Matiye 13
13
Ballool aawoowo
(Marku 4:1-9, Luka 8:4-8)
1Nyaanne mum, Yeesu wurtii wuro, yahi jooɗoy takkol maayo. 2Jama'aare ɗuunne e howii mo, o ummii o naati laana diyam, o jooɗii. Himɓe fu e darii takkol maayo. 3O bati ɓe kujje ɗuuɗɗe e ballaaji. O wi'i ɓe: «Aawoowo nun wurtii aawoygo. 4No o aawata, aawdiiri gonni yani sera laawol, pooli wari soppi ni. 5Gonni bo yani e kaaƴe to leydi ɗuuɗaa, ni fuɗi ɗon maa ɗon, gam ni heɓay to leydi luggi. 6Amma no naaŋe ɓenni, ŋe wuli ni. Ni yoori, gam ni walaa ɗaɗi. 7Gonni bo yani caka gi'e. Gi'e mawni, ɓiɗɗi ni. 8Gonni bo yani e leydi geeri, ni fuɗi, ni rimi sanne: Gonni rimi ɓikkon hewre (100), gonni lasoy tati (60), gonni bo laso e sappo (30). 9Gooduɗo noppi fu nana!»
Ko acci Yeesu e baddira himɓe e ballaaji
(Marku 4:10-12, Luka 8:9-10)
10Aahiiɓe Yeesu ɓattii, ƴami mo, wi'i: «Ume waɗi ko aa baddira himɓe e ballaaji?» 11O toontii ɓe, o wi'i: «Onon, on kokkaama laawol faamugo asiiri Laamaare Alla, amma kamɓe, ɓe keɓay ɗum. 12Gam gooduɗo nun ɓeydantee faa ɗuuɗa. Anni mo woodaa, baa seɗɗa ko woodi, teetete. 13Gam majjum, baddiranmi ɓe e ballaaji: "Gam ɓee daara, amma ɓe ji'ataa. Ɓee kettinoo, amma ɓe nanataa, ɓe paamataa bo." 14Hande non non ka Alla batunoo e hunnuko annabi Esaaya hebbiri dow maɓɓe:
"On nanan faa wooɗa, amma on paamataa goɗɗum,
on daaran faa wooɗa, amma on ji'ataa goɗɗum#13:14-15 Esaaya 6:9-10.
15Gam himɓe lenyol ŋol ɓerɗe mum laatake jorɗe.
Ɓe cukkii noppi maɓɓe,
ɓe munnii gite maɓɓe,
gam to ɓe ji'u e gite maɓɓe,
to ɓe nanu e noppi maɓɓe,
gam to hakkillo maɓɓe bo faamu,
hakko ɓe tuuba, mi nyawta ɓe."
16Amma onon, barke laatanike on, gam gite mooɗon e yi'a, noppi mooɗon bo e nana! 17E gooŋa batanmi on, *annabiiɓe ɗuuɓɓe, e foonnitiiɓe ɗuuɓɓe yiɗiino yi'a ko ji'oton, amma ɓe ji'ay ɗum. Ɓe jiɗiino ɓe nana ka nanoton, amma ɓe nanay ka.»
Yeesu e faamina ballool aawoowo
(Marku 4:13-20, Luka 8:11-15)
18«Onon, kettinee ko ballool aawoowo ŋol fillitii. 19To neɗɗo e hettinoo haala Laamaare Alla, go o faamataa ka, Kalluɗo nun suttata ka diga der ɓerne makko. Kanko nandi e aawdiiri caamuni sera laawol. 20Goɗɗo e nandi e aawdiiri caamuni to kaaƴe. Kanko to o nanii haala Alla, ɗon maa ɗon o jaɓa ka e seyo. 21Amma ka waɗataa ɗaɗi der makko, wakkati seɗɗa tan nun o jogotoo ka. To ɓillaaje, ɗum bo tooraaji yottake gam haala kan, o woppa ka ɗon maa ɗon. 22Goɗɗo e nandi e aawdiiri caamuni to gi'e woni. To o nanii haala Alla, ɓillaaje duuniyaaru e yidde jawdi ɓiɗɗa ka, ka rimataa ɓikkon. 23Amma goɗɗo e nandi e aawdiiri caamuni to leydi geeri. To o nanii haala Alla, o faama ka. Kanko o riman ɓikkon. Gokkon hewre (100), gokkon lasoy tati (60), gokkon bo laso e sappo (30).»
