1 Corintios 9
9
Ja jas oj sk'u'luk ja ya'tijum ja Dyosi
1Ja ke'n elyonta libre, cho jekab'anumon, kilunej ja Kajwaltik Jesusi. Sts'akatal ja Dyos yuj ja ka'tel ya'ki'i, ja'yuj ja we'nlex ja ya'ni sb'ajexani ja Kajwaltik Jesusi. 2A'nima ay ma wax yala mi jekab'anumukon ja ke'n, jaxa sok ja we'nlexi, jekab'anumoni'a; ja we'nlexi a k'u'anexta ja Kajwaltik Jesusi, ja smeranili, sok ja jawi, wani sje'a ke jekab'anumoni'a.
3Ja ma wa sta'awon ti'i, jach' wax sutu yi'e jastal iti 4ja Bernabe sok ja ke'n, sb'ej oj a'juki'tikon jwa'el tikon yuj ja a'tel wa'ntikon sk'u'lajeli. 5Cho sb'ejni oj waj smojtayotikon ja jche'umtikon ja b'a wala wajtikoni. Jach'ni wa sk'u'lane jastal jaw ja Pedro sok ja tuk jekab'anum jumasa, cho jach'ni ja smoj alijel jumasa ja Kajwaltik Jesusi. 6¿Yuj a ma kechan ke'ntikon sok ja Bernabe t'ilan oj a'tijukotikon b'a oj wa'kotikon b'a? 7K'elawilex ja b'a wax a'tiji ja soldado, mini jun soldado b'a ye'n wa stupu ja jas wax yab'i. Cho jach'ni ja ma wa spits'a ja ya'lel ts'usub'i, oj schon ja ya'lel ts'usub' jawi, yujni ja' oj wa' sok ja ya'tela. Jaxa ma wa stalna ja chivo jumasa, sb'ejni oj yu' la slech wax ya' elyi'i. 8Ja iti, mi yuj ke'n jach' wax kala'a, yujni jach' wax yala ja b'a ts'ijb'anub'al ja yab'al ja Dyosi. 9Yuj ja ju'un jumasa b'a sts'ijb'a ja Moisesi, jach' wax k'umantik jastal iti: —a'a libre ja wakax a wa'uk ja b'a wa'n a'teli, yuj ja jach' wax yala jastal jaw ja yab'al ja Dyosi, mi ja'uk yuj wa'n chamel sk'ujol meran yuj ja wakax jumasa, 10ja'ni wa'n chamel sk'ujol yuj ja ke'ntikoni. Wa'n chamel sk'ujol yuj ja ma wa sjutu ja lu'umi, cho jach'ni ja ma wa schija ja sat ja trigo, ja ma' wax a'tiji yujni cho ay sniwanil sk'ujol ti oj cho sta' tiw ja jas oj yab' ja ye'na. 11Cho jach'ni, ja ke'ntikon ja yajni wax kalatikon a wabyex ja tsamal yab'al ja Dyosi, ja lajan sok wa'ntikon sts'unjel jun tsamal inat ja b'a waltsilexi. Ja'yuj, yuj ja ka'teltikoni, ti oj jta' jkoltajeltikon tiwi, sb'ej oj k'antikon a wi'ex ja jas oj makunuk kujtikoni. 12Yuj k'a wax koltajiye jastal jaw ja tuk jumasa, ja'uk toma ja ke'ntikon ja mi oj ja koltayotikonexa. Mini b'a waxa k'u'lanex ja jastal jawa, a'nima ti chikan jastal wa'n ek'el kujtikona, sikyera mi oj ka'tikon k'e jun ab'al k'umal ja b'a wa'ntikon yaljel ja yab'al ja Kajwaltik Jesusi.
13Ja we'nlexi, waxa na'awex lek ja ma' ti' wax a'tiji b'a snajtsil ja tsomjeli, ti'ni oj sta' tiw ja jas oj yab'a. Jach' ja ma' ti' wax a'tiji b'a altar b'a wax tsikxi yi ja smajtan ja Dyosi, ja'ni wax yabye ja sb'ak'tel ja chante jumasa b'a wax a'ji b'a smajtan jumasa ja Dyosi. 14Cho jach'ni wax yala ja Kajwaltik Jesús yuj ja ma' ay schol yaljel ja yab'al ja Dyosi, yujni ti' oj sta' b'a ya'tel ja jas oj yab'a. 15B'a'ya ja ke'n mini wax k'ana a wi'ex ja jastal jawa. Mi yuj wax cho jts'ijb'a ja it b'a ja ti oj a wa'wex ki'a. —mas lek xkab' ja b'ajtan oj chamkon yuj ja ay ma oj sjapki ja ka'tel b'a jekab'anumil yuj ja mi wa'nukon tupjeli.
