Romanos 3
3
1La kiltik a wile: ¿Jel lek ja judio'tiki? ¿Ayto ma slekil ja wax yi'aj senya ja k'uniltiki? 2—Jastal b'i mey slekil— ja yab'al ja Dyosi, mi ma' tuk k'ot sb'aj b'ajtan kechani ye'nle ja judio jumasa'a. 3Ja smeranili a'nima ay chab' oxe ja ye'nle' mi skisawe, ja jawi mi wa sk'ana yale, ke mi oj sk'u'luk ja Dyos ja jas yaluneji. 4—Miyuk. A'nima spetsanil ja kristyano wa sle'a ab'al, jaxa Dyosi wax yala ja smeranili. Ja b'a yab'al ja Dyosi jach' wax yala jastal iti:
—Spetsanile, oj sna'e
ke wanixa wala ja smeranila.
Ja'yuj oj ja k'ul ganar
ja yajni wa xle'ji a mul ja b'a sti sat ja ma' ay ya'teli.
5Spetsanil ja jas mi lekuk wax k'u'lantiki, ta wan k'ax ya jtuptik ja Dyosi, ti wa sje'a yujni jel toj ja ye'ni. Mi ja' ti oj kaltik yuj ye'n mi tojuka. 6—Miyuk. Ja lek yuj mi tojuk ja ye'n, ¿Jastal oj b'ob' yal ta lek ma mi lekuk ja jas wa sk'u'lane ja kristyano'i? 7-8Ta yuj k'a wa'non le'uj ab'al, sok jel wa xmakuni ja jastal wa sk'ana ja Dyosi, sok jel tsamal wa'n wajel, jasyuj ja lom waxa ta'awex ki jmul b'a. Ta jach' k'a jastal jawi, ay ma oj yal ke mas lek la jk'ultik ja b'a lekuki, b'a mi oj ta'tik ja slekilali, ay ma wax yala ke'n wa'non sje'jel ja jastal jawi, ja kristyano jumasa ma wax yala jastal jawi, ojni a'ji stup'e'a.
Mi ma toj
9¿Spetsanil ja iti, yuj a ma wa sk'ana yal yuj jel lekotik ja ke'ntik ja janek' judio'otik yuj ja tuk jumasa b'a? —Miyuk— jastal kal ta awabyexi, judio ma mi judio'uk jpetsaniltik wanix le'a ja jmultika. 10Ja yab'al ja Dyosi, wax yala kab'tik:
—Mi ma toj.
11Mi ma xyab' sb'ej,
mi ma sk'ana oj sle' ja Dyosi.
12Spetsanile ch'ak ya'we kan pilan ja Dyosi;
spetsanile mini t'un lek ja jas wa sk'ulane'i.
Mixani jun ma,
sk'ana oj sk'u'luk ja b'a leka.
13Kechan ja' wajel sk'ujole ja k'umal b'a mi lekuki;
ja' schole ja le'uj ab'ali.
Mi lekuk ja jas wa sk'u'laneyi ja smoje yuj
ja jas wax yalawe'i,
lajan sok jastal ja
sya'al sti' ja ajuchani.
14Mi lek xk'umaniye
coraja wax yilawe ja kristyano'i.
15Jel wego wax tajkiye
chikan ma wa smilawe.
16Chikan b'a wax waj ye'a,
wax ch'ak sjom'e' kani
mi ik'b'en sb'ej ja jastal wax ya'we kani.
17Mi sna'awe jastal oj ajyuke laman,
18Mi skisawe ja Dyosi.
19Wax na'atik ja smandar ja Moisesi, ayni slekil wax yila ja ma'tik wa sk'u'ana. Ja b'a mandar iti wax yala mi ma oj yal mey smul; Ja b'a oj sna' spetsanil ja kristyano ay smul ja b'a sti sat ja Dyosi. 20Mi ja'uk yuj ja waxa k'u'anex ja smandari, ja'yuj oj wal'ex mey ka mulex b'a sti sat ja Dyosi; ja yab'ali wax ya jna'tik ayni jmultika.
