Golle Lilaaɓe 1
1
Lilaaɓe waɗanaama alkawal Ruuhu Ceniiɗo
1Teyofil day, der dewtere am arandeere, mi winnii ko Yeesu waɗi e ko o ekkitini fu, diga o fuɗɗi golle makko, 2faa nyanne o safaa dow. Go o safee dow kammu o ekkitinirii lilaaɓe ɓe o suɓi, e baawɗe Ruuhu Ceniiɗo. 3Ɓaawo o toora, o wirnitanii ɓe e laabi ɗuuɗɗi gam ɓe paama no e gooŋa oo wuuri. O wirnitanii ɓe faa balɗe lasoy ɗiɗi (40), oo waajoo ɓe haala Laamaare Alla. 4Nyalaane gom oo nyaamda e maɓɓe, o waajii ɓe o wi'i, to ɓe boɗɗoda *Urusaliima, amma ɓe keɗoo alkawal ŋal Baaba haɓɓani ɓe hande no batirnoo ɓe ka o wi'i: 5«Yuhaana, e diyam nun waɗirannoo himɓe *batisi, amma onon der balɗe seɗɗa, on gaɗirte *batisi e Ruuhu Ceniiɗo.»
Yeesu eencii dow kammu
6Hawritiiɓe takkol makko ƴami mo, wi'i: «Joomiraawo, jooni nun moƴƴitintoɗaa laamaare Isira'iila na?» 7Yeesu toontii ɓe, wi'i: «Ka mon bane annon jaamanuuji e wakkatiiji ɗi Baaba yesi e baawɗe mum. 8Amma to Ruuhu Ceniiɗo jippake e mooɗon, on keɓan semme makko, on laatoto seedeeɓe am der *Urusaliima, e der leydi Yahudiya fu, e Samariya, e faa keeddin duuniyaaru.»
9No o batidi haalaaji ɗin, o safaa dow, eɓe tiggitii, eɓe daara faa duule wirni mo.
10Wakkati ɓe tiggitii dow tii, ɓee daari to o safetee, worɓe ɗiɗo ɓe kolte daneeje wari darodii e maɓɓe, 11wi'i: «Onon himɓe Galili, gam ume dariɗon, oon daara dow? Yeesu koccaaɗo diga caka mooɗon, safaa dow kammu on, wittiraan hande no ji'irɗon oo safiree dow kammu.»
Matiyasi suɓaama wattiri Yahuuda
12Den ɓe bittoy diga waanne bi'eteene ‹waanne Jaytuuje›, ɓe bitti *Urusaliima. Nokkuure nen e *Urusaliima waɗan kilo gootel. 13No ɓe jottii, ɓe eencoy suudu dowrowol ŋol ɓe boowunoo hawritaago der mum. Piyer na'on ɗon, kanko e Yuhaana, Yaakuuba, e Andere, e Filippu, e Toma, e Bartelemi, e Matiye, e Yaakuuba ɓii Alfee, e Simon tinniiɗo gam Alla, e Yahuuda ɓii Yaakuuba. 14Ɓe fu ɓe gaɗi hunnuko wooto, eɓe du'oo e tinnaare kamɓe e rewɓe woɓɓe, e Mariyama inna Yeesu e miiraaɓe Yeesu.
15Der balɗe ɗen goonɗinɓe hawruɓe ɗon waɗii jaka hewre e laso (120). Piyer ummii, darii caka maɓɓe, wi'i: 16«Banniraaɓe, haani ko Ruuhu Ceniiɗo batuno der dewte diga e hunnuko Dawda hebba. O batiino haala Yahuuda, ardoyɗo himɓe wari nanŋi Yeesu. 17Gam Yahuuda laatinooɗo gooto meeɗen, e gollidannoo e meeɗen.
18O soodii gesa e ceede ɗe o heɓiri e golle makko bonɗe. Ton o waritoyii, o yani reedu makko futti, tetekki makko fu waylii. 19Himɓe *Urusaliima fu nanii ɗum, kan waɗi ko ɓe innitiri gesa ŋaa ‹Akeldama›, der ɗenŋal maɓɓe, ɗum wi'ay maa ‹gesa ƴiiƴam›.
20Gam e ɗum winnii der dewtere Jabuura:
"Wuro makko laatoto bille,
to goɗɗo jooɗoo ɗon".
Kade bo ɗum winnaama:
"Goɗɗo hocca golle makko#1:20 Jabuura 69:26, 109:8".
21Sey cuɓen gooto e wonduɓe e meeɗen diga ko ɓooyi, diga Yeesu Joomiraawo wonduno e meeɗen, 22diga Yuhaana waɗata *batisi faa nyalaane Yeesu safaa dow kammu, gam joomum laatodoo e men seedotooɓe pintol makko.»
23Ɓe cuɓi worɓe ɗiɗo: Yusufu noddeteeɗo Barsabbasi, innitirteeɗo Yustusu, kanko e Matiyasi. 24Ɓe du'ii, ɓe bi'i: «Joomiraawo, an annuɗo ɓerɗe himɓe fu, faamin men mo cuɓuɗaa der ɗiɗo ɓee ɗo, 25joomun etta golle e lilal ŋal Yahuuda acci yawtiri to haanani mo.» 26Den ɓe piɗani ɓe tete go Matiyasi nyaami. O hawtaa e lilaaɓe sappo e go'o ɓen.
