Markuji 12
12
Yesu ohowongaga yofwalrafwaniha ya anamalima abure
Matewuji 21:33-46; Lukaji 20:9-19
1Yesu ohoroma awandela muwari mwa jofwalrafwaniha eraga: <<Ohokalawo mulombwana mmohi eni anna tereno yaye, liye limamo mundaye wa uva. Agazanle munda watene wenne, ohomanga muru, liye wereweriha mundole. Noira eno, ohomangaga nimburo ira kanyingalelegemo uva ira akumege vinyu. Eto ohosakanyagamo mmundani mule nyumba yolapa ya gwarda ira aing'anelege munda watene. Noira enne, ohasakaga anamalima, liye aalugariheda, liye dowaga muulrendoni mwaye ilambo imohiwa ya unde. 2Yagafiyile tempu yohanda, mwinnyole ohomuruma mutu ira adowe atukule pandi yenno yafuna kala yaye muwari mwa jovaha jatene ja mmundani mule.#12:2 adowe atukule pandi yenno yafuna kala yaye: Voira munda ali waye, movwanana na aliba lima, liye afuna awatchele vang'ono muwari mwa jengo jahanda atu. Nione rodape unafwanyeya Matewuji 21:33-34. 3Evale maliba rumiwa ule agadowile, anamalimale kohomuhinda, aliwa mbubuda, nomala aliwa muruma, liye dowaga eno ahatukunle yengo. 4Mwa enne mwinnyole ohomuruma namalaba mmohiwa, mbwenye aliwa kohomukoma murwaye, aliwa mporotcha eto kohomusakanya ja manyazo. 5Eto mmohiwa ohorumiwa, liye dowa wewule, mbwenye anamalimale kohompa. Atu adjindjene kohoiriwana makalelo mamohive anne. Amohiwa kohobubudiwa eto amohiwa kohopiwa. 6Mbwenye vogomiheda, mwinnyole ohomuruma mwanaye mmohive amuziveliwa liye, aumbuwelaga ira: <Mwanagola mbwenye, aliwa anomuriheda.> 7Mwanole agadowile, aliwa kagamuonne, kohowonga mmohi na nfwaye keraga: <Ula gu mwana unafuna halana jengo jatene jeji babaye akwa. Ndoweni nimpeni, era eno, jatene jafuna liye halana babaye agakwile jinokala jehu.> 8Evale kohomuhinda mwanole, aliwa mpa, mutatilela unde wa mundole.>>
9<<Nnga jagaireyile eni, mwinnya wa mundole unaira avi? Jagaireyile eno liye unoza aape alombwanale, amala eno atukule mundole, aalugarihede anamalima amohiwa. 10Nyo kamwilerile jejo jinafwanyeya mMazuni? MMazuni muhulrembiwa ira:
<Nibwe neno nalramwisile aliba manga nyumba, peno ti nibwe na vamwendoni. 11Ejo airilena gu Nabwiya eto tchi yengo yapama yotikiniha vamentoni vehu!> >>
12Andimuwa a aJudewu kaligi evale Yesu awongaga liye enne, kohoiziwa ira Yesu awonga yofwalrafwaniha ile ira aamange mulandu aliwene. Evale aliwa kohokagana yofuna ira kamuhinde Yesu kampe, so mbwenye kaaova anamwindji kaligi evale. Noira enne, kohomuhiyaga Yesu evale, aliwa dowaga jiwa.
