Obadiya 1
1
Joomiraawo fiinii halkere Edomu
1Nani ɗo haala ka Alla Joomiraawo holli Obadiya o batana Edomu o wi'a:
Joomiraawo lilii lilaaɗo mum to lenyi janani,
menen bo men nanii haala makko, o wi'i:
Ummee kaɓen e himɓe Edomu.
2Joomiraawo wi'i himɓe Edomu:
Mi ɓuytan semme mon caka lenyi koriiɗi fu,
lenyi fu yawoto on sanne.
3Manŋu hoore mon jammake on,
onon jooɗiiɓe der gayɗe baalle,
oon jooɗii dow baalle towuɗe,
oon bi'a: Moy nun waawata jippingo en diga ɗoo?
4Baa to on jooɗake dow hoore waanne, hande no birigaare waɗirta daɗɗa mum,
baa to on gaɗii cuuɗi mon hakkune koode,
mi jippinan on e leydi,
Min Joomiraawo nun bati ka.
5To wuyɓe, naa bo teetooɓe jawdi warii naati wurooji mon jemma, go oon jeeɗii,
hinaa ko ɓe jiɗi nun ɓe ettata?
To ɓorooɓe ɓiɓɓe innabooje naatii e gese mon,
ɓikkon seɗɗa tan bane baa ɓe korantoo on?
6Hande non nun, onon himɓe lenyol Isuwa, wayɓe ettirta jawdi mon fu,
baa e jawdi mon cuuɗiini fu yiitete.
7Ɓe diiwan on diga leydi mon.
Haɓɓidinnooɓe alkawal e mon fu jammoto on.
Beldiiɓe mon jaalotoo on.
Ɓe nyaamdoton tunnanan on pittol,
Ɓe bi'an on:
Ɓee ɗo walaa hakkillo!
8Min Joomiraawo, mi batii bi'umi:
Nyanne kiitotoomi,
mi halkan wooduɓe faamu der leydi Edomu,
mi halkan wooduɓe annal der jeyde baalle Isuwa.
9An wanŋarde Teman, soogeeji maa cuusuɗi hulan,
wayɓe waran himɓe maa der leydi Edomu fu.
Ko acci Alla e hiito Edomu
10Onon himɓe Edomu, senteene tawan on,
gam sabbu kalluɗum ɗum gaɗanɗon banniraaɓe mon himɓe lenyol Yaakuubu,
on kalkete faa e baadey.
11Gam onon bo on na'onno ɗon,
wakkati wayɓe maɓɓe teetata ko ɓe goodi,
wakkati jananɓe naati der wanŋarde maɓɓe.
Wakkati ɓe piɗanta jawdi *Urusaliima tete,
gam ɓe ceenna ni hakkune maɓɓe,
onon bo oon goondi e maɓɓe.
12Haanayno daroɗon oon daara banniraaɓe mon e belɗum ɓerne,
wakkati bone tawi ɓe.
Haanayno ceyoɗon nyanne himɓe Yahuuda halketee,
haanayno oon jala nyanne toora tawi ɓe!
13Haanayno naaton der wanŋarde himɓe am wakkati ne halketee.
Haanayno ceyoɗon gam sabbu halkere mayre,
haanayno etton jawdi maɓɓe nyaamon.
14Haanayno daroɗon der ate cele oon kappa daɗoyɓe maɓɓe oon bara!
Nyanne bone nen tawi ɓe,
haanayno oon kappa daɗoyɓe maɓɓe,
oon kokkitira wayɓe maɓɓe.
15Nyalaane ne min Joomiraawo kiitotoomi lenyi faanake yottaago.
Hande no gaɗanɗon woɓɓe,
non non gaɗanteɗon onon bo,
kalluɗum ɗum gaɗuɗon yanan e ko'e mon.
Himɓe Isira'iila wattoto himɓe Edomu kalluɗum ɗum ɓe gaɗani ɓe
16Onon himɓe Yahuuda,
deydey hande no jarirɗon bone dow waanne am seniine,
non non lenyi janani fu yarirta ne.
Ɗi jaran bone faa ɗi kalka hande ɗi galaano.
17Amma dow waanne Siyon kan, woɓɓe daɗan,
ne laatoo kade waanne am seniine.
Himɓe lenyol Yaakuubu jeytan leydi mum.
18Himɓe lenyol Yaakuubu laatoto hande yiite,
himɓe lenyol Yusufu laatoto hande ɗenŋal yiite,
amma himɓe lenyol Isuwa kan laatoto hande fuɗo yorko,
yiite ŋen jaɓinan himɓe lenyol Isuwa,
baa neɗɗo gooto daɗataa der lenyol Isuwa.
Min Joomiraawo nun bati ka.
19Himɓe Yahuuda ɓe hoore fuɗo jeytan leydi Edomu, den jooɗiiɓe Sefela jeytan leydi Filisitinkeeɓe, ɓe jeytan bo leydi Efurayimu, e leydi Samariya. Himɓe lenyol Benyamin bo jeytan leydi Galaadi.
20Soogeeji himɓe Isira'iila nanŋanooɗi maccuŋaaku, jeytan leydi Kanaaninkeeɓe, faa yottoo Sarafati. Soogeeji *Urusaliima nanŋanooɗi maccuŋaaku yaaraa Sefaradi bo jeytan wanŋarɗe gonuɗe far to hoore fuɗo. 21Daɗuɓe jooɗoto dow waanne Siyon, ɓe kiitanoo leydi Edomu. Den mum laamaare laatanto Joomiraawo!
