Hechos 19
19
Ja Pablo waj b'a Efesio
1Ja yajni tey b'a Corinto ja Apolosi, jaxa Pablo ti ek' och b'a yoj yax k'ul jumasa, ti k'ot b'a chonab' Efesio. Ja b'a chonab' jawi, sta'a chab' oxe ma' sk'u'unexa ja Kajwaltik Mesiasi, 2Ti sjob'o yi'e'a:
¿Ja k'ak'u a k'u'anex t'an ja yab'al ja Dyosi, a wi'ajex ma ja Espiritu Santo?
Jaxa ye'nle'i, ti yalawe'a:
—Miyuk, mix na'atikon ta ay Espiritu Santo, —xchiye.
3Ti alji yabye yuj ja Pablo:
¿Jas lom a wi'ajex ja' b'a?
Ti yalawe ja ye'nle'i:
—Ki'ajtikon ja' ja'yuj ja jach' sje'a ki'tikon ja Juan it ma' ya'a yi'jel ja'i, —xchiye.
4Ti alji yabye yuj ja Pablo:
Ja kristyano jumasa ma' ya yi' ja' ja Juani, sk'anayi ja Dyos oj ch'ayjuk yi'e ja smule'i. Cho yalni yab' ja kristyano jumasa t'ilan oj sk'u'uke ja Jesús ma' ti' jakum tsa'an yuj ja ye'ni.
5Jaxa yajni ch'ak smaklaye ja jastal jaw ja ye'nle'i, ti'xa a'ji yi'e' ja' sok ja sb'i'il ja Kajwaltik Jesusi. 6-7Ja Pablo ti ya' kajan ja sk'ab' b'a kada jujune' ja ye'nle'i, aye lajchawe ja spetsanile'i, ja k'ak'u jawi ti ko' sb'aje ja Espiritu Santo. Ti och k'umanuke pilan k'umala. Ja'ni i'ji majan ja st'i'e' yuj ja Dyosi.
8B'a yojol oxe ixaw ja Pablo spetsanil ja sk'ak'u'il jijlel jumasa ti wax waj b'a wa stsomo sb'aje ja judio jumasa. Mini jun sxiwel wax yal yab' ja kristyano jumasa ja yab'al ja Dyosi, wa sle'a lek jastal oj yabye sb'ej b'a oj sk'u'uke ja Jesusi. 9Jasa, ay chab' oxe judio ch'u'uy b'i ja sk'ujol'ei, mi sk'ana oj sk'u'uke. Mini jun sb'ej ja jastal och sta'e ti' ja ma'tik wa sk'u'an ja Jesusi. Yajni yila ja Pablo ja jas wa'ne'i ti spila sb'a ja, yi'aj ja yajk'achil ma'tik wa sk'u'an ja Jesusi, waj sok b'a jun na'its b'a wax neb'xi ju'un, sb'a jun winik sb'i'il Tirano, ti wa stsomo sb'aje tiw spetsanil k'ak'u.
10B'a yojol chab' jab'il jach' sk'u'lan ja Pablo ja tiwi, yala ja yab'al ja Jesusi. Ja'yuj jitsan ja swinkil ja Asia smaklaye ja yab'al ja Kajwaltik Jesusi. Ja ma judio sok ja ma mi judio'uki.
Ja yuntikil ja Esceva
11Ja b'a chonab' Efesio ja Dyosi, sk'u'lan niwak milagro ja Pablo. 12Ja kristyano jumasa, yi'aje och mojchilal sk'u' ja ma' mi lek ayi, kechan ita yuj ja syama ja Pablo, waj ya'we pak'an ja b'a skwerpo ja ma mi lek ayi, jaxa ye'nle'i tojb'i ye'ni'a. Cho jach'ni ya'we yi pak'an ja ma'tik wa'n ixtalajel yuj ja tantik pukuji, jaxa tantik pukuj jawi, ch'akni eluke'a.
