Luka 20
20
Toy baawɗe Yeesu ƴiwi?
(Matiye 21:23-27, Marku 11:27-33)
1Nyalaane gom, Yeesu e janŋina himɓe der suudu Alla, e waajoo *linjiila, den hooreeɓe liimaamiiɓe e moodiɓɓe tawreeta e *dottiiɓe wari, 2ɓe bi'i mo: «Batu men, e baawɗe ɗee nun gaɗirtaa huune ɗum, naa bo, moy nun hokku maa baawɗe majjum?» 3Yeesu toontii ɓe wi'i: «Min bo mi ƴaman on haala goota, toontoɗon am. 4*Batisi Yuhaana waɗata, to Alla o heɓi ɗum naa to himɓe?»
5Amma ɓe baddi hakkune maɓɓe ɓe bi'i: «To en toontake bi'uɗen: "To Alla nun," o ƴaman en no waɗi ko en goonɗinay Yuhaana? 6Amma to en toontake bi'uɗen: "Himɓe nun liloy mo," ɓe paɗɗan en kaaƴe, ɓe bara, gam himɓe fu e anni Yuhaana laati nun annabiijo.» 7Go ɓe toontii ɓe bi'i: «Men annaa diga toy nun o heɓi ɗum.» 8Yeesu wi'i ɓe: «Min bo, mi batataa on e baawɗe ɗee nun gaɗiranmi ɗum.»
Ballool reenuɓe gesa innabooje
(Matiye 21:33-46, Marku 12:1-11)
9Ɓaawo mum, Yeesu waɗani himɓe ballool ŋol ɗo wi'i: «Goɗɗo nun aawi gesa innabooje mum, o accani ŋa gollotooɓe makko ɓe gaɗi haya, den o waɗi jahaaŋal, gam o ɓooyaa ton. 10No wakkati ɓorol innabooje yottii, o lili maccuɗo makko to reeninaaɓe gesa ŋan, gam ɓe kokka mo ko haanani mo der ɓiɓɓe gesa makko. Amma reeninaaɓe gesa ŋan fiyi mo, riiwi mo juuɗe baanji. 11Joom gesa ŋan lilitii kade maccuɗo mum goɗɗo, amma reeninaaɓe gesa ŋan fiyi oo ɗon bo, yenni mo, riiwii mo juuɗe baanji. 12O lili kade maccuɗo tataɓo, oo ɗon bo, ɓe nawni mo, ɓe diiwi mo. 13Joom gesa wi'i: "Noy gaɗanmi? Mi lilan ɓiɗɗo am jiɗaaɗo, waɗoto oo ɗon kan, ɓe teddinan mo." 14Amma no yowanaaɓe gesa ŋan holliri mo, ɓe bi'ontiri hakkune maɓɓe: "On ji'ay ɗo donoowo gesa ŋan, en baree mo, gam donen ŋa." 15Go ɓe burtini mo diga e gesa ŋan, ɓe bari mo.»
Ume nun joom gesa ŋan waɗata ɓe? 16«O waran o halka reeninaaɓe gesa ŋan, o reenina ŋa woɓɓe.» No jama'aare nani haala kan, ɓe bi'i: «To iri majjum laata!» 17Amma Yeesu daari ɓe wi'i:
«Ume nun haala binni nii ɗo fillitii?
Hayre ne mahooɓe woppi,
kayre nun heennyi laatii jogiine maadi.»
18Januɗo dow hayre nen muunyitinto, to ne yantii goɗɗo bo, ne muunyitan mo.
Yoɓugo ceede faada
(Matiye 22:15-22, Marku 12:13-17)
19Hooreeɓe *liimaamiiɓe, e moodiɓɓe tawreeta, e daarta no nanŋirta Yeesu der wakkatiire nen, gam ɓee anni kamɓe nun o waɗani ballool ŋol, amma ɓee kula jama'aare. 20Go ɓee kakkilani mo. Ɓe lili himɓe woɓɓe nanditinɓe ko'e mum hande himɓe yeeɓɓe, gam ɓe keɓa ɓe nanŋa mo der haala makko, ɓe gatta der juuɗe hiitotooɓe e mawɓe genni. 21Ɓe ƴami mo haala kaa ɗo ɓe bi'i: «Moodibbo, emen anni ko batataa e ko janŋintaa fu laati nun deydey, gooŋa nun janŋinirtaa laawol Alla, a ɓurontirtaa bo himɓe. 22Batu men, sariya hokkii laawol men joɓa laamiiɗo Roma ceede faada naa to men joɓu?»