Andimuwa a aJudewu kohomuxixa Yesu zela nkani wa misoko
Matewuji 22:15-22; Lukaji 20:20-26
13Kagairile enne, koharuma aFarizewu vamohi na aJudewu ofuna ja Erodi ira kadowe kawonge na Yesu muwari momuxixa ira kaonevo mwasa ofuna mugwihana mulandu. 14Aliwa kohofiya kawongaga ira: <<Namafundjiha, hiyo nihiiziwa ira nyo muli mutu owonga ibaribari eto kamunabalra utongi wa atu amohiwa. Eto nyo kamunatonga muwari moing'ana kove, mbwenye munafundjiha ndila ya Mulugu mwa ibaribari. Nera muniwandele. Kodi mwa malamulo ehu inorumelihiwa nimpagalrigi misoko Sezare, owu hehi?>> 15Evale Yesu ohoonelramo zela ja ungongomwa jawonga atu. Mwa enne ohawongagana eraga: <<Kodi nyo munafunela nni jodixixa miyo? Kazanani uno kobiri imohi ya parata ira miyo dione.>> 16Kaganvahile, liye ohafuka eraga: <<Kodi nzina vamohi na kove jili vakobirini va jaani?>> Aliwa kohorumela keraga: <<Ja Sezare.>> 17Noira eno, Yesu ohawandelaga eraga: <<Ja Sezare, munvahege Sezare. Ja Mulugu, munvahege Mulugu.>> Evale aliwa kohotikiniheya na mwasa wa mazu Yesu awongile liye.
ASadusewu kohonfuka Yesu zela nkani ovenya mokwani
Matewuji 22:23-33; Lukaji 20:27-40
18ASadusewu#12:18 aSadusewu: Muwari mwa nlogo na aJudewu, kohokalawo atu kafwanyeya kagali aSadusewu. ASadusewu vamohi na aFarizewu kafwanyeya kagali andimuwa oasogolrelra aJudewu zela ja Mulugu. ASadusewu eto tcharumela ira mutu akwa, unovenya mokwani. Eto tcharoromela ira angelro kohokalawo. (Joira ja Anamarumiwa 23:8) anno ani mutu akwa, kanavenya mokwani, kohodowaga wali Yesu, aliwa nfuka keraga: 19<<Namafundjiha, Mozeji ohonilrembela nlamulo noira: <Mulombwana mmohi akwa, amuhiya muhiyana ahanambalena ahima, mbalaye adowe amutele muhiyanole, ambalena mwana ira akale mwana wa mbalaye ukwile ule.>#12:19 mbalaye adowe amutele muhiyanole, ambalena mwana: Zela nlamulo ira mulombwana akwa ahanambale mwana na muhiyanaye, mbalaye wa ng'onong'ono amuhambe nyumba, mazwala anafwanyeya Detoronomiyo 25:5-10. 20So mbwenye iireyile tchoira kohokala alombwana atanu na ambinli kabaliwe ingulu imohive. Mulukuluwa mutela muhiyana eto liye kwa ahambanlena mwana. 21Owelela liye mutela muhiyanole eto liye kwa ahambanlena mwana eto waneraru na liyene yohomuireyela yengo imohive. 22Mwa enne yoireyave eno fiyeda ira alombwana atene anne kohomutela muhiyanole eto kohokwa kahambanlena ahima. Atene anne kagamanle, muhiyanole eto na liyene liye kwa. 23Nnga jiireyile atu eno, siku novenya, atu atenene okwa kakalagawo, va alombwana atene anne, unafuna kala muhiyanole mamunaye bani? Tchoira atenene kohomutela!>>
24Yesu ohowakula ira: <<Nyo muhumala nyengiwa, mwasiwa nne kamuiziwile jejo jilrembiwe mMazuni, nne kopolo da Mulugu nyo kamuiziwile. 25Tchoira atu atenene okwa kavenya, kunakala telana. Mbwenye atu atene anaza kakale nnga angelro a zulu.
