Colosenses 3
3
1-2Ja Dyosi, ya ajk'achb'uk ja wa modo'exi ja yajni ya sak'wanik sok lajan ja Kajwaltik Jesusi. Ja'yuj k'u'lanik kada k'ak'u ja jas wa sk'ana ja Dyosi. Ja'xa na'awex ja jas tey b'a satk'inal b'a kulan ja Kajwaltik Jesús b'a, stojol sk'ab' ja Dyosi. Mok ja a na'ex ja jas ay b'a lu'um iti. 3-4Ja we'nlexi, lajan sok chamelexa yuj ja jastik jumasa b'a lu'um iti, jaxa ya'n ja Kajwaltik Jesusi, ja Dyosi, ya'ta a wi'ex ja wa sak'anilexi. Ja yajnix jak ja Kajwaltik Jesusi, jach'ni ja we'nlexi, ti'ni oj ajyanik sok ja ye'na, cho ojni a wil'ex satilajel ab'ala.
Ja jastal oj ajyanik ja ya'n
5Ja'yuj ch'ayawik sna'jel spetsanil ja jas mi lek jel xk'ank'uni oj ja k'u'lukexi; mok a wi'a b'ajex sok tuk ixuk ma tuk winik, mok sa'n kistalukex, mokxa a k'u'lukex ja jas mi lek wax k'ank'uni oj ja k'u'lukexi, mok ja waj a k'ujolex ja jas jel a wi'ojexi, jasyuj ja jastal jawi, jani lajan sok ja jastal wax toyxi ja dyos k'u'lub'ali. 6Spetsanil ja jastik jumasa jastal iti, wanix tajki ja Dyos sok ja ma mi sk'u'ani. 7Yujni we'n jach' ayex ajyi ja yajni mitoxa na'awex sb'aj ja Kajwaltik Jesusi. 8Jaxa ya'n t'ilan oj cho a wa'wex kan spetsanil ja iti: mok tajkanik, mok a le'ex jastal oj ja k'u'lukex yi b'a mi lekuk ja tuk wa mojexi, mok a wa'wex tajkuk ja Dyosi, mok a k'ak'layex ja wa mojex jumasa, 9mok a le'ex yi ab'al ja wa mojex jumasa, ja we'nlexi, a wa'wexta kan pilan ja sle'jel ja mulal jumasa 10jaxa ya'n tukb'ita lek ja wa modo'exi.
Ja smeranil ja we'nlexi, yajk'achilxa wa modo'exi, kada k'ak'u wa'nex slajel jastal ja Dyos ma sk'u'lanexi, sok kada k'ak'u wa'nex ni sneb'jela. 11Ja'yuj, mi jas yi'oj ta yuj judio ma mi judio'uk, ay senya ma mey senya wa k'unilexi. Cho mini jas yi'oj ta tey b'a jun chonab' tojb'el lek ma mi tojb'el luk lek, ma aya b'a yib' k'ab'al ma miyuk. Ja mas t'ilani, ja ta yuj k'a ye'n tey jmoktik ja Kajwaltik Jesusi, cho yuj nake tey b'a jpetsaniltik.
12Ja Dyosi, jel wa syajtayex ja we'nlexi, cho stsa'awex b'a oj ochanik kwenta sok ja yuntikili. Ja'yuj jach' ajyanik jastal wa sk'anawexi: Yajtayik ja tuk jumasa, je'a lek ja wa modo'exi, ch'in a'a b'ajex, yajtananik, sok je'awik ja slekil ja wa k'ujolexi. 13Sb'ej oj ja yajtab'ajex sok ja wa mojex jumasa, ta yuj k'a ay ma wax och k'umanuk a mokex mok a wa'wex stupe, jach' jastal mi ya'a tup'ex ja Kajwaltik ja we'nlexi. 14B'a spetsanil ja jastal iti, yajta a b'ajik sok ja wa mojex jumasa, ja syajal jk'ujoltiki, kechan ja wax ya kil jb'ajtik june ita. 15Ja we'nlexi, payjiyex b'a jun ita kwerpo oj ajyanik sok ja skwerpo ja Kajwaltik Jesusi. A'wik ochuk ja Kajwaltik Jesús b'a laman oj ya ajyuk wa k'ujolexi, cho gusto ajyanik sok ja jawi.
16Mok a ch'ay a k'ujolex ja jas jel tsamal sje'a a wi'ex ja Kajwaltik Jesusi. Jachuk ja we'nlex ja yajni oj ja je'ex yi ja tuk jumasa, ma yuj ay ma oj ja wal'ex yab' mi lekuk ja jas wa'n sk'u'lajeli, na'awik lek ja jas oj ja wal'exi. Ts'eb'ojtayik ja salmo jumasa, ts'eb'ojtayik ja tuk ts'eb'oj jumasa sb'a Kajwaltiki, ja wax a'xi yi ts'akatal ja Dyos sok spetsanil ja jk'ujoltik. 17Spetsanil ja jas oj a k'u'lexi ma oj a wal'exi, k'u'layik jastal jun snochoman ja Kajwaltik Jesusi, sok a'wik yi ts'akatal ja Dyos Tatal yuj ja jas sk'u'lan a wi'ex ja Kajwaltik Jesusi.
