Matiye 15
15
Tawaaŋal kookiraaɓe
(Marku 7:1-13)
1*Farisaaɓe e moodiɓɓe tawreeta ƴiwoy *Urusaliima, wari to Yeesu, ƴami mo, wi'i: 2«Ume waɗi ko aahiiɓe maa e waylita tawaaŋal kookiraaɓe meeɗen? Gam ɓe lootataa juuɗe maɓɓe go ɓe nyaama#15:2 Lootol juuɗe batanaaŋol laataaki gam suttugo tuuni juuɗe, amma tokkugo sariya diina nun..»
3O toontii ɓe, o wi'i: «Onon bo na, ume waɗi go oon baylita sariyaaji Alla no fottiranta tawaaŋal mooɗon? 4Gam Alla wi'i: "Teddin baaba maa e inna maa." O wi'i kade: "Jennuɗo baaba mum, ɗum bo inna mum, joomum e haani waree#15:4 Wurtaago 20:12, 21:17, Ekkitinooje 5:16, Sariyaaji juulde 20:9." 5Amma onon, oon bi'a, to neɗɗo wi'ii baaba mum, ɗum bo inna mum: "Ko haani mi wallitire laatake geɗu Alla, den doole bane ballitaa baaba maa e inna maa." 6Non non baylitirɗon haala Alla gam tawaaŋal mooɗon. 7Onon munaafitiiɓe! Esaaya waɗii annabaaku dow mooɗon, wi'i:
8"Lenyol ŋol ɗo, e hunnuko tan nun teddinirtammi,
amma ɓerɗe maɓɓe e woɗɗodii am.
9Ɓee cujidanammi, amma ɗum nafataa
gam ko ɓe janŋinta laati nun miilooji himɓe#15:9 Esaaya 29:13."»
Ko soɓinta neɗɗo
(Marku 7:14-23)
10Den, Yeesu noddi jama'aare, wi'i ɓe: «Kettinee, paamee faa wooɗa: 11Ko naatata der hunnuko neɗɗo bane soɓinta mo. Amma ko wurtoto diga e hunnuko makko, kanjum soɓinta mo.»
12Go aahiiɓe makko ɓattii, wi'i mo: «Aa anni haala maaɗa kan mettinii ɓerɗe *Farisaaɓe na?» 13O toontii ɓe, o wi'i: «Aawdi fu ni Baaba am gonuɗo dow kammu aaway, ni ɗoofete. 14Accee ɓe, wumuɓe ardiiɓe wumuɓe nun ɓe laatii! To bumɗo e ardii banniraawo mum bumɗo, ɓe fu ɗiɗo, ɓe jantan der gayka.»
15Piyer toontii mo wi'i: «Faamin men haala kan.» 16Yeesu wi'i: «Onon bo, faa jooni on galaa faamu na? 17On paamay huune ko naati e hunnuko fu, der reedu ɗum yahata, den ɗum wurtoo na? 18Amma ko wurtoto e hunnuko fu, der ɓerne ɗum ƴiwata. Kanjum nun soɓinta neɗɗo. 19Gam diga der ɓerne neɗɗo nun miilooji kalluɗi ƴiwata. Den ɗi gatta mo barol himɓe, e jeenu, e kaaruwaaku, e guyka, e seedaago fewre, e batugo kalluka. 20Ɗum ɗon nun woni ko soɓinta neɗɗo. Amma nyaamugo lootay juuɗe mum hande no tawaaŋal holliri soɓintaa neɗɗo.»
Debbo Kanaaninkeejo goonɗinii Yeesu
(Marku 7:24-30)
21Ɓaawo majjum, Yeesu yawti diga ɗon yahi der jeyde Tiri e Sidon. 22Debbo Kanaaninkeejo gom, jeyaaɗo der leydi nin wari to makko, bati e daane towne, wi'i: «Joomiraawo, Ɓii Dawda, yurumam! Ginnawol nun toorata ɓiyam debbo sanne!» 23Amma o toontaaki mo gokka. Go aahiiɓe makko wi'i mo: «Riiwu mo, gam o accay wullugo, oo tokkiri en.» 24Yeesu toontii ɓe, wi'i: «Mi lilaaka maa to baali Isira'iila majjuɗi tan.» 25Amma debbo on wari jiccii yeeso makko, wi'i: «Joomiraawo, war wallam!» 26Yeesu toontii mo, wi'i: «Ɗum wooɗaa nyaamdu sukaaɓe ettee, faɗɗanee dawaaɗi.» 27Debbo on wi'i: «Gooŋa nun Joomiraawo, amma dawaaɗi bo e suɓinoo nyaamdu caamoowol to joomiraaɓe mum nyaamata.» 28Den, Yeesu toontii mo, wi'i: «Hey debbo, goonɗinki maa e mawni! Ɗum laatane hande no jiɗirɗaa.» E wakkati on, ɓiyiiko yoofii.
