Yuhaana 13
13
Yeesu e loota koyɗe aahiiɓe mum
1Nyanne finata juulɗe *Paska, Yeesu e anni wakkati o accata duuniyaaru o hoota to Baaba yottike. O yiɗii himɓe makko e duuniyaaru, oo yiɗi ɓe faa keerol yidde.
2Ɓe jooɗii ɓee nyaama hiraane, tawi Seyɗan wattiino e ɓerne Yahuuda Isikariyotu ɓii Simon miilooji o jammoo Yeesu. 3Yeesu e anni e hoore mum, to Alla nun ƴiwi, to Alla nun hootata. Oo anni bo Baaba wattii huune fu der juunŋo makko. 4O ummii o acci hiraane nen, o ɓorti toggoore makko, o etti lefol, o taadi. 5O wayli diyam e lootorgal, o yanti lootugo koyɗe aahiiɓe makko, oo moytira ɗe lefol ŋol o taadi ŋol. 6No o yottii to Simon Piyer, Piyer wi'i mo: «Moodibbo, an saƴƴata koyɗe am?» 7Yeesu toontii mo: «A faamay jooni ko gaɗanmi, amma ɓaawo nii a faamaan.» 8Piyer wi'i mo: «A lootataa koyɗe am abada!» Yeesu toontii mo: «To mi lootay koyɗe maa, a walaa geɗu e am.» 9Simon Piyer wi'i mo: «Moodibbo! To non nun, taa haaɗu e koyɗe tan, lootu juuɗe am e hoore am bo.» 10Yeesu wi'i mo: «Lootiiɗo walaa haaju looteego, sey loota koyɗe, gam o fu oo laaɓi. Onon on laaɓuɓe, amma on fu bane.» 11Yeesu e anni jammotooɗo mo. Kan waɗi o wi'i: «On fu bane woni laaɓuɓe.»
12No Yeesu looti koyɗe maɓɓe heennyi, ettitii toggoore muuɗum, jooɗitii, ƴami: «On paamii ko gaɗanmi on? 13Oon noddammi moodibbo e joomiraawo. On peway, kan nun laatiimi. 14To min laatiiɗo moodibbo, e joomiraawo, mi lootii koyɗe mooɗon, onon bo e haani lootontiron koyɗe. 15Ko kollumi on laati nun misaalu. Onon bo gaɗee ko gaɗumi. 16Mii bata on e gooŋa, maccuɗo ɓurataa joomiraawo mum, lilaaɗo ɓurataa liloyɗo mo. 17To oon anni ɗum, to on gollirii, barke laatanto on.
18On fu bane batanmi ka. Mii anni ɓe cuɓumi. Amma e haani ko winnaa e dewte goonɗa: "Nyaamdoowo e am ummanake am." 19Diga jooni mii bata on ɗum hakko ɗum yottoto, gam to ɗum yottike goonɗinon no min woni ‹gonuɗo!› 20Mii bata on e gooŋa: Neɗɗo fu jaɓɓii lilaaɗo am, min nun o jaɓɓii. Neɗɗo fu jaɓɓii am, jaɓɓike lilɗo am.»
Yeesu hollii Yahuuda nun jammotoo mo
(Matiye 26:21-25, Marku 14:17-21, Luka 22:21-23)
21No Yeesu batidi kaa ɗon, ɓerne mum biisii sanne, o wi'i: «Mii bata on e gooŋa, gooto mooɗon jammoto am.» 22Aahiiɓe ɓen e daarontira. Ɓee ƴamontira, moy o batanta. 23Aahiijo makko gooto, mo o ɓuri yiɗugo, e jooɗii takkol makko. 24Simon Piyer ɓaaƴi mo o ƴama Yeesu moy o wondanaa. 25Aahiijo on wuurorii far to gabaare Yeesu, wi'i: «Joomam moy nun?» 26Yeesu toontii mo: «Mi suƴƴan lonŋere, mo kokkanmi ne, kanko nun.» Yeesu etti lonŋere, suƴƴi ne, hokki Yahuuda, ɓii Simon Isikariyotu. 27Ɓaawo no o jaɓi lonŋere nen, Seyɗan naati e makko. Yeesu wi'i mo: «Waɗu ko gaɗataa law!»