Ja janek' jmoj aljelxa jb'ajtiki
18Ja we'nlex che'umal jumasa, jel t'ilan toj oj ja k'u'ukex ja yab'al wa tatamexi, yuj jach' sb'ej oj ja k'ulukex yuj ja wanxaxa k'u'anex ja Kajwaltiki. 19Jachuk ja we'nlex tatamal jumasa, jel t'ilan oj ja yajtayex ja wa che'umexi, mi ma oj sje' skalaxil soke, mok ma jel tsats oj ya' sb'aj sok ja ye'nle'i.
20Jaxa we'nlex yal untik jumasa, jel t'ilan oj a k'u'ukex spetsanil ja jas oj yal a wabyex ja wa nan a tatexi, ja jastal jawi, jelni gusto wax yila ja Kajwaltika. 21Jaxa we'nlex nanal tatal jumasa, mok a wa'wex tajkuk lom ja wa wuntikilexi, b'a jach' mi oj axwuk a mokexa.
22Jaxa we'nlex, ja matik moso ayexi jel t'ilan oj a k'u'ukex spetsanil ja jas oj yal a wabyex ja wa wajwalex b'a lu'um iti. Mok a k'u'lukex b'a oj kananik lek sok ja ye'ni, ma kechan ja yajni ti wax yilawexi. Ja yuj lek toj k'u'lanik yuj ja waxa kisawex ja Kajwaltiki. 23Spetsanil ja jas waxa k'u'lanexi, k'u'lanik sok spetsanil a k'ujolex, yuj ja Ye'n wa'nex ya'teltajel ja Kajwaltik Jesusi, lajan sok mi ja'uk ja kristyano jumasa. 24Yuj ja wanxa xa na'awex ja wa majtan oj ya'wi'ex ja Dyosi, ti' oj ya' el jan a wi'ex b'a sdote sk'apunej yi ja yuntikil jumasa. Na'awik yujni ya'teltaye ja Kajwaltik Jesusi, yujni ye'n swinkil ja wa sak'anilexa. 25Jaxa spetsanil ja ma ja wajel sk'ujol oj sk'u'luk ja b'a mi lekuki ojni a'ji stup'e'a, ja'ni chikan ja jas k'uluneji, jasyuj ja Dyosi, mi oj tsa' ja ma lek oj yili.
Iliyochaguliwa sasa
Colosenses 3: YABD
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021
Colosenses 3
3
1-2Ja Dyosi, ya ajk'achb'uk ja wa modo'exi ja yajni ya sak'wanik sok lajan ja Kajwaltik Jesusi. Ja'yuj k'u'lanik kada k'ak'u ja jas wa sk'ana ja Dyosi. Ja'xa na'awex ja jas tey b'a satk'inal b'a kulan ja Kajwaltik Jesús b'a, stojol sk'ab' ja Dyosi. Mok ja a na'ex ja jas ay b'a lu'um iti. 3-4Ja we'nlexi, lajan sok chamelexa yuj ja jastik jumasa b'a lu'um iti, jaxa ya'n ja Kajwaltik Jesusi, ja Dyosi, ya'ta a wi'ex ja wa sak'anilexi. Ja yajnix jak ja Kajwaltik Jesusi, jach'ni ja we'nlexi, ti'ni oj ajyanik sok ja ye'na, cho ojni a wil'ex satilajel ab'ala.
Ja jastal oj ajyanik ja ya'n
5Ja'yuj ch'ayawik sna'jel spetsanil ja jas mi lek jel xk'ank'uni oj ja k'u'lukexi; mok a wi'a b'ajex sok tuk ixuk ma tuk winik, mok sa'n kistalukex, mokxa a k'u'lukex ja jas mi lek wax k'ank'uni oj ja k'u'lukexi, mok ja waj a k'ujolex ja jas jel a wi'ojexi, jasyuj ja jastal jawi, jani lajan sok ja jastal wax toyxi ja dyos k'u'lub'ali. 6Spetsanil ja jastik jumasa jastal iti, wanix tajki ja Dyos sok ja ma mi sk'u'ani. 7Yujni we'n jach' ayex ajyi ja yajni mitoxa na'awex sb'aj ja Kajwaltik Jesusi. 8Jaxa ya'n t'ilan oj cho a wa'wex kan spetsanil ja iti: mok tajkanik, mok a le'ex jastal oj ja k'u'lukex yi b'a mi lekuk ja tuk wa mojexi, mok a wa'wex tajkuk ja Dyosi, mok a k'ak'layex ja wa mojex jumasa, 9mok a le'ex yi ab'al ja wa mojex jumasa, ja we'nlexi, a wa'wexta kan pilan ja sle'jel ja mulal jumasa 10jaxa ya'n tukb'ita lek ja wa modo'exi.
