Luka 24
24
Pintol Yeesu
(Matiye 28:1-10, Marku 16:1-8, Yuhaana 20:1-10)
1Alal faji fajiri, rewɓe ɓen yahi to yanaane nen, ɓe jaari wardiiji ɗi ɓe ciriyinoo. 2Ɓe tawi hayre maɓɓiranoone dammugal yanaane nen tallaama. 3Ɓe naati, amma ɓe taway ɗon ɓannu Yeesu Joomiraawo. 4Go ɓe jiɓii dow majjum, ɗon worɓe ɗiɗo ɓorniiɓe gineeji daneeji suppitanii ɓe. 5Ɓe kuli, go ɓe jimminii, go worɓe ɓen wi'i ɓe: «Gam ume daartoton buuruɗo caka maayɓe? 6[O walaa ɗo, o fintii.] Ciwtoree ka o batunoo on wakkati o woni Galili. 7O wi'i: "Sey Ɓii neɗɗo wattee der juuɗe hakkeeɓe, o tiggee dow *leggal palaaŋal, o finta nyalaane tatawre."»
8Go ɓe ciwtori haalaaji Yeesu. 9Ɓe jawti diga to yanaane ɗon, ɓe jahi ɓe batoy aahiiɓe sappo e go'o (11), e horiiɓe. 10Batoyɓe ka woni Mariyama mo Magadala, e Yowana, e Mariyama inna Yaakuuba, e rewɓe woɓɓe wondunooɓe e maɓɓe. 11Amma aahiiɓe miiji dullere hoore nun batinta ɓe ka, ɓe koolaaki. 12Go Piyer ummii doggi yahi to yanaane nen, no o yuurnii, lefol tan nun o yi'i e joowii dow leydi, den o hooti e haaynaare gam ko waɗi.
Ko waɗi dow laawol Emawusu
(Marku 16:12-13)
13Der nyalaane woore nen, ɗiɗo maɓɓe e fonnii ci'el gom bi'eteeŋel Emawusu. Woɗɗugo maggel e *Urusaliima waɗan kilo sappo e go'o (11). 14Ɓee paajoo dow ko waɗi. 15Wakkati ɓe paajotoo, ɓee jeddontira, Yeesu ɓattii e yaada e maɓɓe. 16Ɓe ji'i mo, amma goɗɗum haɗi ɓe annitingo mo. 17Yeesu ƴami ɓe wi'i: «Kaye paajotoɗon oon jahira?» Go ɓe darii e biisere ɓerne. 18Gooto maɓɓe bi'eteeɗo Keleyopasi wi'i, mo: «An tan woni koɗo der *Urusaliima mo annaa ko waɗi der balɗe ɗee!» 19O ƴami ɓe o wi'i: «Ume nun waɗi?» Go ɓe toontii mo ɓe bi'i: «Ko tawi Yeesu Nasaratuujo laatinooɗo *annabiijo mo baawɗe dow gaɗu e haala, yeeso Alla e yeeso himɓe fu. 20Go hooreeɓe *Liimaamiiɓe men, e mawɓe men hokkitiri mo o waree, o tiggee dow *leggal palaaŋal. 21Emen miijunoo kanko nun woni teetannooɗo Isira'iilaaɓe. Amma dow majjum, hanne nyalaane tatawre nun ɗo diga ko huune nen laatii. 22Kade rewɓe wonduɓe e amen accii haaynaare nanŋi men, ɓe dawi diga suba subaka, ɓe jahi to yanaane, 23amma ɓe taway ɓannu makko. Ɓe bittoy ɓe bati men no malaykaaɓe suppitoranii ɓe, ɓe bi'i, oo wuuri. 24Woɓɓe der wonduɓe e amen yahi to yanaane, tawi huune ɗum fu hande no rewɓe ɓen batiri, amma kanko, ɓe ji'ay mo.»
25Den Yeesu wi'i ɓe: «Onon himɓe ɓe walaa faamu, e ɓe ɓerɗe muuɗum hoolataako law ko *annabiiɓe bati fu! 26Haanay *Almasiihu tooroo hande nun den o naata der tedduŋal makko na?» 27Den o faamini ɓe ko batanoo dow makko der binni ceniini fu. O fuɗɗiri dewte Muusa faa eɗe *annabiiɓe fu.
