Malika 1
1
1Ve lyamulilwe-vo ilyevangeli, ilikumupulisa Jesu Kilisiti, umuswamuve va Nguluvi.
2-8: Mat. 3, 1-12; Lnk. 3, 1-18; Joh. 1, 19-30.
2Ligendye mumo, mwe alyandikye umuvidzi Jisaja, pe atigilaga: „Lolaga, ndilakutumila umuńa-ma-pelela vangu, umuńa-ku-longolela muvulongolo umwako, umuńa-kukuno-dzehedza iṅasi ja kugendela uveve. Mat. 11, 10.
3Ilidzwi lya muńa-kudalika lili mwihaka litigila: mugolosage namabalabala ga mutwa, munodzage niṅasi dzakwe.“
4Neke Johana umudzabisi ukupulisa apulisaga mwihaka neke avadalikilage avanu uludzabiko lwa kupituka ululungime kuvuvodzwa-ndzanangifu.
5Neke baho vakūnikilage ukwakwe vonda nava mu-Judaja na va mu-Jelusaleme neke vonda avadzabikilage mululenga Jolodana, vavye vinakile indzanangifu dzanavo.
6Neke umwene Johana afwalile umwîngila gwa lwâge lwa ngamila, mukivuno ipińile umukandalo gwa lukova, ifya kuponela aponelaga amapandzi nulûki lwa kudâsi.
7Neke adalikage atigilage: kumbele ukwangu ikwadza, j’alutye nukwangu ingufu, jê ndisivagye nambi unene ukugundama mukuvopola utukova twa ndātu dzakwe.
8Unene ndikuvadzabikila ululenga, umwene alavadzabikila mwa mubepo umwîmike.
9-11: Mat. 3, 13-17; Luk. 3, 21. 23 (cf. Joh. 1, 31-31).
9Neke lino baho pakigono ikingi neke Jesu ahumage mu-Nasalete mu-ńi mu-Galilaja, neke adzage kwa Johana; neke amudzabikilage mululenga Jolodana. Luk. 2, 51.
10Neke baho avye ihuma mululenga neke avonage kukyâńa kwidinduka neke avonage u-Mubepo isulunuka ngita ngundya.
11Neke avonage nilidzwi lihuma. kukyâńa litigila: ve mwâna vangu uveve, vwi mwênde ukwangu, je ndimukelye.
12-13: Mat 4, 1-11; Luk. 4, 1-13.
12Neke u-Mubepo nakalinganeke amuńamulilage muluṅalaṅala.
13Neke kwe akahwe-dzage ifigono makyumi gataji (40) muluṅalaṅala mumo. Neke Setano amugemyage. Neke atinadzage nifikanu ifya mudâsi, Neke vamulimilage avańa-mwandza va Nguluvi.
14-15: Mat. 4, 12-17; Luk. 4, 14. 15.
14Neke avye afungilwe Johana, neke baho Jesu ahelelage mu-Galilaja neke adzipulisage inôngwa inofu dza Nguluvi
15neke atigilage: umwâka gufisile, uvutwa vwa Nguluvi vuhegelye, mupitukage, mudzifuvwage inôngwa, idzidalikwa idzi. Gal. 4, 4.
16-20: Mat, 4, 18-22; Luk. 5, 1-11.
16Neke ikigono ikingi neke agendagendage palubali lwa ńandza ja mu-Galilaja, neke baho avavonage na-Simono na-Andeleja, urtiunuṅuve va Simono, neke avonage vilova isomba nindzafu dzanavo muńandza; pakuva vali valofi.
17Neke baho Jesu alongage kuvene atigilage: muninilage ukwangu, ndikuvahambusa muli valofi va vanu.
18Neke baho avene nakalinga ukuvuleka uvwâto vwanavo baho neke vahelelage, vamuninilage jujo.
19Neke pe vagendile padebe, neke kangi avavonage va-Jakobo numunuṅuve Johana, avamwa-Sebedaja, neke avonage vihona indzafu dzanavo muvwâto.
20Neke navo angupe avakemelage; neke baho vavalekage mumo mukyômbo na ju dadavo u-Sebedaja, navańa-kuvalimila, neke avene vamuninilage jujo.
21-28: Luk. 4, 31-37.
21Neke vavye vigenda, neke vakafikage mu-Ka-pelenahumu. Neke baho pakigono kya ńwabaha neke ingilage muluholanilo lwanavo neke avadalikilage inôngwa.