Ja smeranil ja we'nlexi, yajk'achilxa wa modo'exi, kada k'ak'u wa'nex slajel jastal ja Dyos ma sk'u'lanexi, sok kada k'ak'u wa'nex ni sneb'jela. 11Ja'yuj, mi jas yi'oj ta yuj judio ma mi judio'uk, ay senya ma mey senya wa k'unilexi. Cho mini jas yi'oj ta tey b'a jun chonab' tojb'el lek ma mi tojb'el luk lek, ma aya b'a yib' k'ab'al ma miyuk. Ja mas t'ilani, ja ta yuj k'a ye'n tey jmoktik ja Kajwaltik Jesusi, cho yuj nake tey b'a jpetsaniltik.
12Ja Dyosi, jel wa syajtayex ja we'nlexi, cho stsa'awex b'a oj ochanik kwenta sok ja yuntikili. Ja'yuj jach' ajyanik jastal wa sk'anawexi: Yajtayik ja tuk jumasa, je'a lek ja wa modo'exi, ch'in a'a b'ajex, yajtananik, sok je'awik ja slekil ja wa k'ujolexi. 13Sb'ej oj ja yajtab'ajex sok ja wa mojex jumasa, ta yuj k'a ay ma wax och k'umanuk a mokex mok a wa'wex stupe, jach' jastal mi ya'a tup'ex ja Kajwaltik ja we'nlexi. 14B'a spetsanil ja jastal iti, yajta a b'ajik sok ja wa mojex jumasa, ja syajal jk'ujoltiki, kechan ja wax ya kil jb'ajtik june ita. 15Ja we'nlexi, payjiyex b'a jun ita kwerpo oj ajyanik sok ja skwerpo ja Kajwaltik Jesusi. A'wik ochuk ja Kajwaltik Jesús b'a laman oj ya ajyuk wa k'ujolexi, cho gusto ajyanik sok ja jawi.
16Mok a ch'ay a k'ujolex ja jas jel tsamal sje'a a wi'ex ja Kajwaltik Jesusi. Jachuk ja we'nlex ja yajni oj ja je'ex yi ja tuk jumasa, ma yuj ay ma oj ja wal'ex yab' mi lekuk ja jas wa'n sk'u'lajeli, na'awik lek ja jas oj ja wal'exi. Ts'eb'ojtayik ja salmo jumasa, ts'eb'ojtayik ja tuk ts'eb'oj jumasa sb'a Kajwaltiki, ja wax a'xi yi ts'akatal ja Dyos sok spetsanil ja jk'ujoltik. 17Spetsanil ja jas oj a k'u'lexi ma oj a wal'exi, k'u'layik jastal jun snochoman ja Kajwaltik Jesusi, sok a'wik yi ts'akatal ja Dyos Tatal yuj ja jas sk'u'lan a wi'ex ja Kajwaltik Jesusi.
Ja janek' jmoj aljelxa jb'ajtiki
18Ja we'nlex che'umal jumasa, jel t'ilan toj oj ja k'u'ukex ja yab'al wa tatamexi, yuj jach' sb'ej oj ja k'ulukex yuj ja wanxaxa k'u'anex ja Kajwaltiki. 19Jachuk ja we'nlex tatamal jumasa, jel t'ilan oj ja yajtayex ja wa che'umexi, mi ma oj sje' skalaxil soke, mok ma jel tsats oj ya' sb'aj sok ja ye'nle'i.
20Jaxa we'nlex yal untik jumasa, jel t'ilan oj a k'u'ukex spetsanil ja jas oj yal a wabyex ja wa nan a tatexi, ja jastal jawi, jelni gusto wax yila ja Kajwaltika. 21Jaxa we'nlex nanal tatal jumasa, mok a wa'wex tajkuk lom ja wa wuntikilexi, b'a jach' mi oj axwuk a mokexa.
22Jaxa we'nlex, ja matik moso ayexi jel t'ilan oj a k'u'ukex spetsanil ja jas oj yal a wabyex ja wa wajwalex b'a lu'um iti. Mok a k'u'lukex b'a oj kananik lek sok ja ye'ni, ma kechan ja yajni ti wax yilawexi. Ja yuj lek toj k'u'lanik yuj ja waxa kisawex ja Kajwaltiki. 23Spetsanil ja jas waxa k'u'lanexi, k'u'lanik sok spetsanil a k'ujolex, yuj ja Ye'n wa'nex ya'teltajel ja Kajwaltik Jesusi, lajan sok mi ja'uk ja kristyano jumasa. 24Yuj ja wanxa xa na'awex ja wa majtan oj ya'wi'ex ja Dyosi, ti' oj ya' el jan a wi'ex b'a sdote sk'apunej yi ja yuntikil jumasa. Na'awik yujni ya'teltaye ja Kajwaltik Jesusi, yujni ye'n swinkil ja wa sak'anilexa. 25Jaxa spetsanil ja ma ja wajel sk'ujol oj sk'u'luk ja b'a mi lekuki ojni a'ji stup'e'a, ja'ni chikan ja jas k'uluneji, jasyuj ja Dyosi, mi oj tsa' ja ma lek oj yili.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021