LWIKHI 8
8
Ńmie khɛ́n alo éje Jezwi tɔ Yankan bhwe
1Lómánji, Jezwi lo ákhúbhɛ́ khónkhó le ákhúbhɛ́ chɛ́-nchɛ́ ɔ́nmɔn hrómɛn étɔ Ábhwe Bhwábhwá ali Yankan Bhringbi khúbhɛ́ phɔ bhwe. 2Yíchwɛmán áwɔ́-mɔn gɛ ɔ́nmɔn lo, saji ńmie dɔnbɛn lɔ gɛ ɔ́nmɔn lo. Wo mie lókɔn, ńphrɛ tranman nánnánmi phromɛn phromɛn yɛn nkɔn phɔ, ló ńtɛ nkɔn phɔ jan. Ló wo mie lókɔn, wo nɔn wo li: Mari (óche Mari achan Madala khúbhɛ́), khɛ́n Jezwi phrɛ tranman nánnánmi phromɛn phromɛn ákhwache yɛn mɛ́n phɔ. 3Lóbɛn nɔn ali Janɛn aphɛn Chuza khɛ́n Erɔde bháthó yí khúnbrɛn bha mɛ́n mɔ́n mɛn, lójɔ bɛn hɛ́n li Suzanɛn. Ńmie búdúbúdú nánkhɛhɔn lɔ bha wo hromɛn. Wo mie khúnbrɛn lókɔn, wo yí tɛɛ wo pɛ ɔn, wo khwɛn dɔnman Jezwi le nkɛ yíchwɛmán ɔ́nmɔn mɔ́n.
Ńyámí-dwánwo bɛn phɔ yandran
(Ɔ́n wú Mat 13.1-9; Ɔ́n wú Mák 4.1-9)
4Néphan chan ákhúbhɛ́ brɛ brɛ khúnbrɛn hrómɛn bha gɛ Jezwi. Lóka ńwu salé néphan abhurɛhɛ́n nkɔn thubhɔ ɔn, lótɛ Jezwi bhu yandran lókɔn se wo, ló ántɔ sa:
5“Sɛ bɛn lo bithe éha nyámí. Lóka ankú nyámí khwá mɛ́n gɔn, fe khwa ásitó jɛ́ njɛ, néphan cha khɔ lótho, ló ńkɔ́cran lɔ bha chwan li. 6Lódɔnbɛn khwa ńmú hrómɛn. Lóka tɛɛ ále ebhá, lópán áwɛ́, ńdu ale bha áyítathé hɛ́nthé. 7Ńyámí bhwá fe lɔ fɔkhwalé ńthó hrómɛn, ló le ńthó ɔ́nmɔn grɛ elé, lókhɛ́n ńthó ta mrwɛn lókhúnbrɛn. 8Lókhɛ́n ńyámí fe-ɛ khwa áyíta bhwábhwá tho, ló ásomí: brɛ sómí ya brɛ.” Ló Jezwi cu tɔ sa:
– Lephan kasé ɛpɛ njɛ áyé bhwe, tɛmɛ ɛyé mwámwá!
Lóyí hɛ́nthé khɛ́n Jezwi khɔ yandran mɛn tɔ bhwe
(Ɔ́n wú Mat 13.10-17; Ɔ́n wú Mák 4.10-12)
9Jezwi yíchwɛmán kránman Jezwi lée nkɛ lɛ yandran lókɔn thé sé wo yé. 10Ló Jezwi kranman nkɔn sa:
– Yankan Bhringbi khúbhɛ́ ɔn, hɔ́n wo chɛ hɔ́n-ɛ ɔ́n yɛn lóhrómɛn bhwe ahrɔman tre, lókhɛ́n néphan nánkhɛ ɔn, wo-ɛ, yandran mɛn nɔn okhɔ́ tɔ lóbhwe sé wo, ochɛ́sé
“Wo nɛ́n yí, khɛ́n wo le wú;
wo njɛ oyé, khɛ́n wo le yé lóthé.”