13Ja b'a chonab' Efesio ti aye chab' oxe judio wax ya'we makunuk ja sb'i'il ja Kajwaltik Jesús b'a oj ya'we eluk ja tan pukuj wax yixtala'an ja kristyano jumasa. Ti wax yalwe yab' ja tan pukuji: —Sok ja sb'i'il ja Jesús it wa sta'a ti ja Pablo, wax kala wabyex elanik ja b'a winik iti.
14Jach' wa sk'u'lane jastal it ja jukwane yuntikil ja pagre Esceva. 15Ja jun majke'i june ja tan pukuji ti jak'ji yi'e'a: —Ja ke'n wax na'a sb'aj ja Jesusi, cho wani ja Pablo, jaxa we'nlexi ¿machun kilukex b'a?
16Jaxa winik ma' tey sok ja tan pukuji, ti b'ajtijan sb'aje'a och mak'juke. Ja'yuj spakawe ajnel ja b'a lugar aye'i, b'asan a'jiye kani, sok yajb'el lek a'ji ye kani. 17Jaxa ma' tey b'a Efesio ma judio sok ja ma mi judio'uki yabye yab'alil ja jas ek'i jel och ja sxiwele'i. Ja'yuj b'a spetsanil ja chonab' jumasa jel toyob'al yujile ja sb'i'il ja Kajwaltik Jesusi.
18Jitsan ja ma'tik sk'u'an ja Jesusi, wax yalawe yab' ja kristyano jumasa ja jas mi lek wa sk'u'lane ajyi. 19Jach'ni ja ma'tik sneb'unej brujo'ili, yi'aje jan ja sju'une b'a wa sneb'awe soki, ti ch'ak stsik e' b'a sti' sat ja kristyano jumasa. Ja sts'akol ja sju'une jawi ay mojan chab' tajb'e sok lajune mil sat sakal tak'in, 50,000.
20Ja'xa yab'al ja Kajwaltik Jesusi, spetsanil k'ak'u wa'n pukxel b'a chonab' jumasa, ja kada majke wa smaklaye'i, wa'n lek pojxel ja ma wa sk'u'an yuj ja wax yilawe jastal jel niwan ja yipi.
K'e jun k'umal b'a Efesio
21Yajni ch'ak ek' spetsanil ja iti, ti yala ja Pablo oj yulata ja ma'tik wa sk'u'an ja Kajwaltik b'a Masedonia sok b'a Acaya, ti'xta'a cho yala oj waj b'a Jerusalen sok b'a Roma, 22Ja'yuj ti sjeka ja Timoteo sok ja Erasto, b'a Masedonia yuj ja ye'nle'i, wax koltajiye yuj ja b'a ya'tel ja Dyosi, jaxa ye'n ti kan chab' oxe k'ak'u b'a Asia.
23Ja k'ak'u jumasa jaw ja snochoman ja Jesusi, ti k'e'ye jun k'umala, 24Ja ma ya k'e'uk ja k'umal jawi jun winik sb'i'il Demetrio. Ja'ni mero schol wa sk'u'lan yal chi'n na'its b'a toj sakal tak'in, jaxa ye'n sok ja ma'tik wax koltaji yuji, jel wa sta'a ja stak'ine yuj ja wa sk'u'lane ja yal ch'in na'its jumasa oj slaj jastal ja snajtsil tsomjel b'ay ja sdyose Diana. 25Jaxa Demetrio ti stsomo sb'aj sok ja ma'tik wax koltaji yuji, sok ja ma'tik wax ya'teltaye ja jastal wa sna'a ja ye'nle'i, ti yala'a:
—Winike jumasa, ja we'nlexi waxa na'awex lek yuj ja ka'teltik wax k'u'lantiki, ja'yuj lek wax ekujtikik. 26Jasa, jmaklatikonta ja tan winik sb'i'il Pablo wa'n sjomjel yi s'olom ja kristyano jumasa b'a Efesio sok b'a Asia. Wanb'ix yala ja dyos jumasa wax k'u'lantiki mi b'i dyosuk meran, sok jitsan kristyano jumasa sk'u'anta. 27Ja Pablo mi kechan ja'uk wa'n sjomjel ja ka'teltiki, cho jach'ni ja jastal wax toyotik b'a snajtsil tsomjel ja jniwan jdyostik Artemisa. Ja jya'n wantonix yajtaxi ja ye'na sok wax kisji yuj ja swinkil ja chonab' jumasa b'a Asia sok b'a slechanal ja lu'umi, t'un sk'ana, ojto waj na'tik mixa ma oj sk'an oj stoy ja ye'ni.
