Daniyeli 4
4
Milanyo da mwene Nabukodonozore
1Unawonga gu miyo vano mwene Nabukodonozore. Nnoulrembelani nyo atu a malogo matene, vilambo datene, atu a viwongelo datene munafwanyeya mwilamboni ya vati mwatene mwene. Murendele uwendjediwe muwari mwa nyo! 2Miyo dionne ira ili yapama duiziwiheni jionihedo na jotikiniha jatene jidiirele Mulugu Okwaranya Jatene! 3Liye jionihedo jaye kahi jing'ono eto jotikiniha jaye ti ja kopolo! Umwene waye gu umwene ohokana magomelo. Eto liye ukana utongi muwari mwa tempu datene!
4Miyo Nabukodonozore dohogarati vande vaga palasiyoni waga mopwaseya. Jatene jaga jodiwendela pama. 5Mwa enne dohorohaga. Yoroha yenne mbwenye yohodizelagana ova. Eto dagalive vakamani vaga, joumbuwela jaga na jejo jaonihiwaga miyo mmuruni mwaga johodikukumulaga. 6Na mwasa wenno dohokumiha nlamulo ira aliba toto atene a Babiloniya kaze ira kawande diwandela yotapulela ya yoroha yaga!
7Mwa enne kohozaga ang'anga okwima, aliba ing'ana jomoneya ja zulu, aBabiloniya owonga ja sogolro, na aliba visangwisangwi. Aliwa kagazile, miyo dohawandelamo yoroha yaga, mbwenye aliwa kiwandile diwandela yotapulela iwa.
8Vogomiheda azilege vamentoni vaga ali mulombwana Daniyeli wenno unaitaniwa na nzina na Beltesazare nozela nzina na mulugu waga#4:8 nzina na Beltesazare nozela nzina na mulugu waga: ABabiloniya kohokana mulugu wewa aitaniwa Beli. Nzina na Beltesazare nizenle muwari mwa nzina na mulugu wenno. eto wenno unna munemba wa amilugu otchena.#4:8 wenno unna munemba wa amilugu otchena: Mwene Nabukodonozore awongela eno mwasiwa liye abalra nnga amilugu kohokalawo adjindji. Liye muwari mwa mazu awonga liye kabalra ira uliwo Mulugu mmohive bahi wa ibaribari unafwanyeya zulu, nari. Mbwenye abalra ira voira amilugu kahi ang'ono, muwari mwa aliwa kohokalamo amilugu anawanda irana jengo jilukulu jotikiniha, liye onaga nnga munemba wa amilugu anno gwafwanyeya muwari mwa Daniyeli ule. Liye agazile, miyo dohomuwandela yoroha yaga. 9Miyo ira: <<Mulombwana Beltesazare weyo uli mundimuwa wa ang'anga okwima atene. Duitanne mwasiwa miyo dihiiziwa ira munemba wa amilugu otchena uli muwari mwa weyo eto kilivo yengo yokoyeya inaurutcha. Miyo nnafuna duwandelemo jengo jionihiwe miyo mmuruni mwaga muwari moroha ira uditapulele. Jengo jionihiwe miyo ti ji. 10Miyo dagali vakamani vaga muwari moonihiwa jengo mmuruni mwanga, daonnege mutengo mmohi mulukulu olapetchetcha agali vari va ilambo ya vati. 11Mutengole oulukulave eto olimbave eto lapa wa mutengole wofiyeda zulu. Eto mutengole ofiyeda oneya ilambo yatene ya vati! 12Matakuru a mutengole kali matakuru apama, oriya eto jovaha jiwa jali pwi. Eto mohokala jodja para atu atene. Eto anavinyama a mukokolani koza, aliwa vumaga vanfulrini viwa. Eto mbalrame dovava zulu doza sakanyaga vitundji diwa mutambini mwa mutengole. Eto jovuma jatene jowanda posiwa muwari mwa jovaha jiwa.
