Luka 18
18
Debbo gowniijo e kiitotooɗo kalluɗo
1Yeesu waɗani aahiiɓe mum ballool ŋol ɗo gam o holla ɓe no haani ɓee du'oo wakkati fu, to ɓe comu. 2O wi'i ɓe: «Kiitotooɗo gom nun tawanoo der siire gom, o hulataa Alla, o faalaaka bo e goɗɗo. 3Debbo gowniijo gom bo e tawaa der siire nen, wakkati fu, oo yaha oo tawaa kiitotooɗo on, oo wi'a: "Hiitanam hakkune am e ganyo am!" 4Kiitotooɗo on yiɗay ka, faa ɗum ɓooyi, den o miijii der ɓerne makko o wi'i: "Baa to mi hulataa Alla, mi faalaaka bo e goɗɗo, 5no gowniijo oo ɗo e ɓillammi, sey mi waɗana mo sariya makko, gam to o waru kade oo ɓillammi wakkati fu."»
6Joomiraawo ɓeydi wi'i: «Kettinee ko kiitotooɗo kalluɗo on wi'i. 7Alla hiitantaako ɓe o suɓi, wullanooɓe mo jemma e nyalooma na? O ɓooyan go o walla ɓe na? 8Mii bata on, o hiitanto ɓe law. Amma to Ɓii neɗɗo waroy, o tawan goonɗinki der duuniyaaru na?»
Ballool *Farisaajo e jaɓoowo ceede faada
9Yeesu waɗii ballool ŋol ɗo kade gam miijuɓe e laatii foonnitiiɓe yeeso Alla, go ɓee jawoo woɓɓe. 10Himɓe ɗiɗo nun naati der suudu Alla gam ɓe du'oo, oo ɗo *Farisaajo, oo to jaɓoowo ceede faada. 11*Farisaajo on darii e du'oo der ɓerne mum e wi'a: "Yaa Alla, mi yettii maa gam mi laataaki hande no himɓe horiiɓe, laatiiɓe wuyɓe, ɓe laataaki foonnitiiɓe, waɗooɓe jeenu. Mi yettii maa bo gam mi laataaki hande jaɓoowo ceede faada oo ɗo. 12Der asaweere fu, mii suumoo de ɗiɗi. Mii sutta jakka am der ko keɓumi fu." 13Jaɓoowo ceede faada on bo darii woɗɗi, o yiɗay baa ɓantugo gite o daara dow, amma o leesini hoore makko, o wi'i: «Yaa Alla, yurumam, min laatiiɗo hakkeejo.» 14Mii wi'a on, kanko, o yaafanaama hakke makko o hootiri wuro makko, amma *Farisaajo on kan yaafanaaka. Gam mawninɗo hoore mum fu leesinte, leesinɗo hoore mum bo mawninte.
Yeesu e yowa sukahon petton juuɗe
(Matiye 19:13-15, Marku 10:13-16)
15Himɓe waddani Yeesu sukahon petton gam o meema kon, amma no aahiiɓe makko yi'i ɓe, yanti e nyaasitoo ɓe. 16Go Yeesu noddi ɓe wi'i: «Accee sukahon kon wara to am! To on kaɗee kon, gam iri maɓɓe Laamaare Alla wonani. 17E gooŋa batanmi on: mo jaɓay Laamaare Alla hande sukayel pettel fu, waawataa ko naati der mayre pay.»
Joom ceedeejo gom
(Matiye 19:16-30, Marku 10:17-31)
18Hooreejo *Yahuduuɓe gom ƴami Yeesu wi'i: «Moodibbo geeto, ume haani mi waɗa go mi heɓa yonki tabitiiki?» 19Yeesu toontii mo wi'i: «Gam ume go aa noddammi geeto? Goɗɗo laataaki geeto to hinaa Alla tan. 20Aa anni sariyaaji ɗii ɗo: Taa waɗu jeenu, taa waru neɗɗo, taa wujju, taa seedana goɗɗo fewre, teddin baaba maa e inna maa.» 21Gorko on toontii mo wi'i: «Sariyaaji ɗii ɗon fu, mii jogii ɗi diga sukaaku am.» 22No Yeesu nani ka wi'i mo: «Gootum tan jaccu maa, sippu jawdi maa fu, ceennanaa talkaaɓe ceede mum, den mum, a heɓan jawdi gonni dow kammu, ɓaawo mum garaa tokkaa am.»
23Amma no o nani boliiɗe ɗen, ɓerne makko biisii, gam o laati nun joom jawdiijo sanne. 24No Yeesu yi'i no ɓerne makko biisorii, wi'i: «Eɗum saɗi joom jawdiiɓe naata der Laamaare Alla. 25Eɗum ɓuri hoyugo jeelooba wurtoroo der hinere baatal, dow naatugo joom jawdiijo der Laamaare Alla.» 26Hettinaniiɓe mo wi'i: «Den mum, moy nun waawata ko hisi?» 27Yeesu toontii wi'i: «Ko waɗataako to himɓe, waɗoto to Alla.»