28Yajni yabye ja syala ja Demetrio ja kristyano jumasa jel k'e ja skoraja'e'i, ti och awanuke'a: —Sak'an lek ja jnantik Artemisa, yixawalil ja Efesio, —xchiyexta. 29Ja'yuj spetsanil ja swinkil ja chonab'i jel jom ja s'olome'i, wajye chab' oxe ja ye'nle'i waj syam'e' ja Gayo sok ja Aristarco schawanil ja ye'nle'i ja' smoj ja Pablo ti jakele b'a Masedonia, skichawe och man b'a wax ya'we yi ja sjunta'e'i. 30Jaxa Pablo wa sk'ana oj ochuk b'a oj sk'um sb'a sok ja kristyano jumasa, jaxa ma'tik wa sk'u'an ja Jesusi yalwe yab' miyuk. 31Cho jachuk chab' oxe ja ma lek wax yila sb'aj sok ja Pablo ja ma' ay schol b'a chonab' jawi, sjekawe ma waj yal yab' mok och ja ye'n.
32Ja b'a yoj na'its, tsomane'i toj jom olom aye. Ja kristyano jumasa wa'nxta awaljuke, jasa, ay chab' oxe mini t'un wa sna'we jasyuj ja ti aye tiwi. 33Ja judio jumasa ma'tik ay ya'teli, ti sjutb'ine och jun winik sb'i'il Alejandro b'a ek' b'a sti sat ja kristyano jumasa b'a oj och yil ja jas wa'n ek'eli. Jaxa Alejandro ti slika ja sk'ab' b'a oj ch'aj b'ajuk ja kristyano jumasa, yuj ja' oj skolta ja judio jumasa ma wa sk'u'an ja Dyosi. 34Yajni sna'awe k'inal ke ja Alejandro cho judio ja ye'n, ti cho k'e awaljuke'a alb'iye lek: —Sak'an lek ja jnantik Artemisa, yixawalil ja Efesio, —xchiyexta.
35Jaxa ma' wax ts'ijb'ani yuj ja ma' ay schol b'a chonab' jawi, yajni ya ch'ajb'ajuk t'usan ja kristyano jumasa, ti yala'a:
—Swinkil ja chonab' Efesio, ke'n ay jcholtikon b'a oj talnatikon ja snajtsil stsomjel ja niwan dyos Artemisa sok ja sretrato'ili, ja ye'ni ti'ni ko'kon b'a satk'inala. 36Ja iti wax na'atik lek jpetsaniltik, ja'yuj mey sb'ej ja jom olomil iti. A'wik kulan mok ma och ajnel jomol. 37Yuj ja tantik winik jumasa it a wi'ajex jani mey smule, mini wa'nuke sta'jel ti malo ja snajtsil stsomjel ja jdyostik Artemisa. 38Jaxa Demetrio sok ja smoj a'tel jumasa, ta ay k'a ja syi'oje sok ja winike jumasa iti, a waj yal'e yab' ja ma' ay ya'teli. Ja tiwi jujune oj ek'uke. 39Yuj k'a ay jas tuk oj yal'e' ma oj schap'e', ti schapawe ja yajni ti tsoman ja ma' ay ya'teli. 40Mini jun sb'ej ja wa'ntik ya'jel k'e'uk ja k'umal iti; Ay modo oj sle' jmultik ja ma' ay ya'tel ke'n wa'ntik sjomjel yi s'olom ja kristyano jumasa, —xchi ja ts'ijb'anum jawi.
Yajni ch'ak yal ja jastal it ja ts'ijb'anumi, ti yal yab' spetsanil ja kristyano jumasa a'xa b'i ch'ak wajuke.