23Amma Yeesu faamii dabare maɓɓe, go toontii ɓe, wi'i: 24«Kollee am ceede ɗen. Foto moy e inne moy nun winnaa ɗon?» Ɓe toontii ɓe bi'i: «Laamiiɗo Roma nun.» 25Den Yeesu wi'i ɓe: «To non, kokkee laamiiɗo Roma ko laatanii mo, kokkon Alla bo ko laatanii Alla.» 26Ɓe tampi ko nanŋi mo dow haala makko yeeso jama'aare. Amma toontol makko haaynii ɓe, go ɓe jeeɗii.
Ƴanɗe dow pintol maayɓe
(Matiye 22:23-33, Marku 12:18-27)
27*Sadukiiɓe yeddooɓe pintol maayɓe, woɓɓe mum wari to Yeesu. Ɓe ƴami mo ɓe bi'i: 28«Moodibbo, nani ɗo ko Muusa wi'i men gaɗa: "To goɗɗo ɓaŋii debbo, go maayi heɓay sukaaɓe, sey minnyiiko naatta debbo on, rimda mo sukaaɓe, gam o heɓana mawniiko maayuɗo on lenyol." 29Non non ɗum waɗunoo e rimdaaɓe jeeɗiɗo gom. Arano ɓaŋi debbo, maayi, accay suka. 30Ɗiɗaɓo naatti debbo on, 31tataɓo bo, non non, faa ɓe fu jeeɗiɗo ɓe maayidi, ɓe dimday e debbo on. 32Ɓaawo maɓɓe ɓe fu, debbo on bo maayi. 33Nyalaane maayɓe fintoyta, moy nun e maɓɓe o laatoytoo debbo mum? Gam ɓe fu jeeɗiɗo ɓe ɓaŋiino mo!»
34Yeesu toontii ɓe wi'i: «Himɓe duuniyaaru nuu ɗo e ɓaŋa, e ɓaŋee bo, 35amma daaraaɓe fotii fintineego, naata der duuniyaaru nu jaaŋo, ɓaŋataa, ɓaŋataake bo. 36Ɓe maayataa kade gam ɓe nandan hande malaykaaɓe, ɓe laatoto ɓiɓɓe Alla, gam ɓe pintinaama diga maayde. 37Der haala huuraare jaɓoore yiite, Muusa e hoore mum hollitii no pintol maayɓe na'on. Gam mum o hokki Joomiraawo inne, "Alla Iburaahiima, Alla Isiyaaku, e Alla Yaakuubu."» 38Nani Alla laataaki Alla maayuɓe, amma Alla wuuruɓe, gam makko ɓe fu ɓe buuri. 39Moodiɓɓe tawreeta woɓɓe mum toonti wi'i: «Moodibbo, deydey nun batuɗaa ɗon.» 40Ɓe cuusay kade ko ƴami mo gokka.
*Almasiihu Ɓii Dawda nun na?
(Matiye 22:41-46, Marku 12:35-37)
41Yeesu wi'i ɓe: «Noy ɗum waɗi ko *Almasiihu e noddee Ɓii Dawda? 42Gam Dawda e hoore mum batii der dewtere Jabuura wi'i:
"Joomiraawo batii Joomiraawo am wi'i:
Jooɗa juunŋo am nyaamo,
43faa mi waɗa jaaɓaa wayɓe maa."
44To Dawda noddii mo "Joomiraawo", den, noy kade o laatortoo ɓii Dawda?»
Yeesu felii moodiɓɓe tawreeta
(Matiye 23:1-36, Marku 12:38-40)
45Den himɓe fu e hettinanii Yeesu, go o bati aahiiɓe makko o wi'i: 46«Kakkilanee moodiɓɓe tawreeta, yiɗuɓe woositaago e ɓornorii toggooje juuɗɗe. Ɓee jiɗi sanneego der jayri to himɓe hawritinta. Ɓee jiɗi bo kittaaje arandeeje der juulirɗe e der nyaamirɗe fu. 47Ɓee teeta ko rewɓe gowniiɓe woodi fu, ɓee gaɗa du'aaje juuɗɗe gam ɓe ji'ee. Ɓe keɓan kiita ɓurka mawnugo.»