26<<Zela venya mokwani, kodi nyo kamuilerile mazu kalrembiwe mulivuru na Mozeji, anawonga zela mulombwana Mozeji aonaga nikupu nihindaga munlo? [Abarahamu, Izaki na Jako kagakwile wanle,] Mulugu ohowonga na Mozeji ira: <Miyo dili Mulugu wa Abarahamu, Mulugu wa Izaki na Mulugu wa Jako!>#Ezodu 3:15 27Ku wonga Mulugu kahi Mulugu wa aliba kwa, mbwenye gu Mulugu wa aliba kalawo. Nyo eno muhumala holowa.>>#12:27 Mulugu kahi Mulugu wa aliba kwa: Mulugu muwari mowonga na Mozeji, amuwandela ira alombwanale, masiki kakwileve wanle, aliwa kohokalawove. Tchoira kahakalawo Mulugu ogowonga ira: <<Miyo dali Mulugu wa Abarahamu, Izaki na Jako.>>
Yesu ohowonga nlamulo nlukulu nokwaranya malamulo matene
Matewuji 22:34-40; Lukaji 10:25-37
28Ohokala eto namafundjiha malamulo azile evale, liye roma vuruwana jowonga jile. Liye mbwenye agaonne ira Yesu ohowakula pama, ohonfuka Yesu eraga: <<Kodi nlamulo nlukulu kwaranya malamulo matene tivi?>> 29Yesu ohowakula eraga: <<Nlamulo nlukulu kwaranya malamulo matene ti ni:
<Kavuruwanani aIzarayeli! Nabwiya Mulugu wehu gu mmohi bahi. 30Umuziveliwege Nabwiya Mulugu wawo na mmirimani mwawo mwatene, no kalawo wawo watene, no onelramo wawo watene, vamohi na kopolo dawo datene.>#Detoronomiyo 6:5
31Nanembinli nlukulu ti ni:
<Umuziveliwege mutu uli watene nnga munaviziveliwela we wa mwinnya.> #
Levitiku 19:18
Kanilivo nlamulo nimohi niwa nlukulu hiya menli ala.>> 32Evale namafundjiha malamulo ule ohomuwongana Yesu eraga: <<Namafundjiha, muhuwonga pama! Muhuwonga ibaribari mwasiwa Mulugu gu mmohive eto kaliwo Mulugu mmohiwa ahali liye. 33Nimuziveliwegeni Mulugu na murimihu watene, no onelramo wihu watene, na kopolo dihu datene eto naazivelegeni afwihu amohiwa nnga munavizivela hiyo oka. Tchoira tchapama vwelelaga malamulo menli anna, hiyaniha no zana wa Mulugu jovelela jotumeya jatene na mikuto datene.>>
34Evale Yesu agaonne ira namafundjiha malamulo ule ohorumela moonelramo, ohomuwandela eraga: <<Weyo kuli olapela na muUmweneni mwa Mulugu.>> Mwa enne kalivo awandile nfuka Yesu yengo imohiwa.
Yesu ohowonga zela Namatikeliwa
Matewuji 22:41-46; Lukaji 20:41-44
35Yesu afundjihaga Nyumba ya Yehova, ohofuka eraga: <<Kodi mwasiwa gwa nni anamafundjiha malamulo fundjihaga ira: <Namatikeliwa unafuna akale mwana Davi.>? 36Tchoira Davi muwari mozaleliwa Munemba Otchena oholremba ira:
<Nabwiya uwonga na Nabwiya waga eraga: <<Ugarati muwononi waga odjana ante difiyede agondjiha amwidanawo ira kakale nnga yengo yonyingalihavo manyalo awo.>>> #
Salmu 110:1
37Akala Davi amuira Namatikeliwa: <Nabwiya waga>, nnga unawande avi tempu imohive kala mwana Davi?>>#12:37 nnga unawande avi tempu imohive kala mwana Davi? Yesu mazwala kawongile muwari moruniha ira: <<Miyo kadili mwana Davi.>> Awongela ira kaiziwe ira Yesu gu mundimuwa omukwaranya Davi. Yesu awongaga enne, anamwindji kaligi evale koziveliwa kavuruwanaga jejo jafundjihaga liye.