Iliyochaguliwa sasa
Hechos 19: YABD
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021
Hechos 19
19
Ja Pablo waj b'a Efesio
1Ja yajni tey b'a Corinto ja Apolosi, jaxa Pablo ti ek' och b'a yoj yax k'ul jumasa, ti k'ot b'a chonab' Efesio. Ja b'a chonab' jawi, sta'a chab' oxe ma' sk'u'unexa ja Kajwaltik Mesiasi, 2Ti sjob'o yi'e'a:
¿Ja k'ak'u a k'u'anex t'an ja yab'al ja Dyosi, a wi'ajex ma ja Espiritu Santo?
Jaxa ye'nle'i, ti yalawe'a:
—Miyuk, mix na'atikon ta ay Espiritu Santo, —xchiye.
3Ti alji yabye yuj ja Pablo:
¿Jas lom a wi'ajex ja' b'a?
Ti yalawe ja ye'nle'i:
—Ki'ajtikon ja' ja'yuj ja jach' sje'a ki'tikon ja Juan it ma' ya'a yi'jel ja'i, —xchiye.
4Ti alji yabye yuj ja Pablo:
Ja kristyano jumasa ma' ya yi' ja' ja Juani, sk'anayi ja Dyos oj ch'ayjuk yi'e ja smule'i. Cho yalni yab' ja kristyano jumasa t'ilan oj sk'u'uke ja Jesús ma' ti' jakum tsa'an yuj ja ye'ni.
5Jaxa yajni ch'ak smaklaye ja jastal jaw ja ye'nle'i, ti'xa a'ji yi'e' ja' sok ja sb'i'il ja Kajwaltik Jesusi. 6-7Ja Pablo ti ya' kajan ja sk'ab' b'a kada jujune' ja ye'nle'i, aye lajchawe ja spetsanile'i, ja k'ak'u jawi ti ko' sb'aje ja Espiritu Santo. Ti och k'umanuke pilan k'umala. Ja'ni i'ji majan ja st'i'e' yuj ja Dyosi.
8B'a yojol oxe ixaw ja Pablo spetsanil ja sk'ak'u'il jijlel jumasa ti wax waj b'a wa stsomo sb'aje ja judio jumasa. Mini jun sxiwel wax yal yab' ja kristyano jumasa ja yab'al ja Dyosi, wa sle'a lek jastal oj yabye sb'ej b'a oj sk'u'uke ja Jesusi. 9Jasa, ay chab' oxe judio ch'u'uy b'i ja sk'ujol'ei, mi sk'ana oj sk'u'uke. Mini jun sb'ej ja jastal och sta'e ti' ja ma'tik wa sk'u'an ja Jesusi. Yajni yila ja Pablo ja jas wa'ne'i ti spila sb'a ja, yi'aj ja yajk'achil ma'tik wa sk'u'an ja Jesusi, waj sok b'a jun na'its b'a wax neb'xi ju'un, sb'a jun winik sb'i'il Tirano, ti wa stsomo sb'aje tiw spetsanil k'ak'u.
10B'a yojol chab' jab'il jach' sk'u'lan ja Pablo ja tiwi, yala ja yab'al ja Jesusi. Ja'yuj jitsan ja swinkil ja Asia smaklaye ja yab'al ja Kajwaltik Jesusi. Ja ma judio sok ja ma mi judio'uki.
Ja yuntikil ja Esceva
11Ja b'a chonab' Efesio ja Dyosi, sk'u'lan niwak milagro ja Pablo. 12Ja kristyano jumasa, yi'aje och mojchilal sk'u' ja ma' mi lek ayi, kechan ita yuj ja syama ja Pablo, waj ya'we pak'an ja b'a skwerpo ja ma mi lek ayi, jaxa ye'nle'i tojb'i ye'ni'a. Cho jach'ni ya'we yi pak'an ja ma'tik wa'n ixtalajel yuj ja tantik pukuji, jaxa tantik pukuj jawi, ch'akni eluke'a.