13<<Miyo jejo daonaga muwari moroha mmuruni mwaga. Eto dagalive vakamani evale muwari moroha, dohomuona namaing'anela mmohi wenno ali mungelro akumelaga zulu. 14Liye azaga okuwaga eraga: <Nnafuna mugwihe mutengoyo, amala mutaze tambi daye do, muvaretche matakuru anafwanyeyana liye eto mutikinyemo ira jovaha jatene jinna liye jimoremo. Eto anavinyama a mukokolani anafwanyeya vati va mutengoyo kabalaleyevo eto mbalrame nnafwanyeya mutambini muwa dikumemo.#4:14 mugwihe… mutaze… muvaretche matakuru… mutikinyemo: Atu anarumiwa veva kinaiziweya pama. 15So mbwenye muhiyevo nigodo niwa vamohi na mitchitchi diwa vati. Mmangihe nigodo niwa na sintu nisakanyiwe na momba na mukuwa. Nigodo neno nikale vari va malatchi matiti a mukokolani. Era eno ningame nokumela zulu nnoza nimunyetihege eto unadjege malatchi vamohi na anavinyama a mukokolani. 16Amala zelru daye ditchindjeye ira ahakayena zelru da mutu, mbwenye akayena zelru da anavinyama. Ante vivire tempu tanu na mbinli. 17Utongile ira jejo jiireye ba anamaing'anela anno anafwanyeya kagali angelro otchena. Aliwa basakunlre ira iireye eno ira atu atene okalawo kawande iziwa ira Wenno Ukwaranyile Jatene gunatonga umwene wa atu atene a mwilamboni ya vati. Eto liyene gunawanda nvaha umwene mutu wenne unanfunana liye eto liye unowanda nvaha mutu wenno uli mung'onong'ono mwa atu atene!> >> 18Evale Nabukodonozore ohomariha wonga eraga: <<Ila tchi yoroha danna miyo dagali mwene Nabukodonozore. Mbwenye weyo mulombwana Beltesazare nnafuna uwonge yotapulela ya yoroha yaga mwasiwa atu atene okana toto muumweneni mwaga kiwandile tapulela. Mbwenye weyo unowanda, mwasiwa munemba wa amilugu otchena uli muwari mwa weyo.>>
Daniyeli ohotapulela yoroha ya mwene Nabukodonozore
19Mwa enne mulombwana Daniyeli wenno aitaniwa Beltesazare ohomalaga ora ya vang'onove agali okukumuwene eto akumbanyaga jabure jafuna nfwanya mwene. Evale mwenole ohomuwandelaga, liye ira: <<Beltesazare, kukukumuwe zela yoroha yaga, nne zela yotapuleliwa.>> Evale mulombwana Beltesazare ohomuwakulaga eraga: <<Mbwiyeni, yali yapama yoroha yenno iwonge zela anne anauidani. Eto yali yapama yotapuleliwa ilabege zela amwidaninyu! Mbwenye jabure jionne nyo jinafuna jufwanyeni nyo. 20Mutengo mulukulu mwamuona nyo wenno aulukula akalaga olimba, wenno alapile ante afiyedaga zulu eto aoneya ante ilambo yatene ya vati, 21aganna matakuru apama oriya eto aganna jovaha pwi eto wenno awandetcha adjiha atu atene, wenno anavinyama kaza atu kavumaga vanfulrini vaye eto mutambini muwa mbalrame dovava zulu dimangagamo jitundji diwa, 22mutengole unafwanyeya agali nyo so mwene. Mwasiwa nyo muhulukula eto muhulimba. Undimuwa wenyu uhuulukula ante uhufiya zulu. Eto utongi wenyu uhufiya ante mwemo mugomenle ilambo yatene ya vati.