Yesu ohawandela atu zela ubure wa anamafundjiha malamulo
Matewuji 23:1-36; Lukaji 20:45-47
38Yesu afundjihagave, ohawandela atu eraga: <<Polre polre na anamafundjiha malamulo! Tchoira aliwa anoziveliwetcha wara bata dolapa. Eto anoziveliwetcha londjeliwa kawendaga murampani. 39Kafiya nyumba dofundjamo Mazu, anaziveliwetcha garati mipando da sogolro. Eto kadowa vapwandoni anagaratetcha mipando dorihediwa. 40Aliwa anaawaka amakwele a ahiyana nyumba diwa eto anolapiha malobelo ewa ira kaoniwege na atu. Na mwasa wa ejo anoza katongiwe na makalelo abure ohokala a masika.>>
Yesu ohomutetela makwele mmohi avelenle kobiri ya vang'ono yanna liye
Lukaji 21:1-4
41Yesu ohogaratigi Nyumba ya Yehova aing'anaga makalelo kavelela atu kobiri mukaxani mwa jovelela. Mwa enne kohokalawo atu adjindji orayela kavelela kobiri ilukulu ya mbwabwada. 42Mbwenye ohozaga makwele mmohi wa muhiyana eto agali mutu osimela. Liye ohovelelaga mukaxani kobiri mbinli da gwindji gwindji, da valori ing'ining'inive. 43Yesu agamuonne muhiyanole, ohaitanaga anamamuharaye eraga: <<Na ibaribari nnouwandelani ira muhiyanola, wenna unafwanyeya agali makwele osimela, uhuvelela kwaranya atenene kavelenle kobiri dilukulu emu. 44Mwasiwa atu amohiwa kavelenle muwari mokana jimohi jiwa vande viwa. Mbwenye muhiyanola muwari mosimela mwaye uvelenle kobiri yatene yanna liye, yenno yafuna mulaba zela kalawo waye.>>
Iliyochaguliwa sasa
Markuji 12: iLolo
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2018 Visão Integral
Markuji 12
12
Yesu ohowongaga yofwalrafwaniha ya anamalima abure
Matewuji 21:33-46; Lukaji 20:9-19
1Yesu ohoroma awandela muwari mwa jofwalrafwaniha eraga: <<Ohokalawo mulombwana mmohi eni anna tereno yaye, liye limamo mundaye wa uva. Agazanle munda watene wenne, ohomanga muru, liye wereweriha mundole. Noira eno, ohomangaga nimburo ira kanyingalelegemo uva ira akumege vinyu. Eto ohosakanyagamo mmundani mule nyumba yolapa ya gwarda ira aing'anelege munda watene. Noira enne, ohasakaga anamalima, liye aalugariheda, liye dowaga muulrendoni mwaye ilambo imohiwa ya unde. 2Yagafiyile tempu yohanda, mwinnyole ohomuruma mutu ira adowe atukule pandi yenno yafuna kala yaye muwari mwa jovaha jatene ja mmundani mule.#12:2 adowe atukule pandi yenno yafuna kala yaye: Voira munda ali waye, movwanana na aliba lima, liye afuna awatchele vang'ono muwari mwa jengo jahanda atu. Nione rodape unafwanyeya Matewuji 21:33-34. 3Evale maliba rumiwa ule agadowile, anamalimale kohomuhinda, aliwa mbubuda, nomala aliwa muruma, liye dowaga eno ahatukunle yengo. 