Matiye 10
10
Aahiiɓe Yeesu sappo e ɗiɗo
(Marku 3:13-19, Luka 6:12-16)
1Yeesu noddi aahiiɓe mum sappo e ɗiɗo. O hokki ɓe baawɗe riiwugo ginnaaji e nyawtugo nyawɓe nyawuuji feere feere fu. 2Inɗe lilaaɓe sappo e ɗiɗo ɓen woni: Simon noddeteeɗo Piyer, e miiraawo mum Andere. Yaakuuba ɓii Jebede, e miiraawo mum Yuhaana. 3Filippu e Bartelemi, Toma e Matiye jaɓoowo ceede faada. Yaakuuba ɓii Alfee, e Taddee. 4Simon tinniiɗo gam Alla, e Yahuuda Isikariyotu, jammoytooɗo Yeesu.
Yeesu lili aahiiɓe mum sappo e ɗiɗo
(Marku 6:7-13, Luka 9:1-6)
5Yeesu lili aahiiɓe mum sappo e ɗiɗo, bati ɓe haalaaji ɗii ɗo, wi'i: «To on jahee to heeferɓe, to on naatee bo der siire Samariyaaɓe. 6Amma jahee, caka Isira'iilaaɓe, laatiiɓe hande baali majjuɗi. 7To jahuɗon fu, piinee, bi'on: "Laamaare Alla ɓattake!" 8Nyawtee nyawɓe, pintinee maayɓe, joofinee sesseɓɓe, diiwee ginnaaji. On keɓii on joɓay, onon bo kokkee to on jaɓee goɗɗum. 9To on jogee kanŋeeri, ɗum bo cardi, maa bo ceede der jiibaaji mooɗon. 10To on jogee bogooru, ɗum bo toggooje ɗiɗɗiɗi. To on ettee paɗe, ɗum bo sawru. Gam gollotooɗo e haani nyaama.
11To on garii der genni, ɗum bo siire gom, daartee beero geeto. Jooɗee to makko faa de jawtuɗon. 12To oon naata der wuro, cannee tawaaɓe ɗon. 13To wuro ŋon e haanani ɗum, jam mooɗon naata der maggo. Amma to ŋo haananaa ɗum, jam mooɗon wittana on. 14To on jaɓaaka, on kettinanaaka bo der wuro naa bo der wanŋarde gom, burtee ɗon, piɗɗon sollaare koyɗe mooɗon. 15E gooŋa batanmi on: "Nyalaane darŋal, kiita Sodoma e Gomora ɓuran hoyugo dow kiita siire nen#10:15 Alla halkii Sodoma e Gomora gam hakke genniije ɗen faantii.."»
Tooraaji garooji
(Marku 13:9-13, Luka 21:12-17)
16«Kettinee! Mii lila on hande baali caka bu'i. To non, laatee ƴoƴuɓe hande bolle, laatoɗon ɓe walaa gacce hande tantabaraaji. 17Kakkilanee ko'e mooɗon e himɓe, gam ɓe jaaran on yeeso kiitorɗe, ɓe piya on looci der cuuɗi maɓɓe baajorɗi. 18Ɓe jaaran on yeeso mawɓe leydi, e laamiiɓe genni, gam sabbu am. On laatanto am seedeeɓe yeeso maɓɓe, e yeeso heeferɓe. 19To on jaaraama yeeso hiitotooɓe, to on miilee no batiroyton e ka batoyton. Gam on kokkete ka batoyton wakkati mum. 20Onon bane batata, Ruuhu Baaba mooɗon nun batata diga e mooɗon.
21Mawniraawo ummanto miiraawo, naa bo miiraawo ummanoo mawniraawo mum, acca o waree. Baaba bo waɗanan ɗum ɓiɓɓe mum. Ɓiɓɓe bo ummanto saareeji mum, waɗa dabare gam ɓe baree. 22Himɓe fu wanyan on gam am. Amma munyuɗo faa heennyitirde, joomum hisinte. 23To on tooraama e genni nii ɗoo, doggiree nii too. E gooŋa batanmi on, on keennyataa woositaago genneele Isira'iila, go Ɓii neɗɗo wara.
24Aahiijo ɓurataa moodibbo mum, maccuɗo ɓurataa joomiraawo mum. 25E wooɗi aahiijo laatoo hande moodibbo mum, maccuɗo bo, hande joomiraawo mum. Diga hooreejo wuro noddaama ‹Beljebul› hakko himɓe wuro makko!»
Hoolaago Alla
(Luka 12:2-9)
26«To on kulee himɓe. Ko suuɗii fu hollitinto, asiiri bo suppitinto. 27Ka batumi on der niwre, batitee ka caka nyalooma. Ka cownaɗon e noppi mon, piinee ka dow cuuɗi. 28To on kulee warooɓe ɓannu, ɓe baawataa ko wari yonki. Amma, kulee baawoowo ko halki ɓannu e yonki fu der yiite jahannama. 29Colon ɗiɗon sippataake faranwel gootel na? Amma baa gootel makkon yanataa e leydi, to e sago Baaba mooɗon bane. 30Amma onon, Alla e anni limgal gaasaaji ko'e mooɗon fu. 31Gam majjum, to on kulee, gam oon ɓuri colon ɗuukkon tedduŋal.
