Romanos 5
5
Ja jastal wa skoltayotik ja Dyosi
1Toj xa wax yilawotik ja Dyos yuj ja wax k'u'antik ja Ye'n. Sts'akatal ja Kajwaltik Jesusi. Ja'yuj ja ya'n lamanxa ay ja jk'ujoltik sok ja Dyosi. 2Jel gusto ayotik yuj ja jk'u'antikta ja Jesusi, ja'yuj ja ya'n la ajyukotik gusto yuj ja syajal sk'ujol ja Dyosi, yuj ja oj k'otuk ja k'ak'u lajan oj ajyokotik sok ja b'a jel tsamal xlijpi'i. 3La cho ajyukotik gusto ja yajni wa'ntik yi'jel wokoli, la jna'tik jastal oj ka'tik ek'uk ja wokol jawi. 4-5Ta wan k'ax na'atik jastal oj ka'tik ek'uk, lek ni oj yil'otik ja Dyosi, ta lek k'a wax yilawotik ja ye'n, oj b'ob' jna'tik yujni meran oj ta' jkoltajeltika. Ja jawi wanxanix na'atik jach' jastal jawa: Ja Dyosi ojni ya' ja jas yaluneji, ye'n sb'ut'u ja kaltsiltik sok ja syajal sk'ujoli, sok ja Espiritu Santo ya'oj ki'tiki.
6Ja yora mix b'ob' jkolta b'ajtik sok ja jmultiki, ja' k'ak'u jaw ja cham ja Kajwaltik Jesús yuj ja ke'ntiki. 7Ja smeranili, mi ma oj b'ob' ya' sb'aj b'a oj miljuk yuj ja oj skoltan ja smoji, a'nima jel lekuk ja winik jawi. Ta ay k'a ma oj ya' sb'aj b'a oj chamuk yuj ja smoji, yujni jel lek ja winik jawa. 8Ja Dyosi sje'a ki'tik jastal jel niwan ja syajal sk'ujol jmoktiki, ja'yuj sjeka ja Kajwaltik Jesusi jak cham yuj ja ke'ntiki, yuja jeltoni wax le'a ja jmultik ja k'ak'u jawa.
9Ta yuj k'a ja ti sch'aya ja jmultik ja Dyos yuj ja cham ja Kajwaltik Jesusi, ja'yuj ay lek sb'ej sok sts'akatal lek ja Kajwaltik ja ya elkotik ja b'a wokol oj ki'tik b'a stik'anali. 10Ja'yuj ja yajni mi lek xkila jb'ajtik sok ja Dyosi, sjeka ja yunin Jesús b'a jak cham yuj ja ke'ntiki, ja ya'n wa skoltayotik yuj ja sak'ani, sok gusto aytik sok ja Dyosi. 11Sok mi kechanuka, la ka'tik yi ts'akatal ja Dyos yuj ja jel gusto aytik sok ja Kajwaltik Jesusi.
12Ja b'ajtan mulal och ja b'a lu'um ja yajni sk'oko ja yab'al ja Dyos ja Adani yuj ja mulal jawi, ja'yuj kajkajil wala chamtik, yuj ja wanix ch'ak jle' ja jmultika. 13Ja yajni mitox ya'a ja mandar ja Dyosi, spetsanil ja kristyano jumasa wani sle'a ja smule'a. Yuj ja mi max b'ob' yal ta yuj wa'ne sk'okjel jun mandar, ja yajni mito ay ja mandari. 14Ja kristyano jumasa man b'a sk'ak'u'il ja Adani sok man sb'a Moisesi chamye'ni'a, yujni sle'a ja smule'a, a'nima mi wa sk'okowe jun mandar jastal sk'oko ja Adani. Mulalni'a, ja Jesusi, ja jak sk'u'luk ja b'a jel tsamali.