22Neke inôngwa, dze adalikaga, neke dzivatovage mwileme, ulwa kuva pe adalikaga umwene, avonekaga ukuta je mwene-navo uvutavulilwe, asadalikaga ngita vakagulihâte hamu. Mat. 7, 28. 29.
23Neke bahobaho hela vavonage huju umunu mu muluholanilo mumo, umuńa-mubepo umukali ikuta
24itigila: tuli vuki nafwe naveve, ve Jesu, ve mu-Nasalete? Vwadzile mukututipula unefwe? Ndikudzelye uveve, uli mwîmike va ju Nguluvi. 5, 7.
25Neke umwene Jesu akabusage atigilage: katuka! uloke na kwa munu uju!
26Neke baho umubepo umuvîfu gumutovedzage kondakonda umunu neke gulokage, pele gukōla ingōlo ingomi. 9, 28.
27Neke baho vonda jivedzage kagaha hela neke vivudzage vatigilage: lwe ludzovo luki ulu? Inôngwa indzadzalino idzi dzili vuli uvutavulilwe? Imibepo imikali akugikabusa ulwa vutwa neke igyene gikumukunda.
28Neke baho apulisage nakalinga pa-ńi, idzafudiṅine nija mu-Galilaja.
29-34: Mat. 8, 14-17; Luk. 4, 38-41.
29Neke baho avye ihuma muluholanilo lulo neke ingilage muńumba ja Simono na Andeleja, vahange na ju Jakovo na ju Johana.
30Neke lino umukwive va Simono umukiṅinavo ali nakapungopungo, alambalye. Neke baho vagotolage kwa Jesu.
31Neke baho ahegelelage neke amwibatage ilivoko neke amulamusage; neke baho akapungo kala neke apumunukage, neke avalimilage bahobaho.
32Neke pamihe, livye lisotile ilidzuva, neke baho vavaletage ukwakwe avatamwatamwa navańa-mibepo imikali.
33Neke na va mukâja jijo neke vonda vamemage pamulyango.
34Neke umwene avananyage vonda, avali vata-mwatamwa neke agidagage imibepo imivîfu imyolofu. Neke imibepo imivîfu, pe gyaganaga gilonge, neke agidzidzage, ulwa kuva gyamudzelye. Luk. 4, 41; Apos. 16, 17. 18.
35-39: Luk. 4, 42-44.
35Neke Jesu ilavage ulwa milavu ukuhuma, pe lyave ukuhohomoka nilidzuva, neke ahelelage muluṅalaṅala neke kwe akalapangilage.
36Neke umwene Simon o navajagwe neke vamusa-kulage u-Jesu.
37Neke vavye vamuvwene, neke vatigilage: vonda vakukusakula.
38Neke umwene atigilage: muleke tuhege tuhelele mufikâja fyonda, ifili pîpi ifi, nako ndiva-dalikile avanu inôngwa, ulwa kuva dze dzene, dze ndilavye ukuhega.
39Neke baho ajimalage jonda ińi ja mu-Galilaja neke avadalikilage inôngwa na muńolanilo dzanavo, neke agidagage imibepo imikali.
40-45: Mat. 8, 2-4; Luk. 5, 12-16.
40Neke apangi ahegēlelage ukwakwe umunu umuńa-lińa-muvili, neke je afugamage pasi neke ahongedzage ukwakwe neke atigilage: uveve, ngana ukelye, usilemwa pakuneledza.
41Neke baho Jesu lumu-vonage ulupyana neke agolosage ilivoko lyakwe neke amwabasage umuvili neke atigilage: ndi-kelye, utelelage.
42Neke avye alongile ulu umwene, neke baho ilińa-muvili lijagage neke avedzage mutelefu hela.
43Neke baho nakalingi Jesu amukabusage neke angupage amuhumyage kwivala. 3, 12; 7, 36.
44Neke atigilage: Neke lino utane ukulonga kwe munu nambi, uhelelage hela ukivonese kwa mutekedzi neke ukategule nuvusembe vwa kwitekelela, ifya kuhongedza pavutelele vwako, fye afilagye na ju Mose, fivedzage fya kukagulila avene.
45Neke umwene umunu jujoneke amulage ukudzi-dalika monda neke adzi-pulisage ponda inôngwa idzi. Neke baho umwene Jesu alemwage nukwingila vudondya mukâja neke idzikilage mumibaka. Neke baho avene avanu neke vahumage konda-konda neke vahegēlelage kuko, kwe ali umwene.
Iliyochaguliwa sasa
Malika 1: II
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
New Testament in Bena © Bible Society of Tanzania, 1958.
