थरप्या तका का काम 2
2
पुवितर आत्मा को आणो
1 #
वे.वि 16:9–11
जद्याँ पिन्तेकुस#2:1 यहूदियाँ का फसे का तेंवार के केड़े पचासवाँ दन ने पिन्तेकुस को दन केवे हे। वणा दनाँ में हाक काटबा को भी तेवार वेवे हे। के तेवार को दन आयो, तो वीं हारई विस्वासी जणा एक जगाँ पे भेळा वेग्या हा। 2वीं दाण आकासऊँ डूँज के जस्यान अवाज अई अन जणी घर में वे बेटा हा, वो घर गूँज उट्यो। 3अन वाँने हगलती तकी वादी की लपटा जीब का जस्यान दिकबा लागी अन वीं हरेक का ऊपरे आगी। 4वीं हाराई जणा पुवितर आत्माऊँ भरग्या अन जस्यान पुवितर आत्मा की सामरत वाँने मली वीं तरे-तरे की बोली में बोलबा लागा। 5वटे यरूसलेम में धरती का हारई देसाऊँ आया तका यहूदी भगत हा। 6जद्याँ वटे आ अवाज अई, तो भीड़-भाड़ भेळी वेगी। अन अचम्बा में पड़गी काँके वणा हुण्यो के, वीं हारई विस्वास्याँ हूणबावाळा की भासा में बोलरिया हा। 7तो वीं ओरी अचम्बा में पड़न बोल्या के, “ये हंगळा बोलबावाळा गलील हिमाड़ा का कोयने कई? 8तो पछे आपाँ मूँ हरेक मनक अणाने आपणीस बोली में बोलतो तको कस्यान हुणरियो हे। 9आपाँ में पारथी, मेदी अन एलामी, मेसोपोटामियाँ का रेवासी, यहूदियाँ अन कापुदुक्या, पुन्तुस अन आसिया 10फ्रिग्या अन पंपिलिया, मिसर अन सायरस नगर के भड़े का लिबिया परदेस का मनक, रोमऊँ आया जातरी हे। 11करेती अन अरब देस में रेबावाळा, ज्यामें यहूदी धरम मानबावाळा लोग-बाग अन कुई तो जनमऊँ यहूदी हा। पण आपाँ सब जणा परमेसर का अचम्बा में नाकबावाळा कामाँ ने आपणी-आपणी भासा मेंईस कस्यान हुणरिया हा?” 12वीं हारई जणा अचम्बा पड़ग्या अन घबराग्या, एक-दूजाऊँ पुछ रिया हा के, “ओ हारोई कई वेरियो हे?” 13पण दूजाँ लोगाँ चेला की मजाक उडान केरिया हा, “वणा तो दारू पीं मेल्यो हे।”
पतरस को भास्यण
14पतरस वाँ ग्याराई चेला की लारे ऊबो वेन जोरऊँ केबा लागो, “ओ यहूदी लोगाँ अन यरूसलेम का रेवास्याँ ईं बात को पतो थाँने पड़बा दो अन थाँ कान लगान मारी हुणो। 15ईं लोग-बाग नसा में कोयने हे जस्यान थाँ हमजरिया हो, अबाणू तो दन को पेलो पोर व्यो हे। 16पण या बात वा हे, जो योएल परमेसर का आड़ीऊँ बोलबावाळा की ही,
17“‘परमेसर केवे के अन्त की टेम में अस्यो वेई के,
मूँ आपणी आत्मा हारई मनकाँ में नाकूँ,
थाँका बेटा-बेटी परमेसर का आड़ीऊँ बोलबा लाग जाई,
थाँका मोट्यार मनक दरसावो देकी,
अन भूण्डा-ठाड़ा लोग-बाग हपनो देकी।
18हाँ, वाँ दनाँ मेंईस, मूँ आपणाँ दास-दास्याँ में भी आत्मा नाक देऊँ,
तो वीं भी परमेसर का आड़ीऊँ बोलबा लाग जाई।
19अन मूँ आकास पे अनोका काम करूँ
अन धरती पे हेन्याणी बताऊँ।
वाँ दनाँ में खून, वादी अन धूवाड़ा का बादळा वेई।
20परबू के पाच्छा आबा के मेमा अन बड़ो दन आबा की बगतऊँ पेल्याँ,