Fuɗo kalluko der gesa alkamaari
24Yeesu waɗani ɓe kade ballool gonŋol, wi'i: «Laamaare Alla e nandi e gorko aawuɗo aawdiiri geeri e gesa mum. 25No himɓe fu ɗaanii, ɗon ganyo makko wari, aawi fuɗo kalluko caka alkamaari nin, yawti. 26No alkamaari fuɗi e sawtina, den fuɗo kalluko bo suppitii. 27Gollooɓe joom gesa wari, wi'i mo: "Joomiraawo, aawdiiri geeri bane aawuɗaa der gesa maa na? Diga toy fuɗo kalluko koo ɗo ƴiwi?" 28O toontii ɓe, o wi'i: "Ganyo nun waɗi ɗum.» Den, gollotooɓe ɓen ƴami mo, wi'i: «Aa yiɗi men jaha men ɗoofaa fuɗo kalluko kon na?" 29O toontii ɓe, o wi'i: "Aawo, gam to oon ɗoofa fuɗo kalluko, on kawran e alkamaari. 30Accee ɗum mawnida faa wakkati dugge yottoo. To wakkati dugge yottake, mi wi'an ruggooɓe am ɗoofa fuɗo kalluko kon taw, haɓɓa ko, watta der yiite. Amma alkamaari, ɓe kawrita ni der beemal am."»
Ballool ɓinŋel mutaadihi
(Marku 4:30-32, Luka 13:18-19)
31Yeesu waɗani ɓe ballool gonŋol, wi'i: «Laamaare Alla e nandi e ɓinŋel mutaadihi, ŋel goɗɗo etti aawi der gesa mum. 32Ɓinŋel mutaadihi ɓuri ɓikkon leɗɗe kara li'o fu faanɗugo. Amma to ŋel fuɗii, eŋel ɓura leɗɗe kara li'o mawnugo, ŋel laatoo leggal manŋal faa pooli waɗa daɗɗa mum dow licce maggal.»
Ballool ƴuufinirɗum
(Luka 13:20-21)
33O waɗani ɓe ballool gonŋol, o wi'i: «Laamaare Alla e nandi e ƴuufinirɗum, ɗum debbo etti hawrontiri e conni etorɗe tati, go ɗum ƴuufini conni laawaani nin fu.»
Ko acci Yeesu e batira e ballaaji
(Marku 4:33-34)
34E ballaaji nun Yeesu baddiri himɓe der huune fu. O badday ɓe to hinaa e ballaaji. 35O waɗii ɗum gam hebbingo haala ka *annabiijo batunoo, wi'i:
«Mi maɓɓitan hunnuko,
mi bata e ballaaji,
mi batan, mi wurtina kujje cuuɗinooɗe
diga ko duuniyaaru tagaa#13:35 Jabuura 78:2.»
Yeesu faaminii ballool fuɗo kalluko
36Ɓaawo majjum, Yeesu acci himɓe, hooti wuro. Aahiiɓe makko ɓattii, ƴami mo, wi'i: «Faamin men ballool fuɗo kalluko der gesa.» 37O toontii ɓe, o wi'i: «Aawuɗo aawdi booɗuni woni Ɓii neɗɗo. 38Gesa ŋan woni duuniyaaru. Aawdiiri geeri woni fotuɓe naata der Laamaare Alla. Fuɗo kalluko woni, tokkuɓe Kalluɗo. 39Ganyo aawuɗo fuɗo kalluko woni Ibiliisa, dugge laati nun nyalaane darŋal, ruggooɓe bo laatii malaykaaɓe. 40Hande no fuɗo kalluko ɗoofirtee wattee e yiite, hande non ɗum laatotoo nyalaane darŋal. 41Ɓii neɗɗo lilan malaykaaɓe mum, wurtina doƴƴooɓe himɓe der hakke, e waɗooɓe ko halli der laamaare mum. 42O faɗɗan ɓe der yiite jahannama. Ton ɓe bullata, ɓe ƴakkontira nyiiƴe. 43Amma wakkati mum, foonnitiiɓe jalbitinto hande naaŋe der Laamaare Baaba mum. Gooduɗo noppi fu, nana!»
Ballool jawdi cuuɗiini
44«Laamaare Alla e nandi e jawdi cuuɗiini der gesa. Goɗɗo yi'i ni, witti suuɗitii ni. Ɓerne makko weli puy, den o yahi o sippoy ko o woodi fu, gam o sooda gesa ŋan.»
45«Faa hanne Laamaare Alla e nandi e tenkotooɗo daartoowo sokiyaaje dime. 46No o yi'i sokiyaaje dime, o sippoy ko o woodi fu, o soodi ɗe.»
