Matiye 17
17
Tagudi Yeesu waylitake
(Marku 9:2-13, Luka 9:28-36, Piyer I 1:16-18)
1Ɓaawo balɗe jeego'o, Yeesu etti Piyer, e Yaakuuba, e miiraawo mum Yuhaana. O yaari ɓe sera, faa dow waanne towune. 2Tagudi makko waylitii yeeso maɓɓe. Yeeso makko e jalba hande naaŋe, gineeji makko rawni tar hande jayŋol. 3Ɗon nun Muusa e Eliya suppitanii ɓe, e badda e makko. 4Piyer etti haala wi'i Yeesu: «Joomiraawo, wonaago men ɗo e wooɗi. To aa yiɗi, mi tiggan ɗo bukaaji tati: An wooru, Muusa wooru, Eliya wooru.»
5Diga o heennyay batugo, duulel jalboowel gom wari ommi ɓe. Ɗon daane gom ƴiwi diga der duulel ŋel, wi'i: «Oo ɗo laatii Ɓiɗɗo am jiɗaaɗo, mo cuɓumi. Kettinanee mo!»
6No aahiiɓe nani daane nen, ɓe jani, ɓe kippii e leydi, ɓe kuli sanne. 7Yeesu ɓattii, meemi ɓe, wi'i: «Ummee, to on kulee.» 8Den, ɓe ɓanti gite, ɓe ji'ay goɗɗo, sey Yeesu tan.
9No ɓe jippotoo diga dow waanne nen, Yeesu waggini ɓe, wi'i: «To on batee goɗɗo ko ji'uɗon, faa to Ɓii neɗɗo fintii diga e maayde.» 10Den, aahiiɓe makko ƴami mo, wi'i: «Gam ume go moodiɓɓe tawreeta e wi'a: "Eliya nun artata wara"?» 11O toontii ɓe, o wi'i: «Gooŋa nun, Eliya nun artata wara, moƴƴina huune fu. 12Amma mii wi'a on, Eliya wari koo. Amma ɓe annitay mo, ɓe gaɗii mo ko ɓe jiɗi fu. Hande non ɓe toorirta Ɓii neɗɗo bo.»
13Aahiiɓe faami no haala Yuhaana gaɗoowo *batisi nun o batanta ɓe.
Yeesu nyawtii suka mo ginnawol toorata
(Marku 9:14-29, Luka 9:37-43)
14No ɓe bittoy to jama'aare woni, gorko gom wari jiccii yeeso Yeesu. 15O wi'i: «Joomiraawo, yuruma ɓiyam gorko! Ginnawol nun woni e makko, eŋol toora mo sanne. To ŋol ummanake mo, eŋol doƴƴa mo der yiite, nokkun bo der diyam. 16Mi yaarii mo to aahiiɓe maa, amma ɓe baaway ko nyawti mo.»
17Yeesu toontii, wi'i: «Hey, onon himɓe jaamanuuru hallunu, ɓe walaa goonɗinki! Faa dey gondanmi e mooɗon? Faa dey tokkanmi munyango on? Gaddanee am mo ɗo!» 18Yeesu falmi ginnawol tawaaŋol der suka on, ŋol wurtii, o yoofii ɗon maa ɗon.
19Ɓaawo majjum, aahiiɓe makko noddi mo sera, ɓe ƴami mo, ɓe bi'i: «Ume acci men baaway ko riiwi ginnawol ŋol?» 20Yeesu toontii ɓe, wi'i: «Gam goonɗinki mooɗon e faanɗi. E gooŋa batanmi on: To goonɗinki mooɗon e foti baa hande ɓinŋel mutaadihi, on baawan ko wi'i waanne nee ɗo: "Eggu ɗoo, jahaa too," ne eggan bo. Walaa ko tampoton waɗugo. 21[Amma, ginnawol hande ŋol ɗoo wurtataako to hinaa e du'aare, e suumaye.]»
Yeesu batanii mum maayde e pintol mum de ɗiɗawre
(Marku 9:30-32, Luka 9:43-45)
22No ɓe boositintoo der leydi Galili, Yeesu wi'i ɓe: «Ɓii neɗɗo wattete der juuɗe himɓe. 23Ɓe baran mo, amma nyalaane tatawre o fintan.»
Ɓerɗe aahiiɓe makko biisii sanne, no ɓe nani ka.
Yeesu yoɓii ceede faada
24No Yeesu e aahiiɓe mum yottii Kafarnahum, jaɓooɓe ceede faada suudu Alla ɓattii Piyer, wi'i mo: «Moodibbo mooɗon yoɓataa woni ceede faada suudu Alla?» 25Piyer toontii, wi'i: «Oo yoɓa.» No Piyer naati der wuro, Yeesu arti etti haala, wi'i: «Simon, ume miiluɗaa? Ɓee nun haani yoɓa ceede faada? Ɓiɓɓe genni nun naa hoɓɓe?» 26Piyer toontii, wi'i: «Hoɓɓe nun haani yoɓa.» Yeesu wi'i mo: «To non nun, ɓiɓɓe genni haanay yoɓa. 27Amma, gam to en laatana himɓe fergere, yahu maayo. Tunnu kokoruwel maa, pitoɗaa linŋol ŋol artuɗaa nanŋuɗaa. Den maɓɓitaa hunnuko maggol, a tawan ceede cardi der ɗon. Cuttaa ɗe, joɓanaa en, min e maa.»