सुरज काळो अन चाँद खून जस्यान रातो वे जाई।
21अन जो भी परबू ने हेलो पाड़ी वीं हंगळा बंचाया जाई।’”
22“ओ इजराएल का लोगाँ, आ बाताँ हुणो, परमेसर, ईसू नासरीऊँ अनोका काम, परच्या अन हेन्याण्याँ करान ओ साबत किदो के, वणा वींने थाँका वातेईस खन्दायो हे, जो थाँके गाबे व्यो हे अन थाँ खुद भी जाणो हो। 23#मत्ती 27:35; मर 15:24; लूका 23:33; यहु 19:18ईसू ने परमेसर आपणी पाक्की ओजणा अन पेली का ग्यानऊँ होच-हमजन थाँने हूँप्यो अन थाँकाणी वींने नीच मनकाँ का हाताँ में पकड़वान हूळी पे खीलाँ ठुकवान मरवा नाक्यो। 24#मत्ती 28:5,6; मर 16:6; लूका 24:5पण, परमेसर वींने मोत का दकऊँ छुड़ान पाछो जीवतो कर दिदो, काँके वाँका वाते ओ वे ने सके के, मोत वींने आपणाँ बस में राके। 25#भज 16:8–11जस्यान के दाऊद वींका बारा में क्यो हे,
“‘में परबुजी ने हमेस्यान आपणाँ हामेईस देक्या हे,
वीं मारा हाते हे, ताँके मूँ डगूँ कोयने।
26ईंऊँ मारो मन राजी हे,
अन मारा मुण्डाऊँ राजी-खुसी की बाताँ निकळी, मारी काया भी आस में जीई,
27काँके थूँ मारी आत्माने पाताळ मेंईस ने छोड़ी,
थूँ आपणाँ ईं पुवितर मनक ने कबर में हड़बा ने देई।
28थें मने जीबा को गेलो बतायो हे,
थाँ मारा लारे रेन मने आणन्दऊँ भर देवो।’”
29“ओ मारा भई-लोगाँ, मूँ पूरा भरोसाऊँ आपणाँ बड़ाबा दाऊद का बारा में थाँने बता सकूँ के, वींकी मोत वेगी अन वींने गाड़ दिदो, अटा तईं के, वींकी कबर अटे आज भी मोजुद हे। 30#भज 132:11पण, वो एक परमेसर का आड़ीऊँ बोलबावाळो हो अन जाणतो हो के, परमेसर वींने अस्यान बचन दिदो के, वो वींका बंसऊँ किंने भी एक जणा ने आपणी गाद्दी पे बेटाई। 31दाऊद पेल्याँईं देक्यो के, आगे कई वेई ईं वाते वाँकाणी ईसू मसी के पाछो जीवतो वे जाबा का बारा में बतायो हे के,
“‘वींने पाताळ में ने छोड़्यो
अन नेईं वींको सरीर कबर में हड़्यो-गळ्यो।’”
32अणीस ईसू ने परमेसर पाछो जीवतो कर दिदो, ईं बात का माँ हारई गवा हाँ। 33ईसू परमेसर का जीमणा पाल्डे आपणो हंगळाऊँ ऊसी जगाँ बिराजो अन जस्यान परमेसर वादो किदो वस्यान पुवितर आत्मा पई। वाईस पुवितर आत्मा आपणाँ ने दे दिदी, जिंका बारा थाँ देकरिया अन हुणरिया हो। 34#भज 110:1दाऊद खुद तो हरग में ने ग्यो, पण वो केवे हे,
“‘परमपिता परमेसर मारा परबूऊँ क्यो के,
मारा जीमणा पाल्डे बेटो,
35जतरे मूँ थाँका दसमणा ने थाँका पगाँ का बाजोट ने कर दूँ।’”
36ओ इजराएल, ईं वाते आ बात पाक्की मान लेवो के, जिंने थाँ हूळी पे चड़ा दिदो हे वणीस ईसू ने परमेसर, परबू अन मसी बणायो हो। 37लोग-बागाँ जद्याँ ओ हुण्यो, तो वाँको मन दकी वेग्यो अन पतरस की लारे दूजाँ चेलाऊँ क्यो, “तो भायाँ, माने कई करणो छावे?”