Iliyochaguliwa sasa
Luka 20: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Luka 20
20
Toy baawɗe Yeesu ƴiwi?
(Matiye 21:23-27, Marku 11:27-33)
1Nyalaane gom, Yeesu e janŋina himɓe der suudu Alla, e waajoo *linjiila, den hooreeɓe liimaamiiɓe e moodiɓɓe tawreeta e *dottiiɓe wari, 2ɓe bi'i mo: «Batu men, e baawɗe ɗee nun gaɗirtaa huune ɗum, naa bo, moy nun hokku maa baawɗe majjum?» 3Yeesu toontii ɓe wi'i: «Min bo mi ƴaman on haala goota, toontoɗon am. 4*Batisi Yuhaana waɗata, to Alla o heɓi ɗum naa to himɓe?»
5Amma ɓe baddi hakkune maɓɓe ɓe bi'i: «To en toontake bi'uɗen: "To Alla nun," o ƴaman en no waɗi ko en goonɗinay Yuhaana? 6Amma to en toontake bi'uɗen: "Himɓe nun liloy mo," ɓe paɗɗan en kaaƴe, ɓe bara, gam himɓe fu e anni Yuhaana laati nun annabiijo.» 7Go ɓe toontii ɓe bi'i: «Men annaa diga toy nun o heɓi ɗum.» 8Yeesu wi'i ɓe: «Min bo, mi batataa on e baawɗe ɗee nun gaɗiranmi ɗum.»
Ballool reenuɓe gesa innabooje
(Matiye 21:33-46, Marku 12:1-11)
9Ɓaawo mum, Yeesu waɗani himɓe ballool ŋol ɗo wi'i: «Goɗɗo nun aawi gesa innabooje mum, o accani ŋa gollotooɓe makko ɓe gaɗi haya, den o waɗi jahaaŋal, gam o ɓooyaa ton. 10No wakkati ɓorol innabooje yottii, o lili maccuɗo makko to reeninaaɓe gesa ŋan, gam ɓe kokka mo ko haanani mo der ɓiɓɓe gesa makko. Amma reeninaaɓe gesa ŋan fiyi mo, riiwi mo juuɗe baanji. 11Joom gesa ŋan lilitii kade maccuɗo mum goɗɗo, amma reeninaaɓe gesa ŋan fiyi oo ɗon bo, yenni mo, riiwii mo juuɗe baanji. 12O lili kade maccuɗo tataɓo, oo ɗon bo, ɓe nawni mo, ɓe diiwi mo. 13Joom gesa wi'i: "Noy gaɗanmi? Mi lilan ɓiɗɗo am jiɗaaɗo, waɗoto oo ɗon kan, ɓe teddinan mo." 14Amma no yowanaaɓe gesa ŋan holliri mo, ɓe bi'ontiri hakkune maɓɓe: "On ji'ay ɗo donoowo gesa ŋan, en baree mo, gam donen ŋa." 15Go ɓe burtini mo diga e gesa ŋan, ɓe bari mo.»
Ume nun joom gesa ŋan waɗata ɓe? 16«O waran o halka reeninaaɓe gesa ŋan, o reenina ŋa woɓɓe.» No jama'aare nani haala kan, ɓe bi'i: «To iri majjum laata!» 17Amma Yeesu daari ɓe wi'i:
«Ume nun haala binni nii ɗo fillitii?
Hayre ne mahooɓe woppi,
kayre nun heennyi laatii jogiine maadi.»
18Januɗo dow hayre nen muunyitinto, to ne yantii goɗɗo bo, ne muunyitan mo.
Yoɓugo ceede faada
(Matiye 22:15-22, Marku 12:13-17)
19Hooreeɓe *liimaamiiɓe, e moodiɓɓe tawreeta, e daarta no nanŋirta Yeesu der wakkatiire nen, gam ɓee anni kamɓe nun o waɗani ballool ŋol, amma ɓee kula jama'aare. 20Go ɓee kakkilani mo. Ɓe lili himɓe woɓɓe nanditinɓe ko'e mum hande himɓe yeeɓɓe, gam ɓe keɓa ɓe nanŋa mo der haala makko, ɓe gatta der juuɗe hiitotooɓe e mawɓe genni. 21Ɓe ƴami mo haala kaa ɗo ɓe bi'i: «Moodibbo, emen anni ko batataa e ko janŋintaa fu laati nun deydey, gooŋa nun janŋinirtaa laawol Alla, a ɓurontirtaa bo himɓe. 22Batu men, sariya hokkii laawol men joɓa laamiiɗo Roma ceede faada naa to men joɓu?»