4Mwa enne mwinnyole ohomuruma namalaba mmohiwa, mbwenye aliwa kohomukoma murwaye, aliwa mporotcha eto kohomusakanya ja manyazo. 5Eto mmohiwa ohorumiwa, liye dowa wewule, mbwenye anamalimale kohompa. Atu adjindjene kohoiriwana makalelo mamohive anne. Amohiwa kohobubudiwa eto amohiwa kohopiwa. 6Mbwenye vogomiheda, mwinnyole ohomuruma mwanaye mmohive amuziveliwa liye, aumbuwelaga ira: <Mwanagola mbwenye, aliwa anomuriheda.> 7Mwanole agadowile, aliwa kagamuonne, kohowonga mmohi na nfwaye keraga: <Ula gu mwana unafuna halana jengo jatene jeji babaye akwa. Ndoweni nimpeni, era eno, jatene jafuna liye halana babaye agakwile jinokala jehu.> 8Evale kohomuhinda mwanole, aliwa mpa, mutatilela unde wa mundole.>>
9<<Nnga jagaireyile eni, mwinnya wa mundole unaira avi? Jagaireyile eno liye unoza aape alombwanale, amala eno atukule mundole, aalugarihede anamalima amohiwa. 10Nyo kamwilerile jejo jinafwanyeya mMazuni? MMazuni muhulrembiwa ira:
<Nibwe neno nalramwisile aliba manga nyumba, peno ti nibwe na vamwendoni. 11Ejo airilena gu Nabwiya eto tchi yengo yapama yotikiniha vamentoni vehu!> >>
12Andimuwa a aJudewu kaligi evale Yesu awongaga liye enne, kohoiziwa ira Yesu awonga yofwalrafwaniha ile ira aamange mulandu aliwene. Evale aliwa kohokagana yofuna ira kamuhinde Yesu kampe, so mbwenye kaaova anamwindji kaligi evale. Noira enne, kohomuhiyaga Yesu evale, aliwa dowaga jiwa.
Andimuwa a aJudewu kohomuxixa Yesu zela nkani wa misoko
Matewuji 22:15-22; Lukaji 20:20-26
13Kagairile enne, koharuma aFarizewu vamohi na aJudewu ofuna ja Erodi ira kadowe kawonge na Yesu muwari momuxixa ira kaonevo mwasa ofuna mugwihana mulandu. 14Aliwa kohofiya kawongaga ira: <<Namafundjiha, hiyo nihiiziwa ira nyo muli mutu owonga ibaribari eto kamunabalra utongi wa atu amohiwa. Eto nyo kamunatonga muwari moing'ana kove, mbwenye munafundjiha ndila ya Mulugu mwa ibaribari. Nera muniwandele. Kodi mwa malamulo ehu inorumelihiwa nimpagalrigi misoko Sezare, owu hehi?>> 15Evale Yesu ohoonelramo zela ja ungongomwa jawonga atu. Mwa enne ohawongagana eraga: <<Kodi nyo munafunela nni jodixixa miyo? Kazanani uno kobiri imohi ya parata ira miyo dione.>> 16Kaganvahile, liye ohafuka eraga: <<Kodi nzina vamohi na kove jili vakobirini va jaani?>> Aliwa kohorumela keraga: <<Ja Sezare.>> 17Noira eno, Yesu ohawandelaga eraga: <<Ja Sezare, munvahege Sezare. Ja Mulugu, munvahege Mulugu.>> Evale aliwa kohotikiniheya na mwasa wa mazu Yesu awongile liye.