Yeesu nyawtii nyawɓe ɗuuɓɓe
(Marku 7:31-37)
29Yeesu yawti diga ɗon, witti takkol maayo Galili, eenci dow waanne, jooɗii ton. 30Himɓe ɗuuɓɓe wari to makko, ɓe gaddani mo laƴooɓe, e wumuɓe, e moofiɗinɓe, e muumiɗinɓe, e nyawɓe nyawuuji feere feere. Ɓe desi ɓe ley koyɗe Yeesu, o nyawti ɓe. 31Haaynaare nanŋi himɓe, no ɓe ji'i muumiɗinɓe e bata, moofiɗinɓe e yoofoo, laƴooɓe e yaha deydey, wumuɓe bo e yi'a. Ɓe teddini Alla mo Isira'iila.
Yeesu nyaamnii kade worɓe ujune nayo
(Marku 8:1-10, Matiye 14:13-21)
32Yeesu noddi aahiiɓe mum, wi'i: «Himɓe ɓee e yuruminoo am. Gam waɗii balɗe tati ɓee gondi e am, ɓe goodaa ko ɓe nyaamata. Mi yiɗaa bo riiwugo ɓe ɓe jawtira e rafo, gam to rafo doƴƴu ɓe e laawol.» 33Aahiiɓe makko wi'i mo: «Toy keɓeten nyaamdu ko nyaamnata jama'aare nee ɗo e ladde yorne ɗo?» 34O ƴami ɓe, o wi'i: «Peen noyo gooduɗon?» Ɓe toontii mo, ɓe bi'i: «Peen jeeɗiɗo e likkon petton seɗɗa.»
35Ɓaawo majjum, o hokki hunnuko jama'aare jooɗoo e leydi. 36O etti peen jeeɗiɗo kon, e likkon seɗɗa kon. O yetti Alla, o ŋappiti, o hokki aahiiɓe makko, ɓe ceennani jama'aare. 37Ɓe fu ɓe nyaami faa ɓe kaari. Ɓe kawriti ko horii, ɗum hebbi killaaje jeeɗiɗi. 38Nyaamuɓe ɗum waɗii worɓe ujune nayo (4 000), rewɓe e sukaaɓe limaaka. 39Ɓaawo mum Yeesu waynii ɓe. Den, o naati laana diyam, o yahi leydi Magadan.
Iliyochaguliwa sasa
Matiye 15: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Matiye 15
15
Tawaaŋal kookiraaɓe
(Marku 7:1-13)
1*Farisaaɓe e moodiɓɓe tawreeta ƴiwoy *Urusaliima, wari to Yeesu, ƴami mo, wi'i: 2«Ume waɗi ko aahiiɓe maa e waylita tawaaŋal kookiraaɓe meeɗen? Gam ɓe lootataa juuɗe maɓɓe go ɓe nyaama#15:2 Lootol juuɗe batanaaŋol laataaki gam suttugo tuuni juuɗe, amma tokkugo sariya diina nun..»
3O toontii ɓe, o wi'i: «Onon bo na, ume waɗi go oon baylita sariyaaji Alla no fottiranta tawaaŋal mooɗon? 4Gam Alla wi'i: "Teddin baaba maa e inna maa." O wi'i kade: "Jennuɗo baaba mum, ɗum bo inna mum, joomum e haani waree#15:4 Wurtaago 20:12, 21:17, Ekkitinooje 5:16, Sariyaaji juulde 20:9." 5Amma onon, oon bi'a, to neɗɗo wi'ii baaba mum, ɗum bo inna mum: "Ko haani mi wallitire laatake geɗu Alla, den doole bane ballitaa baaba maa e inna maa." 6Non non baylitirɗon haala Alla gam tawaaŋal mooɗon. 7Onon munaafitiiɓe! Esaaya waɗii annabaaku dow mooɗon, wi'i:
8"Lenyol ŋol ɗo, e hunnuko tan nun teddinirtammi,
amma ɓerɗe maɓɓe e woɗɗodii am.
9Ɓee cujidanammi, amma ɗum nafataa
gam ko ɓe janŋinta laati nun miilooji himɓe#15:9 Esaaya 29:13."»
Ko soɓinta neɗɗo
(Marku 7:14-23)
10Den, Yeesu noddi jama'aare, wi'i ɓe: «Kettinee, paamee faa wooɗa: 11Ko naatata der hunnuko neɗɗo bane soɓinta mo. Amma ko wurtoto diga e hunnuko makko, kanjum soɓinta mo.»
12Go aahiiɓe makko ɓattii, wi'i mo: «Aa anni haala maaɗa kan mettinii ɓerɗe *Farisaaɓe na?» 13O toontii ɓe, o wi'i: «Aawdi fu ni Baaba am gonuɗo dow kammu aaway, ni ɗoofete. 14Accee ɓe, wumuɓe ardiiɓe wumuɓe nun ɓe laatii! To bumɗo e ardii banniraawo mum bumɗo, ɓe fu ɗiɗo, ɓe jantan der gayka.»
