Hechos 8
8
1-2Ja Saulo yila jastal milji ja Estebani, jelni lek yila'a.
Tsa'an ay chab' oxe winike jel wa sk'u'ane ja Kajwaltiki, ti waj stul'e ja skwerpo ja Esteban b'a oj smuk e', ek' jitsan k'ak'u jex ok' ye yuj ja chami.
Och k'e' swokole ja jmoj alijeltik jumasa
Man k'ak'u jumasa jawi, ti och ixtalajuke ja snochoman jumasa ja Kajwaltik Jesús ma' ti' aye b'a Jerusaleni, ja'yuj ch'ak spil sb'aje ti wajye b'a lugar jumasa b'a Judea b'a Samaria, kechan ja kan ja sjekab'anum jumasa ja Jesús b'a Jerusaleni.
3Jaxa Saulo mini ya' kan yixtalajel ja jmoj alijeltik jumasa'a. Wax och ja b'a na'itsaltik jumasa, kichub'al wax ya eluk ja kristyano jumasa b'a wax waj slut preso.
Ja Felipe b'a chonab' Samaria
4Jasa, ja ma' ti' wajye b'a chonab' Jerusaleni, mini ya'we kan yaljel, ja tsamal yab'al ja Dyos it wax ya jta' koltajeltik b'a chonab' jumasa ek' ye'i.
5Jaxa Felipe ti waj b'a chonab' Samaria, ti och yal yab' ja swinkil ja chonab' jawi, ja och yal ja yab'al ja Kajwaltik Jesús. Ja Felipe ja'ni june ja juke diacono ja ma' wa skoltane ja jmoj alijeltik jumasa. 6Spetsanil ja kristyano jumasa wa stsomo sb'aje smaklajel ja jas wax yala ja Felipe b'a oj cho yil'e ja milagro jumasa wa sk'u'lani. 7Jitsan ja ma'tik waj iljuk yuji, ay ma wa'n ixtalajel yuj ja tantik pukuj it jel malo, jaxa Felipe ch'ak snuts el ja tantik pukuj jumasa jawi, jaxa tantik pukuji elyeni'a wa'ne awanel ch'ak eluke. Mi kechanuk ja jawi, ay jitsan ma'tik mix b'ob' b'ejyuke yuj ja tsats ay ja yok sk'ab'i, ch'akni b'ejyuke ja k'ak'u jawa. 8Spetsanil ja swinkil ja chonab' jawi, jel lek ajyiye.
9Ayxa k'ak'u jun winik sb'i'il Simon ti ay ek' tiwi. Ja winik jawi jel wa slo'la ja kristyano jumasa swinkil ja Samaria yuj ja jastal wax ajnani, sok wa sk'u'an sb'aj ke jel niwan ja ya'tel b'a wa sk'u'lani. 10Spetsanile, a'nima jel ja jastik sb'aji ma mey jas yi'oj wani smaklaye ja jas wax yala'a, ti wax yalawe'a: —Ja winik iti, ja'ni yi'oj ja yip ja Dyosi, xchiye.
11Spetsanil ja kristyano jumasa jel wa sk'u'ane ja jastal wa sk'u'lan ja ya'tel ja winik jawi. 12Jaxa yajni k'ot ja Felipe, och yal jastal jel tsamal ja yab'al ja Dyosi. Ja och yal ja yab'al ja Kajwaltik Jesús Mesiasi, spetsanil ja swinkil ja Samaria sk'u'ane. Jachuk ja Felipe ya yi' ja' jitsan kristyano.
13Jach'ni ja Simoni, cho sk'u'an ja yab'al ja Dyos it yala ja Felipe, ja'yuj ti'xa a'ji yi' ja' yuj ja Felipe'a. Jaxa Simoni jelx cham sk'ujol yuj ja milagro jumasa wa sk'u'lan ja Felipe, ja'yuj mixa sk'ana oj spil sb'aj sok.
Ja Pedro sok ja Juani wajye b'a Samaria
14Ja sjekab'anum jumasa ja Jesusi, ti aye b'a Jerusalen. Yajni yabye sk'u'aneta ja yab'al ja Dyos ja swinkil ja Samaria, ti sjekawe ja Pedro sok ja Juan ja b'a lugar jawi. 15Yajni k'otye ja it jumasa ma' yajk'achilto wa'ne sk'u'ajel ja Kajwaltiki, ti och sk'umuke ja Dyos b'a oj a'juk yi'e ja Espiritu Santo, 16yuj ja mitoni yuj yi'ojuke'i. Yuj ja cho kechan yi'oje ja' b'a sb'i'il ja Kajwaltik Jesusi. 17Jaxa Pedro sok ja Juani, ti ya' kajan ja sk'ab'e b'a kada jujune ja s'olome' ja ye'nle'i, spetsanile ch'akni yi'e ja Espiritu Santo.