Iliyochaguliwa sasa
Matiye 17: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Matiye 17
17
Tagudi Yeesu waylitake
(Marku 9:2-13, Luka 9:28-36, Piyer I 1:16-18)
1Ɓaawo balɗe jeego'o, Yeesu etti Piyer, e Yaakuuba, e miiraawo mum Yuhaana. O yaari ɓe sera, faa dow waanne towune. 2Tagudi makko waylitii yeeso maɓɓe. Yeeso makko e jalba hande naaŋe, gineeji makko rawni tar hande jayŋol. 3Ɗon nun Muusa e Eliya suppitanii ɓe, e badda e makko. 4Piyer etti haala wi'i Yeesu: «Joomiraawo, wonaago men ɗo e wooɗi. To aa yiɗi, mi tiggan ɗo bukaaji tati: An wooru, Muusa wooru, Eliya wooru.»
5Diga o heennyay batugo, duulel jalboowel gom wari ommi ɓe. Ɗon daane gom ƴiwi diga der duulel ŋel, wi'i: «Oo ɗo laatii Ɓiɗɗo am jiɗaaɗo, mo cuɓumi. Kettinanee mo!»
6No aahiiɓe nani daane nen, ɓe jani, ɓe kippii e leydi, ɓe kuli sanne. 7Yeesu ɓattii, meemi ɓe, wi'i: «Ummee, to on kulee.» 8Den, ɓe ɓanti gite, ɓe ji'ay goɗɗo, sey Yeesu tan.
9No ɓe jippotoo diga dow waanne nen, Yeesu waggini ɓe, wi'i: «To on batee goɗɗo ko ji'uɗon, faa to Ɓii neɗɗo fintii diga e maayde.» 10Den, aahiiɓe makko ƴami mo, wi'i: «Gam ume go moodiɓɓe tawreeta e wi'a: "Eliya nun artata wara"?» 11O toontii ɓe, o wi'i: «Gooŋa nun, Eliya nun artata wara, moƴƴina huune fu. 12Amma mii wi'a on, Eliya wari koo. Amma ɓe annitay mo, ɓe gaɗii mo ko ɓe jiɗi fu. Hande non ɓe toorirta Ɓii neɗɗo bo.»
13Aahiiɓe faami no haala Yuhaana gaɗoowo *batisi nun o batanta ɓe.
Yeesu nyawtii suka mo ginnawol toorata
(Marku 9:14-29, Luka 9:37-43)
14No ɓe bittoy to jama'aare woni, gorko gom wari jiccii yeeso Yeesu. 15O wi'i: «Joomiraawo, yuruma ɓiyam gorko! Ginnawol nun woni e makko, eŋol toora mo sanne. To ŋol ummanake mo, eŋol doƴƴa mo der yiite, nokkun bo der diyam. 16Mi yaarii mo to aahiiɓe maa, amma ɓe baaway ko nyawti mo.»
17Yeesu toontii, wi'i: «Hey, onon himɓe jaamanuuru hallunu, ɓe walaa goonɗinki! Faa dey gondanmi e mooɗon? Faa dey tokkanmi munyango on? Gaddanee am mo ɗo!» 18Yeesu falmi ginnawol tawaaŋol der suka on, ŋol wurtii, o yoofii ɗon maa ɗon.
19Ɓaawo majjum, aahiiɓe makko noddi mo sera, ɓe ƴami mo, ɓe bi'i: «Ume acci men baaway ko riiwi ginnawol ŋol?» 20Yeesu toontii ɓe, wi'i: «Gam goonɗinki mooɗon e faanɗi. E gooŋa batanmi on: To goonɗinki mooɗon e foti baa hande ɓinŋel mutaadihi, on baawan ko wi'i waanne nee ɗo: "Eggu ɗoo, jahaa too," ne eggan bo. Walaa ko tampoton waɗugo. 21[Amma, ginnawol hande ŋol ɗoo wurtataako to hinaa e du'aare, e suumaye.]»
Yeesu batanii mum maayde e pintol mum de ɗiɗawre
(Marku 9:30-32, Luka 9:43-45)
22No ɓe boositintoo der leydi Galili, Yeesu wi'i ɓe: «Ɓii neɗɗo wattete der juuɗe himɓe. 23Ɓe baran mo, amma nyalaane tatawre o fintan.»
Ɓerɗe aahiiɓe makko biisii sanne, no ɓe nani ka.
Yeesu yoɓii ceede faada
24No Yeesu e aahiiɓe mum yottii Kafarnahum, jaɓooɓe ceede faada suudu Alla ɓattii Piyer, wi'i mo: «Moodibbo mooɗon yoɓataa woni ceede faada suudu Alla?» 25Piyer toontii, wi'i: «Oo yoɓa.» No Piyer naati der wuro, Yeesu arti etti haala, wi'i: «Simon, ume miiluɗaa? Ɓee nun haani yoɓa ceede faada? Ɓiɓɓe genni nun naa hoɓɓe?» 26Piyer toontii, wi'i: «Hoɓɓe nun haani yoɓa.» Yeesu wi'i mo: «To non nun, ɓiɓɓe genni haanay yoɓa. 27Amma, gam to en laatana himɓe fergere, yahu maayo. Tunnu kokoruwel maa, pitoɗaa linŋol ŋol artuɗaa nanŋuɗaa. Den maɓɓitaa hunnuko maggol, a tawan ceede cardi der ɗon. Cuttaa ɗe, joɓanaa en, min e maa.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.