Matiye 20
20
Ballool gollotooɓe der gesa innabooje
1«Laamaare Alla e nandi e joom gesa innabooje. O wurtii subaka kecco, gam o daarta gollotooɓe, o yaara to gesa innabooje makko. 2O nannantiri e gollotooɓe, o yoɓa ɓe nyalaane fu ceede cardi goote. Den o yaari ɓe gesa makko. 3O wurtii kade jaka yanɗe jeenay, o tawi woɓɓe e jooɗii der luumo, woodaa gaɗeteeŋal. 4O wi'i ɓe: "Jahee golloɗon onon bo der gesa innabooje am, mi yoɓan on ko haani. 5Kamɓe bo ɓe jahi. Joom gesa on wurtii kade caka nyalooma e yanne tati, o waɗi hande non. 6Ɓaawo majjum, wakkati yanne joy, o wurtii kade. O tawi woɓɓe e darii, woodaa gaɗeteeŋal. O wi'i ɓe: "Ume waɗi ko diga subaka oon darii ɗoo, on goodaa gaɗeteeŋal?" 7Ɓe toontii mo, ɓe bi'i: "Men keɓay ettuɗo men golle." O wi'i ɓe: "Jahee onon bo golloɗon der gesa innabooje am."
8No kiikiiɗe waɗi, joom gesa on wi'i deenuɗo jawdi mum: "Noddu gollotooɓe ɓen, joɓaa moy fu ceede mum. Puɗɗiraa sakitiiɓe, keennyitiraa ardiiɓe." 9Ettanooɓe golle deydey yanne joy wari, moy maɓɓe fu hokkaa ceede cardi goote. 10Artanooɓe ettaa golle bo wari. Ɓee miiluno joddi maɓɓe ɓuran ni ɓee too. Amma moy maɓɓe fu yoɓaa ceede cardi goote. 11No ɓe joɓaa, ɓee dumbitoo dow joom gesa on, 12ɓee bi'a: "Sakitiiɓe wari, yanne woore tan gollii, go potinɗaa ɓe e menen golliiɓe nyalaane nen fu, der naaŋe e guli!" 13Joom gesa on toontii gooto maɓɓe, wi'i: "Banniraawo am, mi farkanay maa. En nannantir bane dow ceede cardi goote nyalaane fu na? 14Ettu joddi maa, dillu. Mii yiɗi yoɓugo cakitiiɗo hande no maa. 15Laawol hokkay am mi waɗira ceede am no jiɗirmi na? Naa a daarir am nun e gite kalluɗe gam mi waɗii ko wooɗi?"» 16Yeesu wi'i: «Hande non non sakitiiɓe laatortoo ardiiɓe, ardiiɓe bo laatoo sakitiiɓe.»
Yeesu batanii maayde mum e pintol mum de tatawre
(Marku 10:32-34, Luka 18:31-34)
17No Yeesu yahata *Urusaliima, o noddi aahiiɓe makko sappo e ɗiɗo (12) ɓen, feere mum, o bati ɓe e laawol, o wi'i ɓe: 18«Nani een jaha *Urusaliima. Ton Ɓii neɗɗo wattoytee der juuɗe hooreeɓe *liimaamiiɓe, e moodiɓɓe tawreeta. Ɓe kiitoto mo kiita maayde. 19Ɓe gattan mo der juuɗe heeferɓe, gam ɓe jaanca mo, ɓe piya mo looci, ɓe ɓila mo dow *leggal palaaŋal. Amma nyalaane tatawre, o fintan.»
Elgal inna Yaakuuba e Yuhaana
(Marku 10:35-45, Luka 22:24-27)
20Den, inna ɓiɓɓe Jebede e sukaaɓe mum ɓattii Yeesu. O jiccii yeeso Yeesu gam o eela mo ballal. 21Yeesu wi'i mo: «Ume jiɗuɗaa?» O toontii mo, o wi'i: «Mii yiɗi, to a laamike, nootoɗaa ɓiɓɓe am ɗiɗo ɓee ɗo, gooto jooɗoo nyaamo maaɗa, gooto bo nano maaɗa.» 22Yeesu toontii, wi'i: «On annaa ko eeloton am. On baawan ko yariri jarirgel ŋel jariranmi na?» Ɓe toontii mo, ɓe bi'i: «Men baawan.» 23O wi'i ɓe: «Gooŋa nun, on baawan. Amma jooɗaago nyaamo am e nano am, min bane hokkata ɗum. Ɓee ɗo Baaba am siryanii joonɗe ɗen nun heɓata ɗe.»