16Ja ke'n mi wa'nukon yaljel ja yab'al ja Kajwaltik Jesús b'a niwan oj kaj jb'aj. Wax k'u'lan yuj ja jach' yalunej kab' ja Dyosi. —Jel ajula jb'aj ja ke'n ja ta yuj k'a mix k'u'lani. 17Ja ke'n mi jmajla man oj a stup'onex ja b'a oj kal ja tsamal yab'al ja Dyosi, yuj ja mi sjob'oki ta yuj wax k'ana oj k'uluk; —Kechan yala kab' oj k'u'luk. 18¿Jasunk'a wax el kuj ja ke'n sok ja jawi? —Ja smeranili, ja'ni jts'akol yuj ja wax kala ja yab'al ja Dyosi. A'nima mi la tupjiyon wax kala— ja smeranili sb'ejni oj tupjukona yuj ja wa'non a'tel.
La jtsatsal k'ujoluk jb'ajtik b'a jach' oj a'juk ki'tik ja jmajtantiki
19A'nima mi libre ayukon, lajan sok wa'tijumonexni a spetsanililexa. Jach' wax b'ob' jkoltan jitsan lek ja kristyano jumasa b'a oj sk'u'uke ja Kajwaltik Jesusi. 20Ja yajni ti ayon sok ja judio jumasa, cho judio wax ka'a jb'aj ja ke'n b'a jach' wax b'ob' jkoltaye oj sk'u'uke ja Kajwaltik Jesusi. Sok ja jawi, ja ti' wa'non sk'u'ajel ja mandar it a'ji yi ja Moisesi, a'nima ja smeranili, mi ma t'ilan oj st'en'on b'a jach' oj k'u'luk. 21Jaxa yajni ja jmoj ja ma'tik mi sk'u'ane' ja mandar it a'ji yi ja Moisesi, jach' wax je'a jb'aj ja ke'n jastal ja ye'nle'i, b'a jach' wax b'ob' jkoltaye oj sk'u'uke ja Kajwaltik Jesusi. Ja jastal jawi, mi wa sk'ana yal yuj mi wax k'u'an ja yab'al ja Dyosi, miyuk. Ja smeranili, wanix k'u'ana sok ja wax nocho ja yab'al ja Kajwaltik Jesusi. 22Jaxa yajni ti ayon soke ja ma'tik wantox k'e sk'u'uke t'an ja Kajwaltiki, jach' wax k'u'lan jb'aj ja ke'n jastal ja ye'nle b'a oj b'ob' jkoltaye'i. Wax laja b'a soke b'a jach' ay ma' oj sta' ja skoltajeli. 23Jach' wax k'u'lan spetsanil jastal it, ja'yuj mas wax k'ana ja tsamal yab'al ja Dyosi, yuj ja wax k'ana oj kil sat tsamal ja ka'teli.
24Ja we'nlexi, waxa na'awex lek b'a jun ajnel mi spetsaniluk ja ma' wax och b'a ajnel oj sk'ul ganar, kechan june ja ma oj sk'u'l ganari. Jach' mero jastal jaw ja ke'ntik ja ma' ti' nochanotik sok ja Kajwaltik Jesusi, lajan sok wa'notik ajnel, ja'yuj la ajyukotik toj b'a oj a'juk ki'tik ja jmajtantiki. 25Ja ma' wa schapa sb'aj b'a jun tajneli, wax ch'ak ya'kan spetsanil ja jastik jumasa b'a mi lekuki. —Jach' wa sk'u'lane b'a oj sk'uluke ganar ja smajtane it mix alb'i'i, ja'uk toma ja ke'ntiki, ja jmajtantik oj a'juki'tiki, sb'aj mini oj ch'akuka. 26Ja'yuj ja ke'n wax tsatsal k'ujolan b'a, b'a oj ta' ja jmajtan jawi, mi lomuk ja wa'non yi' jel wokoli yujni ay sb'eja. 27Sok wanix talnan lek jb'aj ja, wax le'a jastal oj k'ajtes ja jkwerpo. Yuj k'a wax kala yabye ja yab'al ja Dyos ja tuk jumasa, mix k'ana ke'n ay jas oj aljuk yab' ja b'a stik'anali.
