1 Corintios 7
7
Ja jas oj snaj ja matik nupaneli
1Yuja ja jastal a ts'ijb'anex ja b'a ju'un a jekawex ki'i, yuja mas lek ja mi oj yij sb'aje'i. 2Jas smeranili mas ni leka. Pero masto lek ja oj nupanuk ja winik sok ja ixuki, b'a jach' mi oj sle smule sok tuktukil ixuk ma sok tuktukil winik. 3Ja winiki sb'ejni kechan ja oj yij b'aj sok ja sche'umi, jaxa ixuki sb'ejni kechan ja oj ya' sb'aj sok ja statami. 4Yuj ja jun winik ja yajni nupanelxa mixa ni kechanuk ye'n sb'aj ja skwerpo'a, cho sb'ajni ja sche'umi, jach'ni ja ixuki mixani kechanuk ye'n sb'aj ja skwerpo'a cho sb'ajni ja statami, 5Ja'yuj mi sb'ejuk ja mi oj ya' sb'aj ja winiki, ma ja ixuk ja yajni wa sk'ana oj yij b'aje, kechan ta wan k'a slajawe mi oj yij t'an sb'aje yuj ja wa sk'ana oj sk'umuke ja Dyosi, ja tsa'ani oj cho b'ob' yij sb'aje, yuj k'a mi waj kuchyujile, oj ni ko'uke b'a sk'ab' ja tan pukuji. 6Ja smeranili, kechan wax kala wabyex, mi yuj wax kala ja oj ja k'ulukex. 7-8Ja untik jumasa ma mito nupaneluki, sok ja viwuda jumasa, jel lek ja lek mix nupaniye'i; kada jujune tuktukil ya'oj jotik ja Dyosi ja'yuj ja jastal iti, ay ma oj kuch yuj sok ay ma miyuk.
9Kechan ta mik'ax kuch a wujilex ja mi oj ja wi ab'ajex sok ja ixuki ma ja winiki, mas lek nupananik. Jastal wax yala jun lo'il: —mas lek nupanan yuj ja lom oj a tsik a b'aji.
10-11Jaxa ma nupaneli, jach wax alji yab' jastal it yuj ja Kajwaltik Jesusi: mi oj b'ob' a pil a b'ajex sok jawa che'umexi ma ja wa tatamexi. Jun ixuk ta wan k'a spila sb'aj sok ja statami mixani oj b'ob' nupanuk pilan majke'a. Ja'yuj ta ay k'a jun ab'al k'umal mas lek stojb'es a b'ajik sok wa tatamexi. Cho jach'ni ja winiki mi sb'ejuk oj spil sb'aj sok ja sche'umi. Ja iti mi kab'aluk ke'na, ja'ni yab'al ja Dyosi.
12Jaxa tuk jumasa wax kal yab' jastal iti: Ta ay k'a jun jmojtik, nupanel sok jun ixuk mi sk'u'an ja Dyosi, ta mey jun ab'al k'umal, mini sb'ejuk oj spil sb'aje'a. 13Cho jach' ta ay k'a jun ixuk, nupanel sok jun winik mi sk'u'an ja Dyosi, Ta mey jun ab'al k'umal, mini sb'ejuk oj spil sb'aje'a. 14Ja tatamal ja ma mi sk'u'an ja Kajwaltik Jesusi, oj b'ob' i'juk lek yuj ja jTatik Dyosi ta yuj k'a nupanel sok jun ixuk ja ma wa sk'u'an ja Dyosi, cho jach'ni sok jun che'umal ta mi sk'u'an ja Kajwaltik Jesusi nupanel k'a sok jun winik wa sk'u'an ja Dyosi, ay jastal oj sk'u'uk ja winik jawi, jaxa yuntikile'i ojni iljuke lek yuja ja Dyos b'a oj smojuk b'a sok ja yuntikili, jaxa Dyosi mini oj yil jastal jun jas mi lekuk ja yal untik jumasa jawi. 15Jaxa ma nupaneli, ta mik'a wa sk'u'ane ja Dyos schawanile, wan k'a sk'ana oj spil sb'aje a sk'u'luke. Ja jastal jawi, ja winik sok ja ixuk ja ma wa sk'u'an ja Dyosi, mi oj slaje, yuj ja Dyosi wa sk'ana gusto oj ajyukotik. 16Cho jachuk ja we'nlex b'a nupanelex waxa k'u'anex ja Dyosi, ja ma mi sk'u'ani, le'awik jastal oj b'ob' a koltayex b'a oj sk'u'uke ja ye'nle'i.
