Romanos 10
10
1Jmoj aljel jumasa yuj ja Kajwaltik Jesusi, sok spetsanil ja jk'ujol wax k'ana yi ja Dyos, ye'n oj skolta ja b'a swokol ja israelenio jumasa. 2Wax k'u'an ke ja ye'nle'i, jel sgusto'e oj stoy'e' ja Dyosi, kechan mi sna'awe jastal oj sk'u'luke. 3Mix yabye sb'ej kechan Ye'n ja Dyos oj b'ob' yal mixa ay jmultik. Ja'yuj wa sle'awe jastal oj sk'u'luke b'a oj iljuke lek yuj ja Dyosi. Ja smeranili, mi skisawe ja jastal wax k'anji yi'e yuj ja Dyosi. 4Ja Dyosi, mixa wa sk'anawotik ta yuj k'a kechan wax k'u'antik ja mandar it a'ji yi ja Moisesi; Ja ya'n kechan was k'ana ja ma wa sk'u'an ja Kajwaltik Jesusi. Yuj ye'n ja Kajwaltik Jesusi, ja'yuj ti ch'ak k'ot smeranil ja mandar it a'ji yi ja Moisesi.
Spetsanil oj b'ob' ch'ak koltajuke
5La kaltik ja ma'tik wa sk'u'ane ja mandar it a'ji yi ja Moisesi, b'a oj ijuke yuj ja Dyosi, jach' sts'ijb'a jastal it ja Moisesi: —Ja ma' wa sk'u'an ja mandar it a'ji yi ja Moisesi, ojni sta skoltajel ta yuj k'a wa sk'u'an merani—. 6Miyuk, mi jachukuk jastal jawi, ja iti, ja jach' wax alji yab' ja ma'tik wa sk'u'an ja Dyos b'a jach' oj b'ob' ijuke: —Mok lom oj ja job'e: ¿Machunk'a oj k'e'uk ja b'a satk'inali?—, yuj ja oj kaltik jachuki, yuj a ma wax k'anatik oj ko'jan jmoktik b'a lu'um ja Jesusi. 7—Mokni cho ek'uk a k'ujol b'a oj a job'e: ¿Machun oj ko'uk ja b'a sk'ejnal ja cham winik jumasa?—, yuj ja oj kaltik jachuki, yuj ja' wax waj k'anatik oj sak'wuk ja Jesusi.
8Ja b'a ts'ijb'anub'al ja yab'al ja Dyosi, jach' wax yala jastal iti: —Ja we'n jel mojan aya sok ja yab'al ja Dyosi; ti mojan ay b'a wa ti' sok b'a wa waltsil—. Cho ja mismo ja mandar jaw ja ki'ojtikon jan a wi'i: jel t'ilan oj k'u'uktik ja Dyosi. 9Ta yuj k'a we'n waxa walawex sok wa ti'ex Ye'n Kajwaltik ja Jesusi, sok wa'n k'a cho a k'u'anex sok spetsanil wa k'ujolex Dyosni ja ma' a'ji sak'wuk yuji, ojni a'ji elanik ja b'a wokol oj a'juk a wi'exi. 10Ta yuj k'a wax k'u'antik sok spetsanil jk'ujoltik ojni yi'otik ja Dyosi; ta yuj k'a wax cho kalatik sok ja jti'tik ye'nani Kajwaltik ja Jesusi, ja Dyosi ojni skoltayotika.
11Ja b'a ts'ijb'anub'al ja yab'al ja Dyosi, jach' wax yala jastal iti: —Ja Dyosi mix ya' sta' sk'ixwel ja ma wax k'u'aji yuj ja ye'n. 12Ja ye'n mi wa sk'ela ta judio ma mi judio'uk, yuj spetsanile june itani jas Dyose'a, jaxa Ye'n jelni lek sok spetsanil ja ma wax k'anji yi oj skolta. 13Ja b'a ts'ijb'anub'al ja yab'al ja Dyosi, wax cho yala jastal iti: —Ja Dyosi, wa skoltan ja ma'tik wax k'u'aji yuji. 14¿Jastal xa oj a sna'ex sb'aj, ja ta yuj k'a mixa k'u'anex ja ye'ni? ¿Sok jastal oj a k'u'ukex, ta yuj k'a mi jasxa na'awex sok ja ye'n? ¿Sok jastal oj a na'ex sb'aj, ta yuj k'a mi ma wax yala wabyex ja yab'al ja Kajwaltik Jesusi? 15¿Sok jastal oj a lo'iltayex ja sb'i'il ja Kajwaltik Jesús, ta yuj k'a mi ye'n wa sjekawex ja Dyosi? ja b'a ts'ijb'anub'al ja yab'al ja Dyosi, jach' wax yala jastal iti: —Jel tsamal oj ilxuk oj k'otuk ja ma' ti yi'oj och ja tsamal ab'ali—.