Iliyochaguliwa sasa
1 Corintios 9: YABD
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021
1 Corintios 9
9
Ja jas oj sk'u'luk ja ya'tijum ja Dyosi
1Ja ke'n elyonta libre, cho jekab'anumon, kilunej ja Kajwaltik Jesusi. Sts'akatal ja Dyos yuj ja ka'tel ya'ki'i, ja'yuj ja we'nlex ja ya'ni sb'ajexani ja Kajwaltik Jesusi. 2A'nima ay ma wax yala mi jekab'anumukon ja ke'n, jaxa sok ja we'nlexi, jekab'anumoni'a; ja we'nlexi a k'u'anexta ja Kajwaltik Jesusi, ja smeranili, sok ja jawi, wani sje'a ke jekab'anumoni'a.
3Ja ma wa sta'awon ti'i, jach' wax sutu yi'e jastal iti 4ja Bernabe sok ja ke'n, sb'ej oj a'juki'tikon jwa'el tikon yuj ja a'tel wa'ntikon sk'u'lajeli. 5Cho sb'ejni oj waj smojtayotikon ja jche'umtikon ja b'a wala wajtikoni. Jach'ni wa sk'u'lane jastal jaw ja Pedro sok ja tuk jekab'anum jumasa, cho jach'ni ja smoj alijel jumasa ja Kajwaltik Jesusi. 6¿Yuj a ma kechan ke'ntikon sok ja Bernabe t'ilan oj a'tijukotikon b'a oj wa'kotikon b'a? 7K'elawilex ja b'a wax a'tiji ja soldado, mini jun soldado b'a ye'n wa stupu ja jas wax yab'i. Cho jach'ni ja ma wa spits'a ja ya'lel ts'usub'i, oj schon ja ya'lel ts'usub' jawi, yujni ja' oj wa' sok ja ya'tela. Jaxa ma wa stalna ja chivo jumasa, sb'ejni oj yu' la slech wax ya' elyi'i. 8Ja iti, mi yuj ke'n jach' wax kala'a, yujni jach' wax yala ja b'a ts'ijb'anub'al ja yab'al ja Dyosi. 9Yuj ja ju'un jumasa b'a sts'ijb'a ja Moisesi, jach' wax k'umantik jastal iti: —a'a libre ja wakax a wa'uk ja b'a wa'n a'teli, yuj ja jach' wax yala jastal jaw ja yab'al ja Dyosi, mi ja'uk yuj wa'n chamel sk'ujol meran yuj ja wakax jumasa, 10ja'ni wa'n chamel sk'ujol yuj ja ke'ntikoni. Wa'n chamel sk'ujol yuj ja ma wa sjutu ja lu'umi, cho jach'ni ja ma wa schija ja sat ja trigo, ja ma' wax a'tiji yujni cho ay sniwanil sk'ujol ti oj cho sta' tiw ja jas oj yab' ja ye'na. 11Cho jach'ni, ja ke'ntikon ja yajni wax kalatikon a wabyex ja tsamal yab'al ja Dyosi, ja lajan sok wa'ntikon sts'unjel jun tsamal inat ja b'a waltsilexi. Ja'yuj, yuj ja ka'teltikoni, ti oj jta' jkoltajeltikon tiwi, sb'ej oj k'antikon a wi'ex ja jas oj makunuk kujtikoni. 12Yuj k'a wax koltajiye jastal jaw ja tuk jumasa, ja'uk toma ja ke'ntikon ja mi oj ja koltayotikonexa. Mini b'a waxa k'u'lanex ja jastal jawa, a'nima ti chikan jastal wa'n ek'el kujtikona, sikyera mi oj ka'tikon k'e jun ab'al k'umal ja b'a wa'ntikon yaljel ja yab'al ja Kajwaltik Jesusi.
13Ja we'nlexi, waxa na'awex lek ja ma' ti' wax a'tiji b'a snajtsil ja tsomjeli, ti'ni oj sta' tiw ja jas oj yab'a. Jach' ja ma' ti' wax a'tiji b'a altar b'a wax tsikxi yi ja smajtan ja Dyosi, ja'ni wax yabye ja sb'ak'tel ja chante jumasa b'a wax a'ji b'a smajtan jumasa ja Dyosi. 14Cho jach'ni wax yala ja Kajwaltik Jesús yuj ja ma' ay schol yaljel ja yab'al ja Dyosi, yujni ti' oj sta' b'a ya'tel ja jas oj yab'a. 15B'a'ya ja ke'n mini wax k'ana a wi'ex ja jastal jawa. Mi yuj wax cho jts'ijb'a ja it b'a ja ti oj a wa'wex ki'a. —mas lek xkab' ja b'ajtan oj chamkon yuj ja ay ma oj sjapki ja ka'tel b'a jekab'anumil yuj ja mi wa'nukon tupjeli.