32Jaɓuɗo am yeeso himɓe, min bo, mi jaɓan joomum yeeso Baaba am gonuɗo dow kammu. 33Amma caliiɗo am yeeso himɓe fu, min bo, mi saloto joomum yeeso Baaba am gonuɗo dow kammu.»
Yeesu woni daliila ceenniigu
(Luka 12:49-53, 14:26-27)
34«To on miilee jam nun gaddumi e duuniyaaru. Mi waray gam mi wadda jam, amma kaafahi nun gaddumi. 35Ko waddimmi woni, seennugo ɓiɗɗo gorko e baaba mum, ɓiɗɗo debbo bo e inna mum, debbo ɓaŋaaɗo e esiraawo mum debbo. 36Neɗɗo fu, himɓe wuro mum nun laatotoo wayɓe mum.» 37«Jiɗuɗo baaba mum, ɗum bo inna mum ɓuri no yiɗirimmi, joomum fotay laataago mo am. Jiɗuɗo ɓiɗɗo mum gorko naa bo debbo, ɓuri no yiɗirimmi, joomum fotay laataago mo am. 38Mo ettay leggal mum palaaŋal#10:38 Ettugo leggal palaaŋal mum fillitaaki maa nootaago majjina yonki mum hande no Yeesu waɗi. tokkimmi, joomum fotay laataago mo am. 39Jiɗuɗo hisina yonki mum, dullan ki, amma majjinɗo yonki mum gam am, heɓitinto ki.»
Haala riiba
(Marku 9:41, Luka 10:16)
40«Jaɓɓiiɗo on fu, jaɓɓake am, jaɓɓiiɗo am bo jaɓɓake liloyɗo am. 41Jaɓɓiiɗo *annabiijo gam oo *annabiijo, joomum heɓan riiba ka *annabiiɓe heɓata. Jaɓɓiiɗo neɗɗo poonnitiiɗo gam oo poonnitiiɗo, joomum heɓan riiba ka foonnitiiɓe heɓata. 42E gooŋa batanmi on, kokkuɗo ɓuruɗo faanɗugo caka aahiiɓe am, diyam peewɗam, baa der jarirgel gootel, gam oo aahiijo am, o dullataa riiba makko.»
Iliyochaguliwa sasa
Matiye 10: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Matiye 10
10
Aahiiɓe Yeesu sappo e ɗiɗo
(Marku 3:13-19, Luka 6:12-16)
1Yeesu noddi aahiiɓe mum sappo e ɗiɗo. O hokki ɓe baawɗe riiwugo ginnaaji e nyawtugo nyawɓe nyawuuji feere feere fu. 2Inɗe lilaaɓe sappo e ɗiɗo ɓen woni: Simon noddeteeɗo Piyer, e miiraawo mum Andere. Yaakuuba ɓii Jebede, e miiraawo mum Yuhaana. 3Filippu e Bartelemi, Toma e Matiye jaɓoowo ceede faada. Yaakuuba ɓii Alfee, e Taddee. 4Simon tinniiɗo gam Alla, e Yahuuda Isikariyotu, jammoytooɗo Yeesu.
Yeesu lili aahiiɓe mum sappo e ɗiɗo
(Marku 6:7-13, Luka 9:1-6)
5Yeesu lili aahiiɓe mum sappo e ɗiɗo, bati ɓe haalaaji ɗii ɗo, wi'i: «To on jahee to heeferɓe, to on naatee bo der siire Samariyaaɓe. 6Amma jahee, caka Isira'iilaaɓe, laatiiɓe hande baali majjuɗi. 7To jahuɗon fu, piinee, bi'on: "Laamaare Alla ɓattake!" 8Nyawtee nyawɓe, pintinee maayɓe, joofinee sesseɓɓe, diiwee ginnaaji. On keɓii on joɓay, onon bo kokkee to on jaɓee goɗɗum. 9To on jogee kanŋeeri, ɗum bo cardi, maa bo ceede der jiibaaji mooɗon. 10To on jogee bogooru, ɗum bo toggooje ɗiɗɗiɗi. To on ettee paɗe, ɗum bo sawru. Gam gollotooɗo e haani nyaama.
11To on garii der genni, ɗum bo siire gom, daartee beero geeto. Jooɗee to makko faa de jawtuɗon. 12To oon naata der wuro, cannee tawaaɓe ɗon. 13To wuro ŋon e haanani ɗum, jam mooɗon naata der maggo. Amma to ŋo haananaa ɗum, jam mooɗon wittana on. 14To on jaɓaaka, on kettinanaaka bo der wuro naa bo der wanŋarde gom, burtee ɗon, piɗɗon sollaare koyɗe mooɗon. 15E gooŋa batanmi on: "Nyalaane darŋal, kiita Sodoma e Gomora ɓuran hoyugo dow kiita siire nen#10:15 Alla halkii Sodoma e Gomora gam hakke genniije ɗen faantii.."»