Ńyámí-dwánwo phɔ yandran, Jezwi élɛ lóthé
(Ɔ́n wú Mat 13.18-23; Ɔ́n wú Mák 4.13-20)
11– Nɛn yandran lókɔn thé o: Yankan bhwetɔ́ nɔn ali ńyámí oha. 12Néphan fe tɛsa ásitó jɛ́ njɛ si khɛ́n ńyámí khwalé. Wo yé ábhwe wo étɔ, khɛ́n logbo ka abha, anmó ábhwe wo ye yɛn nkɔn thɛ́n hrómɛn, ló ánnɛn dɛn nkɔn bhú mímí, khɛ́n okhɔ́ lóphɔ swa nkɔn. 13Néphan fe tɛsa ási ńmú khwa: wo yé ábhwe otɔ, ló wo do áphɔhá mɛn, khɛ́n wo le dɛn ágɛlé tré wo thɛ́n hrómɛn, saji wo le bhú mímí ló hɛ́nmɛn. Lóhɛ́nthé, lóka ásúwú gɛ wo, lópán wo mímíbhú liá. 14Ńthó hrómɛn si ńyámí khwalé, nɔn ali néphan eyé ábhwe wo étɔ, khɛ́n wo mɛpɔ́bhá hrómɛn, wo yɔ́ wo nbrɛn kálé sé mwanhɛ́nbhu srɛn wo, ákhwɛbhí fɛ́n lɔ tú wo mɔ́nsi, saji áthéji yí álimán lephan lɔ le dɛn wo si, áchɛ́se wo le gɛ sómí anɔn. 15Áyíta bhwábhwá tho si khɛ́n ńyámí khwa nɔn ali néphan eyé ábhwe otɔ, wo do thɛ́nbhwá mɛn, wo gɛlé ya lóphɔ, ló wo khɔ́ lóphɔ sómí.
Khanniɛn phɔ yandran
(Ɔ́n wú Mák 4.21-25)
16– Kasé otɔ khanniɛn, óle hɔ́n tré segbeyí thé, saji sɔ́nfa thé lɔ óle hɔ́n tré, khɛ́n ohɔ́n tré khanniɛnyá tho, ló néphan eká khúthé, áfí sé wo wú yí. 17Áyí khúnbrɛn tɛɛ ahrɔman tre ɔn, cíbɛn, ábha phwan sé owú, saji áyí khúnbrɛn tɛɛ ahrɔman tre kpɔ́thé, cíbɛn lóbhwe bha ká nphrámɛn sé oyé.
18Hɔ́n si ɔ́n khɔ hɔ́n eyé bhwe, tɛmɛ ɔ́n há lóphɔ mwanhɛ́n mwámwá. Átɛsalé lephan apɛ yí, óbha bhó yí bhɔ́tho háne se, khɛ́n lephan alepɛ yí, lóbhrií lókɔn ńpɛ ɔn, lólɔ wo bhá thándo yɛn.
Jezwi mɛ́n man le mɛ́n hɔnsɛ́nhɔn
(Ɔ́n wú Mat 12.46-50; Ɔ́n wú Mák 3.31-35)
19Jezwi mɛ́n man le mɛ́n hɔnsɛ́nhɔn ɔ́nmɔn bha ewui, khɛ́n néphan athubhɔ hɛ́nthé, wo le wúsi khɔ́ di nkɛ njɛ. 20Wo lo wo élɛ lómɛ́n se, ló wo étɔ sa:
– Hɛ man le hɛ hɔnsɛ́nhɔn ya ngbophro énɛn awú hɛ.
21Khɛ́n Jezwi kranman néphan khúnbrɛn sa:
– Mɛn man le mɛn hɔnsɛ́nhɔn ɔ́nmɔn ɔn, wo nɔn wo li néphan khúnbrɛn khɛ́n eyé Yankan bhwe wo étɔ, khɛ́n éji Yankan.
Jezwi chɛ ádúgran khwalé jɛɛn
(Ɔ́n wú Mat 8.23-27; Ɔ́n wú Mák 4.35-41)
22Cíbɛn, Jezwi le mɛ́n yíchwɛmán ɔ́nmɔn bha ahran bɛn hromɛn, ló ánkranmán nkɔn sa:
– Obhuriká dúji, ló wo lo. 23Lóka wo ébhurika, ló ńná ka Jezwi la. Lópán ádúgran khrákhrá bɛn jangba éjan ndu tho, ńdu esí hran, ló wo esókhú. 24Yíchwɛmán tígbali Jezwi, wo éfre nkɛ, ló wo étɔ sa:
– Hwánthe, Hwánthe, lo ebhá khú!
Lótɛ Jezwi chan ná mɛn fe, ńkhan ádúgran le duphé phran khónkhó ɔ́nmɔn lé, wo khwalé jɛɛn, ló áyé lethíí. 25Ló Jezwi ékranmán yíchwɛmán sa:
– Njɛ ɔ́n ne pɛ mímíbhú?
Khɛ́n áyí atɛ ɔn, lóbhwe etán wo hɛ́nmɛn, wo esókhú, ló wo ya wo hromɛn wo ébhi wo bɛn nbrɛn sa:
– Lólephan bɛn li lókɔn ɛ? Ántɔ bhwe sé ádúgran le ńdu nwɛ́ ɔ́nmɔn lɔ, ló wo lɔ wó jí nkɛ!