38पतरस वाँने क्यो, “मन ने बदलो अन आपणाँ पापाँ की मापी के वाते थें हारई ईसू मसी का नामऊँ बतिस्मो लेवो। परमेसर थाँने पापाऊँ मापी देई अन थाँने पुवितर आत्मा को दान मल जाई। 39काँके ओ वादो थाँका वाते, थाँका छोरा-छोरी अन वाँ हंगळा जणा के वाते जो नरई छेटी हे, अन वाँ हाराई लोगाँ का वाते ज्याँने परमेसर आपणाँ नके बलावे हे।”
40पतरस नरई बाताँ केन गवई देन अन अरज करन क्यो, “ईं खराब पिड़ीऊँ खुद ने बंचान राको।” 41वामूँ जणी-जणी सन्देसा ने मान्यो, वाँने बतिस्मो दिदो ग्यो अन वीं दन वाँकी मण्डली में लगे-भगे तीनेक हजार लोग-बाग मलग्या। 42वाँकाणी थरप्या तका चेला का उपदेस, सत्संग, परबू ने आद करता तका रोटी तोड़णी अन परातना में आपणो जीव लगा दिदो हो।
विस्वास्याँ को जीवन
43चेला अनोका अन परच्या का काम करबा लागा, वींऊँ हारई मनक हक्का-बक्का रेग्या। 44#थर 4:32–35हारई विस्वासी एक लारे हा अन वाँका नके जो भी हो, वींने वे बाँट लेता हा। 45वाँकाणी आपणी जमीं-जादाद अन दूजी चिजाँ बेंच देता हाँ अन जरूत के जस्यान वाँ हारई में बाँट देता हा। 46वीं हरेक दन एक मन वेन मन्दर में मलता रेता हा। वीं आपणाँ घराँ में राजी वेता तका हुदा मनऊँ मल-जुलन रोटी तोड़ता अन खाता हा 47परबू की बड़ई करता अन हंगळा लोगाँ का भलई का कामऊँ राजी वेता। अन परमेसर हरेक दन बंचाया तका लोगाँ ने आपणी मण्डली में भेळा कर देता।
Iliyochaguliwa sasa
थरप्या तका का काम 2: एम टी आर
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
(c) 2010-2017, New Life Computer Institute. All rights reserved
थरप्या तका का काम 2
2
पुवितर आत्मा को आणो
1 #
वे.वि 16:9–11
जद्याँ पिन्तेकुस#2:1 यहूदियाँ का फसे का तेंवार के केड़े पचासवाँ दन ने पिन्तेकुस को दन केवे हे। वणा दनाँ में हाक काटबा को भी तेवार वेवे हे। के तेवार को दन आयो, तो वीं हारई विस्वासी जणा एक जगाँ पे भेळा वेग्या हा। 2वीं दाण आकासऊँ डूँज के जस्यान अवाज अई अन जणी घर में वे बेटा हा, वो घर गूँज उट्यो। 3अन वाँने हगलती तकी वादी की लपटा जीब का जस्यान दिकबा लागी अन वीं हरेक का ऊपरे आगी। 4वीं हाराई जणा पुवितर आत्माऊँ भरग्या अन जस्यान पुवितर आत्मा की सामरत वाँने मली वीं तरे-तरे की बोली में बोलबा लागा। 5वटे यरूसलेम में धरती का हारई देसाऊँ आया तका यहूदी भगत हा। 6जद्याँ वटे आ अवाज अई, तो भीड़-भाड़ भेळी वेगी। अन अचम्बा में पड़गी काँके वणा हुण्यो के, वीं हारई विस्वास्याँ हूणबावाळा की भासा में बोलरिया हा। 7तो वीं ओरी अचम्बा में पड़न बोल्या के, “ये हंगळा बोलबावाळा गलील हिमाड़ा का कोयने कई? 8तो पछे आपाँ मूँ हरेक मनक अणाने आपणीस बोली में बोलतो तको कस्यान हुणरियो हे। 9आपाँ में पारथी, मेदी अन एलामी, मेसोपोटामियाँ का रेवासी, यहूदियाँ अन कापुदुक्या, पुन्तुस अन आसिया 10फ्रिग्या अन पंपिलिया, मिसर अन सायरस नगर के भड़े का लिबिया परदेस का मनक, रोमऊँ आया जातरी हे। 