13Ja b'a chonab' Efesio ti aye chab' oxe judio wax ya'we makunuk ja sb'i'il ja Kajwaltik Jesús b'a oj ya'we eluk ja tan pukuj wax yixtala'an ja kristyano jumasa. Ti wax yalwe yab' ja tan pukuji: —Sok ja sb'i'il ja Jesús it wa sta'a ti ja Pablo, wax kala wabyex elanik ja b'a winik iti.
14Jach' wa sk'u'lane jastal it ja jukwane yuntikil ja pagre Esceva. 15Ja jun majke'i june ja tan pukuji ti jak'ji yi'e'a: —Ja ke'n wax na'a sb'aj ja Jesusi, cho wani ja Pablo, jaxa we'nlexi ¿machun kilukex b'a?
16Jaxa winik ma' tey sok ja tan pukuji, ti b'ajtijan sb'aje'a och mak'juke. Ja'yuj spakawe ajnel ja b'a lugar aye'i, b'asan a'jiye kani, sok yajb'el lek a'ji ye kani. 17Jaxa ma' tey b'a Efesio ma judio sok ja ma mi judio'uki yabye yab'alil ja jas ek'i jel och ja sxiwele'i. Ja'yuj b'a spetsanil ja chonab' jumasa jel toyob'al yujile ja sb'i'il ja Kajwaltik Jesusi.
18Jitsan ja ma'tik sk'u'an ja Jesusi, wax yalawe yab' ja kristyano jumasa ja jas mi lek wa sk'u'lane ajyi. 19Jach'ni ja ma'tik sneb'unej brujo'ili, yi'aje jan ja sju'une b'a wa sneb'awe soki, ti ch'ak stsik e' b'a sti' sat ja kristyano jumasa. Ja sts'akol ja sju'une jawi ay mojan chab' tajb'e sok lajune mil sat sakal tak'in, 50,000.
20Ja'xa yab'al ja Kajwaltik Jesusi, spetsanil k'ak'u wa'n pukxel b'a chonab' jumasa, ja kada majke wa smaklaye'i, wa'n lek pojxel ja ma wa sk'u'an yuj ja wax yilawe jastal jel niwan ja yipi.
K'e jun k'umal b'a Efesio
21Yajni ch'ak ek' spetsanil ja iti, ti yala ja Pablo oj yulata ja ma'tik wa sk'u'an ja Kajwaltik b'a Masedonia sok b'a Acaya, ti'xta'a cho yala oj waj b'a Jerusalen sok b'a Roma, 22Ja'yuj ti sjeka ja Timoteo sok ja Erasto, b'a Masedonia yuj ja ye'nle'i, wax koltajiye yuj ja b'a ya'tel ja Dyosi, jaxa ye'n ti kan chab' oxe k'ak'u b'a Asia.
23Ja k'ak'u jumasa jaw ja snochoman ja Jesusi, ti k'e'ye jun k'umala, 24Ja ma ya k'e'uk ja k'umal jawi jun winik sb'i'il Demetrio. Ja'ni mero schol wa sk'u'lan yal chi'n na'its b'a toj sakal tak'in, jaxa ye'n sok ja ma'tik wax koltaji yuji, jel wa sta'a ja stak'ine yuj ja wa sk'u'lane ja yal ch'in na'its jumasa oj slaj jastal ja snajtsil tsomjel b'ay ja sdyose Diana. 25Jaxa Demetrio ti stsomo sb'aj sok ja ma'tik wax koltaji yuji, sok ja ma'tik wax ya'teltaye ja jastal wa sna'a ja ye'nle'i, ti yala'a:
—Winike jumasa, ja we'nlexi waxa na'awex lek yuj ja ka'teltik wax k'u'lantiki, ja'yuj lek wax ekujtikik. 26Jasa, jmaklatikonta ja tan winik sb'i'il Pablo wa'n sjomjel yi s'olom ja kristyano jumasa b'a Efesio sok b'a Asia. Wanb'ix yala ja dyos jumasa wax k'u'lantiki mi b'i dyosuk meran, sok jitsan kristyano jumasa sk'u'anta. 27Ja Pablo mi kechan ja'uk wa'n sjomjel ja ka'teltiki, cho jach'ni ja jastal wax toyotik b'a snajtsil tsomjel ja jniwan jdyostik Artemisa. Ja jya'n wantonix yajtaxi ja ye'na sok wax kisji yuj ja swinkil ja chonab' jumasa b'a Asia sok b'a slechanal ja lu'umi, t'un sk'ana, ojto waj na'tik mixa ma oj sk'an oj stoy ja ye'ni.
