NDIMA JA NTUME 24
24
Paulo elahwa mozya he mlao Feliki
1Hekivecha misi misano Anania mretasa m’baha akasea na vaghosi va kumwe na mteti mmwe eitangwa Tertulo; vakamwukulila mlao mburi jakwe Paulo. 2Naye akanaitangwe, Tertulo akavoka kumsitaka, ekiti,
“Kila twevona mporere nyingi hewe, we Filiki mrashimiwa, na he kurereha kwako, mburi mbivi jiharehwa nezo vuntu vwa ii mbari, 3heicho tuvighuhia kila igheri na kila hantu kwa kuketa mvera. 4Mira nisizike kukukkekesa, nikusemba utusikije viteto vingahi vuntu vwa vumpoa vwako. 5Ambu twevonie iti uu mntu ni mharagasi, mkiusho wa msopano he Vayuda vose he masanga, kangi ni mrongori wa itagwa la Vanazareti. 6Kangi egheshije kugera kivivi he nyumba ya mtaso; tukamgura; [tukaenda kumlaha vuntu cheteghane he viziomo vyetu. 7Mira Lisia, akida m’baha akaza, akamkakafura he mikono yetu, 8akavaazera vala vemsitake vaze noko hako.] Ivyo vyose twemsitake uidima kuvimanya mwenye aho wekimvwija.” 9Vayuda navo vakadumija vekiti, “Yee huvo nirevwo.”
10Mlao naye ekinamkonye Paulo mkono iti atete, Paulo akagharusha, “Kila nemanyije iti weokie mretetia wa ii mbari miaka mingi, nikukania mwenye na ngoro ya kuizihirwa. 11Ambu uidima kumanya iti tehenasia misi yevecha ikumi na miri too nekweie Yerusalemu nesa niretasa. 12Ava vantu tevenivonie he nyumba ya mtaso nekikanana na mntu kana kuvusha mkede he mzomano neri he sinagogi neri uko he muzi. 13Neri teveidima kukonesha ivyo venisitaka navyo iki. 14Esire icho kimwe nikikundia hako iti, Iyo nzia veiitanga itanga ishaa, nivwo vuntu nemtasa Mrungu wa vavava vetu, nekiitikija vyose vyeteghane na myomongwa, na vila vyeandikwe he vitabu vya varoti. 15Nina ikuji ha Mringu, elo navo veraliinda kuti heneketa kuvuka kwa vefwie, kwa vala venye kitea na vesina kitea. 16Nami nikumanyirija he mburi ii, nikete ngoro yesina nzune mozya he Mrungu na he vantu misi yose. 17Hekinaveche miaka mingi nekizie nivaetie vantu mbari yangu matasi na ntogolo. 18Niho vakanivona he nyumba ya mtaso nekipipirika na ivi vintu, nekuzerike, siketie mzomano neri mkede, mira hekina Vayuda kumwe vefuma Asia, 19evo chevatara vaze aha mozya hako kunisitaka, kakicha henacho vena nami. 20Kana ava vantu venye navatete iti ni iteshanyo ani velivonie hemi hala veimuke he chila. 21Esire he vuntu vwa mburi mwezu netetishe neimuke ghati hevo nekiti, ‘He mburi ya kuvuka he vefwie nicho nelahwa mozya yenyu yoo.’”
Feliki eterija masa
22Mira Feliki akavaterija, kila emanyije mburi ja ila nzia nezosha kuvecha, akati, “Lisia akida m’baha ekinezasea niho nenechwa masa enyu.” 23Akamwazera ula akida iti Paulo arindwe, mira asikindijwe, neri mmwe wa vambwie vakwe ekienda kumhirira asisujwe.
24Misi misiku yekivecha Feliki akaza hamwe ne Drusila mche wakwe e Myuda; akamtumija Paulo, akamsikija mburi ja mwitikijo weho he Kristo Yesu. 25Aho Paulo ekiukula kiusho chakwe he mburi ya kitea, na kuketa kiringanyo, na ya mlaho weneza, Feliki akasikia vogha, akati, “Iki kutongire, nekinevona igheri ninekuitanga wa.” 26Hamwe na ivyo ekidunganye iti eneinkwa fedha ni Paulo; heicho akamwitanga kantu kajinki kugaya naye.
27Miaka miri yekivecha, Feliki akavuka, Porkio Festo akatetia hantu hakwe. Feliki ekienda kuvaizihija Vayuda, akamshigha Paulo erechungwa.
Iliyochaguliwa sasa
NDIMA JA NTUME 24: CHSUNT67
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chasu New Testament © Bible Society of Tanzania, 1967.