Wax k'u'antik ja Jesusi
21Ja b'a ts'ijb'anub'al ja yab'al ja Dyosi toj lek wa sje'a kitik, mixa t'ilanuk ja oj k'u'uktik ja mandar it a'ji yi ja Moisesi. 22Ja Dyosi toj wax yila spetsanil ja ma'tik wa sk'u'an ja Jesusi, a'nima judio ma mi judio'uk junxta kab'altik wax yilawotik. 23Jpetsaniltik wax jle'a jmultik, ja'yuj najat ki'ojtik ja Dyosi. 24A'nima, ja ye'n jel wa syajtayotik, mi ja swa sk'ana ki'tik b'a oj jtup ja jmultiki. K'eb'ub'al ya elkotik ja Jesús ja b'a wokol oj ki'tik ajyi yuj ja jmultiki. 25-26Ja Dyosi sjeka ja Jesús b'a oj cham yuj ja ke'ntiki. Ta wan k'ax k'u'antik ja Jesusi ke cham yuj ja ke'ntiki, ja Dyosi ojni sch'ay ja jmultika. Sok ja iti wa sje'a tojni ja Dyosi, sts'akatal yuj ja jel ja spasensia ja'yuj ja ya'n sch'ayata kitik spetsanil ja jas mi lekuk jk'ulunejtiki. Ja ye'n jel toj, ja'yuj cho toj wax yila ja ma'tik wa sk'u'an ja Jesusi.
27-28Mix b'ob' jtoy jb'ajtik ja b'a sti sat ja Dyosi, toj wax yilawotik yuj ja wax k'u'antik ja Jesusi, mi ja'uk yuj ja wax k'u'antik ja smandar ja Moisesi. 29Ja Dyosi, mi kechanuk Dyos yuj ja judio jumasa; Ja smeranili nakani Dyos kujtik jpetsaniltika, a'nima judio ma mi judio'uk. 30Kechan jun Dyos ay, ta wan k'ax k'u'antik ja Jesusi tojxani wax yilawotik ja ye'na, a'nima judio ma mi judio'uk. 31Ta wan k'a xk'u'antik ja Jesusi, ja jawi mi wa sk'ana yal ke yuj mixa lekuk ja smandari. Miyuk, ja yajni wa xk'u'antik ja ye'ni, cho sb'ejni oj k'u'uktik ja smandari.
Iliyochaguliwa sasa
Romanos 3: YABD
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021
Romanos 3
3
1La kiltik a wile: ¿Jel lek ja judio'tiki? ¿Ayto ma slekil ja wax yi'aj senya ja k'uniltiki? 2—Jastal b'i mey slekil— ja yab'al ja Dyosi, mi ma' tuk k'ot sb'aj b'ajtan kechani ye'nle ja judio jumasa'a. 3Ja smeranili a'nima ay chab' oxe ja ye'nle' mi skisawe, ja jawi mi wa sk'ana yale, ke mi oj sk'u'luk ja Dyos ja jas yaluneji. 4—Miyuk. A'nima spetsanil ja kristyano wa sle'a ab'al, jaxa Dyosi wax yala ja smeranili. Ja b'a yab'al ja Dyosi jach' wax yala jastal iti:
—Spetsanile, oj sna'e
ke wanixa wala ja smeranila.
Ja'yuj oj ja k'ul ganar
ja yajni wa xle'ji a mul ja b'a sti sat ja ma' ay ya'teli.
5Spetsanil ja jas mi lekuk wax k'u'lantiki, ta wan k'ax ya jtuptik ja Dyosi, ti wa sje'a yujni jel toj ja ye'ni. Mi ja' ti oj kaltik yuj ye'n mi tojuka. 6—Miyuk. Ja lek yuj mi tojuk ja ye'n, ¿Jastal oj b'ob' yal ta lek ma mi lekuk ja jas wa sk'u'lane ja kristyano'i? 7-8Ta yuj k'a wa'non le'uj ab'al, sok jel wa xmakuni ja jastal wa sk'ana ja Dyosi, sok jel tsamal wa'n wajel, jasyuj ja lom waxa ta'awex ki jmul b'a. Ta jach' k'a jastal jawi, ay ma oj yal ke mas lek la jk'ultik ja b'a lekuki, b'a mi oj ta'tik ja slekilali, ay ma wax yala ke'n wa'non sje'jel ja jastal jawi, ja kristyano jumasa ma wax yala jastal jawi, ojni a'ji stup'e'a.
