2 Korinto 9
9
Jokokomeza jimohi zela sokasoka
1Zela ja sokasoka jejo jinasokiwa para akamiheda atu otchenihiwa, kahi yengo yoira dulrembelegeni. 2Mwasiwa dihiiziwa ira nyo muli okozeyene. Eto miyo dagumana na akuda Masedoniya, nnoutitimihetchani, miyo wongaga ira: <<Afwihu a porovinsiya ya Akaya#9:2 Afwihu a porovinsiya ya Akaya: Sidadi ya Korinto tchi sidadi ilukulu muwari mwa porovinsiya ya Akaya. anafwanyeya okozeyene roma yaka ile.>> Adjindji mwa aliwa kagavwile zela funafuna wenyu osoka kobiri, na aliwene kohowanda hara makalelo anno, aliwa volowagamo ira na aliwene kasokege kobiri. 3So mbwenye miyo nnafuna daarume abalihu araru anno vasogolro vaga ira tempu yodowana kobiri yafiya, utetelani wehu ukwakwanele, mufwanyeye okozeyene nnga mwawongela miyo. 4Nnatawa ira dera didemule moururumutchani vamohi na akuda Masedoniya angasi angasi, nnaze nufwanyeni mwahanakozeye. Era eno inokala manyazo para miyo eto simbwasimbwa para nyo, mwasiwa hiyo nihiwonga mohokayikela ira nyo muli okozeyene. 5Tcheniyo idivahile zelru ira daakokomeze abalihu ira kadowe sogolro waga ira kavayele gumaniha yovaha yenno yawongile nyo ira muvahe. Tchoira hiyo nnafuna ira nagafiyile, yovaha inafuna nyo vaha munivahede na mmirimani mwenyu mwatene hiya kalaga nnga nnaukosani muwari moziveliwa jokana jidjindji.
6So ilukuluwa, muumbuwele ira wenno unazala vang'ono, gwenno unafuna handa vang'ono. Ule unazala mbewu idjindji gwenno unafuna handa jidjindji.#9:6 zala… handa: Va mulombwana Pawulo unawonga ira mutu wenne unaavaha afwaye jengo unazala. Mbwenye vasogolro inoza ifiye tempu yohanda, ku wonga tempu yotambilra. Pawulo kwi: <<Kada mutu unoza avahiwe mozela vaha waye.>> 7Kada mutu inafwanela avahe na makalelo nnga muumbuwenle liye mmirimani mwaye,#9:7 Kada mutu inafwanela avahe na makalelo nnga muumbuwenle liye: Ku wonga kada mutu unaroma umbuwela na mmirimani mwaye makalelo unafuna liye vaha. Fwanyeya ira aKorinto kagasakunlre ira: <<Nnafuna nivahe na makalelo ala>>, Pawulo ohakokomeza ira kada mutu airegena nnga muumbuwenle liye. Tapulela nnga hiyo vano ira nahanagulihe yengo, inafwanela nirome umbuwela makalelo anafuna hiyo vaha nagagulihile yengwele. hiya mowanganyeda, hiya mokanyihediwa. Mwasiwa Mulugu unamuziveliwa mutu unavaha mohagalala.
8Mulugu unowanda uirelani sayi datene ira ora ili yatene muwande kana mokwakwanela jatene jinafuneya ira muiregena makalelo matene apama.#9:8 Mulugu unowanda uirelani sayi datene ira… muwande kana mokwakwanela… muiregena makalelo matene apama: Va Pawulo unawonga ira Mulugu anivahaga jengo, kananivaha ira nigaratina jehu, hawandaga akamiheda atu osimela no labana mabasa a Mulugu. Sayi da Mulugu nnalaba ira nikayena jengo eto ira nikale atu ovaha. Ku wonga muwari mwa sayi daye, mabasa a Mulugu kinahaleliwa kobiri. 9Kalaga nnga ilrembiwe mMazuni ira:
<<Liye uhugawa na manda menli, liye avaha jorayela atu osimela. Upama waye gwa mukalakala.>> #
Salmu 112:9
10Mulugu wenno unanvaha mutu mbewu ira azalege na pawu ira adjege, liye unouvahani eto unouwendjedani mbewu munafuna nyo zala eto unoindjiviha handa wenyu ozela upama unafuna nyo irana.#9:10 unouwendjedani mbewu munafuna nyo zala eto unoindjiviha handa wenyu ozela upama unafuna nyo irana: Mazwala ananiwandela ira nakala atu ovaha, Mulugu kananihiya eno. Liye unoindjiviha upama unafuna hiyo handa. Eto fwanyeya ira handa ulukulu kahi mwilamboni ya vati mbwenye ku handa wa ilambo ya zulu. (Matewuji 6:1-4, 10:42) 11Mulugu agaonne vaha watene unaira nyo, liye unourayelihani na makalelo matene ira muvahegeve na makalelo matene.#9:11 liye unourayelihani na makalelo matene ira muvahegeve na makalelo matene: Tapulela ira naona ira nihiroma kala atu okana, inafwanela niiziwe ira Mulugu kanivahile ira nidjege jokana jehu okave. Mulugu anivahile ira niwande akamiheda eto ale anafwanyeya na makatamiho. Evale hiyo nadowana jovaha jenyu, atu anerege mutamalela Mulugu na mwasa wa nyo.
