Matiye 25
25
Ballool dow gati sappo ɗi annaa worɓe
1Nyalaane mum, Laamaare Alla nandan e gati sappo ɗi annaa worɓe ettuɗi fitillaaji mum, wurtii gam fottoygo e jommanjo gorko. 2Joyo maɓɓe e laatii ŋaaɓiiɓe, joyo bo ƴoƴuɓe. 3Ŋaaɓiiɓe ɓen etti fitillaaji mum, amma ɓe ettay nebbam goɗɗam. 4Ƴoƴuɓe kan etti fitillaaji mum, hawri e paali nebbam goɗɗam. 5No jommanjo jenŋi waray, ɓe fu ɓe ŋoŋi, ɓe ɗaanii.
6Faa caka jemma, huuɓaaŋo nanaa, wi'i: "Jommanjo gorko yottake, burtee, taɓɓitee mo!" 7Den gati sappo ɗin fu fini, ɓee moƴƴina fitillaaji maɓɓe. 8Gati joy ŋaaɓiiɗi wi'i banniraaɓe mum ƴoƴuɓe: "Kokkoree men nebbam mooɗon seɗɗa, gam fitillaaji amen e nyifa." 9Ƴoƴuɓe toontii ɓe, wi'i: "Aawo nebbam ɗam men goodi heƴataa en, en fu. Jahee to sippooɓe, coodee ɗam mooɗon!" 10No ɓe jawti soodoygo nebbam, jommanjo gorko yottii. Waɗunooɓe siri mum naatidi e makko der wuro to ɓangal waɗata, den dammugal maɓɓaa. 11No ɓooyi seɗɗa, joyo horiiɓe wittoy, e huuɓa, e wi'a: "Joomiraawo, Joomiraawo, maɓɓitan men!" 12Amma o toontii ɓe, o wi'i: "E gooŋa batanmi on, mi annaa on."
13Gam majjum Yeesu wi'i: «Deenee, gam on annaa nyalaane, ɗum bo wakkatiire de Ɓii neɗɗo warata.»
Ballool gollotooɓe tato
(Luka 19:12-27)
14Garki Ɓii neɗɗo nandu nun hande gorko gom ciriyiiɗo waɗa jahaaŋal. Den o noddi gollotooɓe makko, o yowani ɓe jawdi makko. 15O hokki arano maɓɓe ceede cardi keme joy, ɗiɗaɓo, ceede cardi keme ɗiɗi, tataɓo bo, ceede cardi hewre, moy fu jaka no baawɗe mum foti. Den o yawti genni makko. 16Ɗon maa ɗon, gollotooɗo kokkaaɗo ceede cardi keme joy, yahi tenkorii ɗe, o riibii ceede cardi keme joy goɗɗe. 17Kokkaaɗo ceede cardi keme ɗiɗi bo, waɗi hande non, kanko bo o riibii ceede cardi keme ɗiɗi goɗɗe. 18Amma kokkaaɗo ceede cardi hewre, yahi wasi gayka, uwi ɗon ceede ɗe joomiraawo makko hokki mo.