Mi ma toj
9¿Spetsanil ja iti, yuj a ma wa sk'ana yal yuj jel lekotik ja ke'ntik ja janek' judio'otik yuj ja tuk jumasa b'a? —Miyuk— jastal kal ta awabyexi, judio ma mi judio'uk jpetsaniltik wanix le'a ja jmultika. 10Ja yab'al ja Dyosi, wax yala kab'tik:
—Mi ma toj.
11Mi ma xyab' sb'ej,
mi ma sk'ana oj sle' ja Dyosi.
12Spetsanile ch'ak ya'we kan pilan ja Dyosi;
spetsanile mini t'un lek ja jas wa sk'ulane'i.
Mixani jun ma,
sk'ana oj sk'u'luk ja b'a leka.
13Kechan ja' wajel sk'ujole ja k'umal b'a mi lekuki;
ja' schole ja le'uj ab'ali.
Mi lekuk ja jas wa sk'u'laneyi ja smoje yuj
ja jas wax yalawe'i,
lajan sok jastal ja
sya'al sti' ja ajuchani.
14Mi lek xk'umaniye
coraja wax yilawe ja kristyano'i.
15Jel wego wax tajkiye
chikan ma wa smilawe.
16Chikan b'a wax waj ye'a,
wax ch'ak sjom'e' kani
mi ik'b'en sb'ej ja jastal wax ya'we kani.
17Mi sna'awe jastal oj ajyuke laman,
18Mi skisawe ja Dyosi.
19Wax na'atik ja smandar ja Moisesi, ayni slekil wax yila ja ma'tik wa sk'u'ana. Ja b'a mandar iti wax yala mi ma oj yal mey smul; Ja b'a oj sna' spetsanil ja kristyano ay smul ja b'a sti sat ja Dyosi. 20Mi ja'uk yuj ja waxa k'u'anex ja smandari, ja'yuj oj wal'ex mey ka mulex b'a sti sat ja Dyosi; ja yab'ali wax ya jna'tik ayni jmultika.
Wax k'u'antik ja Jesusi
21Ja b'a ts'ijb'anub'al ja yab'al ja Dyosi toj lek wa sje'a kitik, mixa t'ilanuk ja oj k'u'uktik ja mandar it a'ji yi ja Moisesi. 22Ja Dyosi toj wax yila spetsanil ja ma'tik wa sk'u'an ja Jesusi, a'nima judio ma mi judio'uk junxta kab'altik wax yilawotik. 23Jpetsaniltik wax jle'a jmultik, ja'yuj najat ki'ojtik ja Dyosi. 24A'nima, ja ye'n jel wa syajtayotik, mi ja swa sk'ana ki'tik b'a oj jtup ja jmultiki. K'eb'ub'al ya elkotik ja Jesús ja b'a wokol oj ki'tik ajyi yuj ja jmultiki. 25-26Ja Dyosi sjeka ja Jesús b'a oj cham yuj ja ke'ntiki. Ta wan k'ax k'u'antik ja Jesusi ke cham yuj ja ke'ntiki, ja Dyosi ojni sch'ay ja jmultika. Sok ja iti wa sje'a tojni ja Dyosi, sts'akatal yuj ja jel ja spasensia ja'yuj ja ya'n sch'ayata kitik spetsanil ja jas mi lekuk jk'ulunejtiki. Ja ye'n jel toj, ja'yuj cho toj wax yila ja ma'tik wa sk'u'an ja Jesusi.
27-28Mix b'ob' jtoy jb'ajtik ja b'a sti sat ja Dyosi, toj wax yilawotik yuj ja wax k'u'antik ja Jesusi, mi ja'uk yuj ja wax k'u'antik ja smandar ja Moisesi. 29Ja Dyosi, mi kechanuk Dyos yuj ja judio jumasa; Ja smeranili nakani Dyos kujtik jpetsaniltika, a'nima judio ma mi judio'uk. 30Kechan jun Dyos ay, ta wan k'ax k'u'antik ja Jesusi tojxani wax yilawotik ja ye'na, a'nima judio ma mi judio'uk. 31Ta wan k'a xk'u'antik ja Jesusi, ja jawi mi wa sk'ana yal ke yuj mixa lekuk ja smandari. Miyuk, ja yajni wa xk'u'antik ja ye'ni, cho sb'ejni oj k'u'uktik ja smandari.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021