Mataji 27
27
1Neke baho vavye vavwene kukye neke valundanage avatekedzi avavina ńavandzagila avańa-kisina mukulongana inôngwa ja kumuvulagila U-Jesu. Mal. 15, 1; Luk. 22, 66; Joh. 18, 28.
2Neke baho vamukungage, vamuhelelage nave kwa Pondo Pilata uguvaneli (umundzagila va ńi), neke kwe vakamugotolage. Luk. 23, 1; Joh. 18, 31. 32.
3Neke baho Juda umuńa-kumuvulila, pe avavwene ukuta valukangi-dze ulwa kuta swêla je va kufwa, neke baho inumbula jakwe jipĕlage neke baho apilusage ulupija lula, lwe vāmupelye, ulwali makyumi gadatu, neke akatavulage kuvatekedzi avakomi nakuva-ndzagila ikisina 26, 15.
4neke atigilage: ndihokile, pakuva ndimokile umuńa-danda indzila-nôngwa. Neke avene vatigilage: mańi nave, tuli vuki nafwe padzen’ idzi? ulo lwako kuko.
5Neke baho umwene alutagilage pasi baho mukyânga kya tembele ulupija, lwe apelelilwe, neke umwene ahelelage mukwitumbika. Apos. 1, 16.
6Neke baho avatekedzi avavina neke valuholage ulupija lula, lwe ātagile pasi neke vatigilage: luli mwîko pakuhandziṅasa nifili mwisanduka lya fyûma fya tembele, pe lupija luńa-kidanda. Mal. 12, 41.
7Neke vavye valongine, neke baho neke vakajigulage ińi ja muvufi va fivya neke vatigilage: jivedzage ja kuvasila avagendzi.
8Neke lino ińi jijo „eńi ja kidanda“ ilitavwa na ji lino. Apos. 1, 19.
9Bahala luvilatwike ulwa vuvidzi vwa Jelemija, pe atigilaga: „vinwe ulupija amakyumi gadatu ulwa pavugudzi vwa mugule, je vamugulile kuvakina-Jisilahele.
10Lwe lwene ulupija, uluhombilwe pa-ńi ja muvumba-fivya, ndevye alulongile na ju mutwa.“
11-14: Mal. 15, 2-5; Luk. 23, 2. 3; Joh. 18, 29-38.
11Neke umwene Jesu ujo vadzikumuvikile baho pavuguvaneli neke baho uguvaneli amuvudzage atigilage: vwi mutwa va va-Juda uveve? Neke Jesu apilusage atigilage: ndevye ulongile uveve.
12Neke pe vakumufila navatekedzi avakomi navandzagila ikisina, umwene nambi kupilusa kinu nda. 26, 63.
13Neke baho Pilata amuvudzage atigilage: uveve usipulika londa, lwe vakukufila?
14Neke umwene neke atane ukumupiluhidza nambi limwinga; neke baho adzumangage mbandu uguvaneli. Joh. 19, 9.
15-26: Mal. 15, 6-15; Luk. 23, 13-25; Joh. 18, 39-19, 1.
15Neke mbêpali pakyâka uguvaneli ali nulwîmbo ulwa kuvafungulila jumwinga uva muńololo, je vamuhagulaga va vene avanu.
16Neke pafigono fifyo ali nave jumwinga uva muńololo umutambule, ilitavwa lyakwe ali je Balaba.
17Neke vavye valuńdine avanu, neke baho avavudzage atigilage: uńeńe mutigye ndivafungulilage alikwi? Vona Balaba nambi Jesu, je mukumutigila Kilisiti?
18Ulwa kuva aludzelye ukuta vamusutulye sinwa hela. Joh. 11, 47. 48.
19Neke avye akoṅomye pakitêngo ikya vuhigilo vwa nôngwa, neke baho umudala vakwe atumage umupelela ugwa kuta: uveve vwilembage kwa mugolofu jujo, ndivwene afwahidze ikilo kyonda mumaloto.
20Neke avene avatekedzi avavina navandzagila ikisina neke vavafundage avanu ifipuga neke vatigilage mutigilage: utu-pelage ju Balaba, u-Jesu uju umutovelage pakipindulihidzo.
21Neke baho uguvaneli neke avavudzage atigilage: ve vavīli ava uńeńe ndivahumihidzage alikwi? Neke avene vatigilage: utuhumuhidzage ju Balaba.