Ballool taaruwol
47«Laamaare Alla e nandi kade e taaruwol paɗɗaaŋol der maayo, nanŋoy liƴƴi feere feereeji. 48No ŋol hebbi, suuɓotooɓe fooɗi ŋol, wurtini far fonŋo, ɓe jooɗii ɓe cuɓitii ɗi. Ɓe gatti liƴƴi booɗɗi der killaaje, ɓe boppi ɗi nafataa goɗɗum. 49Hande non ɗum laatortoo nyanne duuniyaaru timmata. Malaykaaɓe waran suttontira halluɓe e wooɗuɓe. 50Ɓe paɗɗan halluɓe der yiite manŋe. Ton ɓe bullata, ɓe ƴakkontira nyiiƴe.»
Ballool kujje kese e kiiɗɗe
51Yeesu ƴami ɓe, wi'i: «On paamii huune ɗum fu na?» Ɓe toontii, ɓe bi'i: «Oo, men paamii.» 52Den, o wi'i ɓe: «Moodibbo tawreeta paamuɗo haala Laamaare Alla, e nandi hande joom wuro, cuttontiroowo huune kesum e kiiɗɗum diga e jawdi mum.»
Himɓe Nasaratu salake goonɗingo Yeesu
(Marku 6:1-6, Luka 4:16-30)
53No Yeesu heennyi batugo e ballaaji, o yawti diga ɗon. 54O witti genni makko to o mawni, oo waajoo der cuuɗi maɓɓe baajorɗi. Go haaynaare nanŋi himɓe hettinaniiɓe mo, ɓee bi'a: «Toy o heɓi annal iri ŋal ɗo, e baawɗe waɗugo kaayeefiiji ɗii ɗo? 55E gooŋa, kanko bane woni ɓii ceɓoowo leɗɗe on na? Inniiko bane wi'etee Mariyama na? Miiraaɓe makko bane Yaakuuba, e Yusufu, e Simon, e Yahuuda na? 56Enen e sakikiraaɓe makko rewɓe bane wondi ɗo na? Den, toy o heɓi ɗum ɗon fu?»
57Ɗum haɗi ɓe goonɗingo mo. Gam majjum, o wi'i ɓe: «Annabiijo teddintaake der genni mum, e der wuro mum.» 58O waɗay ɗon haaynaareeji ɗuuɗɗi gam ɓe goonɗinay mo.
Iliyochaguliwa sasa
Matiye 13: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Matiye 13
13
Ballool aawoowo
(Marku 4:1-9, Luka 8:4-8)
1Nyaanne mum, Yeesu wurtii wuro, yahi jooɗoy takkol maayo. 2Jama'aare ɗuunne e howii mo, o ummii o naati laana diyam, o jooɗii. Himɓe fu e darii takkol maayo. 3O bati ɓe kujje ɗuuɗɗe e ballaaji. O wi'i ɓe: «Aawoowo nun wurtii aawoygo. 4No o aawata, aawdiiri gonni yani sera laawol, pooli wari soppi ni. 5Gonni bo yani e kaaƴe to leydi ɗuuɗaa, ni fuɗi ɗon maa ɗon, gam ni heɓay to leydi luggi. 6Amma no naaŋe ɓenni, ŋe wuli ni. Ni yoori, gam ni walaa ɗaɗi. 7Gonni bo yani caka gi'e. Gi'e mawni, ɓiɗɗi ni. 8Gonni bo yani e leydi geeri, ni fuɗi, ni rimi sanne: Gonni rimi ɓikkon hewre (100), gonni lasoy tati (60), gonni bo laso e sappo (30). 9Gooduɗo noppi fu nana!»
Ko acci Yeesu e baddira himɓe e ballaaji
(Marku 4:10-12, Luka 8:9-10)
10Aahiiɓe Yeesu ɓattii, ƴami mo, wi'i: «Ume waɗi ko aa baddira himɓe e ballaaji?» 11O toontii ɓe, o wi'i: «Onon, on kokkaama laawol faamugo asiiri Laamaare Alla, amma kamɓe, ɓe keɓay ɗum. 12Gam gooduɗo nun ɓeydantee faa ɗuuɗa. Anni mo woodaa, baa seɗɗa ko woodi, teetete. 13Gam majjum, baddiranmi ɓe e ballaaji: "Gam ɓee daara, amma ɓe ji'ataa. Ɓee kettinoo, amma ɓe nanataa, ɓe paamataa bo." 14Hande non non ka Alla batunoo e hunnuko annabi Esaaya hebbiri dow maɓɓe:
"On nanan faa wooɗa, amma on paamataa goɗɗum,
on daaran faa wooɗa, amma on ji'ataa goɗɗum#13:14-15 Esaaya 6:9-10.