NDIMA JA NTUME 24
24
Paulo elahwa mozya he mlao Feliki
1Hekivecha misi misano Anania mretasa m’baha akasea na vaghosi va kumwe na mteti mmwe eitangwa Tertulo; vakamwukulila mlao mburi jakwe Paulo. 2Naye akanaitangwe, Tertulo akavoka kumsitaka, ekiti,
“Kila twevona mporere nyingi hewe, we Filiki mrashimiwa, na he kurereha kwako, mburi mbivi jiharehwa nezo vuntu vwa ii mbari, 3heicho tuvighuhia kila igheri na kila hantu kwa kuketa mvera. 4Mira nisizike kukukkekesa, nikusemba utusikije viteto vingahi vuntu vwa vumpoa vwako. 5Ambu twevonie iti uu mntu ni mharagasi, mkiusho wa msopano he Vayuda vose he masanga, kangi ni mrongori wa itagwa la Vanazareti. 6Kangi egheshije kugera kivivi he nyumba ya mtaso; tukamgura; [tukaenda kumlaha vuntu cheteghane he viziomo vyetu. 7Mira Lisia, akida m’baha akaza, akamkakafura he mikono yetu, 8akavaazera vala vemsitake vaze noko hako.] Ivyo vyose twemsitake uidima kuvimanya mwenye aho wekimvwija.” 9Vayuda navo vakadumija vekiti, “Yee huvo nirevwo.”
10Mlao naye ekinamkonye Paulo mkono iti atete, Paulo akagharusha, “Kila nemanyije iti weokie mretetia wa ii mbari miaka mingi, nikukania mwenye na ngoro ya kuizihirwa. 11Ambu uidima kumanya iti tehenasia misi yevecha ikumi na miri too nekweie Yerusalemu nesa niretasa. 12Ava vantu tevenivonie he nyumba ya mtaso nekikanana na mntu kana kuvusha mkede he mzomano neri he sinagogi neri uko he muzi. 13Neri teveidima kukonesha ivyo venisitaka navyo iki. 14Esire icho kimwe nikikundia hako iti, Iyo nzia veiitanga itanga ishaa, nivwo vuntu nemtasa Mrungu wa vavava vetu, nekiitikija vyose vyeteghane na myomongwa, na vila vyeandikwe he vitabu vya varoti. 15Nina ikuji ha Mringu, elo navo veraliinda kuti heneketa kuvuka kwa vefwie, kwa vala venye kitea na vesina kitea. 16Nami nikumanyirija he mburi ii, nikete ngoro yesina nzune mozya he Mrungu na he vantu misi yose. 17Hekinaveche miaka mingi nekizie nivaetie vantu mbari yangu matasi na ntogolo. 18Niho vakanivona he nyumba ya mtaso nekipipirika na ivi vintu, nekuzerike, siketie mzomano neri mkede, mira hekina Vayuda kumwe vefuma Asia, 19evo chevatara vaze aha mozya hako kunisitaka, kakicha henacho vena nami. 20Kana ava vantu venye navatete iti ni iteshanyo ani velivonie hemi hala veimuke he chila. 21Esire he vuntu vwa mburi mwezu netetishe neimuke ghati hevo nekiti, ‘He mburi ya kuvuka he vefwie nicho nelahwa mozya yenyu yoo.’”
Feliki eterija masa
22Mira Feliki akavaterija, kila emanyije mburi ja ila nzia nezosha kuvecha, akati, “Lisia akida m’baha ekinezasea niho nenechwa masa enyu.” 23Akamwazera ula akida iti Paulo arindwe, mira asikindijwe, neri mmwe wa vambwie vakwe ekienda kumhirira asisujwe.
24Misi misiku yekivecha Feliki akaza hamwe ne Drusila mche wakwe e Myuda; akamtumija Paulo, akamsikija mburi ja mwitikijo weho he Kristo Yesu. 25Aho Paulo ekiukula kiusho chakwe he mburi ya kitea, na kuketa kiringanyo, na ya mlaho weneza, Feliki akasikia vogha, akati, “Iki kutongire, nekinevona igheri ninekuitanga wa.” 26Hamwe na ivyo ekidunganye iti eneinkwa fedha ni Paulo; heicho akamwitanga kantu kajinki kugaya naye.
27Miaka miri yekivecha, Feliki akavuka, Porkio Festo akatetia hantu hakwe. Feliki ekienda kuvaizihija Vayuda, akamshigha Paulo erechungwa.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chasu New Testament © Bible Society of Tanzania, 1967.