Ja' mas t'ilan, ja oj k'u'axuk ja Dyosi
17Jun cosa wax k'ana oj kan chikan lek, b'a spetsanil ja moj aljel jumasa: Spetsanil, winik sok spetsanil ixuk, jach' oj ajyanik, jastal ajyiyex ja yajni slokowex ja Dyos b'a oj ja mojuk a b'ajex sok ja yuntikili. 18Ta ay ma sk'u'an a wujilex ja Kajwaltik Jesusi, tsa'anto yuj ja kupji xet'an wa k'unilexi, mok a nak' ex ja b'a kupji a wi'exi, jaxa matik sk'u'ane ja Kajwaltik Jesusi kupu b'al k'a jas sk'unilei, mini t'ilanuk ja kupjel jawa. 19Mi t'ilanuk ta kupjel ma mi kupjeluk ja wa kunilexi, ja mas t'ilani ja oj ja k'u'ukex ja yab'al ja Dyosi. 20Ja'yuj b'a kada jujune t'ilan jach' oj ajyuk jastal ay ja yajni sk'u'an ja Kajwaltik Jesusi. 21Yuj k'a a'tijum aya mi lom xcham a k'ujol. Ta ay k'a jastal oj elan b'a yib k'ab'ali, sb'ejni oj a k'uluka. 22Ta yuj k'a ay ma a'tijum ay, sok wa sk'u'an ja Kajwaltik Jesusi, ye'nani oj ya elanik b'a yib k'ab'ala. Cho jach'ni ja ma ya elan b'a yib k'ab'ali, ojni cho och ya'tijumil ja Kajwaltika. 23Ja Dyosi ya elanik libre ja yora cham ja Kajwaltik b'a Cruzi, jel cha'an tsa'kol stupuwex. Ja'yuj mi sb'ejuk chikanxta ma oj ya'tijumokex. 24Ja b'a sti sat ja Dyosi, b'a kada jujune jel t'ilan oj ja talna a b'ajex ja jastal ja yajni a k'u'anext'an ja Kajwaltik Jesusi.
Ja jas oj snaj ja matik mi nupaneluki
25Ja sb'aj ja keremtik, sok jas b'a ak'ixuk jumasa mi jas ya' jna' ja Kajwaltik Jesús b'a oj kal yabye, kechan ke'n wax kala, sb'ejni oj a k'u'ukex ja jas oj kala, sts'akatal ja syajal sk'ujol ja Dyosi ja jastal syajtayoni. 26-27Ja ma nupaneli mi sb'ejuk oj spil sb'aje, cho jach'ni ta yuj k'a mito nupanelukexi mok nupananik yuj ja jel wokol wa'n ek'el kujtik ja k'ak'u iti. Mas lek ti la ajyiyex ja jastal ayexi. 28Ta ay k'a ma wax nupani, mini cho jun mulaluka. Ma jun ak'ix wax nupani mini wa sta'a smula. Jaxa ma nupanelxa ojni sta'e ab'al k'umala, wax k'ana mok ek' jachuk.
29Ja jas wax k'ana oj kala wabyexi, mixa ay k'ak'u lom oj ch'ayxuk. Ja ma nupaneli, a sna' yuj jastal mi nupaneluk; 30Jaxa ma cham k'ujol ayi a sna yuj mi cham k'ujoluk ay, jaxa ma jel gusto ayi a sna' ke yuj mi gusto ayuk meran; jaxa ma' ay jas wa smana lajan sok yuj mi jas yi'oj. 31Jaxa ma jel ja jastik sb'aj b'a lu'um iti, lajan sok yuj mi jas yi'oj. Yuj ja cosa jumasa b'a lu'um iti ek'um b'ej itani'a.