23<<Eto so mwene zela namaing'anela otchena mmuonne nyo akumelaga zulu, awongaga eraga: <Mmugwihe mutengoyo eto mumale taza tambi diwa, so mbwenye vati muhiyevo nigodo niwa vamohi na mitchitchi diwa mwagamangile na sintu na momba na mukuwa vari va malatchi matiti a mukokolani. Era enne ningame nokumela zulu nnoza nimunyetihege eto adjege vamohi na anavinyama a mukokolani, ante vivire tempu tanu na mbinli>, 24so mwene yotapuleliwa tchi ila. Jejo mbwiyeni so mwene ti jengo jinafuna uiranani Wenno Ukwaranyile Jatene. 25Nyo munoza mutamangihiwevo vari va atu, mudowe mwakalege na anavinyama a mukokolani. Mwagadowile mukokolani, nyo munerege dja malatchi nnga ng'ombe. Eto munerege nyetihiwa na ningame nokumela zulu. Eto vinovira tempu tanu na mbinli fiyeda nyo muiziwe ira Wenno Ukwaranyile Jatene uhukana utongi zela amwene atene a mwilamboni ya vati eto unonvaha mutu wenne unanfunana liye. 26Eto zela yenno yawongiwe ira kahiye nigodo niwa na mitchitchi diwa dene da mutengole, ku wonga mwagamanle iziwa ira uhukalawo uli zulu unautongani, umwene wenyu unouwelelani. 27Nona so mwene, inafwanela murumele yenno inauwandelani miyo. Inafwanela muhiye jotega jatene na jabure jenyu jatene. Muiregena upama eto mwaawendelege tangaranga atu osimela. Mwairana eno mbwenye afwase upama unaona nyo malambwala uneregeve dowa sogolro!>>
Yevihiwa wa mwene Nabukodonozore
28Jatene ejile johomuireyela mwene Nabukodonozore. 29Vagamanle medi kumi na minli, siku nimohi mwene Nabukodonozore awendawendaga vazulu vapalasiyoni vaye mwilamboni mwa Babiloniya 30ohowongaga eraga: <<Sidadi ya Babiloniya ilukulu ila umangile gu miyo ira dikalegemo eto dimangihile na kopolo daga dohokala da masika eto dimangele ira undimuwa waga uteteliwe!>>
31Mwa enne liye awongagave enne ahanamarihe, zulu wohokumela nizu nawongaga ira: <<Kavuruwana pama we mwene Nabukodonozore! Eni umwene wawo uhugoma! 32Weyo unotamangihiwavo vari va atu ira udowe wakalege na anavinyama a mukokolani eto unerege dja malatchi nnga ng'ombe, ante vimale tempu tanu na mbinli, fiyeda uwande iziwa ira Wenno Ukwaranyile Jatene uhukana utongi zela umwene wa atu mwilamboni ya vati eto unanvaha mutu wenne unanfunana liye!>>
33Mwa enne tempu imohive yenne mazwale kohokwakwanelaga wa mwene Nabukodonozore. Evale liye ohotamangihiwagavo vari va atu, liye dowa kalaga mukokolani, roma dja malatchi nnga ng'ombe eto maningo aye kohonyetihiwa na ningame nokumela zulu, ante nsisi naye fiyeda ulukula, aliwa kala nnga matenga a kakozi. Eto vinyala daye dohofuweyaga, aliwa kalaga nnga vinyala da mbalrame.
Mwene Nabukodonozore ohomutamalela Mulugu
34Mbwenye magomelo wa malambo anne, miyo Nabukodonozore dohoing'aniha meso aga zulu. Mwa enne zelru daga dohowelelagamo. Noira enne, miyo dohowonga mazu apama na Wenno Ukwaranyile Jatene eto dohomutamalela eto dohomutitimiha wenno uliwo malambo a mukalakala, wenno unna Utongi ohokana magomelo eto wenno unna umwene ohokana goma uwa! 35Eto atu atene a mwilamboni ya vati, vamentoni vaye kahi yengo. Eto Wenno Ukwaranyile Jatene unolaba mofuna mwaye muwari mwa nikuru natene nnafwanyeya zulu nari atu atene anakala mwilamboni ya vati. Kalivo unawanda muhiyiha yengo nne kalivo unawanda nfuka ira: <<Kodi munakala ani?>>
36Mwa tempu imohive yenne zelru daga dohowelelagamo eto utongi waga no wareya waga wohodiwelela akoka ira dikayena undimuwa muumweneni mwaga nnga mwali miyo. Anamawelruzaga na andimuwa andimuwa aga kohoroma divenda, aliwa za ditukula, miyo welihediwa umwene waga. Evale undimuwa waga wohowendjediwa kwaranya undimuwa danna miyo voroma vene. 37Mbwenye va eni miyo mwene Nabukodonozore nnomutamalela eto nnomuulukuliha eto nnomutitimiha Mwene wa Zulu. Mwasiwa mabasaye matene ba pama eto ndila daye datene ti ndila dotchena eto liye unowanda ayeviha atu anne anawenda movitukulela!