18Yajni yila ja Simon kechan yuj ja wax ya'we kajan ja k'ab'e ja sneb'uman ja Kajwaltik b'a s'olom ja kristyano'i, wanix ch'ak yi'ekan ja Espiritu Santo'a, jaxa ye'n ja Simoni, ti k'apji yi'e tak'in ja sjekab'anum ja Kajwaltiki, ti yal yabye'a:
19—Ja jastal waxa k'u'lanex ja we'nlexi cho a'wiki ja ke'n ja wa wip a wi'oj we'nlexi. Jach'ni ja ke'n oj b'ob' ka' yi'e' ja Espiritu Santo ja ma' oj ka' yi'e kajan ja k'ab' b'a s'olome'i, —xchi ja Simoni.
20Jaxa Pedro ti yala'a:
—Chaman sok lajan spetsanil ja wa tak'ini—. —Ja jas wa sk'eb'a ja Dyosi, mix b'ob' manxuk sok tak'in—. 21Ja we'n mi jas oj b'ob'uk a wuj sok ja ke'ntikoni, yuj ja Dyosi, wa sna'a lek, ja jas mi lek wana pensari. 22-23Chikan lek wax kila ja ke'n. Jel t'ilan oj a wa'kan ja jas mi leki. Ta yuj k'a oj a k'an yi ja Dyos mi oj ya a' tup ja jas mi lek waxa k'ulani, b'ob'ta mi oj ya a tupe, —xchi ja Pedro.
24Jaxa Simoni, ti och sk'an ts'akatal:
—Awapaborexi, k'anawik yi ja Dyos mi oj ya tupe, b'a jach' mi oj ch'amkona, xchi ja Simoni.
25Ja yajni ti'to aye b'a Samaria ja Pedro sok ja Juani, yalawe ja yab'al ja Kajwaltik. Tsa'an ti'xa kumxiye b'a chonab' Jerusalen, jaxa b'a b'eji, wa'neni yaljel yab' ja samaritenio jumasa, ja jastal jel tsamal wa'n sk'u'lajel mandar ja Dyosi.
Ja Felipe sok ja winik niwan ya'tel b'a etiopia
26Jun yanjel ja Kajwaltik je'ji sb'aj yi ja Felipe, ti alji yab'a: —Chapa a b'aj b'a oj ek' a k'uts och ja chayan lugari, ti la waj b'a lado ko'el k'inal b'a b'ej it wax waj b'a chonab' Jerusalen sok b'a Gaza—.
27-28Jaxa Felipe sk'u'ani'a. Ja b'a b'eji ti sta'a sb'aj sok jun winik jel niwan ja ya'teli, ye'n wa snolo ja stak'in ja ixawalal sb'aj Etiopia. Ja winik jawi, ti waj b'a Jerusalen b'a waj stoy ja Dyosi ja k'ak'u jawi, kumxumxa b'a schonab'il.
Ja winik jawi, ti kulan ek' b'a skarreta, ja wa'n sk'umajel och ja jas ts'ijb'anub'al b'a sju'un ja aluman Dyos Isaiasi. 29Jaxa Yespiritu ja Dyosi, ti yal yab' ja Felipe: —Ochan och mojan ja b'ay ja karreta jawi, ti la waj sok lajana.
30Jaxa Felipe ajnel waj sta' ja karreta jawi. Yajni mojanxa yi'oji, ti yab'a ja winik jawi, ja wa'n sk'umajel ja jas ts'ijb'anub'al b'a sju'un ja aluman Dyos Isaiasi. Ja'yuj ti sjob'o yi'a:
—¿Wa'n a maxa wab' sb'ej ja jas wa'na sk'umajeli?
31Jaxa winik jawi, ti yala'a:
¿Jastal oj kab' sb'ej, ta mi k'a ma' oj yal kab' ja sb'eji? —xchi ja winiki.
Yajni ch'ak yal ja jastal it ja winik jawi, ti sloko ja Felipe a k'e'uk ja b'a jkarreta, ti ya kulan b'a jts'e'el. 32-33Ja k'ak'u jaw ja winiki, ja wa'n sk'umajel ja it wax yala jastal iti:
—Ti i'ji och b'a wax milji ja chante jumasa,
jach' i'ji och jastal jun yal chej
b'a oj joxjuk yi ja tso'otsil.
