VAROMA 2
2
Na ere Vayuda verena nzune ila ila
1Heicho, we mntu wose welaha, tuna cha kukukania; ambu he ivyo wemlaha mghenji navyo, ukalaha navyo we mwenye, iti u mnzune ambu vila welahia navyo nirevyo weketa. 2Na uswi twemanyije iti mlaho wa Mrungu ni wa idi he vala veronga ivyo. 3We mntu, wevalaha vala veronga ivyo, nawe mwenye weraronga ivyo, h’ii! udunganya iti unetesya mlaho wa Mrungu? 4Kana utadaa vwedi vwakwe vujinki na kurimia kwakwe na kugumirija kwakwe, usimanye iti vwedi vwa Mrungu vukukota nesa uchwe mti? 5Mira he vuntu vwa vukuji vwako, na ngoro yako yesichwa mti, ukuvanzia oro he ula msi wa oro, na mfunukuro wa singisirya wa Mrungu wenefunukurirwa; 6eye eneremriha kila mntu kiringanyo cha mihiro yakwe, 7vala evo kwa kurimia he kuronga vyedi, veenda ngazo na shima na kusakondika, veneinkwa nkalamo ya kae na kae; 8na vala vena irenge, vesisikia idi, mira vekunda ibaa, venefikiwa ni oro na ibigho; 9heneketa vukiva na vwasi he kila ngoro ya mntu eketa vivivi, kuvokia Myuda na Mgiriki na ye; 10mira ngazo na shima na mporere he kila mntu eronga vyedi, kuvokia Myuda na Kgriki naye; 11ambu Mrungu tena sombo. 12Ambu vose vebanie hesina viziomo veneteka hesina viziomo, na vose vebanie hena viziomo venelahwa na viziomo. 13Ambu si vala vesikia viziomo vena singisirya mozya he Mrungu, esire vala veronga viziomo venetarwa iti ni venye singisirya. 14Ambu Vakiisanga vesina viziomo vekironga he miikarire yavo vila vyeho he myomongwa, ava vesina viziomo, venye vekuokia viziomo. 15Avo vevonyesha shima ya myomongwa yeandikwe he ngoro javo, izii la ngoro javo lekivatetia vuonwa, na madunganyo avo o majenye, ekivasitaka kana kuvakania; 16he msi ula Mrungu ekinelaha mpiso ja vantu, kiringanyo cha Mburi Yedi yangu he Kristo Yesu.
17Mira we kari uitangwa Myuda, na kuarira myomongwa na kukukaza he Mrungu, 18na kumanya mikundire yakwe, na kukunda vila e vyedi, nawe wechejijwe he myomongwa, 19na kumanya cha idi iti we mwenye u mrongori wa matuntu, na kianga cha vala veho he kija, 20mrechunda varundu, mcheji wa vana vadori, eikee sa ena icha na idi he myomongwa; 21we wecheja vaghenji, tukucheja we mwenye? We webirikira iti mntu asiive, we mwenye uiva? 22We weti mntu asishinde, we mwenye ushinda? We wevihiwa ni mirungu, utaha he nyumba ja mtaso? 23We wekukaza na myomongwa, ukonda shima ya Mrungu kwa kubera myomongwa? 24Ambu izina la Mrungu lifalajwa he Vakiisanga vuntu vwenyu, sa vuntu cheandikwe. 25Ambu kutavanwa kuve kakicha ugurisha viziomo, mira wekioka mrekonda viziomo, kutavanwa kwako kwaoka kusatavanwa. 26Kakicha ul esitavanwe egura maazero a myomongwa h’ii, kusatavanwa kwakwe tekukatarwe iti ni kutavanwa? 27Na ula esitavanwe kimsimo ekigurisha myomongwa, enekulaha we wena maandiko kangi wena kitavani, uko ukonda myomongwa. 28Ambu ye si Myuda e Myuda kwa nze du, neri kitavani si kila cha nze du, he mwiri; 29mira ni Myuda e Myuda uko ndeni, na kitavani ni cha ngoro, cha kimpeho, si he maandiko. Echo nguma yacho yesifuma he vantu, esire he Mrungu.
Iliyochaguliwa sasa
VAROMA 2: CHSUNT67
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chasu New Testament © Bible Society of Tanzania, 1967.