28Yajni yabye ja syala ja Demetrio ja kristyano jumasa jel k'e ja skoraja'e'i, ti och awanuke'a: —Sak'an lek ja jnantik Artemisa, yixawalil ja Efesio, —xchiyexta. 29Ja'yuj spetsanil ja swinkil ja chonab'i jel jom ja s'olome'i, wajye chab' oxe ja ye'nle'i waj syam'e' ja Gayo sok ja Aristarco schawanil ja ye'nle'i ja' smoj ja Pablo ti jakele b'a Masedonia, skichawe och man b'a wax ya'we yi ja sjunta'e'i. 30Jaxa Pablo wa sk'ana oj ochuk b'a oj sk'um sb'a sok ja kristyano jumasa, jaxa ma'tik wa sk'u'an ja Jesusi yalwe yab' miyuk. 31Cho jachuk chab' oxe ja ma lek wax yila sb'aj sok ja Pablo ja ma' ay schol b'a chonab' jawi, sjekawe ma waj yal yab' mok och ja ye'n.
32Ja b'a yoj na'its, tsomane'i toj jom olom aye. Ja kristyano jumasa wa'nxta awaljuke, jasa, ay chab' oxe mini t'un wa sna'we jasyuj ja ti aye tiwi. 33Ja judio jumasa ma'tik ay ya'teli, ti sjutb'ine och jun winik sb'i'il Alejandro b'a ek' b'a sti sat ja kristyano jumasa b'a oj och yil ja jas wa'n ek'eli. Jaxa Alejandro ti slika ja sk'ab' b'a oj ch'aj b'ajuk ja kristyano jumasa, yuj ja' oj skolta ja judio jumasa ma wa sk'u'an ja Dyosi. 34Yajni sna'awe k'inal ke ja Alejandro cho judio ja ye'n, ti cho k'e awaljuke'a alb'iye lek: —Sak'an lek ja jnantik Artemisa, yixawalil ja Efesio, —xchiyexta.
35Jaxa ma' wax ts'ijb'ani yuj ja ma' ay schol b'a chonab' jawi, yajni ya ch'ajb'ajuk t'usan ja kristyano jumasa, ti yala'a:
—Swinkil ja chonab' Efesio, ke'n ay jcholtikon b'a oj talnatikon ja snajtsil stsomjel ja niwan dyos Artemisa sok ja sretrato'ili, ja ye'ni ti'ni ko'kon b'a satk'inala. 36Ja iti wax na'atik lek jpetsaniltik, ja'yuj mey sb'ej ja jom olomil iti. A'wik kulan mok ma och ajnel jomol. 37Yuj ja tantik winik jumasa it a wi'ajex jani mey smule, mini wa'nuke sta'jel ti malo ja snajtsil stsomjel ja jdyostik Artemisa. 38Jaxa Demetrio sok ja smoj a'tel jumasa, ta ay k'a ja syi'oje sok ja winike jumasa iti, a waj yal'e yab' ja ma' ay ya'teli. Ja tiwi jujune oj ek'uke. 39Yuj k'a ay jas tuk oj yal'e' ma oj schap'e', ti schapawe ja yajni ti tsoman ja ma' ay ya'teli. 40Mini jun sb'ej ja wa'ntik ya'jel k'e'uk ja k'umal iti; Ay modo oj sle' jmultik ja ma' ay ya'tel ke'n wa'ntik sjomjel yi s'olom ja kristyano jumasa, —xchi ja ts'ijb'anum jawi.
Yajni ch'ak yal ja jastal it ja ts'ijb'anumi, ti yal yab' spetsanil ja kristyano jumasa a'xa b'i ch'ak wajuke.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021