22Neke Pilata atigilage: umwene Jesu, je vitigila Kilisiti, uju ndimugitage nave ndavuli? Neke vonda vajojage vatigilage: umutovelage pakipindulihidzo.
23Neke umwene uguvaneli neke atigilage: ahokile kiki? Neke avene vongeledzage ukujoja vatigilage: umutovelage pakipindulihidzo!
24Neke baho Pilata, pe avwene vasikumufuvwa, litana na li lyôvo, neke inulage ululenga neke akalavage amavoko gakwe vulolela neke atigilage: unene idanda ja mugolofu uju ndi mwêlu hela, lweńo kuko juńe.
25Neke baho avene avanu ikipelela kyonda neke vapilusage vatigilage: uji-leke idanda jakwe jitufi-kage jufwe navâna visu. Apos. 5, 28.
26Neke baho avahumuhidzage u-Balaba, neke umwene Jesu amusutulage kuvańa-kutova, vakamu-tovelele pakipindulihidzo.
27-30: Mal. 15, 16-19; Joh. 19, 2. 3.
27Neke baho avasilikali va guvaneli neke vamwinulage neke vamuhelelage nave kuńumba ja balasa neke vamulalikilage ifipuga ifyolofu.
28Neke baho vamuvuhage imyênda gyakwe neke vamufwikage umulambya.
29Neke baho vativage ningêla ja mifwa neke vamufwikage pamutwe neke mwivoko ilya ndyo vamupelage uludete neke vafugamage kuvulongolo ukwakwe neke vamujejeledzage neke vatigilage: twikukuhungila, ve mutwa va va-Juda.
30Neke vamufuńilage namati neke kangi pamifwa vamutovage nuludete pamutwe.
31Neke lino, pe vamalile ukumujejeledza londa, neke vamufwikage imyênda gyakwe; neke baho vamuhelelage nave mukumutovelela pakipindulihidzo.
31-56: Mal. 15, 20-41; Luk. 23, 26. 33-49; Joh. 19, 16-30.
32Neke vavye vihuma nave neke baho vatańanilage numunu uva mu-Kilene, ilitavwa lyakwe ali je Simono. Neke baho vamugagilidzage ukuta: umuńamulilage ikipindulihidzo kyakwe.
33Neke vavye vadzifike nave, pe vitigila pa-Gologata (kwe kuta paluṅala)
34neke baho vagane vatigile tumuńwese uvugimbi vwa vutoṅoni, vwe vatimbuliṅise nińongo. Neke baho umwene, avye avunodzandzidze mumulomo, neke akanage ukuvuńwa.
35Neke vavye vamuto-vye pakipindulihidzo, neke baho valagudzage ulwa kugavana imyênda gyakwe.
36Neke baho vasimamage baho avańa-muminga.
37Neke pakyâńa pakipindulihidzo vatovye uvwândike uvwa nôngwa dzakwe, dze vamuvalile, vandike ulwa kuta: „uju je Jesu, je mutwa va va-Juda.“
38Neke vamutovelelage ńangilakumwinga nava-gonadâsi vavili, ujungi kulivoko ilya ndyo, ujungi kulivoko ilya ṅigi, pagati je mwene.
39Neke vonda, avadzu-mbanidzaga baho, neke vamuligage neke vajudzage nimitwe gyanavo
40neke vatigilage: je vwatigye udzelye pakumamula ikyânga kya tembele, kangi vwatigye ukujidzenga ifigono fidatu pakujidzulubusa, ka uli nakiki lino ukwipoka vwijena? Ka ungika pakipindulihidzo, ngana ndakyene uli muswamuve va Nguluvi. 29, 61; Joh. 2, 19.
41Neke avatekedzi avavina navandzagila ikisina navakagulihâte neke navo vamujejeledzage neke vatigilage:
42mbêpali avangi akikuvananya ndeni neke lino kimutanidze kiki ukwinanya ju mwene? Ngana ndakyene mutwa va vakina-Jisilahele, angijisa pakipindulihidzo, apo najufwe tulamufuvwa.
43Kwa Nguluvi akihuvilila ponda, ka lino alikwi, angamutanga, ngana ndakyene amwendile; tuvwene mbêpali akitigila: unene nde muswamuve va Nguluvi.