32-34Ja ke'n mi xk'ana oj kil cham k'ujolxta ayex. Ja keremtiki ja' wa'n chamel sk'ujole' jastal oj stoy'e' sok jastal oj ya'we yi ts'akatal ja Dyosi. Cho jach'ni ja ak'ixuk sok ja viwuda jumasa, ja' ta wajel sk'ujole oj ya'weyi ts'akatal ja Dyos sok ja jas wa sk'u'lan'e'i. Jaxa ja winik jumasa ja ma nupaneli ja cham k'ujolxta aye sok ja jastik jumasa b'a lu'um iti, b'a oj ajyuke sok tsamal ja sche'ume'i. Cho jach'ni ja ixuk jumasa ja wa'n chamel sk'ujole sok ja cosa jumasa b'a lu'um it b'a oj ayuke gusto sok ja statame'i. Ja smeranili, mi kechanuk ja oj ek'uk ja k'ujolex ja cosa jumasa b'a lu'um iti, t'ilan oj cho a na'ex ja sb'a Dyosi.
35Mi yuj wax kala wabyex ja iti, b'a kechan oj jom a olomex, miyuk, yuj wax k'ana oj koltayex jastal oj ajyanik toj b'a oj ja yajtayex ja Dyosi. 36Ta ay k'a jun kerem wa schapa sok jun smakb'en ixuk mas lek oj nupanuke yuj ja ayxa sjab'ile'i, a nupanuke mini mulaluka. 37Ta ay k'a june mi sk'ana oj nupanuk oj b'ob' kuch yujile ja jas wa sk'ana ja skwerpo'i, lek ni ja mi oj nupanuka. 38Ja'yuj ja ma wax nupani lekni'a, cho jach'ni ja ma mix nupani mas toni leka.
39Jun ixuk nupanel ta sak'an k'a ja statami mochani te' soka, kechan ta wan k'ax cham ja statami, wanix kan libre, oj b'ob' nupanuk otro majke sok chikan ma winikil, kechani ta wa sk'u'an ja Dyosi. 40Ja lek mixax nupani mas toni jel tsamal oj ajyuka, jach' wax ek' k'ujol ja ke'n, wax cho jk'u'an tey jmok ja Yespiritu ja Dyosi.
Iliyochaguliwa sasa
1 Corintios 7: YABD
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021
1 Corintios 7
7
Ja jas oj snaj ja matik nupaneli
1Yuja ja jastal a ts'ijb'anex ja b'a ju'un a jekawex ki'i, yuja mas lek ja mi oj yij sb'aje'i. 2Jas smeranili mas ni leka. Pero masto lek ja oj nupanuk ja winik sok ja ixuki, b'a jach' mi oj sle smule sok tuktukil ixuk ma sok tuktukil winik. 3Ja winiki sb'ejni kechan ja oj yij b'aj sok ja sche'umi, jaxa ixuki sb'ejni kechan ja oj ya' sb'aj sok ja statami. 4Yuj ja jun winik ja yajni nupanelxa mixa ni kechanuk ye'n sb'aj ja skwerpo'a, cho sb'ajni ja sche'umi, jach'ni ja ixuki mixani kechanuk ye'n sb'aj ja skwerpo'a cho sb'ajni ja statami, 5Ja'yuj mi sb'ejuk ja mi oj ya' sb'aj ja winiki, ma ja ixuk ja yajni wa sk'ana oj yij b'aje, kechan ta wan k'a slajawe mi oj yij t'an sb'aje yuj ja wa sk'ana oj sk'umuke ja Dyosi, ja tsa'ani oj cho b'ob' yij sb'aje, yuj k'a mi waj kuchyujile, oj ni ko'uke b'a sk'ab' ja tan pukuji. 6Ja smeranili, kechan wax kala wabyex, mi yuj wax kala ja oj ja k'ulukex. 7-8Ja untik jumasa ma mito nupaneluki, sok ja viwuda jumasa, jel lek ja lek mix nupaniye'i; kada jujune tuktukil ya'oj jotik ja Dyosi ja'yuj ja jastal iti, ay ma oj kuch yuj sok ay ma miyuk.
9Kechan ta mik'ax kuch a wujilex ja mi oj ja wi ab'ajex sok ja ixuki ma ja winiki, mas lek nupananik. Jastal wax yala jun lo'il: —mas lek nupanan yuj ja lom oj a tsik a b'aji.