28(Baa gooto e jooɗiiɓe ɗon faamay ko o batani kaa ɗon. 29Gam Yahuuda nun jogotonoo ceede maɓɓe, woɓɓe e miijii Yeesu wi'u nun o soodaa goɗɗum gam juulɗe, maa bo o heɓa ko o hokki talkaaɓe). 30Yahuuda no jaɓi lonŋere nen fu, ɗon maa ɗon o wurtii. Tawi jemma waɗii.
Ooda kesa
31No Yahuuda wurtii, Yeesu wi'i: «Ɓii neɗɗo teddinaama, Alla bo teddinaama sabbu makko. 32[To Alla teddinaama sabbu makko,] Alla e hoore mum bo teddinan mo, baa ɓooyataa. 33Sukaaɓe am, mii wondi e mooɗon wakkati seɗɗa taw. On daartan am. Mi wi'an on jooni ko bi'unoomi *Yahuduuɓe woɓɓe: "On baawataa ko yahi to jahammi." 34Mii hokka on ooda kesa: Jiɗontiree! Hande no jiɗirmi on, onon bo jiɗontiree! 35To yidde e woni hakkune mooɗon, non himɓe fu annirta on aahiiɓe am.»
Yeesu batii no Piyer wi'aan annaa mo
(Matiye 26:31-35, Marku 14:27-31, Luka 22:31-34)
36Simon Piyer wi'i Yeesu: «Joomam, toy jahataa?» Yeesu toontii mo: «To jahanmi, a waawataa ko tokki am jooni. Amma ɓaawo ɗo a tokkan am!» 37Piyer wi'i mo: «Joomam, gam ume mi waawataa ko tokki maa jooni? Mi hokkitiran yonki am gam maa.» 38Yeesu toontii: «Gooŋa a hokkitiran yonki maa gam am? E gooŋa batan maa mi: Hakko jakaraari joggata, a wi'an de tati a annaa am.»
Iliyochaguliwa sasa
Yuhaana 13: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Yuhaana 13
13
Yeesu e loota koyɗe aahiiɓe mum
1Nyanne finata juulɗe *Paska, Yeesu e anni wakkati o accata duuniyaaru o hoota to Baaba yottike. O yiɗii himɓe makko e duuniyaaru, oo yiɗi ɓe faa keerol yidde.
2Ɓe jooɗii ɓee nyaama hiraane, tawi Seyɗan wattiino e ɓerne Yahuuda Isikariyotu ɓii Simon miilooji o jammoo Yeesu. 3Yeesu e anni e hoore mum, to Alla nun ƴiwi, to Alla nun hootata. Oo anni bo Baaba wattii huune fu der juunŋo makko. 4O ummii o acci hiraane nen, o ɓorti toggoore makko, o etti lefol, o taadi. 5O wayli diyam e lootorgal, o yanti lootugo koyɗe aahiiɓe makko, oo moytira ɗe lefol ŋol o taadi ŋol. 6No o yottii to Simon Piyer, Piyer wi'i mo: «Moodibbo, an saƴƴata koyɗe am?» 7Yeesu toontii mo: «A faamay jooni ko gaɗanmi, amma ɓaawo nii a faamaan.» 8Piyer wi'i mo: «A lootataa koyɗe am abada!» Yeesu toontii mo: «To mi lootay koyɗe maa, a walaa geɗu e am.» 9Simon Piyer wi'i mo: «Moodibbo! To non nun, taa haaɗu e koyɗe tan, lootu juuɗe am e hoore am bo.» 10Yeesu wi'i mo: «Lootiiɗo walaa haaju looteego, sey loota koyɗe, gam o fu oo laaɓi. Onon on laaɓuɓe, amma on fu bane.» 11Yeesu e anni jammotooɗo mo. Kan waɗi o wi'i: «On fu bane woni laaɓuɓe.»