44Neke navagonadâsi vala, ve vatovelilwe lumwinga, neke navo vamuligage dzidzo.
45Neke baho ikîsi kigwidzage ińi jonda ukuhuma pasala ja mutanda ukufika pasala ja igôndza.
46Neke baho pasala ja igôndza neke Jesu akutage ilidzwi ilivina hilo neke atigilage: Eli, Eli, lama sebetani? Kwe kutigila: ve Nguluvi vangu ve Nguluvi vangu, undekile kiki?
47Neke avali baho, pe vapulike ilidzwi ili neke vatigilage: akumukemela je Elija.
48Neke ujungi ańilage nakalingi neke inulage akênda neke adzabikage mululenga uluńa-mudzadzu neke apatikage muludete neke amuńwesage.
49Neke avajagwe vatigilage: ungaleka tasi, twilolele, nde ikwadza mukumunanya u-Elija.
50Neke umwene Jesu avwilage kangi ukukuta ilidzwi ilivina neke baho gudumukage.
51Neke baho nilibupa, lye vapingike mukyânga kya tembele, neke lidemukage ukuhuma pakyâńa neke lyapukilage pasi neke gadzukage gavili. Heb. 10, 19. 20.
52Neke na ji ńi jilindimage neke ninālâvwe dzibadzukage na dzi mombwe neke nadzo dzidindukage neke nimivili igya vîmike, avagonelye itulo, neke gidzulubukage imyolofu.
53Neke avye adzulubwike umwene, neke navo vahumage mumombwe neke vakingilage mukâja indzimike neke vivonesage kuvanu. Apos. 26, 23.
54Neke baho avene avasilikali na ju muńa-kipuga, avasimamilaga u-Jesu, pe vakivwene ikilindima, pe vagivwene imitu, igivonesaga, neke baho livagwilage ilitulo ilikomi neke vatigilage: ndakyene, umunu jula aka je muswamuve va Nguluvi.
55Neke vali povali baho navakiṅinavo avolofu, valolelaga pavutali; vali ve vene, avamuninilye Jesu ukuhuma ku-Galilaja, avali vańa-kumulimila umwene. Luk. 8, 2. 3.
56Vali na Malija uva mu-Magadala na Malija, uṅina va Jakovo na Josefe nuṅinavo va vamwa-Sebedaja.
67-61: Mal. 15, 42-47; Luk. 23, 50-55; Joh. 19, 38-42.
57Neke baho vuvye vuhwe neke avonekage umunu jumwi umusafi uva mu-Alimatija, ilitavwa lyakwe ali je Josefe, nave adzukile muńigendwa va Jesu nave.
58Neke ahelelage kwa Pilata neke akańilikage umufimba gwa Jesu. Neke baho Pilata idikage atigilage: mumupelage.
59Neke baho Josefe agwinulage umufimba gwa Jesu neke agunyengage nimyênda imivalafu imipya.
60Neke akagimkage mumombwe jakwe ju mwene imya hela, je ahongwe ju mwene mulitālâvwe. Neke abilusage iliganga ilikomi neke adindilage kumulyango gwa mombwe. Neke baho ahelelage.
61Neke avene ava-Malija va mu-Magadala na Malija ujungi jula neke vikalage baho pasi, valole-ṅanage nimombwe.
62Neke pakilavo ikingi, ikifudike pa kya kwivujapila, neke navo valundanilage kwa Pilata navatekedzi avavina nava-Fwalisaja ṅani.
63Neke vakalongage vakatigilage: mulugu, tukumbwike ilidzwi limwinga, lye ālongile kyali mûmi umudesi jula pakuva atigye: ndiladzulubuka pa kya vudatu. v. 40; 12, 40.
64Neke lino ungavatu-ma avańa-kulolela imo-mbwe, valolele ifigono fidatu. Vone vuli valamu-hidza avańigendwa vakwe kangi kuvanu lulongwage ulwa kuta: adzulubwike, je afwe.
65Neke baho u-Pilata atigilage: ngahava avasilikali, muhelele navo, mukavâvîke ukusimamilila, ndevye muluvwene uńeńe,
66neke baho vakavâvĭke avasilikali avańa-kwimilila imombwe neke vafundīlilage ikifundīlilo kya vutwa piganga baho.
Iliyochaguliwa sasa
Mataji 27: II
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
New Testament in Bena © Bible Society of Tanzania, 1958.
