2 कुरिन्थियों 3
3
नुवी करार का दास
1कई माँ माँकी बड़ई खुदईस करबा लागा हाँ? कन माँ दूजाँ मनकाँ का जस्यान जेग को कागद लिकन थाँने देणो छावाँ कन थाँकाऊँ लेणो छावाँ हा? 2मारो कागद तो थाँ खुद हो, ज्यो मारा हरदा पे लिक्यो तको हे जिंने हाराई मनक जाणे अन भणे हे। 3#निर 24:12; यर 31:33अन थाँ भी तो अस्यानीस दिको हो जस्यान थाँ मसी को कागद हो अन जिंने माकाँ हाते खन्दायो ग्यो हे, जिंने सईऊँ ने लिक्यो ग्यो हे पण ओ परमेसर की आत्माऊँ लिक्यो ग्यो हे अन ईंने भाटा पे ने लिक्यो ग्यो हे पण ईंने मनकाँ का हरदा पे लिक्यो ग्यो हे।
4माँ मसी का वजेऊँ परमेसर पे योईस भरोसो राका हाँ। 5ईंको ओ अरत ने हे के, माँ माँकी तागतऊँ होच-हमजन अस्यान करा हाँ। माँ माँकी तागतऊँ कई ने कर सका हाँ पण माने तागत तो परमेसरइस देवे हे। 6#यर 31:31अन वणाईस माने नवा करार का दास वेबा का वाते बलाया हे। आ कस्यी लिकी तकी बात तो ने हे पण आ तो आत्मा को करार हे, काँके लिकी तकी बाताँ तो मनक ने मारे हे पण आत्मा वाँने जीवन देवे हे।
7 #
निर 34:29
मूसा का नेम का जस्यान सेवा मोत लेन अई ही, वीं नेम भाटा पे लिकन दिदा ग्या हा। जद्याँ ईं नेम दिदा ग्या हा, वीं टेम परमेसर की मेमा परगट वीं। वीं दाण मूसा को मुण्डो घणो चमकिलो हो पण वाँ चमक धीरे-धीरे कम वेरी ही, तद्याँ भी इजराएल का मनक वींको मुण्डो भी ने देक सक्या। 8तो पछे आत्मा का जस्यान वेबावाळी सेवा वणीऊँ हेली चमकिली काँ ने वेई? 9जद्याँ दोसी ठेरबावाळी सेवा चमकिली हे, तो पछे परमेसर का हामे सई ठेरबावाळी सेवा वणीऊँ भी हेली चमकिली काँ ने वेई? 10अणी नुवी सेवा की चमक अतरी हे के, वींका हामे मूसा का नेम की सेवा की चमक कई भी ने हे। 11काँके वणी सेवा की चमक ज्याँ जाबावाळी हे, पण वाँ चमकिली हे तो आ चमक ज्यो जाबावाळी ने हे वाँ कतरी चमकिली वेई?
12आपाँ अणी नुवी आस का वजेऊँ बेधड़क वेन परच्यार कराँ हाँ। 13#निर 34:33आपाँ वणी मूसा के जस्यान ने हाँ, ज्यो आपणाँ मुण्डा ने परदाऊँ ढाक्या राकतो हो, काँके कदी अस्यान ने वे जावे के, इजराएल का मनक आपणी आक्याँऊँ वीं चमक ने देक ले ज्या धीरे-धीरे कम वेरी ही। 14पण वाँकी अकल बन्द वेगी ही अन वीं अबाणू तईं वणी जूना करार ने भणे हे। ईं वजेऊँ अबाणू भी वोईस परदो वाँकी आक्याँ पे पड़्यो तको हे अन ओ परदा बेस मसीइस छेटी कर सके हे। 15अबाणू भी मूसा की नेमा ने भण्या जावे हे, तो वणा भणबावाळा का हरदा पे वोईस परदो पड़ जावे हे। 16#निर 34:34पण जिंको मन परबू का आड़ी फरे हे, वींका हरदाऊँ वो परदो छेटी कर दिदो जावे हे। 17देको, परबू तो आत्मा हे अन जटे परबू की आत्मा हे वटेईस छुटकारो हे। 18जद्याँ आपाँ उगाड़ा मुण्डाऊँ काँस का जस्यान परबू की चमक को चलको पाड़ा हाँ, तो आपाँ भी वींके जस्यान वेबा लागा हाँ अन वाँ चमक आपाँ में ओरू भी हेलीऊँ हेली वेबा लागे हे अन आ चमक भी परबू का आड़ीऊँइस आवे हे, मतलब आत्माऊँ।
Iliyochaguliwa sasa
2 कुरिन्थियों 3: एम टी आर
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
(c) 2010-2017, New Life Computer Institute. All rights reserved