23Amma Yeesu faamii dabare maɓɓe, go toontii ɓe, wi'i: 24«Kollee am ceede ɗen. Foto moy e inne moy nun winnaa ɗon?» Ɓe toontii ɓe bi'i: «Laamiiɗo Roma nun.» 25Den Yeesu wi'i ɓe: «To non, kokkee laamiiɗo Roma ko laatanii mo, kokkon Alla bo ko laatanii Alla.» 26Ɓe tampi ko nanŋi mo dow haala makko yeeso jama'aare. Amma toontol makko haaynii ɓe, go ɓe jeeɗii.
Ƴanɗe dow pintol maayɓe
(Matiye 22:23-33, Marku 12:18-27)
27*Sadukiiɓe yeddooɓe pintol maayɓe, woɓɓe mum wari to Yeesu. Ɓe ƴami mo ɓe bi'i: 28«Moodibbo, nani ɗo ko Muusa wi'i men gaɗa: "To goɗɗo ɓaŋii debbo, go maayi heɓay sukaaɓe, sey minnyiiko naatta debbo on, rimda mo sukaaɓe, gam o heɓana mawniiko maayuɗo on lenyol." 29Non non ɗum waɗunoo e rimdaaɓe jeeɗiɗo gom. Arano ɓaŋi debbo, maayi, accay suka. 30Ɗiɗaɓo naatti debbo on, 31tataɓo bo, non non, faa ɓe fu jeeɗiɗo ɓe maayidi, ɓe dimday e debbo on. 32Ɓaawo maɓɓe ɓe fu, debbo on bo maayi. 33Nyalaane maayɓe fintoyta, moy nun e maɓɓe o laatoytoo debbo mum? Gam ɓe fu jeeɗiɗo ɓe ɓaŋiino mo!»
34Yeesu toontii ɓe wi'i: «Himɓe duuniyaaru nuu ɗo e ɓaŋa, e ɓaŋee bo, 35amma daaraaɓe fotii fintineego, naata der duuniyaaru nu jaaŋo, ɓaŋataa, ɓaŋataake bo. 36Ɓe maayataa kade gam ɓe nandan hande malaykaaɓe, ɓe laatoto ɓiɓɓe Alla, gam ɓe pintinaama diga maayde. 37Der haala huuraare jaɓoore yiite, Muusa e hoore mum hollitii no pintol maayɓe na'on. Gam mum o hokki Joomiraawo inne, "Alla Iburaahiima, Alla Isiyaaku, e Alla Yaakuubu."» 38Nani Alla laataaki Alla maayuɓe, amma Alla wuuruɓe, gam makko ɓe fu ɓe buuri. 39Moodiɓɓe tawreeta woɓɓe mum toonti wi'i: «Moodibbo, deydey nun batuɗaa ɗon.» 40Ɓe cuusay kade ko ƴami mo gokka.
*Almasiihu Ɓii Dawda nun na?
(Matiye 22:41-46, Marku 12:35-37)
41Yeesu wi'i ɓe: «Noy ɗum waɗi ko *Almasiihu e noddee Ɓii Dawda? 42Gam Dawda e hoore mum batii der dewtere Jabuura wi'i:
"Joomiraawo batii Joomiraawo am wi'i:
Jooɗa juunŋo am nyaamo,
43faa mi waɗa jaaɓaa wayɓe maa."
44To Dawda noddii mo "Joomiraawo", den, noy kade o laatortoo ɓii Dawda?»
Yeesu felii moodiɓɓe tawreeta
(Matiye 23:1-36, Marku 12:38-40)
45Den himɓe fu e hettinanii Yeesu, go o bati aahiiɓe makko o wi'i: 46«Kakkilanee moodiɓɓe tawreeta, yiɗuɓe woositaago e ɓornorii toggooje juuɗɗe. Ɓee jiɗi sanneego der jayri to himɓe hawritinta. Ɓee jiɗi bo kittaaje arandeeje der juulirɗe e der nyaamirɗe fu. 47Ɓee teeta ko rewɓe gowniiɓe woodi fu, ɓee gaɗa du'aaje juuɗɗe gam ɓe ji'ee. Ɓe keɓan kiita ɓurka mawnugo.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.