Iliyochaguliwa sasa
Daniyeli 4: iLolo
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2018 Visão Integral
Daniyeli 4
4
Milanyo da mwene Nabukodonozore
1Unawonga gu miyo vano mwene Nabukodonozore. Nnoulrembelani nyo atu a malogo matene, vilambo datene, atu a viwongelo datene munafwanyeya mwilamboni ya vati mwatene mwene. Murendele uwendjediwe muwari mwa nyo! 2Miyo dionne ira ili yapama duiziwiheni jionihedo na jotikiniha jatene jidiirele Mulugu Okwaranya Jatene! 3Liye jionihedo jaye kahi jing'ono eto jotikiniha jaye ti ja kopolo! Umwene waye gu umwene ohokana magomelo. Eto liye ukana utongi muwari mwa tempu datene!
4Miyo Nabukodonozore dohogarati vande vaga palasiyoni waga mopwaseya. Jatene jaga jodiwendela pama. 5Mwa enne dohorohaga. Yoroha yenne mbwenye yohodizelagana ova. Eto dagalive vakamani vaga, joumbuwela jaga na jejo jaonihiwaga miyo mmuruni mwaga johodikukumulaga. 6Na mwasa wenno dohokumiha nlamulo ira aliba toto atene a Babiloniya kaze ira kawande diwandela yotapulela ya yoroha yaga!
7Mwa enne kohozaga ang'anga okwima, aliba ing'ana jomoneya ja zulu, aBabiloniya owonga ja sogolro, na aliba visangwisangwi. Aliwa kagazile, miyo dohawandelamo yoroha yaga, mbwenye aliwa kiwandile diwandela yotapulela iwa.
8Vogomiheda azilege vamentoni vaga ali mulombwana Daniyeli wenno unaitaniwa na nzina na Beltesazare nozela nzina na mulugu waga#4:8 nzina na Beltesazare nozela nzina na mulugu waga: ABabiloniya kohokana mulugu wewa aitaniwa Beli. Nzina na Beltesazare nizenle muwari mwa nzina na mulugu wenno. eto wenno unna munemba wa amilugu otchena.#4:8 wenno unna munemba wa amilugu otchena: Mwene Nabukodonozore awongela eno mwasiwa liye abalra nnga amilugu kohokalawo adjindji. Liye muwari mwa mazu awonga liye kabalra ira uliwo Mulugu mmohive bahi wa ibaribari unafwanyeya zulu, nari. Mbwenye abalra ira voira amilugu kahi ang'ono, muwari mwa aliwa kohokalamo amilugu anawanda irana jengo jilukulu jotikiniha, liye onaga nnga munemba wa amilugu anno gwafwanyeya muwari mwa Daniyeli ule. Liye agazile, miyo dohomuwandela yoroha yaga. 9Miyo ira: <<Mulombwana Beltesazare weyo uli mundimuwa wa ang'anga okwima atene. Duitanne mwasiwa miyo dihiiziwa ira munemba wa amilugu otchena uli muwari mwa weyo eto kilivo yengo yokoyeya inaurutcha. Miyo nnafuna duwandelemo jengo jionihiwe miyo mmuruni mwaga muwari moroha ira uditapulele. Jengo jionihiwe miyo ti ji. 10Miyo dagali vakamani vaga muwari moonihiwa jengo mmuruni mwanga, daonnege mutengo mmohi mulukulu olapetchetcha agali vari va ilambo ya vati. 11Mutengole oulukulave eto olimbave eto lapa wa mutengole wofiyeda zulu. Eto mutengole ofiyeda oneya ilambo yatene ya vati! 12Matakuru a mutengole kali matakuru apama, oriya eto jovaha jiwa jali pwi. Eto mohokala jodja para atu atene. Eto anavinyama a mukokolani koza, aliwa vumaga vanfulrini viwa. Eto mbalrame dovava zulu doza sakanyaga vitundji diwa mutambini mwa mutengole. Eto jovuma jatene jowanda posiwa muwari mwa jovaha jiwa.
