Fuɗɗoode 14
14
No Abraama teetiri Lootu
1Wakkati Emurafeli e laamanii Sine'aa, Ariyoku bo e laamanii Elasa, Kedolame bo e laamanii Elamu, Tidali bo e laamanii Goyimu, 2den mum nun ɓe kaɓidi e Bera, laamiiɗo Sodoma, e Birisa, laamiiɗo Gomora, e Siniyabu, laamiiɗo Adama, e Semebe, laamiiɗo Seboyimu, e laamiiɗo Bela, noddeteeni Jo'ari. 3Laamiiɓe ɓen nun hawti der yayre maayo lamɗam, noddeteene Siddimu. 4Ɓe tokkii Kedolame faa duuɓi sappo e ɗiɗi (12), amma der duuɓol sappo e tataɓol (13), ɓe calorii ko'e maɓɓe. 5Der duuɓol sappo e nayaɓol, Kedolame e laamiiɓe wonduɓe e mum ummii yahi konu, jaalii Refayinkeeɓe faa Asiterotu Karanayimu, ɓe jaalii bo Susinkeeɓe faa Hama, e Eminkeeɓe faa Kiriyatayimu. 6Ɓe jaalii bo Horiyankeeɓe faa waanne mum, noddeteene Seyri, faa ɓe jottii Parani, takkol ladde yorne. 7Ɓaawo mum ɓe bonƴitii ɓe gari faa Eni Misipati, noddeteeni Kadesi. Ɓe kaɓi e Amalekinkeeɓe, ɓe jaalii ɓe der leydi maɓɓe fu, non bo e Amorinkeeɓe jooɗiiɓe faa Hasaso Tamaa. 8Ɗon nun laamiiɗo Sodoma, e mo Gomora, e mo Adama, e mo Seboyimu e mo Bela, noddeteeni Jo'ari, ummii siriyii konu, gam ɓe jaha ɓe kaɓida e laamiiɓe nayo der yayre Siddimu. 9Kamɓe woni, Kedolame, laamiiɗo Elamu, e Tidali, laamiiɗo Goyimu, e Emurafeli, laamiiɗo Sine'aa, e Ariyoku, laamiiɗo Elasa. Laamiiɓe nayo ɓen nun haɓidinta e laamiiɓe joyo. 10Yayre Siddimu wooduno nun lokooji gooduɗi kontaa. Ɗon nun no laamiiɗo Sodoma e mo Gomora doggata, ɓe jahi ɓe janti der majji. Horiiɓe bo doggiri far to baalle. 11Wayɓe maɓɓe hocci jawdi Sodoma e Gomora e nafaali maɓɓe fu ɓe jawtidi. 12Ɓe kappi bo Lootu suka miiraawo Abraama jooɗinooɗo Sodoma, e ko o woodi fu ɓe jawtidi. 13Gorko gom dogguɗo daɗoy wari bati ka Abraama Iburaninkeejo. Tawi Abraama jooɗino nun caka leɗɗe Mamure Amorinkeejo mawɗe. Mamure laati nun miiraawo Esikoli e Aneri, kaɓɓidinnooɗo alkawal e Abraama. 14No Abraama nani no suka miiraawo mum happaama maccuŋaaku, o suɓi gollotooɓe makko semmenteeɓe, rimaaɓe der wuro makko, kamɓe keme tato e sappo e jeetato (318), o hokki ɓe kaɓitirɗum. Den o tokki laawol laamiiɓe ɓen faa Dan. 15O seenni himɓe makko geɓe ɗiɗi, gam ɓe janta ɓe caka jemma, kanko e gollotooɓe makko. O jaalii ɓe, o riiwi ɓe faa Hoba gonuni soɓɓiire Damasi. 16O teetoy jawdi maɓɓe, o teetoy bo Lootu e jawdi mum fu, e himɓe happanooɓe, e rewɓe mum fu.
17Ɓaawo no Abraama jaalii Kedolame e laamiiɓe wonduɓe e mum e warta, laamiiɗo Sodoma wurtii gam fottugo mo der yayre Safe, noddeteene yayre laamiiɗo. 18Malkisadaka, laamiiɗo salaama waddii ɗon peen e innabojam. O laatino nun *liimaamiijo Alla mo dow. 19O barkiɗini Abraama o wi'i:
Alla mawɗo,
taguɗo dow e leydi, barkiɗine.
20Barke laatanoo Alla mo dow,
kokkuɗo maa wayɓe maa. Ɗon nun Abraama hokki mo jakka der keɓal mum fu.
21Laamiiɗo Sodoma wi'i Abraama: Hokkitam himɓe, den koccaa jawdi.
22Abraama toontii laamiiɗo Sodoma: Mi hoccan juunŋo am, mi hunoroo e inne Alla mo dow, taguɗo dow e leydi, 23mi hoccataa fu goɗɗum der ko gooduɗaa, baa gaarawol lokkulol faɗo, gam taa wi'u mi waɗinii Abraama jawdi. Mi hoccataa fu goɗɗum, 24sey ko gojankeeɓe am nyaami tan. Amma Aneri, e Esikoli, e Mamure, yaadunooɓe e am ettan geɗu mum.