11करेती अन अरब देस में रेबावाळा, ज्यामें यहूदी धरम मानबावाळा लोग-बाग अन कुई तो जनमऊँ यहूदी हा। पण आपाँ सब जणा परमेसर का अचम्बा में नाकबावाळा कामाँ ने आपणी-आपणी भासा मेंईस कस्यान हुणरिया हा?” 12वीं हारई जणा अचम्बा पड़ग्या अन घबराग्या, एक-दूजाऊँ पुछ रिया हा के, “ओ हारोई कई वेरियो हे?” 13पण दूजाँ लोगाँ चेला की मजाक उडान केरिया हा, “वणा तो दारू पीं मेल्यो हे।”
पतरस को भास्यण
14पतरस वाँ ग्याराई चेला की लारे ऊबो वेन जोरऊँ केबा लागो, “ओ यहूदी लोगाँ अन यरूसलेम का रेवास्याँ ईं बात को पतो थाँने पड़बा दो अन थाँ कान लगान मारी हुणो। 15ईं लोग-बाग नसा में कोयने हे जस्यान थाँ हमजरिया हो, अबाणू तो दन को पेलो पोर व्यो हे। 16पण या बात वा हे, जो योएल परमेसर का आड़ीऊँ बोलबावाळा की ही,
17“‘परमेसर केवे के अन्त की टेम में अस्यो वेई के,
मूँ आपणी आत्मा हारई मनकाँ में नाकूँ,
थाँका बेटा-बेटी परमेसर का आड़ीऊँ बोलबा लाग जाई,
थाँका मोट्यार मनक दरसावो देकी,
अन भूण्डा-ठाड़ा लोग-बाग हपनो देकी।
18हाँ, वाँ दनाँ मेंईस, मूँ आपणाँ दास-दास्याँ में भी आत्मा नाक देऊँ,
तो वीं भी परमेसर का आड़ीऊँ बोलबा लाग जाई।
19अन मूँ आकास पे अनोका काम करूँ
अन धरती पे हेन्याणी बताऊँ।
वाँ दनाँ में खून, वादी अन धूवाड़ा का बादळा वेई।
20परबू के पाच्छा आबा के मेमा अन बड़ो दन आबा की बगतऊँ पेल्याँ,
सुरज काळो अन चाँद खून जस्यान रातो वे जाई।
21अन जो भी परबू ने हेलो पाड़ी वीं हंगळा बंचाया जाई।’”
22“ओ इजराएल का लोगाँ, आ बाताँ हुणो, परमेसर, ईसू नासरीऊँ अनोका काम, परच्या अन हेन्याण्याँ करान ओ साबत किदो के, वणा वींने थाँका वातेईस खन्दायो हे, जो थाँके गाबे व्यो हे अन थाँ खुद भी जाणो हो। 23#मत्ती 27:35; मर 15:24; लूका 23:33; यहु 19:18ईसू ने परमेसर आपणी पाक्की ओजणा अन पेली का ग्यानऊँ होच-हमजन थाँने हूँप्यो अन थाँकाणी वींने नीच मनकाँ का हाताँ में पकड़वान हूळी पे खीलाँ ठुकवान मरवा नाक्यो। 24#मत्ती 28:5,6; मर 16:6; लूका 24:5पण, परमेसर वींने मोत का दकऊँ छुड़ान पाछो जीवतो कर दिदो, काँके वाँका वाते ओ वे ने सके के, मोत वींने आपणाँ बस में राके। 25#भज 16:8–11जस्यान के दाऊद वींका बारा में क्यो हे,
“‘में परबुजी ने हमेस्यान आपणाँ हामेईस देक्या हे,
वीं मारा हाते हे, ताँके मूँ डगूँ कोयने।
26ईंऊँ मारो मन राजी हे,
अन मारा मुण्डाऊँ राजी-खुसी की बाताँ निकळी, मारी काया भी आस में जीई,
27काँके थूँ मारी आत्माने पाताळ मेंईस ने छोड़ी,
थूँ आपणाँ ईं पुवितर मनक ने कबर में हड़बा ने देई।
28थें मने जीबा को गेलो बतायो हे,
थाँ मारा लारे रेन मने आणन्दऊँ भर देवो।’”