15Gam himɓe lenyol ŋol ɓerɗe mum laatake jorɗe.
Ɓe cukkii noppi maɓɓe,
ɓe munnii gite maɓɓe,
gam to ɓe ji'u e gite maɓɓe,
to ɓe nanu e noppi maɓɓe,
gam to hakkillo maɓɓe bo faamu,
hakko ɓe tuuba, mi nyawta ɓe."
16Amma onon, barke laatanike on, gam gite mooɗon e yi'a, noppi mooɗon bo e nana! 17E gooŋa batanmi on, *annabiiɓe ɗuuɓɓe, e foonnitiiɓe ɗuuɓɓe yiɗiino yi'a ko ji'oton, amma ɓe ji'ay ɗum. Ɓe jiɗiino ɓe nana ka nanoton, amma ɓe nanay ka.»
Yeesu e faamina ballool aawoowo
(Marku 4:13-20, Luka 8:11-15)
18«Onon, kettinee ko ballool aawoowo ŋol fillitii. 19To neɗɗo e hettinoo haala Laamaare Alla, go o faamataa ka, Kalluɗo nun suttata ka diga der ɓerne makko. Kanko nandi e aawdiiri caamuni sera laawol. 20Goɗɗo e nandi e aawdiiri caamuni to kaaƴe. Kanko to o nanii haala Alla, ɗon maa ɗon o jaɓa ka e seyo. 21Amma ka waɗataa ɗaɗi der makko, wakkati seɗɗa tan nun o jogotoo ka. To ɓillaaje, ɗum bo tooraaji yottake gam haala kan, o woppa ka ɗon maa ɗon. 22Goɗɗo e nandi e aawdiiri caamuni to gi'e woni. To o nanii haala Alla, ɓillaaje duuniyaaru e yidde jawdi ɓiɗɗa ka, ka rimataa ɓikkon. 23Amma goɗɗo e nandi e aawdiiri caamuni to leydi geeri. To o nanii haala Alla, o faama ka. Kanko o riman ɓikkon. Gokkon hewre (100), gokkon lasoy tati (60), gokkon bo laso e sappo (30).»
Fuɗo kalluko der gesa alkamaari
24Yeesu waɗani ɓe kade ballool gonŋol, wi'i: «Laamaare Alla e nandi e gorko aawuɗo aawdiiri geeri e gesa mum. 25No himɓe fu ɗaanii, ɗon ganyo makko wari, aawi fuɗo kalluko caka alkamaari nin, yawti. 26No alkamaari fuɗi e sawtina, den fuɗo kalluko bo suppitii. 27Gollooɓe joom gesa wari, wi'i mo: "Joomiraawo, aawdiiri geeri bane aawuɗaa der gesa maa na? Diga toy fuɗo kalluko koo ɗo ƴiwi?" 28O toontii ɓe, o wi'i: "Ganyo nun waɗi ɗum.» Den, gollotooɓe ɓen ƴami mo, wi'i: «Aa yiɗi men jaha men ɗoofaa fuɗo kalluko kon na?" 29O toontii ɓe, o wi'i: "Aawo, gam to oon ɗoofa fuɗo kalluko, on kawran e alkamaari. 30Accee ɗum mawnida faa wakkati dugge yottoo. To wakkati dugge yottake, mi wi'an ruggooɓe am ɗoofa fuɗo kalluko kon taw, haɓɓa ko, watta der yiite. Amma alkamaari, ɓe kawrita ni der beemal am."»
Ballool ɓinŋel mutaadihi
(Marku 4:30-32, Luka 13:18-19)
31Yeesu waɗani ɓe ballool gonŋol, wi'i: «Laamaare Alla e nandi e ɓinŋel mutaadihi, ŋel goɗɗo etti aawi der gesa mum. 32Ɓinŋel mutaadihi ɓuri ɓikkon leɗɗe kara li'o fu faanɗugo. Amma to ŋel fuɗii, eŋel ɓura leɗɗe kara li'o mawnugo, ŋel laatoo leggal manŋal faa pooli waɗa daɗɗa mum dow licce maggal.»
Ballool ƴuufinirɗum
(Luka 13:20-21)
33O waɗani ɓe ballool gonŋol, o wi'i: «Laamaare Alla e nandi e ƴuufinirɗum, ɗum debbo etti hawrontiri e conni etorɗe tati, go ɗum ƴuufini conni laawaani nin fu.»
