउल नाम का एक मनक के वाते पूछताछ कर, वो परातना कररियो हे 12अन वणी एक दरसावो में देक्यो के, हनन्या नाम के एक मनक आन वींपे हात मेल्यो ताँके वो पाछो देकबा लाग जावे।”
13हनन्या जबाव दिदो, “परबू, में ईं मनक के वाते नरई लोगाऊँ हुण्यो हे। यरूसलेम में थाँने मानबावाळा लोगाँ की लारे अणी जो भी बुरो किदो हो, वो हारोई में हुण्यो हे। 14अन अटे भी ओ मोटा याजकाँऊँ अदिकार लेन थाँका नाम पे भरोसो राकबावाळा मनकाँ ने बन्दी बणाबा वाते आयो हे।”
15पण, परबू वींने क्यो, “थूँ जा। काँके ईं मनक ने हारी जात्या, राजा अन इजराएल का लोगाँ में मारो नाम फेलाबा वाते चुण्यो हे। 16मूँ वींने ओ हारोई बताऊँ, जो वींने मारा नाम के वाते सेण करणो पेड़ी।”
17अन हनन्या निकळग्यो अन वीं घर मयने ग्यो अन साउल पे आपणो हात मेल्यो अन क्यो, “भई साउल, परबू ईसू मने खन्दायो हे, जो थने गेला में दिकई दिदा हा, ताँके थूँ पाछो देकबा लाग जावे अन पुवितर आत्माऊँ भर जावे।” 18पछे तरत छोपटा जस्यान कई चीज वींकी आक्याँऊँ पड़ी अन पछे वींने दिकबा लागग्यो। वो ऊबो व्यो अन बतिस्मो लिदो। 19पछे खाणो खादा केड़े वींने तागत पाच्छी मलगी।
साउल को दमिसक में परच्यार
वो दमिसक में चेला की लारे थोड़ाक दन रियो। 20पछे वो यहूदी परातना घर में पूगो अन तरत परच्यार करबा लागो के, “ईसू ईंस परमेसर को पूत हे।”
21जणी भी ओ हुण्यो, तो अचम्बा में पड़ग्या अन केबा लागा, “कई ओ मनक वोईस हे, जो यरूसलेम में ईसू का नाम पे भरोसो करबावाळा मनकाँ ने मारतो हो? कई ओ मनक अटे वाँ लोगाँ ने पकड़न बन्दी बणान मोटा याजकाँ के हामे लेजाबा के वाते ने आयो हो?”
22पण, साउल अणीऊँ भी हेली सगतिऊँ परच्यार करतो हो के, दमिसक में रेबावाळा यहूदियाँ की बोलती बन्द कर देतो हो अन ओ साबत करन केतो हो के, “ईसू ईं मसी हे।”
23 #
2 कुरि 11:32,33 नरई दन निकळबा के केड़े यहूदी लोगाँ वींने मारबा की ओजणा लगई। 24पण, वाँकी ओजणा साउल ने नंगे पड़गी। वे लोग नगर का फाटक पे रात-दन ताकता रेता हाँ ताँके वींने मार नाके। 25पण, वींका चेला रात नेई वींने लेन, ठोपली में बेठाण नगर की बारली भींतऊँ लटकान वींने रेटे उतार दिदो।
साउल यरूसलेम में
26पछे जद्याँ वो यरूसलेम पूग्यो, तो वो चेला में भेळो वेबा वाते कोसीस करबा लागो। पण, वीं तो हारई जणा दरपग्या हा अन वाँने ओ भरोसो कोयने हो के, वो भी एक चेलो हे। 27पण, बरनबास वींकी मदत करबा ने आयो अन वींने थरप्या तका का नके लेग्यो। वणी वाँने बतायो के, साउल परबू ने गेला में कस्यान देक्या अन परबू वींऊँ कस्यान बाताँ किदी ही अन पछे दमिसक में वे कस्यान हिम्मत राकन ईसू नाम में परच्यार किदो। 28पछे साउल वींकी लारे यरूसलेम में आबाजाबा लागो अन बना दरप्या परबू नाम में उपदेस देतो हो। 29वो युनानी भासा बोलबावाळा यहूदियाँऊँ बात-बच्यार करतो, पण वे वींने मारबा वाते ताकरिया हा। 30पण, जद्याँ भई-बन्दा ने ईं बात को पतो पड़्यो, तो वे वींने केसरिया नगर लेग्या अन पछे तरसूस खन्दा दिदो।
31अस्यान वीं टेम में हारई यहूदियाँ, गलील अन सामरिया की मण्डळ्याँ सान्तीऊँ रेरी ही। ओरी हेली तागतवर वेबा लागी अन परबू ने मानता तका जीरिया हा अन पुवितर आत्मा वाँने ओरी मदत किदी, तो वे ओरी हेली वेबा लागी।
पतरस लिद्दा अन यापा देस में
32पछे वो पतरस हारी जगाँ जातरा करतो तको लिद्दा देस में ईसू ने मानबावाळा लोगाऊँ मलबाग्यो। 33वटे वींने एन्यास नाम को एक मनक मल्यो, जो आट वराऊँ खुतलियाँ पे पड़ग्यो हो, जिंने लकवो वेग्यो हो। 34पतरस वींने क्यो, “एन्यास, ईसू मसी थने हव करी, ऊबो वे अन आपणो वसाणो हामट” तो वो तरत ऊबो वेग्यो। 35पछे लिद्दा अन सारोन का रेवासी वींने देक्यो अन वीं परबू ने मानबा लागग्या।
36यापा में तबीता नाम की एक चेली रेती ही, जिंका नाम को मतलब हो “हरणी” वाँ हमेस्यान हव काम-काज करती अन गरीबा ने दान-पन करती। 37वाँ दनाँ मेंईस वाँ मांदी वेन मरगी। वाँकाणी वींकी लास ने हपड़ई अन पछे ऊपरे ओवरा में हुवाण दिदी। 38लिद्दा देस यापा नगर का भडे़ई हो। तो चेला जद्याँ ओ हुण्यो के पतरस लिद्दा में हे, तो वाँकाणी वींका नके दो मनक खन्दाया ताँके वीं वींऊँ अरज करे, “करपा करन, हट माकाँ नके आजा।” 39तो पतरस वाँकी लारे परोग्यो। जद्याँ पतरस वटे पूगो, तो वे वींने ऊपरे वीं ओवरा में लेग्या जटे हारी राडी-बायाँ रोती-धोती तकी वे गाबा-छींतरा बताती तकी च्यारूँमेर भेळी वेगी, जो गाबा वे तबीता नाम की चेली बणाया हा, जद वाँ वाँके हाते ही। 40पतरस हारई जणा ने बारणे खन्दान गोडा टेकन परातना किदी। पछे वीं लास दयने देकन क्यो, “हे तबीता, ऊबी वेजा।” वा आपणी आक्याँ खोलन पतरस ने देकती तकी उटी वेगी। 41वींने पतरस हात पकड़न ऊबी किदी अन पछे वाँ राडी-बायाँ अन ईसू ने मानबावाळा लोगाँ ने बलान वाँने हूँप दिदी। 42हारई यापा देस में ईं बात को पतो पड़ग्यो अन नरई लोगाँ परबू पे विस्वास किदो। 43पछे पतरस यापा मेंईस समोन नाम का एक चामड़ा को काम करबावाळा के घरे नरई दनाँ तईं रियो।
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
(c) 2010-2017, New Life Computer Institute. All rights reserved