2 ಕೊರಿಂಥ್ಯೆರೆಗ್ 12:6-7

ಯಾನ್ ಪುಗರೊನಿಯೆರೆ ಮನಸ್ ಮಲ್ತೆಡಲಾ ಯಾನ್ ಆ ಸಂಗತಿಡ್ ಬುದ್ಧಿದಾಂತಿನಾಯೆ ಆವಯೆ; ದಾಯೆ ಪಂಡ ಯಾನ್ ಸತ್ಯೊನೇ ಪನೊಂದುಲ್ಲೆ. ಆಂಡ ಯಾನ್ ಪುಗರೊನುಜಿ. ದಾಯೆಗಂದ್ಂಡ ಏರ್ಲಾ ಎನಡ್ದ್ ತೂಪಿನೆಡ್ದಾವಡ್, ಯಾನ್ ಪನ್ಪಿನೆನ್ ಕೇನುನೆಡ್ದಾವಡ್ ಹೆಚ್ಚಾದ್ ಎನನ್ ಎನ್ನಿಯೆರೆ ಬಲ್ಲಿ. ಎಂಕ್ ತೆರಿಪಾಯಿನ ಗುಟ್ಟುದ ಪಾತೆರೊಲು ಎನನ್ ಹೆಚ್ಚಲ್ಮೆ ಮಲ್ಪಂದಿಲೆಕ್ಕ ದೇವೆರ್ ಎನ ಶರೀರೊಡು ಒಂಜಿ ಮುಳ್ಳು ದೀದಿತ್ತೆ. ಅವು ಮುಳ್ಳು ದಾನೆಂದ್ಂಡ ಯಾನ್ ಮಿತಿ ಮೀರ್‌ದ್ ಹೆಚ್ಚಲ್ಮೆ ಮಲ್ತೊನಂದಿಲೆಕ್ಕ ಎಂಕ್ ಬೇನೆ ಕೊರ್ಪಿನ ಸೈತಾನನ ಒರಿ ದೂತೆನೇ.