15Mini t'un oj slaj ja mulal yi'aj jan ja Adani, sok ja jas k'eb'aki'tik ja Dyosi. Yuj ja smul yi'aj jan ja Adani, ja'yuj jitsan ma wax chami; Yuj ja Kajwaltik Jesusi, ja Dyosi ja' ya'ki'tik jastal jun niwan jmajtantik, sok ja'ni b'a jlekilaltik jpetsaniltika. 16Ja smul ja Adani mi oj b'ob' slaj sb'aj sok ja jas k'eb'aki'tik ja Dyosi. Ja smul ja Adani, yala ja Dyos ye'nani kuchan yuj ja mulal jawa. Sts'akatal ja Kajwaltik Jesusi, toj k'eb'ub'al ya el libre ja ma'tik wa sle'a ja smuli, a'nima mi sb'ejuk ja jas k'u'laji yi'e'i. 17Ta jak'a yuj ja smul ja Adani, ja ti wax cham ja kristyano jumasa b'a lu'umi, ja'yuj jel sb'ej ja ke'ntik ja ya'n ti oj ajyukotik b'a yajk'achil yab'al ja Kajwaltik Jesusi, ja Dyosi, jel wa syajtayotik yuj ja ti'xa aytik sok ja ye'n sok mini jas wa sk'anaki'tika.
18Yuj ja smul ja Adani, ja'yuj yala ja Dyos jpetsaniltik ojni chamkotika; Sts'akatal lek ja Kajwaltik Jesús yuj ja cham yuj ja ke'ntiki, sch'aya spetsanil ja jmultiki, cho ya'ki'tik ja jsak'aniltik b'a mini oj ch'akuki. 19Yuj smul june sk'oko ja smandar ja Dyosi, ja'yuj jitsan ja ma wa sle'a ja smuli, ja yuj cho sk'u'ani ja Kajwaltik Jesús ja jas alji yab' yuj ja Dyosi, ja'yuj ja Dyosi jel jitsan ja ma sch'aya yi ja smuli.
20Yajni sje'a ja mandar it a'ji yi ja Moisesi, jel ni tsats waj ja mulala; Yuj ja jel jelxi, ja'yuj sje'a ja syajal sk'ujol ja Dyosi. 21Ta ja k'a yuj ja mulal ja ti wax cham ja kristyano jumasa, jaxa syajal sk'ujol ja Dyosi, wax ya'a sak'anil. Ja'yuj ja Dyosi, sch'aya ja jmultiki, sok ya'ta ja jsak'aniltik b'a mi' oj ch'akuki, ja'ni yuj ja Kajwaltik Jesusi.
Iliyochaguliwa sasa
Romanos 5: YABD
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021
Romanos 5
5
Ja jastal wa skoltayotik ja Dyosi
1Toj xa wax yilawotik ja Dyos yuj ja wax k'u'antik ja Ye'n. Sts'akatal ja Kajwaltik Jesusi. Ja'yuj ja ya'n lamanxa ay ja jk'ujoltik sok ja Dyosi. 2Jel gusto ayotik yuj ja jk'u'antikta ja Jesusi, ja'yuj ja ya'n la ajyukotik gusto yuj ja syajal sk'ujol ja Dyosi, yuj ja oj k'otuk ja k'ak'u lajan oj ajyokotik sok ja b'a jel tsamal xlijpi'i. 3La cho ajyukotik gusto ja yajni wa'ntik yi'jel wokoli, la jna'tik jastal oj ka'tik ek'uk ja wokol jawi. 4-5Ta wan k'ax na'atik jastal oj ka'tik ek'uk, lek ni oj yil'otik ja Dyosi, ta lek k'a wax yilawotik ja ye'n, oj b'ob' jna'tik yujni meran oj ta' jkoltajeltika. Ja jawi wanxanix na'atik jach' jastal jawa: Ja Dyosi ojni ya' ja jas yaluneji, ye'n sb'ut'u ja kaltsiltik sok ja syajal sk'ujoli, sok ja Espiritu Santo ya'oj ki'tiki.
6Ja yora mix b'ob' jkolta b'ajtik sok ja jmultiki, ja' k'ak'u jaw ja cham ja Kajwaltik Jesús yuj ja ke'ntiki. 7Ja smeranili, mi ma oj b'ob' ya' sb'aj b'a oj miljuk yuj ja oj skoltan ja smoji, a'nima jel lekuk ja winik jawi. Ta ay k'a ma oj ya' sb'aj b'a oj chamuk yuj ja smoji, yujni jel lek ja winik jawa. 8Ja Dyosi sje'a ki'tik jastal jel niwan ja syajal sk'ujol jmoktiki, ja'yuj sjeka ja Kajwaltik Jesusi jak cham yuj ja ke'ntiki, yuja jeltoni wax le'a ja jmultik ja k'ak'u jawa.