Tooraaji garooji
(Marku 13:9-13, Luka 21:12-17)
16«Kettinee! Mii lila on hande baali caka bu'i. To non, laatee ƴoƴuɓe hande bolle, laatoɗon ɓe walaa gacce hande tantabaraaji. 17Kakkilanee ko'e mooɗon e himɓe, gam ɓe jaaran on yeeso kiitorɗe, ɓe piya on looci der cuuɗi maɓɓe baajorɗi. 18Ɓe jaaran on yeeso mawɓe leydi, e laamiiɓe genni, gam sabbu am. On laatanto am seedeeɓe yeeso maɓɓe, e yeeso heeferɓe. 19To on jaaraama yeeso hiitotooɓe, to on miilee no batiroyton e ka batoyton. Gam on kokkete ka batoyton wakkati mum. 20Onon bane batata, Ruuhu Baaba mooɗon nun batata diga e mooɗon.
21Mawniraawo ummanto miiraawo, naa bo miiraawo ummanoo mawniraawo mum, acca o waree. Baaba bo waɗanan ɗum ɓiɓɓe mum. Ɓiɓɓe bo ummanto saareeji mum, waɗa dabare gam ɓe baree. 22Himɓe fu wanyan on gam am. Amma munyuɗo faa heennyitirde, joomum hisinte. 23To on tooraama e genni nii ɗoo, doggiree nii too. E gooŋa batanmi on, on keennyataa woositaago genneele Isira'iila, go Ɓii neɗɗo wara.
24Aahiijo ɓurataa moodibbo mum, maccuɗo ɓurataa joomiraawo mum. 25E wooɗi aahiijo laatoo hande moodibbo mum, maccuɗo bo, hande joomiraawo mum. Diga hooreejo wuro noddaama ‹Beljebul› hakko himɓe wuro makko!»
Hoolaago Alla
(Luka 12:2-9)
26«To on kulee himɓe. Ko suuɗii fu hollitinto, asiiri bo suppitinto. 27Ka batumi on der niwre, batitee ka caka nyalooma. Ka cownaɗon e noppi mon, piinee ka dow cuuɗi. 28To on kulee warooɓe ɓannu, ɓe baawataa ko wari yonki. Amma, kulee baawoowo ko halki ɓannu e yonki fu der yiite jahannama. 29Colon ɗiɗon sippataake faranwel gootel na? Amma baa gootel makkon yanataa e leydi, to e sago Baaba mooɗon bane. 30Amma onon, Alla e anni limgal gaasaaji ko'e mooɗon fu. 31Gam majjum, to on kulee, gam oon ɓuri colon ɗuukkon tedduŋal.
32Jaɓuɗo am yeeso himɓe, min bo, mi jaɓan joomum yeeso Baaba am gonuɗo dow kammu. 33Amma caliiɗo am yeeso himɓe fu, min bo, mi saloto joomum yeeso Baaba am gonuɗo dow kammu.»
Yeesu woni daliila ceenniigu
(Luka 12:49-53, 14:26-27)
34«To on miilee jam nun gaddumi e duuniyaaru. Mi waray gam mi wadda jam, amma kaafahi nun gaddumi. 35Ko waddimmi woni, seennugo ɓiɗɗo gorko e baaba mum, ɓiɗɗo debbo bo e inna mum, debbo ɓaŋaaɗo e esiraawo mum debbo. 36Neɗɗo fu, himɓe wuro mum nun laatotoo wayɓe mum.» 37«Jiɗuɗo baaba mum, ɗum bo inna mum ɓuri no yiɗirimmi, joomum fotay laataago mo am. Jiɗuɗo ɓiɗɗo mum gorko naa bo debbo, ɓuri no yiɗirimmi, joomum fotay laataago mo am. 38Mo ettay leggal mum palaaŋal#10:38 Ettugo leggal palaaŋal mum fillitaaki maa nootaago majjina yonki mum hande no Yeesu waɗi. tokkimmi, joomum fotay laataago mo am. 39Jiɗuɗo hisina yonki mum, dullan ki, amma majjinɗo yonki mum gam am, heɓitinto ki.»
Haala riiba
(Marku 9:41, Luka 10:16)
40«Jaɓɓiiɗo on fu, jaɓɓake am, jaɓɓiiɗo am bo jaɓɓake liloyɗo am. 41Jaɓɓiiɗo *annabiijo gam oo *annabiijo, joomum heɓan riiba ka *annabiiɓe heɓata. Jaɓɓiiɗo neɗɗo poonnitiiɗo gam oo poonnitiiɗo, joomum heɓan riiba ka foonnitiiɓe heɓata. 42E gooŋa batanmi on, kokkuɗo ɓuruɗo faanɗugo caka aahiiɓe am, diyam peewɗam, baa der jarirgel gootel, gam oo aahiijo am, o dullataa riiba makko.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.