12No Yeesu looti koyɗe maɓɓe heennyi, ettitii toggoore muuɗum, jooɗitii, ƴami: «On paamii ko gaɗanmi on? 13Oon noddammi moodibbo e joomiraawo. On peway, kan nun laatiimi. 14To min laatiiɗo moodibbo, e joomiraawo, mi lootii koyɗe mooɗon, onon bo e haani lootontiron koyɗe. 15Ko kollumi on laati nun misaalu. Onon bo gaɗee ko gaɗumi. 16Mii bata on e gooŋa, maccuɗo ɓurataa joomiraawo mum, lilaaɗo ɓurataa liloyɗo mo. 17To oon anni ɗum, to on gollirii, barke laatanto on.
18On fu bane batanmi ka. Mii anni ɓe cuɓumi. Amma e haani ko winnaa e dewte goonɗa: "Nyaamdoowo e am ummanake am." 19Diga jooni mii bata on ɗum hakko ɗum yottoto, gam to ɗum yottike goonɗinon no min woni ‹gonuɗo!› 20Mii bata on e gooŋa: Neɗɗo fu jaɓɓii lilaaɗo am, min nun o jaɓɓii. Neɗɗo fu jaɓɓii am, jaɓɓike lilɗo am.»
Yeesu hollii Yahuuda nun jammotoo mo
(Matiye 26:21-25, Marku 14:17-21, Luka 22:21-23)
21No Yeesu batidi kaa ɗon, ɓerne mum biisii sanne, o wi'i: «Mii bata on e gooŋa, gooto mooɗon jammoto am.» 22Aahiiɓe ɓen e daarontira. Ɓee ƴamontira, moy o batanta. 23Aahiijo makko gooto, mo o ɓuri yiɗugo, e jooɗii takkol makko. 24Simon Piyer ɓaaƴi mo o ƴama Yeesu moy o wondanaa. 25Aahiijo on wuurorii far to gabaare Yeesu, wi'i: «Joomam moy nun?» 26Yeesu toontii mo: «Mi suƴƴan lonŋere, mo kokkanmi ne, kanko nun.» Yeesu etti lonŋere, suƴƴi ne, hokki Yahuuda, ɓii Simon Isikariyotu. 27Ɓaawo no o jaɓi lonŋere nen, Seyɗan naati e makko. Yeesu wi'i mo: «Waɗu ko gaɗataa law!»
28(Baa gooto e jooɗiiɓe ɗon faamay ko o batani kaa ɗon. 29Gam Yahuuda nun jogotonoo ceede maɓɓe, woɓɓe e miijii Yeesu wi'u nun o soodaa goɗɗum gam juulɗe, maa bo o heɓa ko o hokki talkaaɓe). 30Yahuuda no jaɓi lonŋere nen fu, ɗon maa ɗon o wurtii. Tawi jemma waɗii.
Ooda kesa
31No Yahuuda wurtii, Yeesu wi'i: «Ɓii neɗɗo teddinaama, Alla bo teddinaama sabbu makko. 32[To Alla teddinaama sabbu makko,] Alla e hoore mum bo teddinan mo, baa ɓooyataa. 33Sukaaɓe am, mii wondi e mooɗon wakkati seɗɗa taw. On daartan am. Mi wi'an on jooni ko bi'unoomi *Yahuduuɓe woɓɓe: "On baawataa ko yahi to jahammi." 34Mii hokka on ooda kesa: Jiɗontiree! Hande no jiɗirmi on, onon bo jiɗontiree! 35To yidde e woni hakkune mooɗon, non himɓe fu annirta on aahiiɓe am.»
Yeesu batii no Piyer wi'aan annaa mo
(Matiye 26:31-35, Marku 14:27-31, Luka 22:31-34)
36Simon Piyer wi'i Yeesu: «Joomam, toy jahataa?» Yeesu toontii mo: «To jahanmi, a waawataa ko tokki am jooni. Amma ɓaawo ɗo a tokkan am!» 37Piyer wi'i mo: «Joomam, gam ume mi waawataa ko tokki maa jooni? Mi hokkitiran yonki am gam maa.» 38Yeesu toontii: «Gooŋa a hokkitiran yonki maa gam am? E gooŋa batan maa mi: Hakko jakaraari joggata, a wi'an de tati a annaa am.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.