19No ɓooyi, joomiraawo maɓɓe warti, noddi ɓe, ɓe liisoo, ɓe kolla no moy maɓɓe fu waɗiri golle mum. 20Kokkaaɗo ceede cardi keme joy wari, waddi ceede cardi keme joy goɗɗe, wi'i: "Joomiraawo, ceede cardi keme joy nun kokkuɗaa am, mi riibake ceede cardi keme joy goɗɗe." 21Joomiraawo makko wi'i mo: "Golle maa wooɗii sanne, an gollotooɗo geeto, koolaaɗo. No a laatake koolaaɗo e huune ko faanɗi, mi hokkete ko ɓuri ɗum mawnugo. War naatu ceyodoɗaa e am!" 22Gollotooɗo kokkanooɗo ceede cardi keme ɗiɗi wari kanun bo, wi'i: "Joomiraawo, ceede cardi keme ɗiɗi nun kokkuɗaa am, mi riibake ceede cardi keme ɗiɗi goɗɗe." 23Joomiraawo makko wi'i mo: "Golle maa wooɗii sanne, an gollotooɗo geeto, koolaaɗo. No a laatake koolaaɗo e huune ko faanɗi, mi hokkete ko ɓuri ɗum mawnugo. War naatu ceyodoɗaa e am!" 24Kokkaaɗo ceede cardi hewre wari kanun bo, wi'i: "Joomiraawo, mii anni a laati nun neɗɗo caɗuɗo: Aa rugga ko a aaway, aa ɓotta ko a hawritay. 25Gam majjum kulumi, jahumi uwoymi ceede maa der leydi. Jaɓu ceede maa!" 26Joomiraawo makko toontii mo, wi'i: "An gollotooɗo kalluɗo, ciiwaakuujo! Aa annunoo mii rugga ko mi aaway, mii ɓotta ko mi hawritay, 27den, ume waɗi ko a wattay ceede am der banki, to mi wartiino mi jaɓanno ɗe e riiba majje. 28Teetee ceede makko ɗen, kokkon gooduɗo ceede cardi keme joy. 29Gam gooduɗo nun ɓeydantee faa ɗuuɗa. Amma mo woodaa, baa seɗɗa ko woodi teetete. 30Gollotooɗo mo nafataa on, paɗɗee mo yaasi der niwre, o wulla ton, o ƴakkontira nyiiƴe."
Ɓii neɗɗo hiitoto himɓe nyanne darŋal
31«To Ɓii neɗɗo warii e tedduŋal mum e malaykaaɓe fu, o jooɗoto dow kittaal laamaare makko ŋal tedduŋal. 32Himɓe lenyi duuniyaaru fu, hawritinto yeeso makko. O seenniran himɓe hande no duroowo seennirta baali e be'i. 33O resan baali, juunŋo makko nyaamo, o resa be'i bo, juunŋo makko nano. 34Den, laamiiɗo wi'an wonuɓe juunŋo mum nyaamo: "Garee, onon ɓe Baaba am barkiɗini, jaɓee laamaare ne ciriyanaɗon diga fuɗɗoode duuniyaaru. 35Gam rafo waɗii am, on nyaamnii am, mi ɗonɗaama, on jarnii am, mii laatino koɗo, on beernii am. 36Mi wonake funtu, on koltinii am, mi nyawii, on nyawtii am, mi maɓɓaama der kasu, on daaroyi am." 37Den, foonnitiiɓe toontoto mo, wi'a: "Joomiraawo, dey men ji'u maa aa rafi, men nyaamni maa, naa dey men ji'u maa aa ɗonɗii, go men jarnu maa? 38Dey men ji'u maa aa laatii koɗo, men beerni maa, naa dey men ji'u maa aa woni funtu go men koltini maa? 39Dey men ji'u maa aa nyawi naa bo aa maɓɓaa der kasu, men daaroy maa?" 40Laamiiɗo on toontoto ɓe, wi'a: "E gooŋa batanmi on: Ko gaɗanɗon banniraaɓe am ɓuruɓe faanɗugo ɓee ɗo gooto mum, min nun gaɗanɗon ɗum."
41Ɓaawo majjum, o wi'an wonuɓe juunŋo makko nano: "Dillee woɗɗi am, onon yaa'aaɓe! Naatee der yiite tabitiiŋe, desanaaŋe Ibiliisa e malaykaaɓe mum! 42Gam rafo waɗii am, on nyaamnay am, ɗonka waɗii am, on jarnay am, 43mii laatino koɗo, on beernay am, mii woninoo funtu, on koltinay am, mi nyawii, maɓɓaami der kasu, on daaray am." 44Den, ɓe toontoto mo kamɓe bo, ɓe bi'a: "Joomiraawo, dey men ji'i rafo e waɗee, ɗum bo ɗonka e waɗee, maa bo aa laatii koɗo, naa bo aa woni funtu, maa bo aa nyawi, naa aa maɓɓaa der kasu, go men ballay maa?" 45O toontoto ɓe o wi'a: "E gooŋa batanmi on: Ko on gaɗanay ɓuruɓe faanɗugo ɓee ɗo gooto mum, min woni on gaɗanay ɗum." 46Den kamɓe, ɓe naatan der bone tabitiine, amma foonnitiiɓe heɓan yonki tabitiiki.»