Mataji 27
27
1Neke baho vavye vavwene kukye neke valundanage avatekedzi avavina ńavandzagila avańa-kisina mukulongana inôngwa ja kumuvulagila U-Jesu. Mal. 15, 1; Luk. 22, 66; Joh. 18, 28.
2Neke baho vamukungage, vamuhelelage nave kwa Pondo Pilata uguvaneli (umundzagila va ńi), neke kwe vakamugotolage. Luk. 23, 1; Joh. 18, 31. 32.
3Neke baho Juda umuńa-kumuvulila, pe avavwene ukuta valukangi-dze ulwa kuta swêla je va kufwa, neke baho inumbula jakwe jipĕlage neke baho apilusage ulupija lula, lwe vāmupelye, ulwali makyumi gadatu, neke akatavulage kuvatekedzi avakomi nakuva-ndzagila ikisina 26, 15.
4neke atigilage: ndihokile, pakuva ndimokile umuńa-danda indzila-nôngwa. Neke avene vatigilage: mańi nave, tuli vuki nafwe padzen’ idzi? ulo lwako kuko.
5Neke baho umwene alutagilage pasi baho mukyânga kya tembele ulupija, lwe apelelilwe, neke umwene ahelelage mukwitumbika. Apos. 1, 16.
6Neke baho avatekedzi avavina neke valuholage ulupija lula, lwe ātagile pasi neke vatigilage: luli mwîko pakuhandziṅasa nifili mwisanduka lya fyûma fya tembele, pe lupija luńa-kidanda. Mal. 12, 41.
7Neke vavye valongine, neke baho neke vakajigulage ińi ja muvufi va fivya neke vatigilage: jivedzage ja kuvasila avagendzi.
8Neke lino ińi jijo „eńi ja kidanda“ ilitavwa na ji lino. Apos. 1, 19.
9Bahala luvilatwike ulwa vuvidzi vwa Jelemija, pe atigilaga: „vinwe ulupija amakyumi gadatu ulwa pavugudzi vwa mugule, je vamugulile kuvakina-Jisilahele.
10Lwe lwene ulupija, uluhombilwe pa-ńi ja muvumba-fivya, ndevye alulongile na ju mutwa.“
11-14: Mal. 15, 2-5; Luk. 23, 2. 3; Joh. 18, 29-38.
11Neke umwene Jesu ujo vadzikumuvikile baho pavuguvaneli neke baho uguvaneli amuvudzage atigilage: vwi mutwa va va-Juda uveve? Neke Jesu apilusage atigilage: ndevye ulongile uveve.
12Neke pe vakumufila navatekedzi avakomi navandzagila ikisina, umwene nambi kupilusa kinu nda. 26, 63.
13Neke baho Pilata amuvudzage atigilage: uveve usipulika londa, lwe vakukufila?
14Neke umwene neke atane ukumupiluhidza nambi limwinga; neke baho adzumangage mbandu uguvaneli. Joh. 19, 9.
15-26: Mal. 15, 6-15; Luk. 23, 13-25; Joh. 18, 39-19, 1.
15Neke mbêpali pakyâka uguvaneli ali nulwîmbo ulwa kuvafungulila jumwinga uva muńololo, je vamuhagulaga va vene avanu.
16Neke pafigono fifyo ali nave jumwinga uva muńololo umutambule, ilitavwa lyakwe ali je Balaba.
17Neke vavye valuńdine avanu, neke baho avavudzage atigilage: uńeńe mutigye ndivafungulilage alikwi? Vona Balaba nambi Jesu, je mukumutigila Kilisiti?
18Ulwa kuva aludzelye ukuta vamusutulye sinwa hela. Joh. 11, 47. 48.
19Neke avye akoṅomye pakitêngo ikya vuhigilo vwa nôngwa, neke baho umudala vakwe atumage umupelela ugwa kuta: uveve vwilembage kwa mugolofu jujo, ndivwene afwahidze ikilo kyonda mumaloto.
20Neke avene avatekedzi avavina navandzagila ikisina neke vavafundage avanu ifipuga neke vatigilage mutigilage: utu-pelage ju Balaba, u-Jesu uju umutovelage pakipindulihidzo.
21Neke baho uguvaneli neke avavudzage atigilage: ve vavīli ava uńeńe ndivahumihidzage alikwi? Neke avene vatigilage: utuhumuhidzage ju Balaba.