28Den Piyer wi'i: «Daa menen men accii ko men goodi fu, men tokkii maa.» 29Yeesu wi'i ɓe: «E gooŋa batanmi on, to goɗɗo accii wuro mum, naa bo debbo mum, e mawniraaɓe mum, e miiraaɓe mum, e himɓe mum, e sukaaɓe mum, gam Laamaare Alla, 30o heɓan ko ɓuri ɗum ɗuuɗugo der wakkati kii ɗo, der wakkati garoohi bo, o heɓan yonki tabitiiki.»
Yeesu batanii maayde mum e pintol mum de tatawre
(Matiye 20:17-19, Marku 10:32-34)
31Yeesu noddii aahiiɓe mum sappo e ɗiɗo (12) wi'i ɓe: «Nani, een jaha *Urusaliima, ton non ko *annabiiɓe winnunoo dow Ɓii neɗɗo hebboyta. 32Gam o wattete der juuɗe ɓe lenyi janani, ɓe jalan mo, ɓe toora mo, ɓe tuuta mo joode. 33To ɓe piyidii mo ɓocci, ɓe bara mo. Den nyalaane tatawre, o fintan.» 34Amma aahiiɓe makko faamay goɗɗum der ka o bati, haalaaji ɗi o fillanii ɓe fu suuɗani ɓe nun, ɓe annaa ko o yiɗi batango.
Yeesu nyawtii bumɗo
(Matiye 20:29-34, Marku 10:46-52)
35No Yeesu faanii Yeriko, bumɗo gom e jooɗii sera laawol e fiya bara. 36O nani jama'aare e yawta, go o ƴami ɓe: «Ume nun waɗi?» 37Go o bataa no Yeesu Nasaratuujo nun yawtata ɗon. 38O bati e daane towne o wi'i: «Ɓii Dawda, yurumam!» 39Ardiiɓe mo e nyaasitoo mo e wi'a o jeeɗoo, amma o ɓeydi batugo dow o wi'i: «Ɓii Dawda, yurumam!» 40Yeesu darii, wi'i ɓe gaddana mo mo. No bumɗo on faanii, Yeesu ƴami mo wi'i: 41«Ume jiɗuɗaa mi waɗane?» O toontii o wi'i: «Moodibbo, accu mi wumta.» 42Go Yeesu wi'i mo: «Wumtu, goonɗinki maa nyawtii maa.» 43Ɗon maa ɗon, o wumti, o tokki Yeesu oo yetta Alla. No jama'aare yi'i ɗum, yanti e maanta Alla.
Iliyochaguliwa sasa
Luka 18: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Luka 18
18
Debbo gowniijo e kiitotooɗo kalluɗo
1Yeesu waɗani aahiiɓe mum ballool ŋol ɗo gam o holla ɓe no haani ɓee du'oo wakkati fu, to ɓe comu. 2O wi'i ɓe: «Kiitotooɗo gom nun tawanoo der siire gom, o hulataa Alla, o faalaaka bo e goɗɗo. 3Debbo gowniijo gom bo e tawaa der siire nen, wakkati fu, oo yaha oo tawaa kiitotooɗo on, oo wi'a: "Hiitanam hakkune am e ganyo am!" 4Kiitotooɗo on yiɗay ka, faa ɗum ɓooyi, den o miijii der ɓerne makko o wi'i: "Baa to mi hulataa Alla, mi faalaaka bo e goɗɗo, 5no gowniijo oo ɗo e ɓillammi, sey mi waɗana mo sariya makko, gam to o waru kade oo ɓillammi wakkati fu."»
6Joomiraawo ɓeydi wi'i: «Kettinee ko kiitotooɗo kalluɗo on wi'i. 7Alla hiitantaako ɓe o suɓi, wullanooɓe mo jemma e nyalooma na? O ɓooyan go o walla ɓe na? 8Mii bata on, o hiitanto ɓe law. Amma to Ɓii neɗɗo waroy, o tawan goonɗinki der duuniyaaru na?»
Ballool *Farisaajo e jaɓoowo ceede faada
9Yeesu waɗii ballool ŋol ɗo kade gam miijuɓe e laatii foonnitiiɓe yeeso Alla, go ɓee jawoo woɓɓe. 10Himɓe ɗiɗo nun naati der suudu Alla gam ɓe du'oo, oo ɗo *Farisaajo, oo to jaɓoowo ceede faada. 11*Farisaajo on darii e du'oo der ɓerne mum e wi'a: "Yaa Alla, mi yettii maa gam mi laataaki hande no himɓe horiiɓe, laatiiɓe wuyɓe, ɓe laataaki foonnitiiɓe, waɗooɓe jeenu. Mi yettii maa bo gam mi laataaki hande jaɓoowo ceede faada oo ɗo. 12Der asaweere fu, mii suumoo de ɗiɗi. Mii sutta jakka am der ko keɓumi fu." 13Jaɓoowo ceede faada on bo darii woɗɗi, o yiɗay baa ɓantugo gite o daara dow, amma o leesini hoore makko, o wi'i: «Yaa Alla, yurumam, min laatiiɗo hakkeejo.» 14Mii wi'a on, kanko, o yaafanaama hakke makko o hootiri wuro makko, amma *Farisaajo on kan yaafanaaka. Gam mawninɗo hoore mum fu leesinte, leesinɗo hoore mum bo mawninte.