Malika 1
1
1Ve lyamulilwe-vo ilyevangeli, ilikumupulisa Jesu Kilisiti, umuswamuve va Nguluvi.
2-8: Mat. 3, 1-12; Lnk. 3, 1-18; Joh. 1, 19-30.
2Ligendye mumo, mwe alyandikye umuvidzi Jisaja, pe atigilaga: „Lolaga, ndilakutumila umuńa-ma-pelela vangu, umuńa-ku-longolela muvulongolo umwako, umuńa-kukuno-dzehedza iṅasi ja kugendela uveve. Mat. 11, 10.
3Ilidzwi lya muńa-kudalika lili mwihaka litigila: mugolosage namabalabala ga mutwa, munodzage niṅasi dzakwe.“
4Neke Johana umudzabisi ukupulisa apulisaga mwihaka neke avadalikilage avanu uludzabiko lwa kupituka ululungime kuvuvodzwa-ndzanangifu.
5Neke baho vakūnikilage ukwakwe vonda nava mu-Judaja na va mu-Jelusaleme neke vonda avadzabikilage mululenga Jolodana, vavye vinakile indzanangifu dzanavo.
6Neke umwene Johana afwalile umwîngila gwa lwâge lwa ngamila, mukivuno ipińile umukandalo gwa lukova, ifya kuponela aponelaga amapandzi nulûki lwa kudâsi.
7Neke adalikage atigilage: kumbele ukwangu ikwadza, j’alutye nukwangu ingufu, jê ndisivagye nambi unene ukugundama mukuvopola utukova twa ndātu dzakwe.
8Unene ndikuvadzabikila ululenga, umwene alavadzabikila mwa mubepo umwîmike.
9-11: Mat. 3, 13-17; Luk. 3, 21. 23 (cf. Joh. 1, 31-31).
9Neke lino baho pakigono ikingi neke Jesu ahumage mu-Nasalete mu-ńi mu-Galilaja, neke adzage kwa Johana; neke amudzabikilage mululenga Jolodana. Luk. 2, 51.
10Neke baho avye ihuma mululenga neke avonage kukyâńa kwidinduka neke avonage u-Mubepo isulunuka ngita ngundya.
11Neke avonage nilidzwi lihuma. kukyâńa litigila: ve mwâna vangu uveve, vwi mwênde ukwangu, je ndimukelye.
12-13: Mat 4, 1-11; Luk. 4, 1-13.
12Neke u-Mubepo nakalinganeke amuńamulilage muluṅalaṅala.
13Neke kwe akahwe-dzage ifigono makyumi gataji (40) muluṅalaṅala mumo. Neke Setano amugemyage. Neke atinadzage nifikanu ifya mudâsi, Neke vamulimilage avańa-mwandza va Nguluvi.
14-15: Mat. 4, 12-17; Luk. 4, 14. 15.
14Neke avye afungilwe Johana, neke baho Jesu ahelelage mu-Galilaja neke adzipulisage inôngwa inofu dza Nguluvi
15neke atigilage: umwâka gufisile, uvutwa vwa Nguluvi vuhegelye, mupitukage, mudzifuvwage inôngwa, idzidalikwa idzi. Gal. 4, 4.
16-20: Mat, 4, 18-22; Luk. 5, 1-11.
16Neke ikigono ikingi neke agendagendage palubali lwa ńandza ja mu-Galilaja, neke baho avavonage na-Simono na-Andeleja, urtiunuṅuve va Simono, neke avonage vilova isomba nindzafu dzanavo muńandza; pakuva vali valofi.
17Neke baho Jesu alongage kuvene atigilage: muninilage ukwangu, ndikuvahambusa muli valofi va vanu.
18Neke baho avene nakalinga ukuvuleka uvwâto vwanavo baho neke vahelelage, vamuninilage jujo.
19Neke pe vagendile padebe, neke kangi avavonage va-Jakobo numunuṅuve Johana, avamwa-Sebedaja, neke avonage vihona indzafu dzanavo muvwâto.
20Neke navo angupe avakemelage; neke baho vavalekage mumo mukyômbo na ju dadavo u-Sebedaja, navańa-kuvalimila, neke avene vamuninilage jujo.
21-28: Luk. 4, 31-37.
21Neke vavye vigenda, neke vakafikage mu-Ka-pelenahumu. Neke baho pakigono kya ńwabaha neke ingilage muluholanilo lwanavo neke avadalikilage inôngwa.