Iliyochaguliwa sasa
Golle Lilaaɓe 1: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Golle Lilaaɓe 1
1
Lilaaɓe waɗanaama alkawal Ruuhu Ceniiɗo
1Teyofil day, der dewtere am arandeere, mi winnii ko Yeesu waɗi e ko o ekkitini fu, diga o fuɗɗi golle makko, 2faa nyanne o safaa dow. Go o safee dow kammu o ekkitinirii lilaaɓe ɓe o suɓi, e baawɗe Ruuhu Ceniiɗo. 3Ɓaawo o toora, o wirnitanii ɓe e laabi ɗuuɗɗi gam ɓe paama no e gooŋa oo wuuri. O wirnitanii ɓe faa balɗe lasoy ɗiɗi (40), oo waajoo ɓe haala Laamaare Alla. 4Nyalaane gom oo nyaamda e maɓɓe, o waajii ɓe o wi'i, to ɓe boɗɗoda *Urusaliima, amma ɓe keɗoo alkawal ŋal Baaba haɓɓani ɓe hande no batirnoo ɓe ka o wi'i: 5«Yuhaana, e diyam nun waɗirannoo himɓe *batisi, amma onon der balɗe seɗɗa, on gaɗirte *batisi e Ruuhu Ceniiɗo.»
Yeesu eencii dow kammu
6Hawritiiɓe takkol makko ƴami mo, wi'i: «Joomiraawo, jooni nun moƴƴitintoɗaa laamaare Isira'iila na?» 7Yeesu toontii ɓe, wi'i: «Ka mon bane annon jaamanuuji e wakkatiiji ɗi Baaba yesi e baawɗe mum. 8Amma to Ruuhu Ceniiɗo jippake e mooɗon, on keɓan semme makko, on laatoto seedeeɓe am der *Urusaliima, e der leydi Yahudiya fu, e Samariya, e faa keeddin duuniyaaru.»
9No o batidi haalaaji ɗin, o safaa dow, eɓe tiggitii, eɓe daara faa duule wirni mo.
10Wakkati ɓe tiggitii dow tii, ɓee daari to o safetee, worɓe ɗiɗo ɓe kolte daneeje wari darodii e maɓɓe, 11wi'i: «Onon himɓe Galili, gam ume dariɗon, oon daara dow? Yeesu koccaaɗo diga caka mooɗon, safaa dow kammu on, wittiraan hande no ji'irɗon oo safiree dow kammu.»
Matiyasi suɓaama wattiri Yahuuda
12Den ɓe bittoy diga waanne bi'eteene ‹waanne Jaytuuje›, ɓe bitti *Urusaliima. Nokkuure nen e *Urusaliima waɗan kilo gootel. 13No ɓe jottii, ɓe eencoy suudu dowrowol ŋol ɓe boowunoo hawritaago der mum. Piyer na'on ɗon, kanko e Yuhaana, Yaakuuba, e Andere, e Filippu, e Toma, e Bartelemi, e Matiye, e Yaakuuba ɓii Alfee, e Simon tinniiɗo gam Alla, e Yahuuda ɓii Yaakuuba. 14Ɓe fu ɓe gaɗi hunnuko wooto, eɓe du'oo e tinnaare kamɓe e rewɓe woɓɓe, e Mariyama inna Yeesu e miiraaɓe Yeesu.
15Der balɗe ɗen goonɗinɓe hawruɓe ɗon waɗii jaka hewre e laso (120). Piyer ummii, darii caka maɓɓe, wi'i: 16«Banniraaɓe, haani ko Ruuhu Ceniiɗo batuno der dewte diga e hunnuko Dawda hebba. O batiino haala Yahuuda, ardoyɗo himɓe wari nanŋi Yeesu. 17Gam Yahuuda laatinooɗo gooto meeɗen, e gollidannoo e meeɗen.
18O soodii gesa e ceede ɗe o heɓiri e golle makko bonɗe. Ton o waritoyii, o yani reedu makko futti, tetekki makko fu waylii. 19Himɓe *Urusaliima fu nanii ɗum, kan waɗi ko ɓe innitiri gesa ŋaa ‹Akeldama›, der ɗenŋal maɓɓe, ɗum wi'ay maa ‹gesa ƴiiƴam›.
20Gam e ɗum winnii der dewtere Jabuura:
"Wuro makko laatoto bille,
to goɗɗo jooɗoo ɗon".
Kade bo ɗum winnaama:
"Goɗɗo hocca golle makko#1:20 Jabuura 69:26, 109:8".
21Sey cuɓen gooto e wonduɓe e meeɗen diga ko ɓooyi, diga Yeesu Joomiraawo wonduno e meeɗen, 22diga Yuhaana waɗata *batisi faa nyalaane Yeesu safaa dow kammu, gam joomum laatodoo e men seedotooɓe pintol makko.»
23Ɓe cuɓi worɓe ɗiɗo: Yusufu noddeteeɗo Barsabbasi, innitirteeɗo Yustusu, kanko e Matiyasi. 24Ɓe du'ii, ɓe bi'i: «Joomiraawo, an annuɗo ɓerɗe himɓe fu, faamin men mo cuɓuɗaa der ɗiɗo ɓee ɗo, 25joomun etta golle e lilal ŋal Yahuuda acci yawtiri to haanani mo.» 26Den ɓe piɗani ɓe tete go Matiyasi nyaami. O hawtaa e lilaaɓe sappo e go'o ɓen.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.