15Piyer toontii mo wi'i: «Faamin men haala kan.» 16Yeesu wi'i: «Onon bo, faa jooni on galaa faamu na? 17On paamay huune ko naati e hunnuko fu, der reedu ɗum yahata, den ɗum wurtoo na? 18Amma ko wurtoto e hunnuko fu, der ɓerne ɗum ƴiwata. Kanjum nun soɓinta neɗɗo. 19Gam diga der ɓerne neɗɗo nun miilooji kalluɗi ƴiwata. Den ɗi gatta mo barol himɓe, e jeenu, e kaaruwaaku, e guyka, e seedaago fewre, e batugo kalluka. 20Ɗum ɗon nun woni ko soɓinta neɗɗo. Amma nyaamugo lootay juuɗe mum hande no tawaaŋal holliri soɓintaa neɗɗo.»
Debbo Kanaaninkeejo goonɗinii Yeesu
(Marku 7:24-30)
21Ɓaawo majjum, Yeesu yawti diga ɗon yahi der jeyde Tiri e Sidon. 22Debbo Kanaaninkeejo gom, jeyaaɗo der leydi nin wari to makko, bati e daane towne, wi'i: «Joomiraawo, Ɓii Dawda, yurumam! Ginnawol nun toorata ɓiyam debbo sanne!» 23Amma o toontaaki mo gokka. Go aahiiɓe makko wi'i mo: «Riiwu mo, gam o accay wullugo, oo tokkiri en.» 24Yeesu toontii ɓe, wi'i: «Mi lilaaka maa to baali Isira'iila majjuɗi tan.» 25Amma debbo on wari jiccii yeeso makko, wi'i: «Joomiraawo, war wallam!» 26Yeesu toontii mo, wi'i: «Ɗum wooɗaa nyaamdu sukaaɓe ettee, faɗɗanee dawaaɗi.» 27Debbo on wi'i: «Gooŋa nun Joomiraawo, amma dawaaɗi bo e suɓinoo nyaamdu caamoowol to joomiraaɓe mum nyaamata.» 28Den, Yeesu toontii mo, wi'i: «Hey debbo, goonɗinki maa e mawni! Ɗum laatane hande no jiɗirɗaa.» E wakkati on, ɓiyiiko yoofii.
Yeesu nyawtii nyawɓe ɗuuɓɓe
(Marku 7:31-37)
29Yeesu yawti diga ɗon, witti takkol maayo Galili, eenci dow waanne, jooɗii ton. 30Himɓe ɗuuɓɓe wari to makko, ɓe gaddani mo laƴooɓe, e wumuɓe, e moofiɗinɓe, e muumiɗinɓe, e nyawɓe nyawuuji feere feere. Ɓe desi ɓe ley koyɗe Yeesu, o nyawti ɓe. 31Haaynaare nanŋi himɓe, no ɓe ji'i muumiɗinɓe e bata, moofiɗinɓe e yoofoo, laƴooɓe e yaha deydey, wumuɓe bo e yi'a. Ɓe teddini Alla mo Isira'iila.
Yeesu nyaamnii kade worɓe ujune nayo
(Marku 8:1-10, Matiye 14:13-21)
32Yeesu noddi aahiiɓe mum, wi'i: «Himɓe ɓee e yuruminoo am. Gam waɗii balɗe tati ɓee gondi e am, ɓe goodaa ko ɓe nyaamata. Mi yiɗaa bo riiwugo ɓe ɓe jawtira e rafo, gam to rafo doƴƴu ɓe e laawol.» 33Aahiiɓe makko wi'i mo: «Toy keɓeten nyaamdu ko nyaamnata jama'aare nee ɗo e ladde yorne ɗo?» 34O ƴami ɓe, o wi'i: «Peen noyo gooduɗon?» Ɓe toontii mo, ɓe bi'i: «Peen jeeɗiɗo e likkon petton seɗɗa.»
35Ɓaawo majjum, o hokki hunnuko jama'aare jooɗoo e leydi. 36O etti peen jeeɗiɗo kon, e likkon seɗɗa kon. O yetti Alla, o ŋappiti, o hokki aahiiɓe makko, ɓe ceennani jama'aare. 37Ɓe fu ɓe nyaami faa ɓe kaari. Ɓe kawriti ko horii, ɗum hebbi killaaje jeeɗiɗi. 38Nyaamuɓe ɗum waɗii worɓe ujune nayo (4 000), rewɓe e sukaaɓe limaaka. 39Ɓaawo mum Yeesu waynii ɓe. Den, o naati laana diyam, o yahi leydi Magadan.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.