Lajan sok jastal jun yal chej,
mini t'un jas yala'a.
Jel ixta ilji, sok jel ch'in yilawe,
jachuk mini jas yala'a.
—Mini t'un syajtane'a;
mi ma, ja syala yuj ja mey yuntikili.
Jachuk b'ob'ni smil'e'a—.
34Ja winik jawi, ti sjob'o yi ja Felipe:
—Awapabori ala kab'i: ¿Ja iti, ye'n ita ma wa'n yaljel sb'a ja aluman Dyosi, ma' ay ma otro wa'n sta'jel ti?
35Ja'yuj ja Felipe, ti yala ja jas wax yala ja aluman Dyos Isaiasi, ja'ni och yal ja tsamal yab'al ja Kajwaltik Jesusi. 36-37Ja b'a b'ej wajume'i, ti k'otye b'a jun lugar b'a ay ja', ja'yuj sjob'o ja winiki: —Ja ili ay ja'—. ¿Jaxa ya'n mi ojxa b'ob' wa ki' ja'? Ti alji yab' yuj ja Felipe: —Ta yuj k'a waxa k'u'an sok spetsanil a k'ujol ja Kajwaltik Jesús yunin ja Dyosi, ojxa ni b'ob' a wi' ja'a. Ti yala ja winiki: —Wa'n wax k'u'an ja'ni yunin ja Dyos ja Kajwaltik Jesusi, —xchi ja winiki.
38Tsa'an ja winik jawi, ti ya k'ot tek'an ja skarreta. Ti ko'ye sok ja Felipe b'a ja'i, ti'xa a'ji yi' ja' yuj ja Felipe. 39Jaxa yajni elye ja b'a ja'i, ti'xa i'ji ja Felipe yuj ja Yespiritu ja Dyosi; jaxa winiki a'nima mixa yila ja Felipe, jelni gusto waj ja b'a sb'eja.
40Ochta k'ak'u ja Felipe ti elk'ot b'a jun lugar sb'i'il Azoto, cho el ja tiwi, ti waj b'a Cesarea, b'a spetsanil ja lugar jumasa b'a ek'i, wa'n yaljel ja tsamal yab'al ja Kajwaltik Jesusi.
Iliyochaguliwa sasa
Hechos 8: YABD
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021
Hechos 8
8
1-2Ja Saulo yila jastal milji ja Estebani, jelni lek yila'a.
Tsa'an ay chab' oxe winike jel wa sk'u'ane ja Kajwaltiki, ti waj stul'e ja skwerpo ja Esteban b'a oj smuk e', ek' jitsan k'ak'u jex ok' ye yuj ja chami.
Och k'e' swokole ja jmoj alijeltik jumasa
Man k'ak'u jumasa jawi, ti och ixtalajuke ja snochoman jumasa ja Kajwaltik Jesús ma' ti' aye b'a Jerusaleni, ja'yuj ch'ak spil sb'aje ti wajye b'a lugar jumasa b'a Judea b'a Samaria, kechan ja kan ja sjekab'anum jumasa ja Jesús b'a Jerusaleni.
3Jaxa Saulo mini ya' kan yixtalajel ja jmoj alijeltik jumasa'a. Wax och ja b'a na'itsaltik jumasa, kichub'al wax ya eluk ja kristyano jumasa b'a wax waj slut preso.
Ja Felipe b'a chonab' Samaria
4Jasa, ja ma' ti' wajye b'a chonab' Jerusaleni, mini ya'we kan yaljel, ja tsamal yab'al ja Dyos it wax ya jta' koltajeltik b'a chonab' jumasa ek' ye'i.
5Jaxa Felipe ti waj b'a chonab' Samaria, ti och yal yab' ja swinkil ja chonab' jawi, ja och yal ja yab'al ja Kajwaltik Jesús. Ja Felipe ja'ni june ja juke diacono ja ma' wa skoltane ja jmoj alijeltik jumasa. 6Spetsanil ja kristyano jumasa wa stsomo sb'aje smaklajel ja jas wax yala ja Felipe b'a oj cho yil'e ja milagro jumasa wa sk'u'lani. 7Jitsan ja ma'tik waj iljuk yuji, ay ma wa'n ixtalajel yuj ja tantik pukuj it jel malo, jaxa Felipe ch'ak snuts el ja tantik pukuj jumasa jawi, jaxa tantik pukuji elyeni'a wa'ne awanel ch'ak eluke. Mi kechanuk ja jawi, ay jitsan ma'tik mix b'ob' b'ejyuke yuj ja tsats ay ja yok sk'ab'i, ch'akni b'ejyuke ja k'ak'u jawa. 8Spetsanil ja swinkil ja chonab' jawi, jel lek ajyiye.