Ko acci Yeesu e batira e ballaaji
(Marku 4:33-34)
34E ballaaji nun Yeesu baddiri himɓe der huune fu. O badday ɓe to hinaa e ballaaji. 35O waɗii ɗum gam hebbingo haala ka *annabiijo batunoo, wi'i:
«Mi maɓɓitan hunnuko,
mi bata e ballaaji,
mi batan, mi wurtina kujje cuuɗinooɗe
diga ko duuniyaaru tagaa#13:35 Jabuura 78:2.»
Yeesu faaminii ballool fuɗo kalluko
36Ɓaawo majjum, Yeesu acci himɓe, hooti wuro. Aahiiɓe makko ɓattii, ƴami mo, wi'i: «Faamin men ballool fuɗo kalluko der gesa.» 37O toontii ɓe, o wi'i: «Aawuɗo aawdi booɗuni woni Ɓii neɗɗo. 38Gesa ŋan woni duuniyaaru. Aawdiiri geeri woni fotuɓe naata der Laamaare Alla. Fuɗo kalluko woni, tokkuɓe Kalluɗo. 39Ganyo aawuɗo fuɗo kalluko woni Ibiliisa, dugge laati nun nyalaane darŋal, ruggooɓe bo laatii malaykaaɓe. 40Hande no fuɗo kalluko ɗoofirtee wattee e yiite, hande non ɗum laatotoo nyalaane darŋal. 41Ɓii neɗɗo lilan malaykaaɓe mum, wurtina doƴƴooɓe himɓe der hakke, e waɗooɓe ko halli der laamaare mum. 42O faɗɗan ɓe der yiite jahannama. Ton ɓe bullata, ɓe ƴakkontira nyiiƴe. 43Amma wakkati mum, foonnitiiɓe jalbitinto hande naaŋe der Laamaare Baaba mum. Gooduɗo noppi fu, nana!»
Ballool jawdi cuuɗiini
44«Laamaare Alla e nandi e jawdi cuuɗiini der gesa. Goɗɗo yi'i ni, witti suuɗitii ni. Ɓerne makko weli puy, den o yahi o sippoy ko o woodi fu, gam o sooda gesa ŋan.»
45«Faa hanne Laamaare Alla e nandi e tenkotooɗo daartoowo sokiyaaje dime. 46No o yi'i sokiyaaje dime, o sippoy ko o woodi fu, o soodi ɗe.»
Ballool taaruwol
47«Laamaare Alla e nandi kade e taaruwol paɗɗaaŋol der maayo, nanŋoy liƴƴi feere feereeji. 48No ŋol hebbi, suuɓotooɓe fooɗi ŋol, wurtini far fonŋo, ɓe jooɗii ɓe cuɓitii ɗi. Ɓe gatti liƴƴi booɗɗi der killaaje, ɓe boppi ɗi nafataa goɗɗum. 49Hande non ɗum laatortoo nyanne duuniyaaru timmata. Malaykaaɓe waran suttontira halluɓe e wooɗuɓe. 50Ɓe paɗɗan halluɓe der yiite manŋe. Ton ɓe bullata, ɓe ƴakkontira nyiiƴe.»
Ballool kujje kese e kiiɗɗe
51Yeesu ƴami ɓe, wi'i: «On paamii huune ɗum fu na?» Ɓe toontii, ɓe bi'i: «Oo, men paamii.» 52Den, o wi'i ɓe: «Moodibbo tawreeta paamuɗo haala Laamaare Alla, e nandi hande joom wuro, cuttontiroowo huune kesum e kiiɗɗum diga e jawdi mum.»
Himɓe Nasaratu salake goonɗingo Yeesu
(Marku 6:1-6, Luka 4:16-30)
53No Yeesu heennyi batugo e ballaaji, o yawti diga ɗon. 54O witti genni makko to o mawni, oo waajoo der cuuɗi maɓɓe baajorɗi. Go haaynaare nanŋi himɓe hettinaniiɓe mo, ɓee bi'a: «Toy o heɓi annal iri ŋal ɗo, e baawɗe waɗugo kaayeefiiji ɗii ɗo? 55E gooŋa, kanko bane woni ɓii ceɓoowo leɗɗe on na? Inniiko bane wi'etee Mariyama na? Miiraaɓe makko bane Yaakuuba, e Yusufu, e Simon, e Yahuuda na? 56Enen e sakikiraaɓe makko rewɓe bane wondi ɗo na? Den, toy o heɓi ɗum ɗon fu?»
57Ɗum haɗi ɓe goonɗingo mo. Gam majjum, o wi'i ɓe: «Annabiijo teddintaake der genni mum, e der wuro mum.» 58O waɗay ɗon haaynaareeji ɗuuɗɗi gam ɓe goonɗinay mo.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.