Iliyochaguliwa sasa
Obadiya 1: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Obadiya 1
1
Joomiraawo fiinii halkere Edomu
1Nani ɗo haala ka Alla Joomiraawo holli Obadiya o batana Edomu o wi'a:
Joomiraawo lilii lilaaɗo mum to lenyi janani,
menen bo men nanii haala makko, o wi'i:
Ummee kaɓen e himɓe Edomu.
2Joomiraawo wi'i himɓe Edomu:
Mi ɓuytan semme mon caka lenyi koriiɗi fu,
lenyi fu yawoto on sanne.
3Manŋu hoore mon jammake on,
onon jooɗiiɓe der gayɗe baalle,
oon jooɗii dow baalle towuɗe,
oon bi'a: Moy nun waawata jippingo en diga ɗoo?
4Baa to on jooɗake dow hoore waanne, hande no birigaare waɗirta daɗɗa mum,
baa to on gaɗii cuuɗi mon hakkune koode,
mi jippinan on e leydi,
Min Joomiraawo nun bati ka.
5To wuyɓe, naa bo teetooɓe jawdi warii naati wurooji mon jemma, go oon jeeɗii,
hinaa ko ɓe jiɗi nun ɓe ettata?
To ɓorooɓe ɓiɓɓe innabooje naatii e gese mon,
ɓikkon seɗɗa tan bane baa ɓe korantoo on?
6Hande non nun, onon himɓe lenyol Isuwa, wayɓe ettirta jawdi mon fu,
baa e jawdi mon cuuɗiini fu yiitete.
7Ɓe diiwan on diga leydi mon.
Haɓɓidinnooɓe alkawal e mon fu jammoto on.
Beldiiɓe mon jaalotoo on.
Ɓe nyaamdoton tunnanan on pittol,
Ɓe bi'an on:
Ɓee ɗo walaa hakkillo!
8Min Joomiraawo, mi batii bi'umi:
Nyanne kiitotoomi,
mi halkan wooduɓe faamu der leydi Edomu,
mi halkan wooduɓe annal der jeyde baalle Isuwa.
9An wanŋarde Teman, soogeeji maa cuusuɗi hulan,
wayɓe waran himɓe maa der leydi Edomu fu.
Ko acci Alla e hiito Edomu
10Onon himɓe Edomu, senteene tawan on,
gam sabbu kalluɗum ɗum gaɗanɗon banniraaɓe mon himɓe lenyol Yaakuubu,
on kalkete faa e baadey.
11Gam onon bo on na'onno ɗon,
wakkati wayɓe maɓɓe teetata ko ɓe goodi,
wakkati jananɓe naati der wanŋarde maɓɓe.
Wakkati ɓe piɗanta jawdi *Urusaliima tete,
gam ɓe ceenna ni hakkune maɓɓe,
onon bo oon goondi e maɓɓe.
12Haanayno daroɗon oon daara banniraaɓe mon e belɗum ɓerne,
wakkati bone tawi ɓe.
Haanayno ceyoɗon nyanne himɓe Yahuuda halketee,
haanayno oon jala nyanne toora tawi ɓe!
13Haanayno naaton der wanŋarde himɓe am wakkati ne halketee.
Haanayno ceyoɗon gam sabbu halkere mayre,
haanayno etton jawdi maɓɓe nyaamon.
14Haanayno daroɗon der ate cele oon kappa daɗoyɓe maɓɓe oon bara!
Nyanne bone nen tawi ɓe,
haanayno oon kappa daɗoyɓe maɓɓe,
oon kokkitira wayɓe maɓɓe.
15Nyalaane ne min Joomiraawo kiitotoomi lenyi faanake yottaago.
Hande no gaɗanɗon woɓɓe,
non non gaɗanteɗon onon bo,
kalluɗum ɗum gaɗuɗon yanan e ko'e mon.
Himɓe Isira'iila wattoto himɓe Edomu kalluɗum ɗum ɓe gaɗani ɓe
16Onon himɓe Yahuuda,
deydey hande no jarirɗon bone dow waanne am seniine,
non non lenyi janani fu yarirta ne.
Ɗi jaran bone faa ɗi kalka hande ɗi galaano.
17Amma dow waanne Siyon kan, woɓɓe daɗan,
ne laatoo kade waanne am seniine.
Himɓe lenyol Yaakuubu jeytan leydi mum.
18Himɓe lenyol Yaakuubu laatoto hande yiite,
himɓe lenyol Yusufu laatoto hande ɗenŋal yiite,
amma himɓe lenyol Isuwa kan laatoto hande fuɗo yorko,
yiite ŋen jaɓinan himɓe lenyol Isuwa,
baa neɗɗo gooto daɗataa der lenyol Isuwa.
Min Joomiraawo nun bati ka.
19Himɓe Yahuuda ɓe hoore fuɗo jeytan leydi Edomu, den jooɗiiɓe Sefela jeytan leydi Filisitinkeeɓe, ɓe jeytan bo leydi Efurayimu, e leydi Samariya. Himɓe lenyol Benyamin bo jeytan leydi Galaadi.
20Soogeeji himɓe Isira'iila nanŋanooɗi maccuŋaaku, jeytan leydi Kanaaninkeeɓe, faa yottoo Sarafati. Soogeeji *Urusaliima nanŋanooɗi maccuŋaaku yaaraa Sefaradi bo jeytan wanŋarɗe gonuɗe far to hoore fuɗo. 21Daɗuɓe jooɗoto dow waanne Siyon, ɓe kiitanoo leydi Edomu. Den mum laamaare laatanto Joomiraawo!
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.