16B'a' ja' wila, mi spetsaniluke yi'oje ja tsamal ab'al jawi. Ja aluman Dyos Isaiasi, jach' yala jastal iti: —Tatal, —Mini ma wa sk'u'an ja jas wax kalatikona—. 17Ja'yuj ja kristyano jumasa ti'to oj sk'u'uke ja Dyos ja yajnix yabye ja yab'al ja Kajwaltik Jesusi.
18Jaxa ke'n ti wax kala'a: ¿Yujni ma mi b'a wax yabye ja yab'al ja Dyos b'a? —Jastal miyuk, yabyeta— Yuj ja jach' wax yala jastal it ja b'a ts'ijb'anub'al ja yab'al ja Dyosi:
—Ja yab'ali, wax pukxi ek' b'a sutanal ja lu'umi
man wax k'ot man b'a stik'anal ja lu'um k'inali.
19Pilan majke ti wax cho kala'a: ¿Ma yujni mi b'a wax yabye ja israelenio jumasa'a? —Jastal miyuk, yabyeta— ja b'ajtani, alji yab' ja Moises yuj ja Dyos a yal yabye jastal iti:
—Ja israelenio jumasa jel oj ka tajkuke
spetsanil ja kristyano jumasa mini t'un oj kis'e'a.
Jel oj ka tajkuk ja
ja kristyano jumasa b'a jel ko'el wax yabye sb'eji—.
20Tsa'an, ja Isaiasi, jakto sk'ujol ay jas alub'al yab' yuj ja Dyosi:
—Ja jaw jumasa sta'awone
cho mi yuj wa sle'awone ajyi,
waj ka' jb'a yi'e', ja kristyano jumasa
cho mi yuj wa'nuke sjob'jel kab'alil.
21Jaxa Isaiasi, jach' alji yab' jastal it yuj ja Dyos b'a oj yal yab' ja israelenio:
—Snajtil k'ak'u wa'non jk'apjel yi skoltajele
jaxa kristyano jumasa jel ch'u'uy ja sk'ujol'ei cho mini t'un wa sk'u'ane'a, xchi ja Dyosi.
Iliyochaguliwa sasa
Romanos 10: YABD
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021
Romanos 10
10
1Jmoj aljel jumasa yuj ja Kajwaltik Jesusi, sok spetsanil ja jk'ujol wax k'ana yi ja Dyos, ye'n oj skolta ja b'a swokol ja israelenio jumasa. 2Wax k'u'an ke ja ye'nle'i, jel sgusto'e oj stoy'e' ja Dyosi, kechan mi sna'awe jastal oj sk'u'luke. 3Mix yabye sb'ej kechan Ye'n ja Dyos oj b'ob' yal mixa ay jmultik. Ja'yuj wa sle'awe jastal oj sk'u'luke b'a oj iljuke lek yuj ja Dyosi. Ja smeranili, mi skisawe ja jastal wax k'anji yi'e yuj ja Dyosi. 4Ja Dyosi, mixa wa sk'anawotik ta yuj k'a kechan wax k'u'antik ja mandar it a'ji yi ja Moisesi; Ja ya'n kechan was k'ana ja ma wa sk'u'an ja Kajwaltik Jesusi. Yuj ye'n ja Kajwaltik Jesusi, ja'yuj ti ch'ak k'ot smeranil ja mandar it a'ji yi ja Moisesi.
Spetsanil oj b'ob' ch'ak koltajuke
5La kaltik ja ma'tik wa sk'u'ane ja mandar it a'ji yi ja Moisesi, b'a oj ijuke yuj ja Dyosi, jach' sts'ijb'a jastal it ja Moisesi: —Ja ma' wa sk'u'an ja mandar it a'ji yi ja Moisesi, ojni sta skoltajel ta yuj k'a wa sk'u'an merani—. 6Miyuk, mi jachukuk jastal jawi, ja iti, ja jach' wax alji yab' ja ma'tik wa sk'u'an ja Dyos b'a jach' oj b'ob' ijuke: —Mok lom oj ja job'e: ¿Machunk'a oj k'e'uk ja b'a satk'inali?—, yuj ja oj kaltik jachuki, yuj a ma wax k'anatik oj ko'jan jmoktik b'a lu'um ja Jesusi. 7—Mokni cho ek'uk a k'ujol b'a oj a job'e: ¿Machun oj ko'uk ja b'a sk'ejnal ja cham winik jumasa?—, yuj ja oj kaltik jachuki, yuj ja' wax waj k'anatik oj sak'wuk ja Jesusi.