Jezwi tɛ lephan bɛn nánnánmi phromɛn phromɛn bha phɔ phɔ jan
(Ɔ́n wú Mat 8.28-34; Ɔ́n wú Mák 5.1-20)
26Jezwi le mɛ́n yíchwɛmán ɔ́nmɔn dilé Jerazeniɛn gothonɛ́n dúji atre Galile hɛ́nmɛn. 27Jezwi ka achan ahran mɛn dithé, lótɛ lóne khúbhɛ́ sɛ bɛn bha ywɛnli. Sɛ lókɔn, nánnánmi phromɛn phromɛn bha mɛ́n phɔ; lócí-áan ńdígban tɛɛ ánnɛn, ábháthó lɔ ńnɛn nɛ chre, ló ńma matho álínɔn thethé. 28Mɛ́n ka ńwu Jezwi lópán ńnukhwɛ́, ńhalé nkɛ nta mɛn, ló ántɔ átɔ́ khrákhrá mɛn sa:
– Jezwi, Yankan abha tho-áan mɛ́n Bhi, bí bhwe bha lo thethé ɛ? Mɛɛ́n na hɛ, ɛle tɛ́ yí dri mɛn phɔ kpɛ!
29Lónian mɛn khɛ́n Jezwi echɛ́ nánnánmi phromɛn chán mɛ́n phɔ thándi ɔn, lóhɛ́nthé nɔn achɛ ńtɔ bhwe yábhɛ lókɔn. Ákáfe, nánnánmi phromɛn lókɔn sɛ́npɛ́ hɛn phɔ, ló kasé okhwɛn wraká gɛ mɛ́n mɔ́n le mɛ́n nta ɔ́nmɔn, lókhɛ́n ógɛ bo-e, ákáfe antí wraká jan, ló nánnánmi hɔ́n-ɛn ló ánánkhuthé nwrɛ́ mɛn.
30Ló Jezwi bhi sɛ lókɔn sa:
– Hɛ hɛ́n li katɔ́n?
– Ló mɛ́n nkɛé, mɛn hɛ́n li “Bhrobhrobhé”.
Nánnánmi phromɛn phromɛn búdúbúdú abha mɛ́n phɔ hɛ́nthé nɔn achɛ ńkhɔ nɛn tɔ bhwe. 31Ló nánnánmi phromɛnhɔn lókɔn éla Jezwi sa nkɛ le tranmán wo lo hɛ́n ńnɔn jwan khóo hrómɛn kpɛ.
32Ńgbróko go bɛn ya lóne bhóbhó tho énɛn wo nɛnlí. Nánnánmihɔn éla Jezwi sa nkɛ sé wo mɔ́nsi wo lo hɛ́n ńgbróko go lókɔn hromɛn, ló ńse nkɔn lóphɔ mɔ́nsi. 33Lótɛ nánnánmi phromɛnhɔn chan lephan lókɔn phɔ thandi, ló wo lo hɛn ńgbróko go lókɔn hromɛn. Ńgbróko khúnbrɛn lókɔn chan ábhóbhó tho srɛ lo hɛn ńdu hrómɛn, ló wo khu du.
34Néphan ébo ńgbróko ka awu áyí lókɔn atɛ, wo wa lo ákhúbhɛ́ le nanmwe khúnbrɛn ɔ́nmɔn hrómɛn, ló wo lɛ lómɛ́n se néphan ye. 35Néphan chan khúbhɛ́ hrómɛn thandi bha ewú lóyí atɛ. Wo di Jezwi njɛ, wo wu sɛ khɛ́n nánnánmi phromɛn phromɛn chan mɛ́n phɔ thandi. Ńsɔ ntráliɛ́ chre Jezwi njɛ, ńchre mɛ́n nbrɛn chré, ló wo esókhú. 36Sɛ khɛ́n nánnánmi phromɛn phromɛn bha phɔ, lósi mɛ́n phɔ khɔ jan, néphan khɛ́n awu lóyí khúnbrɛn, wo étɔ lóbhwe sé nkɔn yé. 37Jerazeniɛn gothonɛ́n khúnbrɛn esókhú, ló wo kranman Jezwi lée, nkɛ chán wo gotho féne. Ló Jezwi lɔ ka hran mɛn bhosi lo. 38Sɛ khɛ́n nánnánmi phromɛn phromɛn chan mɛ́n phɔ thandi ɔn, mɛ́n lɔ ánna Jezwi sa nkɛ dɛn, ló mɛ́n jran nkɛ phɔ. Jezwi le dɛn, khɛ́n ńkránman nkɛ sa:
39– Tɛmɛ ɛsáji ló bháthó, ló Yankan yíbhwá khúnbrɛn lókɔn atɛ se hɛ ɔn, ɛtɔ lóbhwe sé néphan oyé.
Sɛ lókɔn saji lo, ló Jezwi yíbhwá khúnbrɛn lókɔn atɛ se, ńtɔ lóbhwe do khúbhɛ́ hrómɛn khúnbrɛn.