ASadusewu kohonfuka Yesu zela nkani ovenya mokwani
Matewuji 22:23-33; Lukaji 20:27-40
18ASadusewu#12:18 aSadusewu: Muwari mwa nlogo na aJudewu, kohokalawo atu kafwanyeya kagali aSadusewu. ASadusewu vamohi na aFarizewu kafwanyeya kagali andimuwa oasogolrelra aJudewu zela ja Mulugu. ASadusewu eto tcharumela ira mutu akwa, unovenya mokwani. Eto tcharoromela ira angelro kohokalawo. (Joira ja Anamarumiwa 23:8) anno ani mutu akwa, kanavenya mokwani, kohodowaga wali Yesu, aliwa nfuka keraga: 19<<Namafundjiha, Mozeji ohonilrembela nlamulo noira: <Mulombwana mmohi akwa, amuhiya muhiyana ahanambalena ahima, mbalaye adowe amutele muhiyanole, ambalena mwana ira akale mwana wa mbalaye ukwile ule.>#12:19 mbalaye adowe amutele muhiyanole, ambalena mwana: Zela nlamulo ira mulombwana akwa ahanambale mwana na muhiyanaye, mbalaye wa ng'onong'ono amuhambe nyumba, mazwala anafwanyeya Detoronomiyo 25:5-10. 20So mbwenye iireyile tchoira kohokala alombwana atanu na ambinli kabaliwe ingulu imohive. Mulukuluwa mutela muhiyana eto liye kwa ahambanlena mwana. 21Owelela liye mutela muhiyanole eto liye kwa ahambanlena mwana eto waneraru na liyene yohomuireyela yengo imohive. 22Mwa enne yoireyave eno fiyeda ira alombwana atene anne kohomutela muhiyanole eto kohokwa kahambanlena ahima. Atene anne kagamanle, muhiyanole eto na liyene liye kwa. 23Nnga jiireyile atu eno, siku novenya, atu atenene okwa kakalagawo, va alombwana atene anne, unafuna kala muhiyanole mamunaye bani? Tchoira atenene kohomutela!>>
24Yesu ohowakula ira: <<Nyo muhumala nyengiwa, mwasiwa nne kamuiziwile jejo jilrembiwe mMazuni, nne kopolo da Mulugu nyo kamuiziwile. 25Tchoira atu atenene okwa kavenya, kunakala telana. Mbwenye atu atene anaza kakale nnga angelro a zulu.
26<<Zela venya mokwani, kodi nyo kamuilerile mazu kalrembiwe mulivuru na Mozeji, anawonga zela mulombwana Mozeji aonaga nikupu nihindaga munlo? [Abarahamu, Izaki na Jako kagakwile wanle,] Mulugu ohowonga na Mozeji ira: <Miyo dili Mulugu wa Abarahamu, Mulugu wa Izaki na Mulugu wa Jako!>#Ezodu 3:15 27Ku wonga Mulugu kahi Mulugu wa aliba kwa, mbwenye gu Mulugu wa aliba kalawo. Nyo eno muhumala holowa.>>#12:27 Mulugu kahi Mulugu wa aliba kwa: Mulugu muwari mowonga na Mozeji, amuwandela ira alombwanale, masiki kakwileve wanle, aliwa kohokalawove. Tchoira kahakalawo Mulugu ogowonga ira: <<Miyo dali Mulugu wa Abarahamu, Izaki na Jako.>>
Yesu ohowonga nlamulo nlukulu nokwaranya malamulo matene
Matewuji 22:34-40; Lukaji 10:25-37
28Ohokala eto namafundjiha malamulo azile evale, liye roma vuruwana jowonga jile. Liye mbwenye agaonne ira Yesu ohowakula pama, ohonfuka Yesu eraga: <<Kodi nlamulo nlukulu kwaranya malamulo matene tivi?>> 29Yesu ohowakula eraga: <<Nlamulo nlukulu kwaranya malamulo matene ti ni:
<Kavuruwanani aIzarayeli! Nabwiya Mulugu wehu gu mmohi bahi. 30Umuziveliwege Nabwiya Mulugu wawo na mmirimani mwawo mwatene, no kalawo wawo watene, no onelramo wawo watene, vamohi na kopolo dawo datene.>#Detoronomiyo 6:5
31Nanembinli nlukulu ti ni:
<Umuziveliwege mutu uli watene nnga munaviziveliwela we wa mwinnya.> #
Levitiku 19:18
Kanilivo nlamulo nimohi niwa nlukulu hiya menli ala.>> 32Evale namafundjiha malamulo ule ohomuwongana Yesu eraga: <<Namafundjiha, muhuwonga pama! Muhuwonga ibaribari mwasiwa Mulugu gu mmohive eto kaliwo Mulugu mmohiwa ahali liye. 33Nimuziveliwegeni Mulugu na murimihu watene, no onelramo wihu watene, na kopolo dihu datene eto naazivelegeni afwihu amohiwa nnga munavizivela hiyo oka. Tchoira tchapama vwelelaga malamulo menli anna, hiyaniha no zana wa Mulugu jovelela jotumeya jatene na mikuto datene.>>
34Evale Yesu agaonne ira namafundjiha malamulo ule ohorumela moonelramo, ohomuwandela eraga: <<Weyo kuli olapela na muUmweneni mwa Mulugu.>> Mwa enne kalivo awandile nfuka Yesu yengo imohiwa.