8Ja b'a ts'ijb'anub'al ja yab'al ja Dyosi, jach' wax yala jastal iti: —Ja we'n jel mojan aya sok ja yab'al ja Dyosi; ti mojan ay b'a wa ti' sok b'a wa waltsil—. Cho ja mismo ja mandar jaw ja ki'ojtikon jan a wi'i: jel t'ilan oj k'u'uktik ja Dyosi. 9Ta yuj k'a we'n waxa walawex sok wa ti'ex Ye'n Kajwaltik ja Jesusi, sok wa'n k'a cho a k'u'anex sok spetsanil wa k'ujolex Dyosni ja ma' a'ji sak'wuk yuji, ojni a'ji elanik ja b'a wokol oj a'juk a wi'exi. 10Ta yuj k'a wax k'u'antik sok spetsanil jk'ujoltik ojni yi'otik ja Dyosi; ta yuj k'a wax cho kalatik sok ja jti'tik ye'nani Kajwaltik ja Jesusi, ja Dyosi ojni skoltayotika.
11Ja b'a ts'ijb'anub'al ja yab'al ja Dyosi, jach' wax yala jastal iti: —Ja Dyosi mix ya' sta' sk'ixwel ja ma wax k'u'aji yuj ja ye'n. 12Ja ye'n mi wa sk'ela ta judio ma mi judio'uk, yuj spetsanile june itani jas Dyose'a, jaxa Ye'n jelni lek sok spetsanil ja ma wax k'anji yi oj skolta. 13Ja b'a ts'ijb'anub'al ja yab'al ja Dyosi, wax cho yala jastal iti: —Ja Dyosi, wa skoltan ja ma'tik wax k'u'aji yuji. 14¿Jastal xa oj a sna'ex sb'aj, ja ta yuj k'a mixa k'u'anex ja ye'ni? ¿Sok jastal oj a k'u'ukex, ta yuj k'a mi jasxa na'awex sok ja ye'n? ¿Sok jastal oj a na'ex sb'aj, ta yuj k'a mi ma wax yala wabyex ja yab'al ja Kajwaltik Jesusi? 15¿Sok jastal oj a lo'iltayex ja sb'i'il ja Kajwaltik Jesús, ta yuj k'a mi ye'n wa sjekawex ja Dyosi? ja b'a ts'ijb'anub'al ja yab'al ja Dyosi, jach' wax yala jastal iti: —Jel tsamal oj ilxuk oj k'otuk ja ma' ti yi'oj och ja tsamal ab'ali—.
16B'a' ja' wila, mi spetsaniluke yi'oje ja tsamal ab'al jawi. Ja aluman Dyos Isaiasi, jach' yala jastal iti: —Tatal, —Mini ma wa sk'u'an ja jas wax kalatikona—. 17Ja'yuj ja kristyano jumasa ti'to oj sk'u'uke ja Dyos ja yajnix yabye ja yab'al ja Kajwaltik Jesusi.
18Jaxa ke'n ti wax kala'a: ¿Yujni ma mi b'a wax yabye ja yab'al ja Dyos b'a? —Jastal miyuk, yabyeta— Yuj ja jach' wax yala jastal it ja b'a ts'ijb'anub'al ja yab'al ja Dyosi:
—Ja yab'ali, wax pukxi ek' b'a sutanal ja lu'umi
man wax k'ot man b'a stik'anal ja lu'um k'inali.
19Pilan majke ti wax cho kala'a: ¿Ma yujni mi b'a wax yabye ja israelenio jumasa'a? —Jastal miyuk, yabyeta— ja b'ajtani, alji yab' ja Moises yuj ja Dyos a yal yabye jastal iti:
—Ja israelenio jumasa jel oj ka tajkuke
spetsanil ja kristyano jumasa mini t'un oj kis'e'a.
Jel oj ka tajkuk ja
ja kristyano jumasa b'a jel ko'el wax yabye sb'eji—.
20Tsa'an, ja Isaiasi, jakto sk'ujol ay jas alub'al yab' yuj ja Dyosi:
—Ja jaw jumasa sta'awone
cho mi yuj wa sle'awone ajyi,
waj ka' jb'a yi'e', ja kristyano jumasa
cho mi yuj wa'nuke sjob'jel kab'alil.
21Jaxa Isaiasi, jach' alji yab' jastal it yuj ja Dyos b'a oj yal yab' ja israelenio:
—Snajtil k'ak'u wa'non jk'apjel yi skoltajele
jaxa kristyano jumasa jel ch'u'uy ja sk'ujol'ei cho mini t'un wa sk'u'ane'a, xchi ja Dyosi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021