Jayirúsi mi bhie, le bhie khɛ́n apa Jezwi ntráliɛ́ pɛ
(Ɔ́n wú Mat 9.18-26; Ɔ́n wú Mák 5.21-43)
40Lóka Jezwi cu chan dúji bhurika, néphan do-e mwámwá, átɛsalé wo khúnbrɛn wo bháne wo ébo nkɛ. 41Sɛ bɛn óche Jayirúsi lɔ bha. Ńni hɛ́nbhúrɛ si-óthe. Ńhalé Jezwi nta mɛn, ló ánna nkɛ sa nkɛ bhá mɛ́n hwan, 42átɛsalé mɛ́n bhi bhie logro brɛ, abha elí npá áwɔ́-mɔn brɛn-áan efú há.
Jezwi ka eló lóne, ápasá ephísi mɛ́n jɛ́ njɛ khúnbrɛn. 43Bhie bɛn lɔ bha wo hromɛn, ńjɛchrélɔ́ bha mɛ́n phɔ áli npá áwɔ́-mɔn. Ńnɔ mɛ́n jɛtɛn khúnbrɛn phu phɔtɛ́mán yé. Álepɛ lephan brɛ agɛ tɛ mɛ́n phɔ jan. 44Ńkhɔ Jezwi mánji pa nkɛ ntráliɛ́ mɛ́n pɛ, lóyámɛ́n, mɛ́n njɛchré thu. 45Ló Jezwi bhi nkɔn sa:
– Abɛn pa mɛn pɛ ɛ?
Wo khúnbrɛn wo tɔ brɛ brɛ mɛn sa, léli mɛn, ló Piɛ étɔ sa:
– Yíliéwo, ápasá jekhali hɛ, wo ephísi hɛ jɛ́ njɛ khúnbrɛn, lótɛ khɛ́n ɛcu ɛ́bhi lée abɛn pa mɛn pɛ?
46Ló Jezwi tɔ sa:
– Lephan bɛn pa mɛn pɛ tɛɛ, mɛn yɛn salé ńsɛ́npɛ́ bɛn chan mɛn phɔ thandi.
47Bhie lókɔn wu salé mɛ́n yí lókɔn ńtɛ, áka tho, lótɛ ńman halé Jezwi nta mɛn, ló ánfa. Néphan khúnbrɛn hɛ́nmɛn, lóyí achɛ khɛ́n ńpa Jezwi ntráliɛ́ pɛ, le mɛ́n phɔ si akhɔ jan lóyámɛ́n, ńtɔ lóbhwe se nkɛ ye. 48Ló Jezwi krɛnmɛn sa:
– Mɛn mi bhie, hɛ mímíbhú do hɛ ka, tɛmɛ ɛlo ńthɛ́nkhwálé hrómɛn.
49Jezwi bhwe tɛɛ étɔ ɔ́nmɔn lo ɔn, lópán lephan bɛn chan athe Jayirúsi hwan bha ékranmán Jayirúsi lée:
– Hɛ bhi khu. Ɛlé ya lri Yíliéwo gbre npɔhɔ́n.
50Jezwi ye lóbhwe, ló ńkránman Jayirúsi salé:
– Ńthɛ́n ole lí hɛ, tɛmɛ ɛbhú mímí pán, lée ánmán fe.
51Jezwi ka adi bháthó, ńnɛn dɛn néphan nankhɛ gɛ ɔ́nmɔn hɛn khúthé, kasé áleli Piɛ, Jan, Jakhi le bhiebhri mɛ́n themánhɔn ɔ́nmɔn pán. 52Néphan khúnbrɛn ethɔ́n hɛ́ndu, wo etɛ́ dandan, bhiebhri khú akhu hɛ́nthé, ló Jezwi tɔ sa:
– Ɔ́n ne thɔ́n hɛ́ndu a, ńnɛn khu, lée ńná wrɛ́ pán anná.
53Lótɛ wo epiɛ́n nkɛ mɛ́n lé, lósi akhɔ tɛ ɔn, wo yɛn salé nkɛ khu. 54Jezwi hɔn bhiebhri mɔ́n pɛ, ló átɔ́ khrákhrá mɛn, ántɔ sa:
– Yípɔ, chanfe!
55Lótɛ bhiebhri nánnánmi saji bha ka mɛ́n phɔ. Lóyámɛ́n ńchanthé fe, ló Jezwi chɛ wo tɛ nɛn se nkɛ li. 56Lóbhwe etán mɛ́n themánhɔn hɛ́nmɛn kpɛ́ɛ́n. Khɛ́n Jezwi di nkɔn bi salé nkɔn lé tɔ lóbhwe sé lephan brɛ oyé bhrɔ́ɔ́.
Iliyochaguliwa sasa
LWIKHI 8: ENT96
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ebrié New Testament © Bible Society of Côte D'Ivoire, 1996.