28No ɓe paanii siire to ɓe jahata, Yeesu waɗi hande ko fonnii yeeso. 29Amma, ɓe eeli mo ɓe eelitii o jooɗodoo e maɓɓe, gam naaŋe e yana, jemma bo faanake. O naati o jooɗodii e maɓɓe. 30No o jooɗii gam o nyaamda e maɓɓe, o etti peen, o yetti Alla, o ŋappiti ŋa, o hokki ɓe. 31Den gite maɓɓe feertii, ɓe anniti mo, amma ɓe majjiti mo yeeso maɓɓe. 32Ɓe bi'ontiri hakkune maɓɓe: «Daaru bo, ɓerɗe men e maatanno seyo wakkati o baddata en dow laawol, oo faamina en binni ceniini.»
33Ɓe ummii ɗon maa ɗon, ɓe bitti *Urusaliima, ɓe tawi aahiiɓe sappo e go'o (11) e hawritii e wonduɓe e maɓɓe, 34e wi'a: «E gooŋa, Joomiraawo fintii, o suppitanake Simon!» 35Go kamɓe bo, ɓe bati ɓe ko waɗi dow laawol e no ɓe annitiri Yeesu wakkati o seennanta ɓe peen.
Yeesu suppitanake aahiiɓe mum
(Matiye 28:16-20, Marku 16:14-18, Yuhaana 20:19-23)
36Ɓe keennyay batugo go Yeesu e hoore mum wari darii caka maɓɓe, wi'i ɓe: «Jam wonoo e mon!» 37Go ɓerɗe maɓɓe taƴi, ɓe kuli, gam ɓee miiji ginnaaru ɓe ji'i. 38Amma Yeesu wi'i ɓe: «Gam ume go oon jiɓii? Gam ume go oon gaɗa seko der ɓerɗe mon? 39Daaree juuɗe am e koyɗe am, min nun! Meemee am, daaree, gam ginnaaru woodaa ɓannu, hakko ƴi'al hande no ji'irton mii woodiri ɓannu.»
40No o bati ɓe ka, o holli ɓe juuɗe makko e koyɗe makko. 41Ɓe baaway ko hoolii sabbu seyo e haaynaare, den o ƴami ɓe o wi'i: «Oon goodi ɗo goɗɗum ko nyaametee na?» 42Ɓe kokki mo taƴere linŋol ɓuynaaŋol. 43O jaɓi ne, o ƴakki yeeso maɓɓe. 44O wi'i ɓe: «Nani ka batunoomi on wakkati gondunoomi e mon, bi'umi: "Ko bataa dow am der dewte Muusa, e der dewte *annabiiɓe, e der Jabuura fu, e haani hebba."»
45Den o maɓɓiti hakkillo maɓɓe gam ɓe paama Binni ceniini. 46Go o wi'i ɓe: «Nani ɗo ko winnaa: *Almasiihu tooroto, finta diga maayde der nyalaane tatawre. 47Sey tuubu e yaafuye hakkeeji waajee himɓe lenyi fu, e inne makko. Ɗum fuɗɗa diga *Urusaliima. 48Onon nun laatii seedeeɓe majjum. 49Daa mi lildanaan on ko Baaba am haɓɓannoo on alkawal. Amma onon, sey jooɗoɗon der wanŋarde ɗo faa to on keɓii baawɗe diga dow.»
Yeesu eenci dow
(Marku 16:19-20, Golle Lilaaɓe 1:9-11)
50Yeesu yaarii ɓe far Baytaniya, o ɓanti juuɗe o barkiɗini ɓe. 51Wakkati o barkiɗinta ɓe, o seenniri e maɓɓe, o ettaa o eencinaa dow kammu. 52Kamɓe bo, no ɓe cujidani mo ɓe keennyi, ɓe bitti *Urusaliima e seyo manŋo. 53Wakkati fu, ɓee gonii der suudu Alla, ɓee maanta Alla.