Yeesu e yowa sukahon petton juuɗe
(Matiye 19:13-15, Marku 10:13-16)
15Himɓe waddani Yeesu sukahon petton gam o meema kon, amma no aahiiɓe makko yi'i ɓe, yanti e nyaasitoo ɓe. 16Go Yeesu noddi ɓe wi'i: «Accee sukahon kon wara to am! To on kaɗee kon, gam iri maɓɓe Laamaare Alla wonani. 17E gooŋa batanmi on: mo jaɓay Laamaare Alla hande sukayel pettel fu, waawataa ko naati der mayre pay.»
Joom ceedeejo gom
(Matiye 19:16-30, Marku 10:17-31)
18Hooreejo *Yahuduuɓe gom ƴami Yeesu wi'i: «Moodibbo geeto, ume haani mi waɗa go mi heɓa yonki tabitiiki?» 19Yeesu toontii mo wi'i: «Gam ume go aa noddammi geeto? Goɗɗo laataaki geeto to hinaa Alla tan. 20Aa anni sariyaaji ɗii ɗo: Taa waɗu jeenu, taa waru neɗɗo, taa wujju, taa seedana goɗɗo fewre, teddin baaba maa e inna maa.» 21Gorko on toontii mo wi'i: «Sariyaaji ɗii ɗon fu, mii jogii ɗi diga sukaaku am.» 22No Yeesu nani ka wi'i mo: «Gootum tan jaccu maa, sippu jawdi maa fu, ceennanaa talkaaɓe ceede mum, den mum, a heɓan jawdi gonni dow kammu, ɓaawo mum garaa tokkaa am.»
23Amma no o nani boliiɗe ɗen, ɓerne makko biisii, gam o laati nun joom jawdiijo sanne. 24No Yeesu yi'i no ɓerne makko biisorii, wi'i: «Eɗum saɗi joom jawdiiɓe naata der Laamaare Alla. 25Eɗum ɓuri hoyugo jeelooba wurtoroo der hinere baatal, dow naatugo joom jawdiijo der Laamaare Alla.» 26Hettinaniiɓe mo wi'i: «Den mum, moy nun waawata ko hisi?» 27Yeesu toontii wi'i: «Ko waɗataako to himɓe, waɗoto to Alla.»
28Den Piyer wi'i: «Daa menen men accii ko men goodi fu, men tokkii maa.» 29Yeesu wi'i ɓe: «E gooŋa batanmi on, to goɗɗo accii wuro mum, naa bo debbo mum, e mawniraaɓe mum, e miiraaɓe mum, e himɓe mum, e sukaaɓe mum, gam Laamaare Alla, 30o heɓan ko ɓuri ɗum ɗuuɗugo der wakkati kii ɗo, der wakkati garoohi bo, o heɓan yonki tabitiiki.»
Yeesu batanii maayde mum e pintol mum de tatawre
(Matiye 20:17-19, Marku 10:32-34)
31Yeesu noddii aahiiɓe mum sappo e ɗiɗo (12) wi'i ɓe: «Nani, een jaha *Urusaliima, ton non ko *annabiiɓe winnunoo dow Ɓii neɗɗo hebboyta. 32Gam o wattete der juuɗe ɓe lenyi janani, ɓe jalan mo, ɓe toora mo, ɓe tuuta mo joode. 33To ɓe piyidii mo ɓocci, ɓe bara mo. Den nyalaane tatawre, o fintan.» 34Amma aahiiɓe makko faamay goɗɗum der ka o bati, haalaaji ɗi o fillanii ɓe fu suuɗani ɓe nun, ɓe annaa ko o yiɗi batango.
Yeesu nyawtii bumɗo
(Matiye 20:29-34, Marku 10:46-52)
35No Yeesu faanii Yeriko, bumɗo gom e jooɗii sera laawol e fiya bara. 36O nani jama'aare e yawta, go o ƴami ɓe: «Ume nun waɗi?» 37Go o bataa no Yeesu Nasaratuujo nun yawtata ɗon. 38O bati e daane towne o wi'i: «Ɓii Dawda, yurumam!» 39Ardiiɓe mo e nyaasitoo mo e wi'a o jeeɗoo, amma o ɓeydi batugo dow o wi'i: «Ɓii Dawda, yurumam!» 40Yeesu darii, wi'i ɓe gaddana mo mo. No bumɗo on faanii, Yeesu ƴami mo wi'i: 41«Ume jiɗuɗaa mi waɗane?» O toontii o wi'i: «Moodibbo, accu mi wumta.» 42Go Yeesu wi'i mo: «Wumtu, goonɗinki maa nyawtii maa.» 43Ɗon maa ɗon, o wumti, o tokki Yeesu oo yetta Alla. No jama'aare yi'i ɗum, yanti e maanta Alla.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.