9Ayxa k'ak'u jun winik sb'i'il Simon ti ay ek' tiwi. Ja winik jawi jel wa slo'la ja kristyano jumasa swinkil ja Samaria yuj ja jastal wax ajnani, sok wa sk'u'an sb'aj ke jel niwan ja ya'tel b'a wa sk'u'lani. 10Spetsanile, a'nima jel ja jastik sb'aji ma mey jas yi'oj wani smaklaye ja jas wax yala'a, ti wax yalawe'a: —Ja winik iti, ja'ni yi'oj ja yip ja Dyosi, xchiye.
11Spetsanil ja kristyano jumasa jel wa sk'u'ane ja jastal wa sk'u'lan ja ya'tel ja winik jawi. 12Jaxa yajni k'ot ja Felipe, och yal jastal jel tsamal ja yab'al ja Dyosi. Ja och yal ja yab'al ja Kajwaltik Jesús Mesiasi, spetsanil ja swinkil ja Samaria sk'u'ane. Jachuk ja Felipe ya yi' ja' jitsan kristyano.
13Jach'ni ja Simoni, cho sk'u'an ja yab'al ja Dyos it yala ja Felipe, ja'yuj ti'xa a'ji yi' ja' yuj ja Felipe'a. Jaxa Simoni jelx cham sk'ujol yuj ja milagro jumasa wa sk'u'lan ja Felipe, ja'yuj mixa sk'ana oj spil sb'aj sok.
Ja Pedro sok ja Juani wajye b'a Samaria
14Ja sjekab'anum jumasa ja Jesusi, ti aye b'a Jerusalen. Yajni yabye sk'u'aneta ja yab'al ja Dyos ja swinkil ja Samaria, ti sjekawe ja Pedro sok ja Juan ja b'a lugar jawi. 15Yajni k'otye ja it jumasa ma' yajk'achilto wa'ne sk'u'ajel ja Kajwaltiki, ti och sk'umuke ja Dyos b'a oj a'juk yi'e ja Espiritu Santo, 16yuj ja mitoni yuj yi'ojuke'i. Yuj ja cho kechan yi'oje ja' b'a sb'i'il ja Kajwaltik Jesusi. 17Jaxa Pedro sok ja Juani, ti ya' kajan ja sk'ab'e b'a kada jujune ja s'olome' ja ye'nle'i, spetsanile ch'akni yi'e ja Espiritu Santo.
18Yajni yila ja Simon kechan yuj ja wax ya'we kajan ja k'ab'e ja sneb'uman ja Kajwaltik b'a s'olom ja kristyano'i, wanix ch'ak yi'ekan ja Espiritu Santo'a, jaxa ye'n ja Simoni, ti k'apji yi'e tak'in ja sjekab'anum ja Kajwaltiki, ti yal yabye'a:
19—Ja jastal waxa k'u'lanex ja we'nlexi cho a'wiki ja ke'n ja wa wip a wi'oj we'nlexi. Jach'ni ja ke'n oj b'ob' ka' yi'e' ja Espiritu Santo ja ma' oj ka' yi'e kajan ja k'ab' b'a s'olome'i, —xchi ja Simoni.
20Jaxa Pedro ti yala'a:
—Chaman sok lajan spetsanil ja wa tak'ini—. —Ja jas wa sk'eb'a ja Dyosi, mix b'ob' manxuk sok tak'in—. 21Ja we'n mi jas oj b'ob'uk a wuj sok ja ke'ntikoni, yuj ja Dyosi, wa sna'a lek, ja jas mi lek wana pensari. 22-23Chikan lek wax kila ja ke'n. Jel t'ilan oj a wa'kan ja jas mi leki. Ta yuj k'a oj a k'an yi ja Dyos mi oj ya a' tup ja jas mi lek waxa k'ulani, b'ob'ta mi oj ya a tupe, —xchi ja Pedro.
24Jaxa Simoni, ti och sk'an ts'akatal:
—Awapaborexi, k'anawik yi ja Dyos mi oj ya tupe, b'a jach' mi oj ch'amkona, xchi ja Simoni.
25Ja yajni ti'to aye b'a Samaria ja Pedro sok ja Juani, yalawe ja yab'al ja Kajwaltik. Tsa'an ti'xa kumxiye b'a chonab' Jerusalen, jaxa b'a b'eji, wa'neni yaljel yab' ja samaritenio jumasa, ja jastal jel tsamal wa'n sk'u'lajel mandar ja Dyosi.