Iliyochaguliwa sasa
Luka 24: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Luka 24
24
Pintol Yeesu
(Matiye 28:1-10, Marku 16:1-8, Yuhaana 20:1-10)
1Alal faji fajiri, rewɓe ɓen yahi to yanaane nen, ɓe jaari wardiiji ɗi ɓe ciriyinoo. 2Ɓe tawi hayre maɓɓiranoone dammugal yanaane nen tallaama. 3Ɓe naati, amma ɓe taway ɗon ɓannu Yeesu Joomiraawo. 4Go ɓe jiɓii dow majjum, ɗon worɓe ɗiɗo ɓorniiɓe gineeji daneeji suppitanii ɓe. 5Ɓe kuli, go ɓe jimminii, go worɓe ɓen wi'i ɓe: «Gam ume daartoton buuruɗo caka maayɓe? 6[O walaa ɗo, o fintii.] Ciwtoree ka o batunoo on wakkati o woni Galili. 7O wi'i: "Sey Ɓii neɗɗo wattee der juuɗe hakkeeɓe, o tiggee dow *leggal palaaŋal, o finta nyalaane tatawre."»
8Go ɓe ciwtori haalaaji Yeesu. 9Ɓe jawti diga to yanaane ɗon, ɓe jahi ɓe batoy aahiiɓe sappo e go'o (11), e horiiɓe. 10Batoyɓe ka woni Mariyama mo Magadala, e Yowana, e Mariyama inna Yaakuuba, e rewɓe woɓɓe wondunooɓe e maɓɓe. 11Amma aahiiɓe miiji dullere hoore nun batinta ɓe ka, ɓe koolaaki. 12Go Piyer ummii doggi yahi to yanaane nen, no o yuurnii, lefol tan nun o yi'i e joowii dow leydi, den o hooti e haaynaare gam ko waɗi.
Ko waɗi dow laawol Emawusu
(Marku 16:12-13)
13Der nyalaane woore nen, ɗiɗo maɓɓe e fonnii ci'el gom bi'eteeŋel Emawusu. Woɗɗugo maggel e *Urusaliima waɗan kilo sappo e go'o (11). 14Ɓee paajoo dow ko waɗi. 15Wakkati ɓe paajotoo, ɓee jeddontira, Yeesu ɓattii e yaada e maɓɓe. 16Ɓe ji'i mo, amma goɗɗum haɗi ɓe annitingo mo. 17Yeesu ƴami ɓe wi'i: «Kaye paajotoɗon oon jahira?» Go ɓe darii e biisere ɓerne. 18Gooto maɓɓe bi'eteeɗo Keleyopasi wi'i, mo: «An tan woni koɗo der *Urusaliima mo annaa ko waɗi der balɗe ɗee!» 19O ƴami ɓe o wi'i: «Ume nun waɗi?» Go ɓe toontii mo ɓe bi'i: «Ko tawi Yeesu Nasaratuujo laatinooɗo *annabiijo mo baawɗe dow gaɗu e haala, yeeso Alla e yeeso himɓe fu. 20Go hooreeɓe *Liimaamiiɓe men, e mawɓe men hokkitiri mo o waree, o tiggee dow *leggal palaaŋal. 21Emen miijunoo kanko nun woni teetannooɗo Isira'iilaaɓe. Amma dow majjum, hanne nyalaane tatawre nun ɗo diga ko huune nen laatii. 22Kade rewɓe wonduɓe e amen accii haaynaare nanŋi men, ɓe dawi diga suba subaka, ɓe jahi to yanaane, 23amma ɓe taway ɓannu makko. Ɓe bittoy ɓe bati men no malaykaaɓe suppitoranii ɓe, ɓe bi'i, oo wuuri. 24Woɓɓe der wonduɓe e amen yahi to yanaane, tawi huune ɗum fu hande no rewɓe ɓen batiri, amma kanko, ɓe ji'ay mo.»
25Den Yeesu wi'i ɓe: «Onon himɓe ɓe walaa faamu, e ɓe ɓerɗe muuɗum hoolataako law ko *annabiiɓe bati fu! 26Haanay *Almasiihu tooroo hande nun den o naata der tedduŋal makko na?» 27Den o faamini ɓe ko batanoo dow makko der binni ceniini fu. O fuɗɗiri dewte Muusa faa eɗe *annabiiɓe fu.