LWIKHI 8
8
Ńmie khɛ́n alo éje Jezwi tɔ Yankan bhwe
1Lómánji, Jezwi lo ákhúbhɛ́ khónkhó le ákhúbhɛ́ chɛ́-nchɛ́ ɔ́nmɔn hrómɛn étɔ Ábhwe Bhwábhwá ali Yankan Bhringbi khúbhɛ́ phɔ bhwe. 2Yíchwɛmán áwɔ́-mɔn gɛ ɔ́nmɔn lo, saji ńmie dɔnbɛn lɔ gɛ ɔ́nmɔn lo. Wo mie lókɔn, ńphrɛ tranman nánnánmi phromɛn phromɛn yɛn nkɔn phɔ, ló ńtɛ nkɔn phɔ jan. Ló wo mie lókɔn, wo nɔn wo li: Mari (óche Mari achan Madala khúbhɛ́), khɛ́n Jezwi phrɛ tranman nánnánmi phromɛn phromɛn ákhwache yɛn mɛ́n phɔ. 3Lóbɛn nɔn ali Janɛn aphɛn Chuza khɛ́n Erɔde bháthó yí khúnbrɛn bha mɛ́n mɔ́n mɛn, lójɔ bɛn hɛ́n li Suzanɛn. Ńmie búdúbúdú nánkhɛhɔn lɔ bha wo hromɛn. Wo mie khúnbrɛn lókɔn, wo yí tɛɛ wo pɛ ɔn, wo khwɛn dɔnman Jezwi le nkɛ yíchwɛmán ɔ́nmɔn mɔ́n.
Ńyámí-dwánwo bɛn phɔ yandran
(Ɔ́n wú Mat 13.1-9; Ɔ́n wú Mák 4.1-9)
4Néphan chan ákhúbhɛ́ brɛ brɛ khúnbrɛn hrómɛn bha gɛ Jezwi. Lóka ńwu salé néphan abhurɛhɛ́n nkɔn thubhɔ ɔn, lótɛ Jezwi bhu yandran lókɔn se wo, ló ántɔ sa:
5“Sɛ bɛn lo bithe éha nyámí. Lóka ankú nyámí khwá mɛ́n gɔn, fe khwa ásitó jɛ́ njɛ, néphan cha khɔ lótho, ló ńkɔ́cran lɔ bha chwan li. 6Lódɔnbɛn khwa ńmú hrómɛn. Lóka tɛɛ ále ebhá, lópán áwɛ́, ńdu ale bha áyítathé hɛ́nthé. 7Ńyámí bhwá fe lɔ fɔkhwalé ńthó hrómɛn, ló le ńthó ɔ́nmɔn grɛ elé, lókhɛ́n ńthó ta mrwɛn lókhúnbrɛn. 8Lókhɛ́n ńyámí fe-ɛ khwa áyíta bhwábhwá tho, ló ásomí: brɛ sómí ya brɛ.” Ló Jezwi cu tɔ sa:
– Lephan kasé ɛpɛ njɛ áyé bhwe, tɛmɛ ɛyé mwámwá!
Lóyí hɛ́nthé khɛ́n Jezwi khɔ yandran mɛn tɔ bhwe
(Ɔ́n wú Mat 13.10-17; Ɔ́n wú Mák 4.10-12)
9Jezwi yíchwɛmán kránman Jezwi lée nkɛ lɛ yandran lókɔn thé sé wo yé. 10Ló Jezwi kranman nkɔn sa:
– Yankan Bhringbi khúbhɛ́ ɔn, hɔ́n wo chɛ hɔ́n-ɛ ɔ́n yɛn lóhrómɛn bhwe ahrɔman tre, lókhɛ́n néphan nánkhɛ ɔn, wo-ɛ, yandran mɛn nɔn okhɔ́ tɔ lóbhwe sé wo, ochɛ́sé
“Wo nɛ́n yí, khɛ́n wo le wú;
wo njɛ oyé, khɛ́n wo le yé lóthé.”