29“ओ मारा भई-लोगाँ, मूँ पूरा भरोसाऊँ आपणाँ बड़ाबा दाऊद का बारा में थाँने बता सकूँ के, वींकी मोत वेगी अन वींने गाड़ दिदो, अटा तईं के, वींकी कबर अटे आज भी मोजुद हे। 30#भज 132:11पण, वो एक परमेसर का आड़ीऊँ बोलबावाळो हो अन जाणतो हो के, परमेसर वींने अस्यान बचन दिदो के, वो वींका बंसऊँ किंने भी एक जणा ने आपणी गाद्दी पे बेटाई। 31दाऊद पेल्याँईं देक्यो के, आगे कई वेई ईं वाते वाँकाणी ईसू मसी के पाछो जीवतो वे जाबा का बारा में बतायो हे के,
“‘वींने पाताळ में ने छोड़्यो
अन नेईं वींको सरीर कबर में हड़्यो-गळ्यो।’”
32अणीस ईसू ने परमेसर पाछो जीवतो कर दिदो, ईं बात का माँ हारई गवा हाँ। 33ईसू परमेसर का जीमणा पाल्डे आपणो हंगळाऊँ ऊसी जगाँ बिराजो अन जस्यान परमेसर वादो किदो वस्यान पुवितर आत्मा पई। वाईस पुवितर आत्मा आपणाँ ने दे दिदी, जिंका बारा थाँ देकरिया अन हुणरिया हो। 34#भज 110:1दाऊद खुद तो हरग में ने ग्यो, पण वो केवे हे,
“‘परमपिता परमेसर मारा परबूऊँ क्यो के,
मारा जीमणा पाल्डे बेटो,
35जतरे मूँ थाँका दसमणा ने थाँका पगाँ का बाजोट ने कर दूँ।’”
36ओ इजराएल, ईं वाते आ बात पाक्की मान लेवो के, जिंने थाँ हूळी पे चड़ा दिदो हे वणीस ईसू ने परमेसर, परबू अन मसी बणायो हो। 37लोग-बागाँ जद्याँ ओ हुण्यो, तो वाँको मन दकी वेग्यो अन पतरस की लारे दूजाँ चेलाऊँ क्यो, “तो भायाँ, माने कई करणो छावे?”
38पतरस वाँने क्यो, “मन ने बदलो अन आपणाँ पापाँ की मापी के वाते थें हारई ईसू मसी का नामऊँ बतिस्मो लेवो। परमेसर थाँने पापाऊँ मापी देई अन थाँने पुवितर आत्मा को दान मल जाई। 39काँके ओ वादो थाँका वाते, थाँका छोरा-छोरी अन वाँ हंगळा जणा के वाते जो नरई छेटी हे, अन वाँ हाराई लोगाँ का वाते ज्याँने परमेसर आपणाँ नके बलावे हे।”
40पतरस नरई बाताँ केन गवई देन अन अरज करन क्यो, “ईं खराब पिड़ीऊँ खुद ने बंचान राको।” 41वामूँ जणी-जणी सन्देसा ने मान्यो, वाँने बतिस्मो दिदो ग्यो अन वीं दन वाँकी मण्डली में लगे-भगे तीनेक हजार लोग-बाग मलग्या। 42वाँकाणी थरप्या तका चेला का उपदेस, सत्संग, परबू ने आद करता तका रोटी तोड़णी अन परातना में आपणो जीव लगा दिदो हो।
विस्वास्याँ को जीवन
43चेला अनोका अन परच्या का काम करबा लागा, वींऊँ हारई मनक हक्का-बक्का रेग्या। 44#थर 4:32–35हारई विस्वासी एक लारे हा अन वाँका नके जो भी हो, वींने वे बाँट लेता हा। 45वाँकाणी आपणी जमीं-जादाद अन दूजी चिजाँ बेंच देता हाँ अन जरूत के जस्यान वाँ हारई में बाँट देता हा। 46वीं हरेक दन एक मन वेन मन्दर में मलता रेता हा। वीं आपणाँ घराँ में राजी वेता तका हुदा मनऊँ मल-जुलन रोटी तोड़ता अन खाता हा 47परबू की बड़ई करता अन हंगळा लोगाँ का भलई का कामऊँ राजी वेता। अन परमेसर हरेक दन बंचाया तका लोगाँ ने आपणी मण्डली में भेळा कर देता।
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
(c) 2010-2017, New Life Computer Institute. All rights reserved