Fuɗɗoode 9
9
Alla haɓɓanii Nuuhu Alkawal
1Alla barkiɗini Nuuhu e sukaaɓe mum wi'i: Dimee ɗuuɗon, kebbee leydi. 2Mareefuuji duuniyaaru fu, e colli piirooji fu, e ko ladata dow leydi fu, e liƴƴi der maayo fu, sey hula on, gam mi hokkii on ɗum ɗum fu e juuɗe mon. 3Ko yahata, ko woodi yonki fu laatanoo on nafa, mi hokkii on ɗum hande no kokkirnoomi on haakooji kecci. 4Amma to on nyaamidee tew e ƴiiƴam mum. 5Annee no mi ƴaman ƴiiƴam mooɗon to mareefuwa baruŋa on fu, non bo mi ƴaman ƴiiƴam neɗɗo to neɗɗo baruɗo banniraawo mum nanduɗo e mum.
6To goɗɗo reƴƴitii ƴiiƴam neɗɗo,
kanko bo neɗɗo nun reƴƴitinta ƴiiƴam makko,
gam neɗɗo taga nun e nandi e Alla.
7Amma, dimee ɗuuɗee dow leydi,
keewee ni.
8Alla batii Nuuhu e sukaaɓe mum kade o wi'i: 9Mii haɓɓa kade alkawal am e mooɗon, e lenyol mooɗon garoowol ɓaawo mon, 10non bo e ko tagaa, ko wondi e mooɗon fu, diga colli, e mareefuuji fu, e tewuji duuniyaaru fu, anni ko wurtodii e mooɗon diga e laana diyam ŋan fu. 11Mii haɓɓa alkawal am e mooɗon no mi halkataa kade ko woodi yonki fu e puttiri diyam mawɗam, leydi bo halkataa diga e puttiri diyam mawɗam. 12Alla wi'i kade: Alkawal ŋal kaɓɓanmi e mooɗon, e ko woodi yonki ko wondi e mooɗon, e jaamanuuji garooji faa e baadey, maana mum woni, 13mi ɓilan cincinga dow duule, kanŋa nun laatotoo maana alkawal am, hakkune am e duuniyaaru. 14To mi hawritii duule dow kammu, cincinga hollitinto e majje, 15den mum mi siwtoran alkawal am ŋal kaɓɓumi e mooɗon, e ko woodi yonki fu, gam to puttiri diyam mawɗam kade halka ko woodi yonki fu. 16Cincinga wonoto e duule. To mi daarii ŋa, mi siwtoran alkawal am tabitiiŋal, gonuŋal hakkune am min Alla e ko woodi yonki der duuniyaaru fu. 17Alla wi'i Nuuhu kade: Kanjum woni maana Alkawal am, ŋal kaɓɓumi e ko woni der duuniyaaru fu.
Haala Nuuhu e sukaaɓe mum.
18Sukaaɓe Nuuhu tato wurtiiɓe diga laana diyam woni, Seemu, e Kaamu, e Jafeeti. Kaamu laatii baaba Kanaana. 19Kamɓe woni sukaaɓe Nuuhu tato. Diga e lenyol maɓɓe nun himɓe duuniyaaru fu wurtii.
20Nuuhu fuɗɗii remugo, o tiggi leɗɗe noddeteeɗe innabooje. 21Nyalaane gom, o yari innaboojam faa o wuyki, o naati e bukaaru makko o fukkii funtu. 22No Kaamu, baaba Kanaana yi'i funtu baaba mum, o yahi yaasi o bati ka Seemu e Jafeeti. 23Ɗon nun ɓe gari ɓe etti wudere, ɓe jowi dow balbe maɓɓe, ɓe jahiri ɓawɓawre ɓe cuddi funtu baaba maɓɓe. No ɓawɓawre nun ɓe jahiri, ɓe ji'ay funtu baaba maɓɓe. 24No wuykere Nuuhu yawti, o nani ko ɓiyiiko koddaajo waɗani mo. 25Ɗon nun o wi'i:
Kanaana laatake jaa'aaɗo!
O laatoto maccuɗo, maccuɓe mawniraaɓe e miiraaɓe makko!
26O wi'i kade:
Tedduŋal laatanoo Joomiraawo, Alla Seemu,
Kanaana laato maccuɗo maɓɓe!
27Alla ɗuuɗina keɓal Jafeeti,
o jooɗoo der bukaaji Seemu,
den Kanaana laatoo maccuɗo maɓɓe!
28Ɓaawo puttiri diyam mawɗam ɗam, Nuuhu wuurii kade faa duuɓi keme tati e lasoy ɗiɗi e sappo (350). 29Duuɓi Nuuhu fu waɗii keme jeenay e lasoy ɗiɗi e sappo (950), den o maayi.
