1 Tesalonicenses 5
5
1Jmoj aljel jumasa, mi oj b'ob' jts'ijb'a a wi'ex ja sk'ak'u'il oj ek' spetsanil ja iti. 2Ja we'nlexi, waxa na'awex lek yuj ja Kajwaltik Jesusi, ja' oj jakuk ja k'ak'u yajni mi ja'uk wa'n majlaxeli, jach' oj jak jastal jun elk'anum b'a a'kwal. 3Jaxa kristyano'i, ti' oj yal'e'a: —Spetsanil laman ay, ja'yuj mi lom la xiwtik—, jun ita ch'ay k'ujol oj ch'ak spetsanil ja jastik jumasa. Mi ma oj b'ob' skolta sb'aj yuj ja' oj ek'uk ja yajni mi ja'uk wa'ntik smajlajeli, jach' jastal wax k'e' syajal skwerpo jun ixuk ma' kuchan yuj niwan chamel. —Mi oj b'ob'a kolta b'ajex. 4Ja we'nlex jmoj aljel jumasa, mok a wal'ex yuj mixa na'awex ja iti, ja'yuj, ja yajni oj kumxuk ja Kajwaltik Jesusi, mi ch'ay k'ujoluk oj yi'ex jastal ja elk'anum b'a a'kwali. 5A petsanil ja we'nlexi, waxa k'u'anex ja Kajwaltik Jesusi, ja jastal jawi, lajan sok ti ayex b'a yijlab' k'ak'u, mi k'ik'inaluk ayukex. 6Ja'yuj jel t'ilan oj sak'tes k'inal jb'ajtikik, la cho ayukotik toj, mok jel niwan k'ujol ajyukotikik jastal ja tuk jumasa. 7Ja ma'tik ja wajel sk'ujol sle'jel ja smule'i, sok ja ma'tik jex yakb'iye'i, mix cham sk'ujole yuj ja oj kumxuk ja Kajwaltik Jesusi, ja smeranili, yujni ti' aye b'a k'ik'inala. 8Ja ke'ntiki, mi ti' ayukotik b'a yoj k'ik'inal, tini aytik b'a sakal k'inala. Ja'yuj sb'ej oj sak'tes k'inal jb'ajtik la ka' sniwanil jk'ujoltik ja Dyosi, la cho jyajtatik spetsanil ja jmojtik jumasa. —Ja sniwanil jk'ujoltik sok ja syajal jk'ujoltiki, oj b'ob' skoltayotik b'a mi oj le' jmultik, sok potsanotik lek—. Ta yuj k'a mi jas tuk wax ek' jk'ujoltik ja b'a jkoltajeltiki lajan sok ay jas lapan kujtik b'a oj skoltayotik. 9Ja Dyosi, mi sle'awotik b'a oj ya ki'tik wokol, miyuk, sle'awotik b'a oj jta' jkoltajeltik yuj ja Kajwaltik Jesusi. 10Yuj ja ke'ntiki, ja'yuj cham ja Kajwaltik Jesús b'a ti' oj ayukotik sok ja ye'n, a'nima sak'anotik ma chamelotikxa ja yajni oj kumxuki. 11Ja'yuj tsatsal k'ujolan a b'ajex sok ja tuk jumasa koltalan a b'ajik b'a tsats oj a k'u'ukex ja Kajwaltiki, jach'ni jastalxa wa'nex sk'u'lajeli.
B'a stik'anal ja lo'il jumasa
12Jmoj aljel jumasa, ts'akatalukexa kisawik ja ma'tik ay ya'tel awujilex b'a snajtsil tsomjeli. Ja ye'nle'i jel wa stsatsal k'ujolan sb'aje b'a oj sje'a a wi'ex jastal oj ja k'u'ukex ja Kajwaltiki. 13Ja'yuj le'awik jastal sok syajal a k'ujolex kisawik yuj ja a'tel wa'ne sk'u'lajeli, cho laman ajyanik a petsanilex.
14Jmoj aljel jumasa, wax cho kalatikon a wabyex komowik t'unuk ja ma' mi ja sk'ana oj sk'u'luke'i. Sajb'esik ja ma jel ko'el wax ya'a sb'aji, cho koltayik ja ma' ayto jas wax ek' sk'ujole yuj ja Kajwaltik Jesusi, cho majlayik b'a spetsanil.