Iliyochaguliwa sasa
Fuɗɗoode 14: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Fuɗɗoode 14
14
No Abraama teetiri Lootu
1Wakkati Emurafeli e laamanii Sine'aa, Ariyoku bo e laamanii Elasa, Kedolame bo e laamanii Elamu, Tidali bo e laamanii Goyimu, 2den mum nun ɓe kaɓidi e Bera, laamiiɗo Sodoma, e Birisa, laamiiɗo Gomora, e Siniyabu, laamiiɗo Adama, e Semebe, laamiiɗo Seboyimu, e laamiiɗo Bela, noddeteeni Jo'ari. 3Laamiiɓe ɓen nun hawti der yayre maayo lamɗam, noddeteene Siddimu. 4Ɓe tokkii Kedolame faa duuɓi sappo e ɗiɗi (12), amma der duuɓol sappo e tataɓol (13), ɓe calorii ko'e maɓɓe. 5Der duuɓol sappo e nayaɓol, Kedolame e laamiiɓe wonduɓe e mum ummii yahi konu, jaalii Refayinkeeɓe faa Asiterotu Karanayimu, ɓe jaalii bo Susinkeeɓe faa Hama, e Eminkeeɓe faa Kiriyatayimu. 6Ɓe jaalii bo Horiyankeeɓe faa waanne mum, noddeteene Seyri, faa ɓe jottii Parani, takkol ladde yorne. 7Ɓaawo mum ɓe bonƴitii ɓe gari faa Eni Misipati, noddeteeni Kadesi. Ɓe kaɓi e Amalekinkeeɓe, ɓe jaalii ɓe der leydi maɓɓe fu, non bo e Amorinkeeɓe jooɗiiɓe faa Hasaso Tamaa. 8Ɗon nun laamiiɗo Sodoma, e mo Gomora, e mo Adama, e mo Seboyimu e mo Bela, noddeteeni Jo'ari, ummii siriyii konu, gam ɓe jaha ɓe kaɓida e laamiiɓe nayo der yayre Siddimu. 9Kamɓe woni, Kedolame, laamiiɗo Elamu, e Tidali, laamiiɗo Goyimu, e Emurafeli, laamiiɗo Sine'aa, e Ariyoku, laamiiɗo Elasa. Laamiiɓe nayo ɓen nun haɓidinta e laamiiɓe joyo. 10Yayre Siddimu wooduno nun lokooji gooduɗi kontaa. Ɗon nun no laamiiɗo Sodoma e mo Gomora doggata, ɓe jahi ɓe janti der majji. Horiiɓe bo doggiri far to baalle. 11Wayɓe maɓɓe hocci jawdi Sodoma e Gomora e nafaali maɓɓe fu ɓe jawtidi. 12Ɓe kappi bo Lootu suka miiraawo Abraama jooɗinooɗo Sodoma, e ko o woodi fu ɓe jawtidi. 13Gorko gom dogguɗo daɗoy wari bati ka Abraama Iburaninkeejo. Tawi Abraama jooɗino nun caka leɗɗe Mamure Amorinkeejo mawɗe. Mamure laati nun miiraawo Esikoli e Aneri, kaɓɓidinnooɗo alkawal e Abraama. 14No Abraama nani no suka miiraawo mum happaama maccuŋaaku, o suɓi gollotooɓe makko semmenteeɓe, rimaaɓe der wuro makko, kamɓe keme tato e sappo e jeetato (318), o hokki ɓe kaɓitirɗum. Den o tokki laawol laamiiɓe ɓen faa Dan. 15O seenni himɓe makko geɓe ɗiɗi, gam ɓe janta ɓe caka jemma, kanko e gollotooɓe makko. O jaalii ɓe, o riiwi ɓe faa Hoba gonuni soɓɓiire Damasi. 16O teetoy jawdi maɓɓe, o teetoy bo Lootu e jawdi mum fu, e himɓe happanooɓe, e rewɓe mum fu.
17Ɓaawo no Abraama jaalii Kedolame e laamiiɓe wonduɓe e mum e warta, laamiiɗo Sodoma wurtii gam fottugo mo der yayre Safe, noddeteene yayre laamiiɗo. 18Malkisadaka, laamiiɗo salaama waddii ɗon peen e innabojam. O laatino nun *liimaamiijo Alla mo dow. 19O barkiɗini Abraama o wi'i:
Alla mawɗo,
taguɗo dow e leydi, barkiɗine.
20Barke laatanoo Alla mo dow,
kokkuɗo maa wayɓe maa. Ɗon nun Abraama hokki mo jakka der keɓal mum fu.
21Laamiiɗo Sodoma wi'i Abraama: Hokkitam himɓe, den koccaa jawdi.
22Abraama toontii laamiiɗo Sodoma: Mi hoccan juunŋo am, mi hunoroo e inne Alla mo dow, taguɗo dow e leydi, 23mi hoccataa fu goɗɗum der ko gooduɗaa, baa gaarawol lokkulol faɗo, gam taa wi'u mi waɗinii Abraama jawdi. Mi hoccataa fu goɗɗum, 24sey ko gojankeeɓe am nyaami tan. Amma Aneri, e Esikoli, e Mamure, yaadunooɓe e am ettan geɗu mum.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.