Ńyámí-dwánwo phɔ yandran, Jezwi élɛ lóthé
(Ɔ́n wú Mat 13.18-23; Ɔ́n wú Mák 4.13-20)
11– Nɛn yandran lókɔn thé o: Yankan bhwetɔ́ nɔn ali ńyámí oha. 12Néphan fe tɛsa ásitó jɛ́ njɛ si khɛ́n ńyámí khwalé. Wo yé ábhwe wo étɔ, khɛ́n logbo ka abha, anmó ábhwe wo ye yɛn nkɔn thɛ́n hrómɛn, ló ánnɛn dɛn nkɔn bhú mímí, khɛ́n okhɔ́ lóphɔ swa nkɔn. 13Néphan fe tɛsa ási ńmú khwa: wo yé ábhwe otɔ, ló wo do áphɔhá mɛn, khɛ́n wo le dɛn ágɛlé tré wo thɛ́n hrómɛn, saji wo le bhú mímí ló hɛ́nmɛn. Lóhɛ́nthé, lóka ásúwú gɛ wo, lópán wo mímíbhú liá. 14Ńthó hrómɛn si ńyámí khwalé, nɔn ali néphan eyé ábhwe wo étɔ, khɛ́n wo mɛpɔ́bhá hrómɛn, wo yɔ́ wo nbrɛn kálé sé mwanhɛ́nbhu srɛn wo, ákhwɛbhí fɛ́n lɔ tú wo mɔ́nsi, saji áthéji yí álimán lephan lɔ le dɛn wo si, áchɛ́se wo le gɛ sómí anɔn. 15Áyíta bhwábhwá tho si khɛ́n ńyámí khwa nɔn ali néphan eyé ábhwe otɔ, wo do thɛ́nbhwá mɛn, wo gɛlé ya lóphɔ, ló wo khɔ́ lóphɔ sómí.
Khanniɛn phɔ yandran
(Ɔ́n wú Mák 4.21-25)
16– Kasé otɔ khanniɛn, óle hɔ́n tré segbeyí thé, saji sɔ́nfa thé lɔ óle hɔ́n tré, khɛ́n ohɔ́n tré khanniɛnyá tho, ló néphan eká khúthé, áfí sé wo wú yí. 17Áyí khúnbrɛn tɛɛ ahrɔman tre ɔn, cíbɛn, ábha phwan sé owú, saji áyí khúnbrɛn tɛɛ ahrɔman tre kpɔ́thé, cíbɛn lóbhwe bha ká nphrámɛn sé oyé.
18Hɔ́n si ɔ́n khɔ hɔ́n eyé bhwe, tɛmɛ ɔ́n há lóphɔ mwanhɛ́n mwámwá. Átɛsalé lephan apɛ yí, óbha bhó yí bhɔ́tho háne se, khɛ́n lephan alepɛ yí, lóbhrií lókɔn ńpɛ ɔn, lólɔ wo bhá thándo yɛn.
Jezwi mɛ́n man le mɛ́n hɔnsɛ́nhɔn
(Ɔ́n wú Mat 12.46-50; Ɔ́n wú Mák 3.31-35)
19Jezwi mɛ́n man le mɛ́n hɔnsɛ́nhɔn ɔ́nmɔn bha ewui, khɛ́n néphan athubhɔ hɛ́nthé, wo le wúsi khɔ́ di nkɛ njɛ. 20Wo lo wo élɛ lómɛ́n se, ló wo étɔ sa:
– Hɛ man le hɛ hɔnsɛ́nhɔn ya ngbophro énɛn awú hɛ.
21Khɛ́n Jezwi kranman néphan khúnbrɛn sa:
– Mɛn man le mɛn hɔnsɛ́nhɔn ɔ́nmɔn ɔn, wo nɔn wo li néphan khúnbrɛn khɛ́n eyé Yankan bhwe wo étɔ, khɛ́n éji Yankan.
Jezwi chɛ ádúgran khwalé jɛɛn
(Ɔ́n wú Mat 8.23-27; Ɔ́n wú Mák 4.35-41)
22Cíbɛn, Jezwi le mɛ́n yíchwɛmán ɔ́nmɔn bha ahran bɛn hromɛn, ló ánkranmán nkɔn sa:
– Obhuriká dúji, ló wo lo. 23Lóka wo ébhurika, ló ńná ka Jezwi la. Lópán ádúgran khrákhrá bɛn jangba éjan ndu tho, ńdu esí hran, ló wo esókhú. 24Yíchwɛmán tígbali Jezwi, wo éfre nkɛ, ló wo étɔ sa:
– Hwánthe, Hwánthe, lo ebhá khú!
Lótɛ Jezwi chan ná mɛn fe, ńkhan ádúgran le duphé phran khónkhó ɔ́nmɔn lé, wo khwalé jɛɛn, ló áyé lethíí. 25Ló Jezwi ékranmán yíchwɛmán sa:
– Njɛ ɔ́n ne pɛ mímíbhú?
Khɛ́n áyí atɛ ɔn, lóbhwe etán wo hɛ́nmɛn, wo esókhú, ló wo ya wo hromɛn wo ébhi wo bɛn nbrɛn sa:
– Lólephan bɛn li lókɔn ɛ? Ántɔ bhwe sé ádúgran le ńdu nwɛ́ ɔ́nmɔn lɔ, ló wo lɔ wó jí nkɛ!