24No aahiiɓe sappo horiiɓe nani ka, mone maɓɓe ummii dow banniraaɓe maɓɓe ɗiɗo ɓen. 25Den, Yeesu noddi ɓe, ɓe fu, wi'i ɓe: «Oon anni no hooreeɓe duuniyaaru hollan nun himɓe mum semme. Mawɓe bo e holla himɓe mum baawɗe. 26Amma, haanay ɗum laatoroo hande non hakkune mooɗon. Jiɗuɗo laataago mawɗo caka mooɗon fu, joomum laatoo jaggotooɗo mon. 27Kade bo, jiɗuɗo ardaago e mooɗon fu, joomum laatoo maccuɗo mooɗon. 28Hande non, Ɓii neɗɗo waray gam jagganeego, amma, jagganaago himɓe waddi mo, o hokkitira yonki makko gam sooditaago ɗuuɓɓe.»
No Yeesu wumtiniri wumuɓe ɗiɗo
(Marku 10:46-52, Luka 18:35-43)
29Yeesu e aahiiɓe mum e wurtoo Yeriko, go jama'aare ɗuunne e tokki mo. 30Wumuɓe ɗiɗo gom e jooɗinoo sera laawol. Ɓe nani e wi'ee, Yeesu nun yawtata ɗon, den ɓe janti ɓee nodda e semme, ɓee bi'a: «Joomiraawo Ɓii Dawda, yuruma men!» 31Jama'aare e falma ɓe gam ɓe jeeɗoo, amma ɓe ɓeydi noddugo e semme, ɓee bi'a: «Joomiraawo Ɓii Dawda, yuruma men!» 32Yeesu darii, noddi ɓe, wi'i: «Ume jiɗuɗon mi waɗana on?» 33Ɓe toontii mo, ɓe bi'i: «Joomiraawo, wumtin men.» 34Yeesu yurumii ɓe, meemi gite maɓɓe. Ɗon maa ɗon ɓe bumti, ɓe tokki mo.
Iliyochaguliwa sasa
Matiye 20: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Matiye 20
20
Ballool gollotooɓe der gesa innabooje
1«Laamaare Alla e nandi e joom gesa innabooje. O wurtii subaka kecco, gam o daarta gollotooɓe, o yaara to gesa innabooje makko. 2O nannantiri e gollotooɓe, o yoɓa ɓe nyalaane fu ceede cardi goote. Den o yaari ɓe gesa makko. 3O wurtii kade jaka yanɗe jeenay, o tawi woɓɓe e jooɗii der luumo, woodaa gaɗeteeŋal. 4O wi'i ɓe: "Jahee golloɗon onon bo der gesa innabooje am, mi yoɓan on ko haani. 5Kamɓe bo ɓe jahi. Joom gesa on wurtii kade caka nyalooma e yanne tati, o waɗi hande non. 6Ɓaawo majjum, wakkati yanne joy, o wurtii kade. O tawi woɓɓe e darii, woodaa gaɗeteeŋal. O wi'i ɓe: "Ume waɗi ko diga subaka oon darii ɗoo, on goodaa gaɗeteeŋal?" 7Ɓe toontii mo, ɓe bi'i: "Men keɓay ettuɗo men golle." O wi'i ɓe: "Jahee onon bo golloɗon der gesa innabooje am."
8No kiikiiɗe waɗi, joom gesa on wi'i deenuɗo jawdi mum: "Noddu gollotooɓe ɓen, joɓaa moy fu ceede mum. Puɗɗiraa sakitiiɓe, keennyitiraa ardiiɓe." 9Ettanooɓe golle deydey yanne joy wari, moy maɓɓe fu hokkaa ceede cardi goote. 10Artanooɓe ettaa golle bo wari. Ɓee miiluno joddi maɓɓe ɓuran ni ɓee too. Amma moy maɓɓe fu yoɓaa ceede cardi goote. 11No ɓe joɓaa, ɓee dumbitoo dow joom gesa on, 12ɓee bi'a: "Sakitiiɓe wari, yanne woore tan gollii, go potinɗaa ɓe e menen golliiɓe nyalaane nen fu, der naaŋe e guli!" 13Joom gesa on toontii gooto maɓɓe, wi'i: "Banniraawo am, mi farkanay maa. En nannantir bane dow ceede cardi goote nyalaane fu na? 14Ettu joddi maa, dillu. Mii yiɗi yoɓugo cakitiiɗo hande no maa. 15Laawol hokkay am mi waɗira ceede am no jiɗirmi na? Naa a daarir am nun e gite kalluɗe gam mi waɗii ko wooɗi?"» 16Yeesu wi'i: «Hande non non sakitiiɓe laatortoo ardiiɓe, ardiiɓe bo laatoo sakitiiɓe.»