22Neke Pilata atigilage: umwene Jesu, je vitigila Kilisiti, uju ndimugitage nave ndavuli? Neke vonda vajojage vatigilage: umutovelage pakipindulihidzo.
23Neke umwene uguvaneli neke atigilage: ahokile kiki? Neke avene vongeledzage ukujoja vatigilage: umutovelage pakipindulihidzo!
24Neke baho Pilata, pe avwene vasikumufuvwa, litana na li lyôvo, neke inulage ululenga neke akalavage amavoko gakwe vulolela neke atigilage: unene idanda ja mugolofu uju ndi mwêlu hela, lweńo kuko juńe.
25Neke baho avene avanu ikipelela kyonda neke vapilusage vatigilage: uji-leke idanda jakwe jitufi-kage jufwe navâna visu. Apos. 5, 28.
26Neke baho avahumuhidzage u-Balaba, neke umwene Jesu amusutulage kuvańa-kutova, vakamu-tovelele pakipindulihidzo.
27-30: Mal. 15, 16-19; Joh. 19, 2. 3.
27Neke baho avasilikali va guvaneli neke vamwinulage neke vamuhelelage nave kuńumba ja balasa neke vamulalikilage ifipuga ifyolofu.
28Neke baho vamuvuhage imyênda gyakwe neke vamufwikage umulambya.
29Neke baho vativage ningêla ja mifwa neke vamufwikage pamutwe neke mwivoko ilya ndyo vamupelage uludete neke vafugamage kuvulongolo ukwakwe neke vamujejeledzage neke vatigilage: twikukuhungila, ve mutwa va va-Juda.
30Neke vamufuńilage namati neke kangi pamifwa vamutovage nuludete pamutwe.
31Neke lino, pe vamalile ukumujejeledza londa, neke vamufwikage imyênda gyakwe; neke baho vamuhelelage nave mukumutovelela pakipindulihidzo.
31-56: Mal. 15, 20-41; Luk. 23, 26. 33-49; Joh. 19, 16-30.
32Neke vavye vihuma nave neke baho vatańanilage numunu uva mu-Kilene, ilitavwa lyakwe ali je Simono. Neke baho vamugagilidzage ukuta: umuńamulilage ikipindulihidzo kyakwe.
33Neke vavye vadzifike nave, pe vitigila pa-Gologata (kwe kuta paluṅala)
34neke baho vagane vatigile tumuńwese uvugimbi vwa vutoṅoni, vwe vatimbuliṅise nińongo. Neke baho umwene, avye avunodzandzidze mumulomo, neke akanage ukuvuńwa.
35Neke vavye vamuto-vye pakipindulihidzo, neke baho valagudzage ulwa kugavana imyênda gyakwe.
36Neke baho vasimamage baho avańa-muminga.
37Neke pakyâńa pakipindulihidzo vatovye uvwândike uvwa nôngwa dzakwe, dze vamuvalile, vandike ulwa kuta: „uju je Jesu, je mutwa va va-Juda.“
38Neke vamutovelelage ńangilakumwinga nava-gonadâsi vavili, ujungi kulivoko ilya ndyo, ujungi kulivoko ilya ṅigi, pagati je mwene.
39Neke vonda, avadzu-mbanidzaga baho, neke vamuligage neke vajudzage nimitwe gyanavo
40neke vatigilage: je vwatigye udzelye pakumamula ikyânga kya tembele, kangi vwatigye ukujidzenga ifigono fidatu pakujidzulubusa, ka uli nakiki lino ukwipoka vwijena? Ka ungika pakipindulihidzo, ngana ndakyene uli muswamuve va Nguluvi. 29, 61; Joh. 2, 19.
41Neke avatekedzi avavina navandzagila ikisina navakagulihâte neke navo vamujejeledzage neke vatigilage:
42mbêpali avangi akikuvananya ndeni neke lino kimutanidze kiki ukwinanya ju mwene? Ngana ndakyene mutwa va vakina-Jisilahele, angijisa pakipindulihidzo, apo najufwe tulamufuvwa.
43Kwa Nguluvi akihuvilila ponda, ka lino alikwi, angamutanga, ngana ndakyene amwendile; tuvwene mbêpali akitigila: unene nde muswamuve va Nguluvi.