16Ja ke'n mi wa'nukon yaljel ja yab'al ja Kajwaltik Jesús b'a niwan oj kaj jb'aj. Wax k'u'lan yuj ja jach' yalunej kab' ja Dyosi. —Jel ajula jb'aj ja ke'n ja ta yuj k'a mix k'u'lani. 17Ja ke'n mi jmajla man oj a stup'onex ja b'a oj kal ja tsamal yab'al ja Dyosi, yuj ja mi sjob'oki ta yuj wax k'ana oj k'uluk; —Kechan yala kab' oj k'u'luk. 18¿Jasunk'a wax el kuj ja ke'n sok ja jawi? —Ja smeranili, ja'ni jts'akol yuj ja wax kala ja yab'al ja Dyosi. A'nima mi la tupjiyon wax kala— ja smeranili sb'ejni oj tupjukona yuj ja wa'non a'tel.
La jtsatsal k'ujoluk jb'ajtik b'a jach' oj a'juk ki'tik ja jmajtantiki
19A'nima mi libre ayukon, lajan sok wa'tijumonexni a spetsanililexa. Jach' wax b'ob' jkoltan jitsan lek ja kristyano jumasa b'a oj sk'u'uke ja Kajwaltik Jesusi. 20Ja yajni ti ayon sok ja judio jumasa, cho judio wax ka'a jb'aj ja ke'n b'a jach' wax b'ob' jkoltaye oj sk'u'uke ja Kajwaltik Jesusi. Sok ja jawi, ja ti' wa'non sk'u'ajel ja mandar it a'ji yi ja Moisesi, a'nima ja smeranili, mi ma t'ilan oj st'en'on b'a jach' oj k'u'luk. 21Jaxa yajni ja jmoj ja ma'tik mi sk'u'ane' ja mandar it a'ji yi ja Moisesi, jach' wax je'a jb'aj ja ke'n jastal ja ye'nle'i, b'a jach' wax b'ob' jkoltaye oj sk'u'uke ja Kajwaltik Jesusi. Ja jastal jawi, mi wa sk'ana yal yuj mi wax k'u'an ja yab'al ja Dyosi, miyuk. Ja smeranili, wanix k'u'ana sok ja wax nocho ja yab'al ja Kajwaltik Jesusi. 22Jaxa yajni ti ayon soke ja ma'tik wantox k'e sk'u'uke t'an ja Kajwaltiki, jach' wax k'u'lan jb'aj ja ke'n jastal ja ye'nle b'a oj b'ob' jkoltaye'i. Wax laja b'a soke b'a jach' ay ma' oj sta' ja skoltajeli. 23Jach' wax k'u'lan spetsanil jastal it, ja'yuj mas wax k'ana ja tsamal yab'al ja Dyosi, yuj ja wax k'ana oj kil sat tsamal ja ka'teli.
24Ja we'nlexi, waxa na'awex lek b'a jun ajnel mi spetsaniluk ja ma' wax och b'a ajnel oj sk'ul ganar, kechan june ja ma oj sk'u'l ganari. Jach' mero jastal jaw ja ke'ntik ja ma' ti' nochanotik sok ja Kajwaltik Jesusi, lajan sok wa'notik ajnel, ja'yuj la ajyukotik toj b'a oj a'juk ki'tik ja jmajtantiki. 25Ja ma' wa schapa sb'aj b'a jun tajneli, wax ch'ak ya'kan spetsanil ja jastik jumasa b'a mi lekuki. —Jach' wa sk'u'lane b'a oj sk'uluke ganar ja smajtane it mix alb'i'i, ja'uk toma ja ke'ntiki, ja jmajtantik oj a'juki'tiki, sb'aj mini oj ch'akuka. 26Ja'yuj ja ke'n wax tsatsal k'ujolan b'a, b'a oj ta' ja jmajtan jawi, mi lomuk ja wa'non yi' jel wokoli yujni ay sb'eja. 27Sok wanix talnan lek jb'aj ja, wax le'a jastal oj k'ajtes ja jkwerpo. Yuj k'a wax kala yabye ja yab'al ja Dyos ja tuk jumasa, mix k'ana ke'n ay jas oj aljuk yab' ja b'a stik'anali.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021