13<<Miyo jejo daonaga muwari moroha mmuruni mwaga. Eto dagalive vakamani evale muwari moroha, dohomuona namaing'anela mmohi wenno ali mungelro akumelaga zulu. 14Liye azaga okuwaga eraga: <Nnafuna mugwihe mutengoyo, amala mutaze tambi daye do, muvaretche matakuru anafwanyeyana liye eto mutikinyemo ira jovaha jatene jinna liye jimoremo. Eto anavinyama a mukokolani anafwanyeya vati va mutengoyo kabalaleyevo eto mbalrame nnafwanyeya mutambini muwa dikumemo.#4:14 mugwihe… mutaze… muvaretche matakuru… mutikinyemo: Atu anarumiwa veva kinaiziweya pama. 15So mbwenye muhiyevo nigodo niwa vamohi na mitchitchi diwa vati. Mmangihe nigodo niwa na sintu nisakanyiwe na momba na mukuwa. Nigodo neno nikale vari va malatchi matiti a mukokolani. Era eno ningame nokumela zulu nnoza nimunyetihege eto unadjege malatchi vamohi na anavinyama a mukokolani. 16Amala zelru daye ditchindjeye ira ahakayena zelru da mutu, mbwenye akayena zelru da anavinyama. Ante vivire tempu tanu na mbinli. 17Utongile ira jejo jiireye ba anamaing'anela anno anafwanyeya kagali angelro otchena. Aliwa basakunlre ira iireye eno ira atu atene okalawo kawande iziwa ira Wenno Ukwaranyile Jatene gunatonga umwene wa atu atene a mwilamboni ya vati. Eto liyene gunawanda nvaha umwene mutu wenne unanfunana liye eto liye unowanda nvaha mutu wenno uli mung'onong'ono mwa atu atene!> >> 18Evale Nabukodonozore ohomariha wonga eraga: <<Ila tchi yoroha danna miyo dagali mwene Nabukodonozore. Mbwenye weyo mulombwana Beltesazare nnafuna uwonge yotapulela ya yoroha yaga mwasiwa atu atene okana toto muumweneni mwaga kiwandile tapulela. Mbwenye weyo unowanda, mwasiwa munemba wa amilugu otchena uli muwari mwa weyo.>>
Daniyeli ohotapulela yoroha ya mwene Nabukodonozore
19Mwa enne mulombwana Daniyeli wenno aitaniwa Beltesazare ohomalaga ora ya vang'onove agali okukumuwene eto akumbanyaga jabure jafuna nfwanya mwene. Evale mwenole ohomuwandelaga, liye ira: <<Beltesazare, kukukumuwe zela yoroha yaga, nne zela yotapuleliwa.>> Evale mulombwana Beltesazare ohomuwakulaga eraga: <<Mbwiyeni, yali yapama yoroha yenno iwonge zela anne anauidani. Eto yali yapama yotapuleliwa ilabege zela amwidaninyu! Mbwenye jabure jionne nyo jinafuna jufwanyeni nyo. 20Mutengo mulukulu mwamuona nyo wenno aulukula akalaga olimba, wenno alapile ante afiyedaga zulu eto aoneya ante ilambo yatene ya vati, 21aganna matakuru apama oriya eto aganna jovaha pwi eto wenno awandetcha adjiha atu atene, wenno anavinyama kaza atu kavumaga vanfulrini vaye eto mutambini muwa mbalrame dovava zulu dimangagamo jitundji diwa, 22mutengole unafwanyeya agali nyo so mwene. Mwasiwa nyo muhulukula eto muhulimba. Undimuwa wenyu uhuulukula ante uhufiya zulu. Eto utongi wenyu uhufiya ante mwemo mugomenle ilambo yatene ya vati.