22Neke inôngwa, dze adalikaga, neke dzivatovage mwileme, ulwa kuva pe adalikaga umwene, avonekaga ukuta je mwene-navo uvutavulilwe, asadalikaga ngita vakagulihâte hamu. Mat. 7, 28. 29.
23Neke bahobaho hela vavonage huju umunu mu muluholanilo mumo, umuńa-mubepo umukali ikuta
24itigila: tuli vuki nafwe naveve, ve Jesu, ve mu-Nasalete? Vwadzile mukututipula unefwe? Ndikudzelye uveve, uli mwîmike va ju Nguluvi. 5, 7.
25Neke umwene Jesu akabusage atigilage: katuka! uloke na kwa munu uju!
26Neke baho umubepo umuvîfu gumutovedzage kondakonda umunu neke gulokage, pele gukōla ingōlo ingomi. 9, 28.
27Neke baho vonda jivedzage kagaha hela neke vivudzage vatigilage: lwe ludzovo luki ulu? Inôngwa indzadzalino idzi dzili vuli uvutavulilwe? Imibepo imikali akugikabusa ulwa vutwa neke igyene gikumukunda.
28Neke baho apulisage nakalinga pa-ńi, idzafudiṅine nija mu-Galilaja.
29-34: Mat. 8, 14-17; Luk. 4, 38-41.
29Neke baho avye ihuma muluholanilo lulo neke ingilage muńumba ja Simono na Andeleja, vahange na ju Jakovo na ju Johana.
30Neke lino umukwive va Simono umukiṅinavo ali nakapungopungo, alambalye. Neke baho vagotolage kwa Jesu.
31Neke baho ahegelelage neke amwibatage ilivoko neke amulamusage; neke baho akapungo kala neke apumunukage, neke avalimilage bahobaho.
32Neke pamihe, livye lisotile ilidzuva, neke baho vavaletage ukwakwe avatamwatamwa navańa-mibepo imikali.
33Neke na va mukâja jijo neke vonda vamemage pamulyango.
34Neke umwene avananyage vonda, avali vata-mwatamwa neke agidagage imibepo imivîfu imyolofu. Neke imibepo imivîfu, pe gyaganaga gilonge, neke agidzidzage, ulwa kuva gyamudzelye. Luk. 4, 41; Apos. 16, 17. 18.
35-39: Luk. 4, 42-44.
35Neke Jesu ilavage ulwa milavu ukuhuma, pe lyave ukuhohomoka nilidzuva, neke ahelelage muluṅalaṅala neke kwe akalapangilage.
36Neke umwene Simon o navajagwe neke vamusa-kulage u-Jesu.
37Neke vavye vamuvwene, neke vatigilage: vonda vakukusakula.
38Neke umwene atigilage: muleke tuhege tuhelele mufikâja fyonda, ifili pîpi ifi, nako ndiva-dalikile avanu inôngwa, ulwa kuva dze dzene, dze ndilavye ukuhega.
39Neke baho ajimalage jonda ińi ja mu-Galilaja neke avadalikilage inôngwa na muńolanilo dzanavo, neke agidagage imibepo imikali.
40-45: Mat. 8, 2-4; Luk. 5, 12-16.
40Neke apangi ahegēlelage ukwakwe umunu umuńa-lińa-muvili, neke je afugamage pasi neke ahongedzage ukwakwe neke atigilage: uveve, ngana ukelye, usilemwa pakuneledza.
41Neke baho Jesu lumu-vonage ulupyana neke agolosage ilivoko lyakwe neke amwabasage umuvili neke atigilage: ndi-kelye, utelelage.
42Neke avye alongile ulu umwene, neke baho ilińa-muvili lijagage neke avedzage mutelefu hela.
43Neke baho nakalingi Jesu amukabusage neke angupage amuhumyage kwivala. 3, 12; 7, 36.
44Neke atigilage: Neke lino utane ukulonga kwe munu nambi, uhelelage hela ukivonese kwa mutekedzi neke ukategule nuvusembe vwa kwitekelela, ifya kuhongedza pavutelele vwako, fye afilagye na ju Mose, fivedzage fya kukagulila avene.
45Neke umwene umunu jujoneke amulage ukudzi-dalika monda neke adzi-pulisage ponda inôngwa idzi. Neke baho umwene Jesu alemwage nukwingila vudondya mukâja neke idzikilage mumibaka. Neke baho avene avanu neke vahumage konda-konda neke vahegēlelage kuko, kwe ali umwene.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
New Testament in Bena © Bible Society of Tanzania, 1958.