ಲೂಕೆ ಪುಸ್ತಕದ ಪೊಲಬು
ಪುಸ್ತಕದ ಪೊಲಬು
ಸತ್ಯವೇದದ ಒಡಂಬಡಿಕೆಡ್ ಸುರುತ್ತ ನಾಲ್ ಪುಸ್ತಕೊಲೆಡ್ ಒಂಜಾದುಪ್ಪು ಲೂಕೆ ಬರೆತಿ ಸುವಾರ್ತೆ ಪನ್ಪಿನವು ಯೇಸು ಕ್ರಿಸ್ತನ ಬದ್‌ಕ್‌ನ್ ತೆರಿಪಾದ್ ಕೊರ್ಪುಂಡು. ಲೂಕೆ ಯೇಸು ಕ್ರಿಸ್ತನ ಬದ್‌ಕ್‌ದ ಕತೆನ್ ಮಾತ್ರ ಬರೆತಿನಿ ಅತ್ತಂದೆ ಯೇಸು ಕ್ರಿಸ್ತೆ ಸೈತ್‌ದ್ ಸ್ವರ್ಗಲೋಕೊಗು ಪೋಯಿ ಬೊಕ್ಕ ಆಯನ ಶಿಷ್ಯೆರ್‌ನಾಕುಲು ಮಲ್ತಿ ಕಾರ್ಯೊಲೆನ್ಲಾ ಅಪೊಸ್ತಲೆರೆ ಕ್ರಿಯೊಲು ಪನ್ಪಿ ಪುಸ್ತಕೊಡು ಲೂಕೆನೆ ಬರೆತೆ. ಈ ಸುವಾರ್ತೆ ಬರೆತಿ ಕಾಲ ಒವು, ಉಂದೆನ್ ಓಲು ಬರೆತೆರ್ ಅಂದ್‌ದ್ ಎರೆಗ್ಲಾ ಗೊತ್ತಿಜಿ, ಆಂಡ ಸಂಶೋಧಕೆರ್ ಉಂದು ಯೇಸು ಸೈತ್‌ದ್ ಎಲ್ಪ ವರ್ಸೊಡ್ದು ಬೊಕ್ಕ ಬರೆತಿನವು ಆದುಂಡು ಅಂದ್‌ದ್ ಅಭಿಪ್ರಾಯ ಪಡೆಪೆರ್.
ಈ ಸುವಾರ್ತೆ ಬರೆತಿನಾಯನ ಪುದರ್ ಲೂಕೆ. ಆಯೆ ಮರ್ದ್‌ದ ಗೇನೊನು ಕಲ್ತ್‌ದ್ ಪಂಡಿತೆ ಆದಿತ್ತೆ. ಆಯನ ಬರವು ಬೊಕ್ಕ ಆಯೆ ಉಪಯೋಗ ಮಲ್ತಿ ಭಾಷೆಲೆಡ್ ಆಯೆ ಬರವು ತೆರಿದಿ ನರಮಾನಿ ಅಂದ್‌ದ್ ತೋಜಿದ್ ಬರ್ಪುಂಡು. ಯೇಸುನ ಚರಿತ್ರೆನ್ ವಿವರವಾದ್ ಬರೆವೊಡು ಪನ್ಪಿ ಮನಸ್‌ಡ್ ಲೂಕೆ ಉಂದೆನ್ ಬರೆತಿನೆಡ್ದ್ ಅಲ್ಪ ನಡೆತಿ ಸಂಗತಿಲೆನ್, ಓದುನಗ ಕಣ್ಣ್‌ಗ್ ಕಟ್ಟಿಲೆಕ್ಕ ತೋಜಿದ್ ಬರ್ಪುಂಡು (ಲೂಕೆ 1:13). ಆಯೆ ಪಿದಯಿದಾಕುಲೆಗ್ಲಾ ಅರ್ಥ ಆಪಿಲೆಕ್ಕ ಬರೆತೆ. ಉಂದು ಯೆಹೂದಿ ಸಂಸ್ಕೃತಿನ್ ಬುಡ್ಪಾದ್ ಕೊರ್ಪುಂಡು (ಲೂಕೆ 1:8).
ಲೂಕೆ ಬರೆತಿ ಸುವಾರ್ತೆ ಮತ್ತಾಯೆ ಬರೆತಿ ಸುವಾರ್ತೆದ ಲೆಕ್ಕನೇ ಉಂಡು. ದಾಯೆ ಪಂಡ ಐಟ್‌ಲಾ ಅವ್ವೇ ತರೊಟು ನಡತಿ ಸಂಗತಿಲೆನ್ ಇತ್ತಿಲೆಕ್ಕನೆ ಬರೆತೆ. ಆಂಡ ಲೂಕೆ ಬರೆತಿ ಸುವಾರ್ತೆಡ್ ಯೇಸು ಕ್ರಿಸ್ತನ ಜನನ, ಸ್ನಾನಿಕೆ ಆಯಿ ಯೋಹಾನೆ ಪುಟ್ಟುನ ಸಂಗತಿಡ್ ಹೆಚ್ಚಿನ ವಿವರ ಉಂಡು. ಲೂಕೆ ಮಾಪು ಮಲ್ಪುನೆತ ವಿಷಯೊಡ್ಲಾ ಮಸ್ತ್ ಒತ್ತು ಕೊರ್ದು ಬರೆತಿಲೆಕ್ಕ ತೆರಿದ್ ಬರ್ಪುಂಡು. ಅದ್ಯಾಯೊಲು (3:3; 11:4; 17:3,4; 23:34; 24:47) ಬೊಕ್ಕ ಪ್ರಾರ್ಥನೆಲು ಅದ್ಯಾಯೊಲು(3:21; 5:16; 6:12; 11:12; 22:32)
ಅದ್ಯಾಯದ ರೂಪೊಲು
ಸುವಾರ್ತೆದ ಬಗೆಟ್ (1:1-4)
ಸ್ನಾನಿಕೆ ಆಯಿ ಯೋಹಾನೆ ಬೊಕ್ಕ ಯೇಸುನ ಪುಟ್ಟು (1:5—2:52)
ಸ್ನಾನಿಕೆ ಆಯಿ ಯೋಹಾನನ ಸೇವೆ (3:1-20)
ಯೇಸುನ ದೀಕ್ಷಾಸ್ನಾನ ಬೊಕ್ಕ ಶೋಧನೆ (3:21—4:13)
ಗಲಿಲಾಯೊಡು ಸೇವೆ (4:14—9:50)
ಯೆರೂಸಲೇಮುಡು ಸೇವೆ (9:51—19:27)
ಯೇಸುನ ಕಡೆತ ದಿನೊಕುಲು (19:28—23:56)
ಪುನರುತ್ಥಾನ ಬೊಕ್ಕ ಸ್ವರ್ಗಾರೋಹಣ (24:1-53)
Iliyochaguliwa sasa
ಲೂಕೆ ಪುಸ್ತಕದ ಪೊಲಬು: ತುಳು
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
New Life Literature