VAROMA 2
2
Na ere Vayuda verena nzune ila ila
1Heicho, we mntu wose welaha, tuna cha kukukania; ambu he ivyo wemlaha mghenji navyo, ukalaha navyo we mwenye, iti u mnzune ambu vila welahia navyo nirevyo weketa. 2Na uswi twemanyije iti mlaho wa Mrungu ni wa idi he vala veronga ivyo. 3We mntu, wevalaha vala veronga ivyo, nawe mwenye weraronga ivyo, h’ii! udunganya iti unetesya mlaho wa Mrungu? 4Kana utadaa vwedi vwakwe vujinki na kurimia kwakwe na kugumirija kwakwe, usimanye iti vwedi vwa Mrungu vukukota nesa uchwe mti? 5Mira he vuntu vwa vukuji vwako, na ngoro yako yesichwa mti, ukuvanzia oro he ula msi wa oro, na mfunukuro wa singisirya wa Mrungu wenefunukurirwa; 6eye eneremriha kila mntu kiringanyo cha mihiro yakwe, 7vala evo kwa kurimia he kuronga vyedi, veenda ngazo na shima na kusakondika, veneinkwa nkalamo ya kae na kae; 8na vala vena irenge, vesisikia idi, mira vekunda ibaa, venefikiwa ni oro na ibigho; 9heneketa vukiva na vwasi he kila ngoro ya mntu eketa vivivi, kuvokia Myuda na Mgiriki na ye; 10mira ngazo na shima na mporere he kila mntu eronga vyedi, kuvokia Myuda na Kgriki naye; 11ambu Mrungu tena sombo. 12Ambu vose vebanie hesina viziomo veneteka hesina viziomo, na vose vebanie hena viziomo venelahwa na viziomo. 13Ambu si vala vesikia viziomo vena singisirya mozya he Mrungu, esire vala veronga viziomo venetarwa iti ni venye singisirya. 14Ambu Vakiisanga vesina viziomo vekironga he miikarire yavo vila vyeho he myomongwa, ava vesina viziomo, venye vekuokia viziomo. 15Avo vevonyesha shima ya myomongwa yeandikwe he ngoro javo, izii la ngoro javo lekivatetia vuonwa, na madunganyo avo o majenye, ekivasitaka kana kuvakania; 16he msi ula Mrungu ekinelaha mpiso ja vantu, kiringanyo cha Mburi Yedi yangu he Kristo Yesu.
17Mira we kari uitangwa Myuda, na kuarira myomongwa na kukukaza he Mrungu, 18na kumanya mikundire yakwe, na kukunda vila e vyedi, nawe wechejijwe he myomongwa, 19na kumanya cha idi iti we mwenye u mrongori wa matuntu, na kianga cha vala veho he kija, 20mrechunda varundu, mcheji wa vana vadori, eikee sa ena icha na idi he myomongwa; 21we wecheja vaghenji, tukucheja we mwenye? We webirikira iti mntu asiive, we mwenye uiva? 22We weti mntu asishinde, we mwenye ushinda? We wevihiwa ni mirungu, utaha he nyumba ja mtaso? 23We wekukaza na myomongwa, ukonda shima ya Mrungu kwa kubera myomongwa? 24Ambu izina la Mrungu lifalajwa he Vakiisanga vuntu vwenyu, sa vuntu cheandikwe. 25Ambu kutavanwa kuve kakicha ugurisha viziomo, mira wekioka mrekonda viziomo, kutavanwa kwako kwaoka kusatavanwa. 26Kakicha ul esitavanwe egura maazero a myomongwa h’ii, kusatavanwa kwakwe tekukatarwe iti ni kutavanwa? 27Na ula esitavanwe kimsimo ekigurisha myomongwa, enekulaha we wena maandiko kangi wena kitavani, uko ukonda myomongwa. 28Ambu ye si Myuda e Myuda kwa nze du, neri kitavani si kila cha nze du, he mwiri; 29mira ni Myuda e Myuda uko ndeni, na kitavani ni cha ngoro, cha kimpeho, si he maandiko. Echo nguma yacho yesifuma he vantu, esire he Mrungu.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chasu New Testament © Bible Society of Tanzania, 1967.