Iliyochaguliwa sasa
Matiye 25: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Matiye 25
25
Ballool dow gati sappo ɗi annaa worɓe
1Nyalaane mum, Laamaare Alla nandan e gati sappo ɗi annaa worɓe ettuɗi fitillaaji mum, wurtii gam fottoygo e jommanjo gorko. 2Joyo maɓɓe e laatii ŋaaɓiiɓe, joyo bo ƴoƴuɓe. 3Ŋaaɓiiɓe ɓen etti fitillaaji mum, amma ɓe ettay nebbam goɗɗam. 4Ƴoƴuɓe kan etti fitillaaji mum, hawri e paali nebbam goɗɗam. 5No jommanjo jenŋi waray, ɓe fu ɓe ŋoŋi, ɓe ɗaanii.
6Faa caka jemma, huuɓaaŋo nanaa, wi'i: "Jommanjo gorko yottake, burtee, taɓɓitee mo!" 7Den gati sappo ɗin fu fini, ɓee moƴƴina fitillaaji maɓɓe. 8Gati joy ŋaaɓiiɗi wi'i banniraaɓe mum ƴoƴuɓe: "Kokkoree men nebbam mooɗon seɗɗa, gam fitillaaji amen e nyifa." 9Ƴoƴuɓe toontii ɓe, wi'i: "Aawo nebbam ɗam men goodi heƴataa en, en fu. Jahee to sippooɓe, coodee ɗam mooɗon!" 10No ɓe jawti soodoygo nebbam, jommanjo gorko yottii. Waɗunooɓe siri mum naatidi e makko der wuro to ɓangal waɗata, den dammugal maɓɓaa. 11No ɓooyi seɗɗa, joyo horiiɓe wittoy, e huuɓa, e wi'a: "Joomiraawo, Joomiraawo, maɓɓitan men!" 12Amma o toontii ɓe, o wi'i: "E gooŋa batanmi on, mi annaa on."
13Gam majjum Yeesu wi'i: «Deenee, gam on annaa nyalaane, ɗum bo wakkatiire de Ɓii neɗɗo warata.»
Ballool gollotooɓe tato
(Luka 19:12-27)
14Garki Ɓii neɗɗo nandu nun hande gorko gom ciriyiiɗo waɗa jahaaŋal. Den o noddi gollotooɓe makko, o yowani ɓe jawdi makko. 15O hokki arano maɓɓe ceede cardi keme joy, ɗiɗaɓo, ceede cardi keme ɗiɗi, tataɓo bo, ceede cardi hewre, moy fu jaka no baawɗe mum foti. Den o yawti genni makko. 16Ɗon maa ɗon, gollotooɗo kokkaaɗo ceede cardi keme joy, yahi tenkorii ɗe, o riibii ceede cardi keme joy goɗɗe. 17Kokkaaɗo ceede cardi keme ɗiɗi bo, waɗi hande non, kanko bo o riibii ceede cardi keme ɗiɗi goɗɗe. 18Amma kokkaaɗo ceede cardi hewre, yahi wasi gayka, uwi ɗon ceede ɗe joomiraawo makko hokki mo.