15Mok a wi'ex lek ta ay ma' mi sb'ejuk oj sk'u'l yi ja ma' mini jun sb'ej wa sk'u'lani, ja yuj jel t'ilan oj ja tsatsal k'ujoluka b'ajex oj ja k'u'lukex b'a lek ja janek' ayexi, cho jach'ni sok spetsanil ja tuk jumasa.
16Gusto ajyanik kada k'ak'u. 17Mok a wa'wex kan sk'umajel ja Dyosi. 18Chikan jastal wax ek' a wujilex, awik yi ts'akatal ja Dyosi. Ja jastal jawi, jach' wa sk'ana ja Dyos oj ja k'u'lukex yuj ja a k'u'anexta. 19Mok spil sb'aj a mokex ja Espiritu Santo. 20Yuj k'a ye'n wax ya'a na'ex oj ja wal'ex ja jas wa sk'ana ja Dyosi, mok a wal mi oj ja k'u'lukex. 21K'elawik b'ajtan, kechan i'aj kan b'a leki, 22jaxa b'a mi lekuki ch'akan a'wikani.
23Ja Dyos it wax ya'wotik lamani, ye'n oj skoltayex b'a kechan ja oj ja k'u'lukex ja ya'teli. Ye'n oj stalnayex b'a mi oj ja le' a mulex man oj kumxuk ja Kajwaltik Jesusi, b'a jach' mi oj sta smul b'a sti' sat ja Dyos wa waltsilexi, ja jas wax ek' a k'ujolex sok wa skwerpo'exi. 24Ye'n stsa'awotik b'a oj ochkotik yuntikilil, ja iti, oj sk'ul spetsanil, yuj ja jas wax yala, wani sk'u'lan merana.
Ojxa wajuk ja Pablo
25Jmoj aljel jumasa, k'umanik ja Dyos yuj ja ke'ntikoni.
26Pata k'ujola b'ajex ujts'an wa chojex sok spetsanil ja jmoj aljeltik jumasa.
27Sok ja a'tel wax ya'ki ja Kajwaltik Jesusi, wax kala wabyex k'umanik ja ju'un it sok spetsanil ja jmoj aljeltik jumasa.
28Wax k'ana yi ja Kajwaltik Jesús mok ya'kan sje'jel a wi'ex ja syajal sk'ujoli, —Jach'ni'a.
Iliyochaguliwa sasa
1 Tesalonicenses 5: YABD
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021
1 Tesalonicenses 5
5
1Jmoj aljel jumasa, mi oj b'ob' jts'ijb'a a wi'ex ja sk'ak'u'il oj ek' spetsanil ja iti. 2Ja we'nlexi, waxa na'awex lek yuj ja Kajwaltik Jesusi, ja' oj jakuk ja k'ak'u yajni mi ja'uk wa'n majlaxeli, jach' oj jak jastal jun elk'anum b'a a'kwal. 3Jaxa kristyano'i, ti' oj yal'e'a: —Spetsanil laman ay, ja'yuj mi lom la xiwtik—, jun ita ch'ay k'ujol oj ch'ak spetsanil ja jastik jumasa. Mi ma oj b'ob' skolta sb'aj yuj ja' oj ek'uk ja yajni mi ja'uk wa'ntik smajlajeli, jach' jastal wax k'e' syajal skwerpo jun ixuk ma' kuchan yuj niwan chamel. —Mi oj b'ob'a kolta b'ajex. 4Ja we'nlex jmoj aljel jumasa, mok a wal'ex yuj mixa na'awex ja iti, ja'yuj, ja yajni oj kumxuk ja Kajwaltik Jesusi, mi ch'ay k'ujoluk oj yi'ex jastal ja elk'anum b'a a'kwali. 5A petsanil ja we'nlexi, waxa k'u'anex ja Kajwaltik Jesusi, ja jastal jawi, lajan sok ti ayex b'a yijlab' k'ak'u, mi k'ik'inaluk ayukex. 6Ja'yuj jel t'ilan oj sak'tes k'inal jb'ajtikik, la cho ayukotik toj, mok jel niwan k'ujol ajyukotikik jastal ja tuk jumasa. 7Ja ma'tik ja wajel sk'ujol sle'jel ja smule'i, sok ja ma'tik jex yakb'iye'i, mix cham sk'ujole yuj ja oj kumxuk ja Kajwaltik Jesusi, ja smeranili, yujni ti' aye b'a k'ik'inala. 8Ja ke'ntiki, mi ti' ayukotik b'a yoj k'ik'inal, tini aytik b'a sakal k'inala. Ja'yuj sb'ej oj sak'tes k'inal jb'ajtik la ka' sniwanil jk'ujoltik ja Dyosi, la cho jyajtatik spetsanil ja jmojtik jumasa. —Ja sniwanil jk'ujoltik sok ja syajal jk'ujoltiki, oj b'ob' skoltayotik b'a mi oj le' jmultik, sok potsanotik lek—. Ta yuj k'a mi jas tuk wax ek' jk'ujoltik ja b'a jkoltajeltiki lajan sok ay jas lapan kujtik b'a oj skoltayotik. 9Ja Dyosi, mi sle'awotik b'a oj ya ki'tik wokol, miyuk, sle'awotik b'a oj jta' jkoltajeltik yuj ja Kajwaltik Jesusi. 10Yuj ja ke'ntiki, ja'yuj cham ja Kajwaltik Jesús b'a ti' oj ayukotik sok ja ye'n, a'nima sak'anotik ma chamelotikxa ja yajni oj kumxuki. 11Ja'yuj tsatsal k'ujolan a b'ajex sok ja tuk jumasa koltalan a b'ajik b'a tsats oj a k'u'ukex ja Kajwaltiki, jach'ni jastalxa wa'nex sk'u'lajeli.