Iliyochaguliwa sasa
Fuɗɗoode 9: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Fuɗɗoode 9
9
Alla haɓɓanii Nuuhu Alkawal
1Alla barkiɗini Nuuhu e sukaaɓe mum wi'i: Dimee ɗuuɗon, kebbee leydi. 2Mareefuuji duuniyaaru fu, e colli piirooji fu, e ko ladata dow leydi fu, e liƴƴi der maayo fu, sey hula on, gam mi hokkii on ɗum ɗum fu e juuɗe mon. 3Ko yahata, ko woodi yonki fu laatanoo on nafa, mi hokkii on ɗum hande no kokkirnoomi on haakooji kecci. 4Amma to on nyaamidee tew e ƴiiƴam mum. 5Annee no mi ƴaman ƴiiƴam mooɗon to mareefuwa baruŋa on fu, non bo mi ƴaman ƴiiƴam neɗɗo to neɗɗo baruɗo banniraawo mum nanduɗo e mum.
6To goɗɗo reƴƴitii ƴiiƴam neɗɗo,
kanko bo neɗɗo nun reƴƴitinta ƴiiƴam makko,
gam neɗɗo taga nun e nandi e Alla.
7Amma, dimee ɗuuɗee dow leydi,
keewee ni.
8Alla batii Nuuhu e sukaaɓe mum kade o wi'i: 9Mii haɓɓa kade alkawal am e mooɗon, e lenyol mooɗon garoowol ɓaawo mon, 10non bo e ko tagaa, ko wondi e mooɗon fu, diga colli, e mareefuuji fu, e tewuji duuniyaaru fu, anni ko wurtodii e mooɗon diga e laana diyam ŋan fu. 11Mii haɓɓa alkawal am e mooɗon no mi halkataa kade ko woodi yonki fu e puttiri diyam mawɗam, leydi bo halkataa diga e puttiri diyam mawɗam. 12Alla wi'i kade: Alkawal ŋal kaɓɓanmi e mooɗon, e ko woodi yonki ko wondi e mooɗon, e jaamanuuji garooji faa e baadey, maana mum woni, 13mi ɓilan cincinga dow duule, kanŋa nun laatotoo maana alkawal am, hakkune am e duuniyaaru. 14To mi hawritii duule dow kammu, cincinga hollitinto e majje, 15den mum mi siwtoran alkawal am ŋal kaɓɓumi e mooɗon, e ko woodi yonki fu, gam to puttiri diyam mawɗam kade halka ko woodi yonki fu. 16Cincinga wonoto e duule. To mi daarii ŋa, mi siwtoran alkawal am tabitiiŋal, gonuŋal hakkune am min Alla e ko woodi yonki der duuniyaaru fu. 17Alla wi'i Nuuhu kade: Kanjum woni maana Alkawal am, ŋal kaɓɓumi e ko woni der duuniyaaru fu.
Haala Nuuhu e sukaaɓe mum.
18Sukaaɓe Nuuhu tato wurtiiɓe diga laana diyam woni, Seemu, e Kaamu, e Jafeeti. Kaamu laatii baaba Kanaana. 19Kamɓe woni sukaaɓe Nuuhu tato. Diga e lenyol maɓɓe nun himɓe duuniyaaru fu wurtii.
20Nuuhu fuɗɗii remugo, o tiggi leɗɗe noddeteeɗe innabooje. 21Nyalaane gom, o yari innaboojam faa o wuyki, o naati e bukaaru makko o fukkii funtu. 22No Kaamu, baaba Kanaana yi'i funtu baaba mum, o yahi yaasi o bati ka Seemu e Jafeeti. 23Ɗon nun ɓe gari ɓe etti wudere, ɓe jowi dow balbe maɓɓe, ɓe jahiri ɓawɓawre ɓe cuddi funtu baaba maɓɓe. No ɓawɓawre nun ɓe jahiri, ɓe ji'ay funtu baaba maɓɓe. 24No wuykere Nuuhu yawti, o nani ko ɓiyiiko koddaajo waɗani mo. 25Ɗon nun o wi'i:
Kanaana laatake jaa'aaɗo!
O laatoto maccuɗo, maccuɓe mawniraaɓe e miiraaɓe makko!
26O wi'i kade:
Tedduŋal laatanoo Joomiraawo, Alla Seemu,
Kanaana laato maccuɗo maɓɓe!
27Alla ɗuuɗina keɓal Jafeeti,
o jooɗoo der bukaaji Seemu,
den Kanaana laatoo maccuɗo maɓɓe!
28Ɓaawo puttiri diyam mawɗam ɗam, Nuuhu wuurii kade faa duuɓi keme tati e lasoy ɗiɗi e sappo (350). 29Duuɓi Nuuhu fu waɗii keme jeenay e lasoy ɗiɗi e sappo (950), den o maayi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.