12Tchoira mabasala oakamiheda afwihu kinalaba ira atu otchenihiwa kakayena jinaahalela bahi. Analaba eto ira Mulugu atamaleliwege valukulu zela jinaira liye.#9:12 Analaba eto ira Mulugu atamaleliwege valukulu zela jinaira liye. Tamaleliwa wa Mulugu wafuna uzele muwari moira aliba watchela kobiri ale anerege kana lobela kamutamalelaga Mulugu ira: <<Nabwiya nnoutamalelani na mwasa wa sayi musakanyile nyo, mwaavahaga abalihu irima yoniumbuwela hiyo, kanikamihedaga na makalelo anna.>> 13Tchoira aliwa kagawatchenle mabasa analaba hiyo, anerege mutitimiha Mulugu ira: <<Nnoutitimihani zela vwelela unna afwihu wewo unakumela muwari morumela Muselu Wapama wa Kiristu. Eto nnoutitimihani na mwasa wa sokasoka uniirele afwihu na manda menli, kanivaha hiyo vamohi na atu amohiwa.>> 14Evale aliwa anerege ulobelelani muwari mouzivelani ulukulu na mwasa wa sayi dilukulu da Mulugu duireleni liye.#9:14 sayi dilukulu da Mulugu duireleni liye: Va Pawulo unawonga zela sayi da Mulugu ira atu okana kawande aumbuwela afwiwa ohokana. Tchoira atu amohiwa okana kinakana tempu yoabalra afwiwa osimela. Mbwenye muwari mwa sayi da Mulugu, aKorinto kohowanda akamiheda afwiwa kasimenle. 15Mulugu atamaleliwe zela yovaha yohowanda wongiwa, yenno inavaha liye!#9:15 yovaha yohowanda wongiwa: Pawulo ohomutamalela Mulugu na mwasa wa kopolo daye alabaga muwari mwa atu omuroromela Yesu, aliwa wandaga avaha afwiwa kasimenle kobiri. Pawulo aonne ira: <<Mulugu atamaleliwe mwasiwa liye gwaavahile afwihu zelru dedo.>>
Iliyochaguliwa sasa
2 Korinto 9: iLolo
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2018 Visão Integral
2 Korinto 9
9
Jokokomeza jimohi zela sokasoka
1Zela ja sokasoka jejo jinasokiwa para akamiheda atu otchenihiwa, kahi yengo yoira dulrembelegeni. 2Mwasiwa dihiiziwa ira nyo muli okozeyene. Eto miyo dagumana na akuda Masedoniya, nnoutitimihetchani, miyo wongaga ira: <<Afwihu a porovinsiya ya Akaya#9:2 Afwihu a porovinsiya ya Akaya: Sidadi ya Korinto tchi sidadi ilukulu muwari mwa porovinsiya ya Akaya. anafwanyeya okozeyene roma yaka ile.>> Adjindji mwa aliwa kagavwile zela funafuna wenyu osoka kobiri, na aliwene kohowanda hara makalelo anno, aliwa volowagamo ira na aliwene kasokege kobiri. 3So mbwenye miyo nnafuna daarume abalihu araru anno vasogolro vaga ira tempu yodowana kobiri yafiya, utetelani wehu ukwakwanele, mufwanyeye okozeyene nnga mwawongela miyo. 4Nnatawa ira dera didemule moururumutchani vamohi na akuda Masedoniya angasi angasi, nnaze nufwanyeni mwahanakozeye. Era eno inokala manyazo para miyo eto simbwasimbwa para nyo, mwasiwa hiyo nihiwonga mohokayikela ira nyo muli okozeyene. 5Tcheniyo idivahile zelru ira daakokomeze abalihu ira kadowe sogolro waga ira kavayele gumaniha yovaha yenno yawongile nyo ira muvahe. Tchoira hiyo nnafuna ira nagafiyile, yovaha inafuna nyo vaha munivahede na mmirimani mwenyu mwatene hiya kalaga nnga nnaukosani muwari moziveliwa jokana jidjindji.