10-11Jaxa ma nupaneli, jach wax alji yab' jastal it yuj ja Kajwaltik Jesusi: mi oj b'ob' a pil a b'ajex sok jawa che'umexi ma ja wa tatamexi. Jun ixuk ta wan k'a spila sb'aj sok ja statami mixani oj b'ob' nupanuk pilan majke'a. Ja'yuj ta ay k'a jun ab'al k'umal mas lek stojb'es a b'ajik sok wa tatamexi. Cho jach'ni ja winiki mi sb'ejuk oj spil sb'aj sok ja sche'umi. Ja iti mi kab'aluk ke'na, ja'ni yab'al ja Dyosi.
12Jaxa tuk jumasa wax kal yab' jastal iti: Ta ay k'a jun jmojtik, nupanel sok jun ixuk mi sk'u'an ja Dyosi, ta mey jun ab'al k'umal, mini sb'ejuk oj spil sb'aje'a. 13Cho jach' ta ay k'a jun ixuk, nupanel sok jun winik mi sk'u'an ja Dyosi, Ta mey jun ab'al k'umal, mini sb'ejuk oj spil sb'aje'a. 14Ja tatamal ja ma mi sk'u'an ja Kajwaltik Jesusi, oj b'ob' i'juk lek yuj ja jTatik Dyosi ta yuj k'a nupanel sok jun ixuk ja ma wa sk'u'an ja Dyosi, cho jach'ni sok jun che'umal ta mi sk'u'an ja Kajwaltik Jesusi nupanel k'a sok jun winik wa sk'u'an ja Dyosi, ay jastal oj sk'u'uk ja winik jawi, jaxa yuntikile'i ojni iljuke lek yuja ja Dyos b'a oj smojuk b'a sok ja yuntikili, jaxa Dyosi mini oj yil jastal jun jas mi lekuk ja yal untik jumasa jawi. 15Jaxa ma nupaneli, ta mik'a wa sk'u'ane ja Dyos schawanile, wan k'a sk'ana oj spil sb'aje a sk'u'luke. Ja jastal jawi, ja winik sok ja ixuk ja ma wa sk'u'an ja Dyosi, mi oj slaje, yuj ja Dyosi wa sk'ana gusto oj ajyukotik. 16Cho jachuk ja we'nlex b'a nupanelex waxa k'u'anex ja Dyosi, ja ma mi sk'u'ani, le'awik jastal oj b'ob' a koltayex b'a oj sk'u'uke ja ye'nle'i.
Ja' mas t'ilan, ja oj k'u'axuk ja Dyosi
17Jun cosa wax k'ana oj kan chikan lek, b'a spetsanil ja moj aljel jumasa: Spetsanil, winik sok spetsanil ixuk, jach' oj ajyanik, jastal ajyiyex ja yajni slokowex ja Dyos b'a oj ja mojuk a b'ajex sok ja yuntikili. 18Ta ay ma sk'u'an a wujilex ja Kajwaltik Jesusi, tsa'anto yuj ja kupji xet'an wa k'unilexi, mok a nak' ex ja b'a kupji a wi'exi, jaxa matik sk'u'ane ja Kajwaltik Jesusi kupu b'al k'a jas sk'unilei, mini t'ilanuk ja kupjel jawa. 19Mi t'ilanuk ta kupjel ma mi kupjeluk ja wa kunilexi, ja mas t'ilani ja oj ja k'u'ukex ja yab'al ja Dyosi. 20Ja'yuj b'a kada jujune t'ilan jach' oj ajyuk jastal ay ja yajni sk'u'an ja Kajwaltik Jesusi. 21Yuj k'a a'tijum aya mi lom xcham a k'ujol. Ta ay k'a jastal oj elan b'a yib k'ab'ali, sb'ejni oj a k'uluka. 22Ta yuj k'a ay ma a'tijum ay, sok wa sk'u'an ja Kajwaltik Jesusi, ye'nani oj ya elanik b'a yib k'ab'ala. Cho jach'ni ja ma ya elan b'a yib k'ab'ali, ojni cho och ya'tijumil ja Kajwaltika. 23Ja Dyosi ya elanik libre ja yora cham ja Kajwaltik b'a Cruzi, jel cha'an tsa'kol stupuwex. Ja'yuj mi sb'ejuk chikanxta ma oj ya'tijumokex. 24Ja b'a sti sat ja Dyosi, b'a kada jujune jel t'ilan oj ja talna a b'ajex ja jastal ja yajni a k'u'anext'an ja Kajwaltik Jesusi.