Jezwi tɛ lephan bɛn nánnánmi phromɛn phromɛn bha phɔ phɔ jan
(Ɔ́n wú Mat 8.28-34; Ɔ́n wú Mák 5.1-20)
26Jezwi le mɛ́n yíchwɛmán ɔ́nmɔn dilé Jerazeniɛn gothonɛ́n dúji atre Galile hɛ́nmɛn. 27Jezwi ka achan ahran mɛn dithé, lótɛ lóne khúbhɛ́ sɛ bɛn bha ywɛnli. Sɛ lókɔn, nánnánmi phromɛn phromɛn bha mɛ́n phɔ; lócí-áan ńdígban tɛɛ ánnɛn, ábháthó lɔ ńnɛn nɛ chre, ló ńma matho álínɔn thethé. 28Mɛ́n ka ńwu Jezwi lópán ńnukhwɛ́, ńhalé nkɛ nta mɛn, ló ántɔ átɔ́ khrákhrá mɛn sa:
– Jezwi, Yankan abha tho-áan mɛ́n Bhi, bí bhwe bha lo thethé ɛ? Mɛɛ́n na hɛ, ɛle tɛ́ yí dri mɛn phɔ kpɛ!
29Lónian mɛn khɛ́n Jezwi echɛ́ nánnánmi phromɛn chán mɛ́n phɔ thándi ɔn, lóhɛ́nthé nɔn achɛ ńtɔ bhwe yábhɛ lókɔn. Ákáfe, nánnánmi phromɛn lókɔn sɛ́npɛ́ hɛn phɔ, ló kasé okhwɛn wraká gɛ mɛ́n mɔ́n le mɛ́n nta ɔ́nmɔn, lókhɛ́n ógɛ bo-e, ákáfe antí wraká jan, ló nánnánmi hɔ́n-ɛn ló ánánkhuthé nwrɛ́ mɛn.
30Ló Jezwi bhi sɛ lókɔn sa:
– Hɛ hɛ́n li katɔ́n?
– Ló mɛ́n nkɛé, mɛn hɛ́n li “Bhrobhrobhé”.
Nánnánmi phromɛn phromɛn búdúbúdú abha mɛ́n phɔ hɛ́nthé nɔn achɛ ńkhɔ nɛn tɔ bhwe. 31Ló nánnánmi phromɛnhɔn lókɔn éla Jezwi sa nkɛ le tranmán wo lo hɛ́n ńnɔn jwan khóo hrómɛn kpɛ.
32Ńgbróko go bɛn ya lóne bhóbhó tho énɛn wo nɛnlí. Nánnánmihɔn éla Jezwi sa nkɛ sé wo mɔ́nsi wo lo hɛ́n ńgbróko go lókɔn hromɛn, ló ńse nkɔn lóphɔ mɔ́nsi. 33Lótɛ nánnánmi phromɛnhɔn chan lephan lókɔn phɔ thandi, ló wo lo hɛn ńgbróko go lókɔn hromɛn. Ńgbróko khúnbrɛn lókɔn chan ábhóbhó tho srɛ lo hɛn ńdu hrómɛn, ló wo khu du.
34Néphan ébo ńgbróko ka awu áyí lókɔn atɛ, wo wa lo ákhúbhɛ́ le nanmwe khúnbrɛn ɔ́nmɔn hrómɛn, ló wo lɛ lómɛ́n se néphan ye. 35Néphan chan khúbhɛ́ hrómɛn thandi bha ewú lóyí atɛ. Wo di Jezwi njɛ, wo wu sɛ khɛ́n nánnánmi phromɛn phromɛn chan mɛ́n phɔ thandi. Ńsɔ ntráliɛ́ chre Jezwi njɛ, ńchre mɛ́n nbrɛn chré, ló wo esókhú. 36Sɛ khɛ́n nánnánmi phromɛn phromɛn bha phɔ, lósi mɛ́n phɔ khɔ jan, néphan khɛ́n awu lóyí khúnbrɛn, wo étɔ lóbhwe sé nkɔn yé. 37Jerazeniɛn gothonɛ́n khúnbrɛn esókhú, ló wo kranman Jezwi lée, nkɛ chán wo gotho féne. Ló Jezwi lɔ ka hran mɛn bhosi lo. 38Sɛ khɛ́n nánnánmi phromɛn phromɛn chan mɛ́n phɔ thandi ɔn, mɛ́n lɔ ánna Jezwi sa nkɛ dɛn, ló mɛ́n jran nkɛ phɔ. Jezwi le dɛn, khɛ́n ńkránman nkɛ sa:
39– Tɛmɛ ɛsáji ló bháthó, ló Yankan yíbhwá khúnbrɛn lókɔn atɛ se hɛ ɔn, ɛtɔ lóbhwe sé néphan oyé.
Sɛ lókɔn saji lo, ló Jezwi yíbhwá khúnbrɛn lókɔn atɛ se, ńtɔ lóbhwe do khúbhɛ́ hrómɛn khúnbrɛn.
