2 कुरिन्थियों 6
6
1माँ परमेसर का हाते वाँको काम करबा का मस थाँकाऊँ अरज करा हाँ के, परमेसर की दया ज्यो थाँका पे वीं हे वींने बेकार मती वेबा दिज्यो। 2#यसा 49:8काँके परमेसर केवे हे के,
“जद्याँ थाँकी मदत करबा को टेम आयो
तो में थाँकी हुण लिदी
अन मूँ बंचाबा का दन
थाँकी मदत किदी।”
देको “सई टेम” याईस हे अन देको “बंचाबा को दन” भी योईस हे।
पोलुस की परेसानी
3माँ कणी का वाते ठोकर ने बणा, जणीऊँ किंने भी माँकी सेवा में कई कमी ने मले। 4पण माँ तो परमेसर का हव दास का जस्यान खुद ने साबत करा हाँ, धीरज का हाते हारोई सेण करता तका दुक में, अबकी टेम में, परेसानी में, 5#थर 16:23मार खाता तका, जेळ में रेता तका, कळेस में रेता तका, मेनत करन, रात-दन जागन, भूका रेन भी, 6खुद ने पुवितर राकन, ग्यान अन धीरजऊँ, अन दया करन अन पुवितर आत्माऊँ, हाँचा परेमऊँ 7अन हाँच का हमच्यारऊँ अन परमेसर की तागतऊँ माँ माकाँ हाताँ में परमेसर का हामे सई ठेराबावाळी ढाल लेन, 8माँ इजत, अपमान में अन मान पाबा में अन बेजत वेबा में आगे राका हाँ। माँने मनक ठग हमजे हे, जद्याँ के माँ हाँचा हाँ। 9माँने फोगट्या हमजे हे जद्याँ के माँ तो मान्याँ तका हाँ अन माँने मरिया तका जाणे हे, जद्याँ के माँ तो जीवता हाँ। माँने दण्ड पाबावाळा का जस्यान जाणे हे, तद्याँ भी माँ मोत ने ने हुप्याँ जावाँ हाँ 10अणीऊँ माँ घणा दकी हाँ, पण हमेस्यान राजी रेवा हाँ। माँ गरीब हा, पण माँ तो नरई ने धनवान बणावा हाँ। माकाँ नके कई ने हे, जद्याँ के माकाँ नके हारोई हे।
11हो कुरिन्थियाँ का लोगाँ माँ थाँकाऊँ खुलन बाताँ करा हा अन माँको मन थाँका वाते खुलो हे। 12ज्यो परेम माँ थाँकाऊँ करा हाँ, वो कम ने व्यो हे, पण थाँ माँकाऊँ परेम करणो छोड़ दिदो हे। 13मूँ या बात थाँने मारा छोरा-छोरी जाणन केरियो हूँ के, थाँने भी मारा वाते थाँका मन ने खोलन राकणो छावे।
बना विस्वासवाळा मनकाँ की संगत मती करो
14बना विस्वासवाळा मनकाँ का हण्डाळ्याँ मती बणो, काँके धारमिकता को पाप का हाते कई मेळ ने हे। अन्दारा की उजिता का हाते कस्यान संगती वे सके हे? 15अस्यानीस मसी को सेतान बलियालऊँ कई लेणो-देणो ने हे। बना विस्वासवाळा मनक को विस्वासी का हाते कई मेळ ने हे। 16#1 कुरि 3:16; 6:19परबू का मन्दर को मूरत्याऊँ कई वेवार? काँके आपाँ खुदईस जीवता परमेसर का मन्दर हा, जस्यान वणा खुदईस क्यो हो,
“मूँ वाँका में वास करिया करूँ,
वाँका में चालूँ-फरूँ।
मूँ वाँको परमेसर वेऊँ
अन वीं मारा मनक वेई।
17 #
यसा 52:11
“ईं वाते परबू केवे हे के,
थाँ वणाऊँ न्यारा वेन बारणे निकळो,
वणाऊँ खुद ने छेटी करो
अन ज्यो खराब हे वींके कदी भी हात मती अड़ाज्यो
तद्याँईस मूँ थाँने अपाणाऊँ।
18 #
यसा 43:6; यर 31:9 मूँ थाँको बापू वेऊँ,
अन थाँ मारा छोरा-छोरी वेवो।
आ बात परम सगतीमान परबू केवे हे।”
Iliyochaguliwa sasa
2 कुरिन्थियों 6: एम टी आर
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
(c) 2010-2017, New Life Computer Institute. All rights reserved