Yesu ohowonga zela Namatikeliwa
Matewuji 22:41-46; Lukaji 20:41-44
35Yesu afundjihaga Nyumba ya Yehova, ohofuka eraga: <<Kodi mwasiwa gwa nni anamafundjiha malamulo fundjihaga ira: <Namatikeliwa unafuna akale mwana Davi.>? 36Tchoira Davi muwari mozaleliwa Munemba Otchena oholremba ira:
<Nabwiya uwonga na Nabwiya waga eraga: <<Ugarati muwononi waga odjana ante difiyede agondjiha amwidanawo ira kakale nnga yengo yonyingalihavo manyalo awo.>>> #
Salmu 110:1
37Akala Davi amuira Namatikeliwa: <Nabwiya waga>, nnga unawande avi tempu imohive kala mwana Davi?>>#12:37 nnga unawande avi tempu imohive kala mwana Davi? Yesu mazwala kawongile muwari moruniha ira: <<Miyo kadili mwana Davi.>> Awongela ira kaiziwe ira Yesu gu mundimuwa omukwaranya Davi. Yesu awongaga enne, anamwindji kaligi evale koziveliwa kavuruwanaga jejo jafundjihaga liye.
Yesu ohawandela atu zela ubure wa anamafundjiha malamulo
Matewuji 23:1-36; Lukaji 20:45-47
38Yesu afundjihagave, ohawandela atu eraga: <<Polre polre na anamafundjiha malamulo! Tchoira aliwa anoziveliwetcha wara bata dolapa. Eto anoziveliwetcha londjeliwa kawendaga murampani. 39Kafiya nyumba dofundjamo Mazu, anaziveliwetcha garati mipando da sogolro. Eto kadowa vapwandoni anagaratetcha mipando dorihediwa. 40Aliwa anaawaka amakwele a ahiyana nyumba diwa eto anolapiha malobelo ewa ira kaoniwege na atu. Na mwasa wa ejo anoza katongiwe na makalelo abure ohokala a masika.>>
Yesu ohomutetela makwele mmohi avelenle kobiri ya vang'ono yanna liye
Lukaji 21:1-4
41Yesu ohogaratigi Nyumba ya Yehova aing'anaga makalelo kavelela atu kobiri mukaxani mwa jovelela. Mwa enne kohokalawo atu adjindji orayela kavelela kobiri ilukulu ya mbwabwada. 42Mbwenye ohozaga makwele mmohi wa muhiyana eto agali mutu osimela. Liye ohovelelaga mukaxani kobiri mbinli da gwindji gwindji, da valori ing'ining'inive. 43Yesu agamuonne muhiyanole, ohaitanaga anamamuharaye eraga: <<Na ibaribari nnouwandelani ira muhiyanola, wenna unafwanyeya agali makwele osimela, uhuvelela kwaranya atenene kavelenle kobiri dilukulu emu. 44Mwasiwa atu amohiwa kavelenle muwari mokana jimohi jiwa vande viwa. Mbwenye muhiyanola muwari mosimela mwaye uvelenle kobiri yatene yanna liye, yenno yafuna mulaba zela kalawo waye.>>
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2018 Visão Integral