Habakuku 3
3
Du'aare Habakuku
1Nani ɗo du'aare ne annabi Habakuku waɗiri e jimol bojji:
2O wi'i, Joomiraawo, mi nanii ka batuɗaa go kulumi.
Accu ɗum laatoo der duuɓi ɗii ɗo.
Accu himɓe annita ɗum der wakkatiiji ɗii ɗoo.
Amma, baa der mone maa,
siwtor yurumeene ne gooduɗaa.
3Alla ƴiwii diga Edomu.
Alla Ceniiɗo ƴiwii diga waanne Parani.
Tedduŋal makko yaynanii kammu,
go leydi fu maanti mo.
4Jayŋol jalboowol
e wurtoo diga e juunŋo makko,
ɗon nun semme makko woni.
5O accii nyaw kalluŋu e sankitoo.
To o yawti fu, o accan ŋu nun.
6To o darake, leydi e diwna.
To o daarii lenyi, eɗii kula.
Baalle duumiiɗe e pusa.
Tepaaje gonnooɗe diga ɓooyii bo e pusa,
gam kanje laatinoo laawol ŋol o tokkata.
7Mi nanii bojji himɓe Kusani der bukaaji mum,
mi yi'ii bo kulol himɓe Madiyan der cuuɗi mum.
8Joomiraawo, gooruuji nun monnini maa na?
Naa maayo nun monnini maa?
A eencii dow duule,
hande baɗɗiiɗo dow laana pucci ŋa konu,
gam heɓugo jaalorgal.
9A falii biroogal maa.
Kunayeeje hunnuko maa laati nun hande kure.
A feccii leydi,
go gooruuji wurtii ɗon.
10To baalle yi'ii maa, ɗe diwnan nun.
Yoone e toɓa e semme faa leydi futti.
Woolo diyam maayo sattii,
go galmaaji majjam e fitta faa dow.
11Naaŋe e lewru darake,
no yi'i jalbugo kure maa jalbanɗe
hande kaafahi jalbanki.
12Aa woosoo dow leydi e mone mawne.
Aa yaaɓa lenyi e mone.
13A wurtake, gam paaboɗaa himɓe maa,
e laamiiɗo maa mo cuɓuɗaa.
A warii ardiiɗo halluɓe,
go kalkuɗaa himɓe makko fu.
14E kure wayɓe nun julirɗaa ko'e ardiiɓe maɓɓe,
warannooɓe hande hennu cattuŋol,
gam halkugo men,
ɓee jala, ɓee kuuɓa,
gam sabbu belɗum ɓerne.
Hande ɓe moɗiino koo talkaajo e suuɗorde mum.
15Aa waɗɗii pucci maa,
ɗii jaaɓa diyam maayo e galmaaji diyam mawɗam.
16No nanumi woolo majjum,
mi hulii sanne,
go hunnuko am e diwna gam sabbu kulol,
ɓannu am fu waatii,
go dariimi seese,
mii heɗii nyalaane bone,
tawanne lenyi kollanɗi men semme.
17Gam ibbe accan finnugo.
Innabooje bo rimataa.
Jaytuuje bo rimataa.
Gese bo accan rimugo nafa.
Baali e be'i yi'ataake der hoggo.
Na'i bo wonataako e hoggo.
18Amma min, to Joomiraawo nun keɓanmi belɗum ɓerne.
Ɓerne am e weli, gam sabbu Alla paabotooɗo am.
19Alla Joomiraawo nun woni semme am.
Oo semmiɗina koyɗe am hande ɗe jabaaje.
Oo acca, mii eenca dow baalle.
Mawɗo yimooɓe nun jimol ŋol ɗoo yimanaa e moolooji.
Iliyochaguliwa sasa
Habakuku 3: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Habakuku 3
3
Du'aare Habakuku
1Nani ɗo du'aare ne annabi Habakuku waɗiri e jimol bojji:
2O wi'i, Joomiraawo, mi nanii ka batuɗaa go kulumi.
Accu ɗum laatoo der duuɓi ɗii ɗo.
Accu himɓe annita ɗum der wakkatiiji ɗii ɗoo.
Amma, baa der mone maa,
siwtor yurumeene ne gooduɗaa.
3Alla ƴiwii diga Edomu.
Alla Ceniiɗo ƴiwii diga waanne Parani.
Tedduŋal makko yaynanii kammu,
go leydi fu maanti mo.
4Jayŋol jalboowol
e wurtoo diga e juunŋo makko,
ɗon nun semme makko woni.
5O accii nyaw kalluŋu e sankitoo.
To o yawti fu, o accan ŋu nun.
6To o darake, leydi e diwna.
To o daarii lenyi, eɗii kula.
Baalle duumiiɗe e pusa.
Tepaaje gonnooɗe diga ɓooyii bo e pusa,
gam kanje laatinoo laawol ŋol o tokkata.
7Mi nanii bojji himɓe Kusani der bukaaji mum,
mi yi'ii bo kulol himɓe Madiyan der cuuɗi mum.
8Joomiraawo, gooruuji nun monnini maa na?
Naa maayo nun monnini maa?
A eencii dow duule,
hande baɗɗiiɗo dow laana pucci ŋa konu,
gam heɓugo jaalorgal.
9A falii biroogal maa.
Kunayeeje hunnuko maa laati nun hande kure.
A feccii leydi,
go gooruuji wurtii ɗon.
10To baalle yi'ii maa, ɗe diwnan nun.
Yoone e toɓa e semme faa leydi futti.
Woolo diyam maayo sattii,
go galmaaji majjam e fitta faa dow.
11Naaŋe e lewru darake,
no yi'i jalbugo kure maa jalbanɗe
hande kaafahi jalbanki.
12Aa woosoo dow leydi e mone mawne.
Aa yaaɓa lenyi e mone.
13A wurtake, gam paaboɗaa himɓe maa,
e laamiiɗo maa mo cuɓuɗaa.
A warii ardiiɗo halluɓe,
go kalkuɗaa himɓe makko fu.
14E kure wayɓe nun julirɗaa ko'e ardiiɓe maɓɓe,
warannooɓe hande hennu cattuŋol,
gam halkugo men,
ɓee jala, ɓee kuuɓa,
gam sabbu belɗum ɓerne.
Hande ɓe moɗiino koo talkaajo e suuɗorde mum.
15Aa waɗɗii pucci maa,
ɗii jaaɓa diyam maayo e galmaaji diyam mawɗam.
16No nanumi woolo majjum,
mi hulii sanne,
go hunnuko am e diwna gam sabbu kulol,
ɓannu am fu waatii,
go dariimi seese,
mii heɗii nyalaane bone,
tawanne lenyi kollanɗi men semme.
17Gam ibbe accan finnugo.
Innabooje bo rimataa.
Jaytuuje bo rimataa.
Gese bo accan rimugo nafa.
Baali e be'i yi'ataake der hoggo.
Na'i bo wonataako e hoggo.
18Amma min, to Joomiraawo nun keɓanmi belɗum ɓerne.
Ɓerne am e weli, gam sabbu Alla paabotooɗo am.
19Alla Joomiraawo nun woni semme am.
Oo semmiɗina koyɗe am hande ɗe jabaaje.
Oo acca, mii eenca dow baalle.
Mawɗo yimooɓe nun jimol ŋol ɗoo yimanaa e moolooji.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.