19No ɓooyi, joomiraawo maɓɓe warti, noddi ɓe, ɓe liisoo, ɓe kolla no moy maɓɓe fu waɗiri golle mum. 20Kokkaaɗo ceede cardi keme joy wari, waddi ceede cardi keme joy goɗɗe, wi'i: "Joomiraawo, ceede cardi keme joy nun kokkuɗaa am, mi riibake ceede cardi keme joy goɗɗe." 21Joomiraawo makko wi'i mo: "Golle maa wooɗii sanne, an gollotooɗo geeto, koolaaɗo. No a laatake koolaaɗo e huune ko faanɗi, mi hokkete ko ɓuri ɗum mawnugo. War naatu ceyodoɗaa e am!" 22Gollotooɗo kokkanooɗo ceede cardi keme ɗiɗi wari kanun bo, wi'i: "Joomiraawo, ceede cardi keme ɗiɗi nun kokkuɗaa am, mi riibake ceede cardi keme ɗiɗi goɗɗe." 23Joomiraawo makko wi'i mo: "Golle maa wooɗii sanne, an gollotooɗo geeto, koolaaɗo. No a laatake koolaaɗo e huune ko faanɗi, mi hokkete ko ɓuri ɗum mawnugo. War naatu ceyodoɗaa e am!" 24Kokkaaɗo ceede cardi hewre wari kanun bo, wi'i: "Joomiraawo, mii anni a laati nun neɗɗo caɗuɗo: Aa rugga ko a aaway, aa ɓotta ko a hawritay. 25Gam majjum kulumi, jahumi uwoymi ceede maa der leydi. Jaɓu ceede maa!" 26Joomiraawo makko toontii mo, wi'i: "An gollotooɗo kalluɗo, ciiwaakuujo! Aa annunoo mii rugga ko mi aaway, mii ɓotta ko mi hawritay, 27den, ume waɗi ko a wattay ceede am der banki, to mi wartiino mi jaɓanno ɗe e riiba majje. 28Teetee ceede makko ɗen, kokkon gooduɗo ceede cardi keme joy. 29Gam gooduɗo nun ɓeydantee faa ɗuuɗa. Amma mo woodaa, baa seɗɗa ko woodi teetete. 30Gollotooɗo mo nafataa on, paɗɗee mo yaasi der niwre, o wulla ton, o ƴakkontira nyiiƴe."
Ɓii neɗɗo hiitoto himɓe nyanne darŋal
31«To Ɓii neɗɗo warii e tedduŋal mum e malaykaaɓe fu, o jooɗoto dow kittaal laamaare makko ŋal tedduŋal. 32Himɓe lenyi duuniyaaru fu, hawritinto yeeso makko. O seenniran himɓe hande no duroowo seennirta baali e be'i. 33O resan baali, juunŋo makko nyaamo, o resa be'i bo, juunŋo makko nano. 34Den, laamiiɗo wi'an wonuɓe juunŋo mum nyaamo: "Garee, onon ɓe Baaba am barkiɗini, jaɓee laamaare ne ciriyanaɗon diga fuɗɗoode duuniyaaru. 35Gam rafo waɗii am, on nyaamnii am, mi ɗonɗaama, on jarnii am, mii laatino koɗo, on beernii am. 36Mi wonake funtu, on koltinii am, mi nyawii, on nyawtii am, mi maɓɓaama der kasu, on daaroyi am." 37Den, foonnitiiɓe toontoto mo, wi'a: "Joomiraawo, dey men ji'u maa aa rafi, men nyaamni maa, naa dey men ji'u maa aa ɗonɗii, go men jarnu maa? 38Dey men ji'u maa aa laatii koɗo, men beerni maa, naa dey men ji'u maa aa woni funtu go men koltini maa? 39Dey men ji'u maa aa nyawi naa bo aa maɓɓaa der kasu, men daaroy maa?" 40Laamiiɗo on toontoto ɓe, wi'a: "E gooŋa batanmi on: Ko gaɗanɗon banniraaɓe am ɓuruɓe faanɗugo ɓee ɗo gooto mum, min nun gaɗanɗon ɗum."
41Ɓaawo majjum, o wi'an wonuɓe juunŋo makko nano: "Dillee woɗɗi am, onon yaa'aaɓe! Naatee der yiite tabitiiŋe, desanaaŋe Ibiliisa e malaykaaɓe mum! 42Gam rafo waɗii am, on nyaamnay am, ɗonka waɗii am, on jarnay am, 43mii laatino koɗo, on beernay am, mii woninoo funtu, on koltinay am, mi nyawii, maɓɓaami der kasu, on daaray am." 44Den, ɓe toontoto mo kamɓe bo, ɓe bi'a: "Joomiraawo, dey men ji'i rafo e waɗee, ɗum bo ɗonka e waɗee, maa bo aa laatii koɗo, naa bo aa woni funtu, maa bo aa nyawi, naa aa maɓɓaa der kasu, go men ballay maa?" 45O toontoto ɓe o wi'a: "E gooŋa batanmi on: Ko on gaɗanay ɓuruɓe faanɗugo ɓee ɗo gooto mum, min woni on gaɗanay ɗum." 46Den kamɓe, ɓe naatan der bone tabitiine, amma foonnitiiɓe heɓan yonki tabitiiki.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.