44Neke navagonadâsi vala, ve vatovelilwe lumwinga, neke navo vamuligage dzidzo.
45Neke baho ikîsi kigwidzage ińi jonda ukuhuma pasala ja mutanda ukufika pasala ja igôndza.
46Neke baho pasala ja igôndza neke Jesu akutage ilidzwi ilivina hilo neke atigilage: Eli, Eli, lama sebetani? Kwe kutigila: ve Nguluvi vangu ve Nguluvi vangu, undekile kiki?
47Neke avali baho, pe vapulike ilidzwi ili neke vatigilage: akumukemela je Elija.
48Neke ujungi ańilage nakalingi neke inulage akênda neke adzabikage mululenga uluńa-mudzadzu neke apatikage muludete neke amuńwesage.
49Neke avajagwe vatigilage: ungaleka tasi, twilolele, nde ikwadza mukumunanya u-Elija.
50Neke umwene Jesu avwilage kangi ukukuta ilidzwi ilivina neke baho gudumukage.
51Neke baho nilibupa, lye vapingike mukyânga kya tembele, neke lidemukage ukuhuma pakyâńa neke lyapukilage pasi neke gadzukage gavili. Heb. 10, 19. 20.
52Neke na ji ńi jilindimage neke ninālâvwe dzibadzukage na dzi mombwe neke nadzo dzidindukage neke nimivili igya vîmike, avagonelye itulo, neke gidzulubukage imyolofu.
53Neke avye adzulubwike umwene, neke navo vahumage mumombwe neke vakingilage mukâja indzimike neke vivonesage kuvanu. Apos. 26, 23.
54Neke baho avene avasilikali na ju muńa-kipuga, avasimamilaga u-Jesu, pe vakivwene ikilindima, pe vagivwene imitu, igivonesaga, neke baho livagwilage ilitulo ilikomi neke vatigilage: ndakyene, umunu jula aka je muswamuve va Nguluvi.
55Neke vali povali baho navakiṅinavo avolofu, valolelaga pavutali; vali ve vene, avamuninilye Jesu ukuhuma ku-Galilaja, avali vańa-kumulimila umwene. Luk. 8, 2. 3.
56Vali na Malija uva mu-Magadala na Malija, uṅina va Jakovo na Josefe nuṅinavo va vamwa-Sebedaja.
67-61: Mal. 15, 42-47; Luk. 23, 50-55; Joh. 19, 38-42.
57Neke baho vuvye vuhwe neke avonekage umunu jumwi umusafi uva mu-Alimatija, ilitavwa lyakwe ali je Josefe, nave adzukile muńigendwa va Jesu nave.
58Neke ahelelage kwa Pilata neke akańilikage umufimba gwa Jesu. Neke baho Pilata idikage atigilage: mumupelage.
59Neke baho Josefe agwinulage umufimba gwa Jesu neke agunyengage nimyênda imivalafu imipya.
60Neke akagimkage mumombwe jakwe ju mwene imya hela, je ahongwe ju mwene mulitālâvwe. Neke abilusage iliganga ilikomi neke adindilage kumulyango gwa mombwe. Neke baho ahelelage.
61Neke avene ava-Malija va mu-Magadala na Malija ujungi jula neke vikalage baho pasi, valole-ṅanage nimombwe.
62Neke pakilavo ikingi, ikifudike pa kya kwivujapila, neke navo valundanilage kwa Pilata navatekedzi avavina nava-Fwalisaja ṅani.
63Neke vakalongage vakatigilage: mulugu, tukumbwike ilidzwi limwinga, lye ālongile kyali mûmi umudesi jula pakuva atigye: ndiladzulubuka pa kya vudatu. v. 40; 12, 40.
64Neke lino ungavatu-ma avańa-kulolela imo-mbwe, valolele ifigono fidatu. Vone vuli valamu-hidza avańigendwa vakwe kangi kuvanu lulongwage ulwa kuta: adzulubwike, je afwe.
65Neke baho u-Pilata atigilage: ngahava avasilikali, muhelele navo, mukavâvîke ukusimamilila, ndevye muluvwene uńeńe,
66neke baho vakavâvĭke avasilikali avańa-kwimilila imombwe neke vafundīlilage ikifundīlilo kya vutwa piganga baho.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
New Testament in Bena © Bible Society of Tanzania, 1958.