Yeesu batanii maayde mum e pintol mum de tatawre
(Marku 10:32-34, Luka 18:31-34)
17No Yeesu yahata *Urusaliima, o noddi aahiiɓe makko sappo e ɗiɗo (12) ɓen, feere mum, o bati ɓe e laawol, o wi'i ɓe: 18«Nani een jaha *Urusaliima. Ton Ɓii neɗɗo wattoytee der juuɗe hooreeɓe *liimaamiiɓe, e moodiɓɓe tawreeta. Ɓe kiitoto mo kiita maayde. 19Ɓe gattan mo der juuɗe heeferɓe, gam ɓe jaanca mo, ɓe piya mo looci, ɓe ɓila mo dow *leggal palaaŋal. Amma nyalaane tatawre, o fintan.»
Elgal inna Yaakuuba e Yuhaana
(Marku 10:35-45, Luka 22:24-27)
20Den, inna ɓiɓɓe Jebede e sukaaɓe mum ɓattii Yeesu. O jiccii yeeso Yeesu gam o eela mo ballal. 21Yeesu wi'i mo: «Ume jiɗuɗaa?» O toontii mo, o wi'i: «Mii yiɗi, to a laamike, nootoɗaa ɓiɓɓe am ɗiɗo ɓee ɗo, gooto jooɗoo nyaamo maaɗa, gooto bo nano maaɗa.» 22Yeesu toontii, wi'i: «On annaa ko eeloton am. On baawan ko yariri jarirgel ŋel jariranmi na?» Ɓe toontii mo, ɓe bi'i: «Men baawan.» 23O wi'i ɓe: «Gooŋa nun, on baawan. Amma jooɗaago nyaamo am e nano am, min bane hokkata ɗum. Ɓee ɗo Baaba am siryanii joonɗe ɗen nun heɓata ɗe.»
24No aahiiɓe sappo horiiɓe nani ka, mone maɓɓe ummii dow banniraaɓe maɓɓe ɗiɗo ɓen. 25Den, Yeesu noddi ɓe, ɓe fu, wi'i ɓe: «Oon anni no hooreeɓe duuniyaaru hollan nun himɓe mum semme. Mawɓe bo e holla himɓe mum baawɗe. 26Amma, haanay ɗum laatoroo hande non hakkune mooɗon. Jiɗuɗo laataago mawɗo caka mooɗon fu, joomum laatoo jaggotooɗo mon. 27Kade bo, jiɗuɗo ardaago e mooɗon fu, joomum laatoo maccuɗo mooɗon. 28Hande non, Ɓii neɗɗo waray gam jagganeego, amma, jagganaago himɓe waddi mo, o hokkitira yonki makko gam sooditaago ɗuuɓɓe.»
No Yeesu wumtiniri wumuɓe ɗiɗo
(Marku 10:46-52, Luka 18:35-43)
29Yeesu e aahiiɓe mum e wurtoo Yeriko, go jama'aare ɗuunne e tokki mo. 30Wumuɓe ɗiɗo gom e jooɗinoo sera laawol. Ɓe nani e wi'ee, Yeesu nun yawtata ɗon, den ɓe janti ɓee nodda e semme, ɓee bi'a: «Joomiraawo Ɓii Dawda, yuruma men!» 31Jama'aare e falma ɓe gam ɓe jeeɗoo, amma ɓe ɓeydi noddugo e semme, ɓee bi'a: «Joomiraawo Ɓii Dawda, yuruma men!» 32Yeesu darii, noddi ɓe, wi'i: «Ume jiɗuɗon mi waɗana on?» 33Ɓe toontii mo, ɓe bi'i: «Joomiraawo, wumtin men.» 34Yeesu yurumii ɓe, meemi gite maɓɓe. Ɗon maa ɗon ɓe bumti, ɓe tokki mo.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.