9Ta yuj k'a ja ti sch'aya ja jmultik ja Dyos yuj ja cham ja Kajwaltik Jesusi, ja'yuj ay lek sb'ej sok sts'akatal lek ja Kajwaltik ja ya elkotik ja b'a wokol oj ki'tik b'a stik'anali. 10Ja'yuj ja yajni mi lek xkila jb'ajtik sok ja Dyosi, sjeka ja yunin Jesús b'a jak cham yuj ja ke'ntiki, ja ya'n wa skoltayotik yuj ja sak'ani, sok gusto aytik sok ja Dyosi. 11Sok mi kechanuka, la ka'tik yi ts'akatal ja Dyos yuj ja jel gusto aytik sok ja Kajwaltik Jesusi.
12Ja b'ajtan mulal och ja b'a lu'um ja yajni sk'oko ja yab'al ja Dyos ja Adani yuj ja mulal jawi, ja'yuj kajkajil wala chamtik, yuj ja wanix ch'ak jle' ja jmultika. 13Ja yajni mitox ya'a ja mandar ja Dyosi, spetsanil ja kristyano jumasa wani sle'a ja smule'a. Yuj ja mi max b'ob' yal ta yuj wa'ne sk'okjel jun mandar, ja yajni mito ay ja mandari. 14Ja kristyano jumasa man b'a sk'ak'u'il ja Adani sok man sb'a Moisesi chamye'ni'a, yujni sle'a ja smule'a, a'nima mi wa sk'okowe jun mandar jastal sk'oko ja Adani. Mulalni'a, ja Jesusi, ja jak sk'u'luk ja b'a jel tsamali.
15Mini t'un oj slaj ja mulal yi'aj jan ja Adani, sok ja jas k'eb'aki'tik ja Dyosi. Yuj ja smul yi'aj jan ja Adani, ja'yuj jitsan ma wax chami; Yuj ja Kajwaltik Jesusi, ja Dyosi ja' ya'ki'tik jastal jun niwan jmajtantik, sok ja'ni b'a jlekilaltik jpetsaniltika. 16Ja smul ja Adani mi oj b'ob' slaj sb'aj sok ja jas k'eb'aki'tik ja Dyosi. Ja smul ja Adani, yala ja Dyos ye'nani kuchan yuj ja mulal jawa. Sts'akatal ja Kajwaltik Jesusi, toj k'eb'ub'al ya el libre ja ma'tik wa sle'a ja smuli, a'nima mi sb'ejuk ja jas k'u'laji yi'e'i. 17Ta jak'a yuj ja smul ja Adani, ja ti wax cham ja kristyano jumasa b'a lu'umi, ja'yuj jel sb'ej ja ke'ntik ja ya'n ti oj ajyukotik b'a yajk'achil yab'al ja Kajwaltik Jesusi, ja Dyosi, jel wa syajtayotik yuj ja ti'xa aytik sok ja ye'n sok mini jas wa sk'anaki'tika.
18Yuj ja smul ja Adani, ja'yuj yala ja Dyos jpetsaniltik ojni chamkotika; Sts'akatal lek ja Kajwaltik Jesús yuj ja cham yuj ja ke'ntiki, sch'aya spetsanil ja jmultiki, cho ya'ki'tik ja jsak'aniltik b'a mini oj ch'akuki. 19Yuj smul june sk'oko ja smandar ja Dyosi, ja'yuj jitsan ja ma wa sle'a ja smuli, ja yuj cho sk'u'ani ja Kajwaltik Jesús ja jas alji yab' yuj ja Dyosi, ja'yuj ja Dyosi jel jitsan ja ma sch'aya yi ja smuli.
20Yajni sje'a ja mandar it a'ji yi ja Moisesi, jel ni tsats waj ja mulala; Yuj ja jel jelxi, ja'yuj sje'a ja syajal sk'ujol ja Dyosi. 21Ta ja k'a yuj ja mulal ja ti wax cham ja kristyano jumasa, jaxa syajal sk'ujol ja Dyosi, wax ya'a sak'anil. Ja'yuj ja Dyosi, sch'aya ja jmultiki, sok ya'ta ja jsak'aniltik b'a mi' oj ch'akuki, ja'ni yuj ja Kajwaltik Jesusi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021