Ja jas oj snaj ja matik mi nupaneluki
25Ja sb'aj ja keremtik, sok jas b'a ak'ixuk jumasa mi jas ya' jna' ja Kajwaltik Jesús b'a oj kal yabye, kechan ke'n wax kala, sb'ejni oj a k'u'ukex ja jas oj kala, sts'akatal ja syajal sk'ujol ja Dyosi ja jastal syajtayoni. 26-27Ja ma nupaneli mi sb'ejuk oj spil sb'aje, cho jach'ni ta yuj k'a mito nupanelukexi mok nupananik yuj ja jel wokol wa'n ek'el kujtik ja k'ak'u iti. Mas lek ti la ajyiyex ja jastal ayexi. 28Ta ay k'a ma wax nupani, mini cho jun mulaluka. Ma jun ak'ix wax nupani mini wa sta'a smula. Jaxa ma nupanelxa ojni sta'e ab'al k'umala, wax k'ana mok ek' jachuk.
29Ja jas wax k'ana oj kala wabyexi, mixa ay k'ak'u lom oj ch'ayxuk. Ja ma nupaneli, a sna' yuj jastal mi nupaneluk; 30Jaxa ma cham k'ujol ayi a sna yuj mi cham k'ujoluk ay, jaxa ma jel gusto ayi a sna' ke yuj mi gusto ayuk meran; jaxa ma' ay jas wa smana lajan sok yuj mi jas yi'oj. 31Jaxa ma jel ja jastik sb'aj b'a lu'um iti, lajan sok yuj mi jas yi'oj. Yuj ja cosa jumasa b'a lu'um iti ek'um b'ej itani'a.
32-34Ja ke'n mi xk'ana oj kil cham k'ujolxta ayex. Ja keremtiki ja' wa'n chamel sk'ujole' jastal oj stoy'e' sok jastal oj ya'we yi ts'akatal ja Dyosi. Cho jach'ni ja ak'ixuk sok ja viwuda jumasa, ja' ta wajel sk'ujole oj ya'weyi ts'akatal ja Dyos sok ja jas wa sk'u'lan'e'i. Jaxa ja winik jumasa ja ma nupaneli ja cham k'ujolxta aye sok ja jastik jumasa b'a lu'um iti, b'a oj ajyuke sok tsamal ja sche'ume'i. Cho jach'ni ja ixuk jumasa ja wa'n chamel sk'ujole sok ja cosa jumasa b'a lu'um it b'a oj ayuke gusto sok ja statame'i. Ja smeranili, mi kechanuk ja oj ek'uk ja k'ujolex ja cosa jumasa b'a lu'um iti, t'ilan oj cho a na'ex ja sb'a Dyosi.
35Mi yuj wax kala wabyex ja iti, b'a kechan oj jom a olomex, miyuk, yuj wax k'ana oj koltayex jastal oj ajyanik toj b'a oj ja yajtayex ja Dyosi. 36Ta ay k'a jun kerem wa schapa sok jun smakb'en ixuk mas lek oj nupanuke yuj ja ayxa sjab'ile'i, a nupanuke mini mulaluka. 37Ta ay k'a june mi sk'ana oj nupanuk oj b'ob' kuch yujile ja jas wa sk'ana ja skwerpo'i, lek ni ja mi oj nupanuka. 38Ja'yuj ja ma wax nupani lekni'a, cho jach'ni ja ma mix nupani mas toni leka.
39Jun ixuk nupanel ta sak'an k'a ja statami mochani te' soka, kechan ta wan k'ax cham ja statami, wanix kan libre, oj b'ob' nupanuk otro majke sok chikan ma winikil, kechani ta wa sk'u'an ja Dyosi. 40Ja lek mixax nupani mas toni jel tsamal oj ajyuka, jach' wax ek' k'ujol ja ke'n, wax cho jk'u'an tey jmok ja Yespiritu ja Dyosi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021