B'a stik'anal ja lo'il jumasa
12Jmoj aljel jumasa, ts'akatalukexa kisawik ja ma'tik ay ya'tel awujilex b'a snajtsil tsomjeli. Ja ye'nle'i jel wa stsatsal k'ujolan sb'aje b'a oj sje'a a wi'ex jastal oj ja k'u'ukex ja Kajwaltiki. 13Ja'yuj le'awik jastal sok syajal a k'ujolex kisawik yuj ja a'tel wa'ne sk'u'lajeli, cho laman ajyanik a petsanilex.
14Jmoj aljel jumasa, wax cho kalatikon a wabyex komowik t'unuk ja ma' mi ja sk'ana oj sk'u'luke'i. Sajb'esik ja ma jel ko'el wax ya'a sb'aji, cho koltayik ja ma' ayto jas wax ek' sk'ujole yuj ja Kajwaltik Jesusi, cho majlayik b'a spetsanil.
15Mok a wi'ex lek ta ay ma' mi sb'ejuk oj sk'u'l yi ja ma' mini jun sb'ej wa sk'u'lani, ja yuj jel t'ilan oj ja tsatsal k'ujoluka b'ajex oj ja k'u'lukex b'a lek ja janek' ayexi, cho jach'ni sok spetsanil ja tuk jumasa.
16Gusto ajyanik kada k'ak'u. 17Mok a wa'wex kan sk'umajel ja Dyosi. 18Chikan jastal wax ek' a wujilex, awik yi ts'akatal ja Dyosi. Ja jastal jawi, jach' wa sk'ana ja Dyos oj ja k'u'lukex yuj ja a k'u'anexta. 19Mok spil sb'aj a mokex ja Espiritu Santo. 20Yuj k'a ye'n wax ya'a na'ex oj ja wal'ex ja jas wa sk'ana ja Dyosi, mok a wal mi oj ja k'u'lukex. 21K'elawik b'ajtan, kechan i'aj kan b'a leki, 22jaxa b'a mi lekuki ch'akan a'wikani.
23Ja Dyos it wax ya'wotik lamani, ye'n oj skoltayex b'a kechan ja oj ja k'u'lukex ja ya'teli. Ye'n oj stalnayex b'a mi oj ja le' a mulex man oj kumxuk ja Kajwaltik Jesusi, b'a jach' mi oj sta smul b'a sti' sat ja Dyos wa waltsilexi, ja jas wax ek' a k'ujolex sok wa skwerpo'exi. 24Ye'n stsa'awotik b'a oj ochkotik yuntikilil, ja iti, oj sk'ul spetsanil, yuj ja jas wax yala, wani sk'u'lan merana.
Ojxa wajuk ja Pablo
25Jmoj aljel jumasa, k'umanik ja Dyos yuj ja ke'ntikoni.
26Pata k'ujola b'ajex ujts'an wa chojex sok spetsanil ja jmoj aljeltik jumasa.
27Sok ja a'tel wax ya'ki ja Kajwaltik Jesusi, wax kala wabyex k'umanik ja ju'un it sok spetsanil ja jmoj aljeltik jumasa.
28Wax k'ana yi ja Kajwaltik Jesús mok ya'kan sje'jel a wi'ex ja syajal sk'ujoli, —Jach'ni'a.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021