6So ilukuluwa, muumbuwele ira wenno unazala vang'ono, gwenno unafuna handa vang'ono. Ule unazala mbewu idjindji gwenno unafuna handa jidjindji.#9:6 zala… handa: Va mulombwana Pawulo unawonga ira mutu wenne unaavaha afwaye jengo unazala. Mbwenye vasogolro inoza ifiye tempu yohanda, ku wonga tempu yotambilra. Pawulo kwi: <<Kada mutu unoza avahiwe mozela vaha waye.>> 7Kada mutu inafwanela avahe na makalelo nnga muumbuwenle liye mmirimani mwaye,#9:7 Kada mutu inafwanela avahe na makalelo nnga muumbuwenle liye: Ku wonga kada mutu unaroma umbuwela na mmirimani mwaye makalelo unafuna liye vaha. Fwanyeya ira aKorinto kagasakunlre ira: <<Nnafuna nivahe na makalelo ala>>, Pawulo ohakokomeza ira kada mutu airegena nnga muumbuwenle liye. Tapulela nnga hiyo vano ira nahanagulihe yengo, inafwanela nirome umbuwela makalelo anafuna hiyo vaha nagagulihile yengwele. hiya mowanganyeda, hiya mokanyihediwa. Mwasiwa Mulugu unamuziveliwa mutu unavaha mohagalala.
8Mulugu unowanda uirelani sayi datene ira ora ili yatene muwande kana mokwakwanela jatene jinafuneya ira muiregena makalelo matene apama.#9:8 Mulugu unowanda uirelani sayi datene ira… muwande kana mokwakwanela… muiregena makalelo matene apama: Va Pawulo unawonga ira Mulugu anivahaga jengo, kananivaha ira nigaratina jehu, hawandaga akamiheda atu osimela no labana mabasa a Mulugu. Sayi da Mulugu nnalaba ira nikayena jengo eto ira nikale atu ovaha. Ku wonga muwari mwa sayi daye, mabasa a Mulugu kinahaleliwa kobiri. 9Kalaga nnga ilrembiwe mMazuni ira:
<<Liye uhugawa na manda menli, liye avaha jorayela atu osimela. Upama waye gwa mukalakala.>> #
Salmu 112:9
10Mulugu wenno unanvaha mutu mbewu ira azalege na pawu ira adjege, liye unouvahani eto unouwendjedani mbewu munafuna nyo zala eto unoindjiviha handa wenyu ozela upama unafuna nyo irana.#9:10 unouwendjedani mbewu munafuna nyo zala eto unoindjiviha handa wenyu ozela upama unafuna nyo irana: Mazwala ananiwandela ira nakala atu ovaha, Mulugu kananihiya eno. Liye unoindjiviha upama unafuna hiyo handa. Eto fwanyeya ira handa ulukulu kahi mwilamboni ya vati mbwenye ku handa wa ilambo ya zulu. (Matewuji 6:1-4, 10:42) 11Mulugu agaonne vaha watene unaira nyo, liye unourayelihani na makalelo matene ira muvahegeve na makalelo matene.#9:11 liye unourayelihani na makalelo matene ira muvahegeve na makalelo matene: Tapulela ira naona ira nihiroma kala atu okana, inafwanela niiziwe ira Mulugu kanivahile ira nidjege jokana jehu okave. Mulugu anivahile ira niwande akamiheda eto ale anafwanyeya na makatamiho. Evale hiyo nadowana jovaha jenyu, atu anerege mutamalela Mulugu na mwasa wa nyo.
12Tchoira mabasala oakamiheda afwihu kinalaba ira atu otchenihiwa kakayena jinaahalela bahi. Analaba eto ira Mulugu atamaleliwege valukulu zela jinaira liye.#9:12 Analaba eto ira Mulugu atamaleliwege valukulu zela jinaira liye. Tamaleliwa wa Mulugu wafuna uzele muwari moira aliba watchela kobiri ale anerege kana lobela kamutamalelaga Mulugu ira: <<Nabwiya nnoutamalelani na mwasa wa sayi musakanyile nyo, mwaavahaga abalihu irima yoniumbuwela hiyo, kanikamihedaga na makalelo anna.>> 13Tchoira aliwa kagawatchenle mabasa analaba hiyo, anerege mutitimiha Mulugu ira: <<Nnoutitimihani zela vwelela unna afwihu wewo unakumela muwari morumela Muselu Wapama wa Kiristu. Eto nnoutitimihani na mwasa wa sokasoka uniirele afwihu na manda menli, kanivaha hiyo vamohi na atu amohiwa.>> 14Evale aliwa anerege ulobelelani muwari mouzivelani ulukulu na mwasa wa sayi dilukulu da Mulugu duireleni liye.#9:14 sayi dilukulu da Mulugu duireleni liye: Va Pawulo unawonga zela sayi da Mulugu ira atu okana kawande aumbuwela afwiwa ohokana. Tchoira atu amohiwa okana kinakana tempu yoabalra afwiwa osimela. Mbwenye muwari mwa sayi da Mulugu, aKorinto kohowanda akamiheda afwiwa kasimenle. 15Mulugu atamaleliwe zela yovaha yohowanda wongiwa, yenno inavaha liye!#9:15 yovaha yohowanda wongiwa: Pawulo ohomutamalela Mulugu na mwasa wa kopolo daye alabaga muwari mwa atu omuroromela Yesu, aliwa wandaga avaha afwiwa kasimenle kobiri. Pawulo aonne ira: <<Mulugu atamaleliwe mwasiwa liye gwaavahile afwihu zelru dedo.>>
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2018 Visão Integral