28No ɓe paanii siire to ɓe jahata, Yeesu waɗi hande ko fonnii yeeso. 29Amma, ɓe eeli mo ɓe eelitii o jooɗodoo e maɓɓe, gam naaŋe e yana, jemma bo faanake. O naati o jooɗodii e maɓɓe. 30No o jooɗii gam o nyaamda e maɓɓe, o etti peen, o yetti Alla, o ŋappiti ŋa, o hokki ɓe. 31Den gite maɓɓe feertii, ɓe anniti mo, amma ɓe majjiti mo yeeso maɓɓe. 32Ɓe bi'ontiri hakkune maɓɓe: «Daaru bo, ɓerɗe men e maatanno seyo wakkati o baddata en dow laawol, oo faamina en binni ceniini.»
33Ɓe ummii ɗon maa ɗon, ɓe bitti *Urusaliima, ɓe tawi aahiiɓe sappo e go'o (11) e hawritii e wonduɓe e maɓɓe, 34e wi'a: «E gooŋa, Joomiraawo fintii, o suppitanake Simon!» 35Go kamɓe bo, ɓe bati ɓe ko waɗi dow laawol e no ɓe annitiri Yeesu wakkati o seennanta ɓe peen.
Yeesu suppitanake aahiiɓe mum
(Matiye 28:16-20, Marku 16:14-18, Yuhaana 20:19-23)
36Ɓe keennyay batugo go Yeesu e hoore mum wari darii caka maɓɓe, wi'i ɓe: «Jam wonoo e mon!» 37Go ɓerɗe maɓɓe taƴi, ɓe kuli, gam ɓee miiji ginnaaru ɓe ji'i. 38Amma Yeesu wi'i ɓe: «Gam ume go oon jiɓii? Gam ume go oon gaɗa seko der ɓerɗe mon? 39Daaree juuɗe am e koyɗe am, min nun! Meemee am, daaree, gam ginnaaru woodaa ɓannu, hakko ƴi'al hande no ji'irton mii woodiri ɓannu.»
40No o bati ɓe ka, o holli ɓe juuɗe makko e koyɗe makko. 41Ɓe baaway ko hoolii sabbu seyo e haaynaare, den o ƴami ɓe o wi'i: «Oon goodi ɗo goɗɗum ko nyaametee na?» 42Ɓe kokki mo taƴere linŋol ɓuynaaŋol. 43O jaɓi ne, o ƴakki yeeso maɓɓe. 44O wi'i ɓe: «Nani ka batunoomi on wakkati gondunoomi e mon, bi'umi: "Ko bataa dow am der dewte Muusa, e der dewte *annabiiɓe, e der Jabuura fu, e haani hebba."»
45Den o maɓɓiti hakkillo maɓɓe gam ɓe paama Binni ceniini. 46Go o wi'i ɓe: «Nani ɗo ko winnaa: *Almasiihu tooroto, finta diga maayde der nyalaane tatawre. 47Sey tuubu e yaafuye hakkeeji waajee himɓe lenyi fu, e inne makko. Ɗum fuɗɗa diga *Urusaliima. 48Onon nun laatii seedeeɓe majjum. 49Daa mi lildanaan on ko Baaba am haɓɓannoo on alkawal. Amma onon, sey jooɗoɗon der wanŋarde ɗo faa to on keɓii baawɗe diga dow.»
Yeesu eenci dow
(Marku 16:19-20, Golle Lilaaɓe 1:9-11)
50Yeesu yaarii ɓe far Baytaniya, o ɓanti juuɗe o barkiɗini ɓe. 51Wakkati o barkiɗinta ɓe, o seenniri e maɓɓe, o ettaa o eencinaa dow kammu. 52Kamɓe bo, no ɓe cujidani mo ɓe keennyi, ɓe bitti *Urusaliima e seyo manŋo. 53Wakkati fu, ɓee gonii der suudu Alla, ɓee maanta Alla.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.