Ja Felipe sok ja winik niwan ya'tel b'a etiopia
26Jun yanjel ja Kajwaltik je'ji sb'aj yi ja Felipe, ti alji yab'a: —Chapa a b'aj b'a oj ek' a k'uts och ja chayan lugari, ti la waj b'a lado ko'el k'inal b'a b'ej it wax waj b'a chonab' Jerusalen sok b'a Gaza—.
27-28Jaxa Felipe sk'u'ani'a. Ja b'a b'eji ti sta'a sb'aj sok jun winik jel niwan ja ya'teli, ye'n wa snolo ja stak'in ja ixawalal sb'aj Etiopia. Ja winik jawi, ti waj b'a Jerusalen b'a waj stoy ja Dyosi ja k'ak'u jawi, kumxumxa b'a schonab'il.
Ja winik jawi, ti kulan ek' b'a skarreta, ja wa'n sk'umajel och ja jas ts'ijb'anub'al b'a sju'un ja aluman Dyos Isaiasi. 29Jaxa Yespiritu ja Dyosi, ti yal yab' ja Felipe: —Ochan och mojan ja b'ay ja karreta jawi, ti la waj sok lajana.
30Jaxa Felipe ajnel waj sta' ja karreta jawi. Yajni mojanxa yi'oji, ti yab'a ja winik jawi, ja wa'n sk'umajel ja jas ts'ijb'anub'al b'a sju'un ja aluman Dyos Isaiasi. Ja'yuj ti sjob'o yi'a:
—¿Wa'n a maxa wab' sb'ej ja jas wa'na sk'umajeli?
31Jaxa winik jawi, ti yala'a:
¿Jastal oj kab' sb'ej, ta mi k'a ma' oj yal kab' ja sb'eji? —xchi ja winiki.
Yajni ch'ak yal ja jastal it ja winik jawi, ti sloko ja Felipe a k'e'uk ja b'a jkarreta, ti ya kulan b'a jts'e'el. 32-33Ja k'ak'u jaw ja winiki, ja wa'n sk'umajel ja it wax yala jastal iti:
—Ti i'ji och b'a wax milji ja chante jumasa,
jach' i'ji och jastal jun yal chej
b'a oj joxjuk yi ja tso'otsil.
Lajan sok jastal jun yal chej,
mini t'un jas yala'a.
Jel ixta ilji, sok jel ch'in yilawe,
jachuk mini jas yala'a.
—Mini t'un syajtane'a;
mi ma, ja syala yuj ja mey yuntikili.
Jachuk b'ob'ni smil'e'a—.
34Ja winik jawi, ti sjob'o yi ja Felipe:
—Awapabori ala kab'i: ¿Ja iti, ye'n ita ma wa'n yaljel sb'a ja aluman Dyosi, ma' ay ma otro wa'n sta'jel ti?
35Ja'yuj ja Felipe, ti yala ja jas wax yala ja aluman Dyos Isaiasi, ja'ni och yal ja tsamal yab'al ja Kajwaltik Jesusi. 36-37Ja b'a b'ej wajume'i, ti k'otye b'a jun lugar b'a ay ja', ja'yuj sjob'o ja winiki: —Ja ili ay ja'—. ¿Jaxa ya'n mi ojxa b'ob' wa ki' ja'? Ti alji yab' yuj ja Felipe: —Ta yuj k'a waxa k'u'an sok spetsanil a k'ujol ja Kajwaltik Jesús yunin ja Dyosi, ojxa ni b'ob' a wi' ja'a. Ti yala ja winiki: —Wa'n wax k'u'an ja'ni yunin ja Dyos ja Kajwaltik Jesusi, —xchi ja winiki.
38Tsa'an ja winik jawi, ti ya k'ot tek'an ja skarreta. Ti ko'ye sok ja Felipe b'a ja'i, ti'xa a'ji yi' ja' yuj ja Felipe. 39Jaxa yajni elye ja b'a ja'i, ti'xa i'ji ja Felipe yuj ja Yespiritu ja Dyosi; jaxa winiki a'nima mixa yila ja Felipe, jelni gusto waj ja b'a sb'eja.
40Ochta k'ak'u ja Felipe ti elk'ot b'a jun lugar sb'i'il Azoto, cho el ja tiwi, ti waj b'a Cesarea, b'a spetsanil ja lugar jumasa b'a ek'i, wa'n yaljel ja tsamal yab'al ja Kajwaltik Jesusi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021