Jayirúsi mi bhie, le bhie khɛ́n apa Jezwi ntráliɛ́ pɛ
(Ɔ́n wú Mat 9.18-26; Ɔ́n wú Mák 5.21-43)
40Lóka Jezwi cu chan dúji bhurika, néphan do-e mwámwá, átɛsalé wo khúnbrɛn wo bháne wo ébo nkɛ. 41Sɛ bɛn óche Jayirúsi lɔ bha. Ńni hɛ́nbhúrɛ si-óthe. Ńhalé Jezwi nta mɛn, ló ánna nkɛ sa nkɛ bhá mɛ́n hwan, 42átɛsalé mɛ́n bhi bhie logro brɛ, abha elí npá áwɔ́-mɔn brɛn-áan efú há.
Jezwi ka eló lóne, ápasá ephísi mɛ́n jɛ́ njɛ khúnbrɛn. 43Bhie bɛn lɔ bha wo hromɛn, ńjɛchrélɔ́ bha mɛ́n phɔ áli npá áwɔ́-mɔn. Ńnɔ mɛ́n jɛtɛn khúnbrɛn phu phɔtɛ́mán yé. Álepɛ lephan brɛ agɛ tɛ mɛ́n phɔ jan. 44Ńkhɔ Jezwi mánji pa nkɛ ntráliɛ́ mɛ́n pɛ, lóyámɛ́n, mɛ́n njɛchré thu. 45Ló Jezwi bhi nkɔn sa:
– Abɛn pa mɛn pɛ ɛ?
Wo khúnbrɛn wo tɔ brɛ brɛ mɛn sa, léli mɛn, ló Piɛ étɔ sa:
– Yíliéwo, ápasá jekhali hɛ, wo ephísi hɛ jɛ́ njɛ khúnbrɛn, lótɛ khɛ́n ɛcu ɛ́bhi lée abɛn pa mɛn pɛ?
46Ló Jezwi tɔ sa:
– Lephan bɛn pa mɛn pɛ tɛɛ, mɛn yɛn salé ńsɛ́npɛ́ bɛn chan mɛn phɔ thandi.
47Bhie lókɔn wu salé mɛ́n yí lókɔn ńtɛ, áka tho, lótɛ ńman halé Jezwi nta mɛn, ló ánfa. Néphan khúnbrɛn hɛ́nmɛn, lóyí achɛ khɛ́n ńpa Jezwi ntráliɛ́ pɛ, le mɛ́n phɔ si akhɔ jan lóyámɛ́n, ńtɔ lóbhwe se nkɛ ye. 48Ló Jezwi krɛnmɛn sa:
– Mɛn mi bhie, hɛ mímíbhú do hɛ ka, tɛmɛ ɛlo ńthɛ́nkhwálé hrómɛn.
49Jezwi bhwe tɛɛ étɔ ɔ́nmɔn lo ɔn, lópán lephan bɛn chan athe Jayirúsi hwan bha ékranmán Jayirúsi lée:
– Hɛ bhi khu. Ɛlé ya lri Yíliéwo gbre npɔhɔ́n.
50Jezwi ye lóbhwe, ló ńkránman Jayirúsi salé:
– Ńthɛ́n ole lí hɛ, tɛmɛ ɛbhú mímí pán, lée ánmán fe.
51Jezwi ka adi bháthó, ńnɛn dɛn néphan nankhɛ gɛ ɔ́nmɔn hɛn khúthé, kasé áleli Piɛ, Jan, Jakhi le bhiebhri mɛ́n themánhɔn ɔ́nmɔn pán. 52Néphan khúnbrɛn ethɔ́n hɛ́ndu, wo etɛ́ dandan, bhiebhri khú akhu hɛ́nthé, ló Jezwi tɔ sa:
– Ɔ́n ne thɔ́n hɛ́ndu a, ńnɛn khu, lée ńná wrɛ́ pán anná.
53Lótɛ wo epiɛ́n nkɛ mɛ́n lé, lósi akhɔ tɛ ɔn, wo yɛn salé nkɛ khu. 54Jezwi hɔn bhiebhri mɔ́n pɛ, ló átɔ́ khrákhrá mɛn, ántɔ sa:
– Yípɔ, chanfe!
55Lótɛ bhiebhri nánnánmi saji bha ka mɛ́n phɔ. Lóyámɛ́n ńchanthé fe, ló Jezwi chɛ wo tɛ nɛn se nkɛ li. 56Lóbhwe etán mɛ́n themánhɔn hɛ́nmɛn kpɛ́ɛ́n. Khɛ́n Jezwi di nkɔn bi salé nkɔn lé tɔ lóbhwe sé lephan brɛ oyé bhrɔ́ɔ́.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Ebrié New Testament © Bible Society of Côte D'Ivoire, 1996.