23<<Eto so mwene zela namaing'anela otchena mmuonne nyo akumelaga zulu, awongaga eraga: <Mmugwihe mutengoyo eto mumale taza tambi diwa, so mbwenye vati muhiyevo nigodo niwa vamohi na mitchitchi diwa mwagamangile na sintu na momba na mukuwa vari va malatchi matiti a mukokolani. Era enne ningame nokumela zulu nnoza nimunyetihege eto adjege vamohi na anavinyama a mukokolani, ante vivire tempu tanu na mbinli>, 24so mwene yotapuleliwa tchi ila. Jejo mbwiyeni so mwene ti jengo jinafuna uiranani Wenno Ukwaranyile Jatene. 25Nyo munoza mutamangihiwevo vari va atu, mudowe mwakalege na anavinyama a mukokolani. Mwagadowile mukokolani, nyo munerege dja malatchi nnga ng'ombe. Eto munerege nyetihiwa na ningame nokumela zulu. Eto vinovira tempu tanu na mbinli fiyeda nyo muiziwe ira Wenno Ukwaranyile Jatene uhukana utongi zela amwene atene a mwilamboni ya vati eto unonvaha mutu wenne unanfunana liye. 26Eto zela yenno yawongiwe ira kahiye nigodo niwa na mitchitchi diwa dene da mutengole, ku wonga mwagamanle iziwa ira uhukalawo uli zulu unautongani, umwene wenyu unouwelelani. 27Nona so mwene, inafwanela murumele yenno inauwandelani miyo. Inafwanela muhiye jotega jatene na jabure jenyu jatene. Muiregena upama eto mwaawendelege tangaranga atu osimela. Mwairana eno mbwenye afwase upama unaona nyo malambwala uneregeve dowa sogolro!>>
Yevihiwa wa mwene Nabukodonozore
28Jatene ejile johomuireyela mwene Nabukodonozore. 29Vagamanle medi kumi na minli, siku nimohi mwene Nabukodonozore awendawendaga vazulu vapalasiyoni vaye mwilamboni mwa Babiloniya 30ohowongaga eraga: <<Sidadi ya Babiloniya ilukulu ila umangile gu miyo ira dikalegemo eto dimangihile na kopolo daga dohokala da masika eto dimangele ira undimuwa waga uteteliwe!>>
31Mwa enne liye awongagave enne ahanamarihe, zulu wohokumela nizu nawongaga ira: <<Kavuruwana pama we mwene Nabukodonozore! Eni umwene wawo uhugoma! 32Weyo unotamangihiwavo vari va atu ira udowe wakalege na anavinyama a mukokolani eto unerege dja malatchi nnga ng'ombe, ante vimale tempu tanu na mbinli, fiyeda uwande iziwa ira Wenno Ukwaranyile Jatene uhukana utongi zela umwene wa atu mwilamboni ya vati eto unanvaha mutu wenne unanfunana liye!>>
33Mwa enne tempu imohive yenne mazwale kohokwakwanelaga wa mwene Nabukodonozore. Evale liye ohotamangihiwagavo vari va atu, liye dowa kalaga mukokolani, roma dja malatchi nnga ng'ombe eto maningo aye kohonyetihiwa na ningame nokumela zulu, ante nsisi naye fiyeda ulukula, aliwa kala nnga matenga a kakozi. Eto vinyala daye dohofuweyaga, aliwa kalaga nnga vinyala da mbalrame.
Mwene Nabukodonozore ohomutamalela Mulugu
34Mbwenye magomelo wa malambo anne, miyo Nabukodonozore dohoing'aniha meso aga zulu. Mwa enne zelru daga dohowelelagamo. Noira enne, miyo dohowonga mazu apama na Wenno Ukwaranyile Jatene eto dohomutamalela eto dohomutitimiha wenno uliwo malambo a mukalakala, wenno unna Utongi ohokana magomelo eto wenno unna umwene ohokana goma uwa! 35Eto atu atene a mwilamboni ya vati, vamentoni vaye kahi yengo. Eto Wenno Ukwaranyile Jatene unolaba mofuna mwaye muwari mwa nikuru natene nnafwanyeya zulu nari atu atene anakala mwilamboni ya vati. Kalivo unawanda muhiyiha yengo nne kalivo unawanda nfuka ira: <<Kodi munakala ani?>>
36Mwa tempu imohive yenne zelru daga dohowelelagamo eto utongi waga no wareya waga wohodiwelela akoka ira dikayena undimuwa muumweneni mwaga nnga mwali miyo. Anamawelruzaga na andimuwa andimuwa aga kohoroma divenda, aliwa za ditukula, miyo welihediwa umwene waga. Evale undimuwa waga wohowendjediwa kwaranya undimuwa danna miyo voroma vene. 37Mbwenye va eni miyo mwene Nabukodonozore nnomutamalela eto nnomuulukuliha eto nnomutitimiha Mwene wa Zulu. Mwasiwa mabasaye matene ba pama eto ndila daye datene ti ndila dotchena eto liye unowanda ayeviha atu anne anawenda movitukulela!
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2018 Visão Integral