1 Corintios 15
15
Sak'wi ta ja Kajwaltik Jesusi
1Jmoj aljel jumasa, wax k'ana oj ka jul a k'ujolex ja yab'al ja Dyos it kala wabyexi. Ja we'nlexi jelni gusto a wabyexa sok a k'u'anexni'a. 2Ta yuj k'a jach' toj oj a k'u'ukex och ja yab'al ja Dyosi, ojni a ta wa koltajelexa, kechan ta yuj k'a miyuki, lomni a k'u'anexta'a.
3Ja jas je'a a wi'ex b'ajtani, ja'ni ja jas jneb'a ja ke'ni: Yuj ja cham ja Kajwaltik Jesusi, ja'yuj ja ke'ntik yuj ja jel mulanumotiki. Jach'ni jastal wa sje'a ja b'a ts'ijb'anub'al ja yab'al ja Dyosi, 4waj mukan, jaxa b'a yoxil k'ak'u a'ji sak'wuk yuj ja Dyosi. 5Yajni sak'wi, ja ma b'ajtan sje'a sb'aj yi'i, ja Pedro, tsa'an sje'a sb'aj yi ja lajchawe sjekab'anum jumasa. 6Tsa'an sje'a sb'aj yi, ja ma'tik nochji yuji ek'el yuj mas ja jo'e syeni (500), ay to jitsan sak'an ja ye'nle'i, jaxa tuki chamye'ta. 7Tsa'an cho sje'a sb'aj yi ja Santiago, ti'xta'a cho sje'a sb'aj yi spetsanil ja sjekab'anum jumasa. 8Ke'nxta tsa'an sje'a sb'aj ki; yujni tsa'anxa lek jna'a sb'aj ja ke'n yuj ja tuk sjekab'anum jumasa'a.
9Jayuj ja ke'n mas jel ko'el wax kab' ja ka'tel yuj ja tuk jekab'anum jumasa, cho mini sb'ejuk oj yal kab' jekab'anumil ja kristyano, yuj ja jel ka yi'e wokol ja moj aljeltik jumasa. 10Jachuk, ja Dyosi, jel lek jmok ja ke'n ja'yuj ya ochkon sjekab'anumil. Mi ch'inuk kila ja tsamal yip ya'ki ja Dyosi, sok kechan ke'n mas a'tijiyon yuj ja tuk sjekab'anum jumasa'a; ja smeranili, ch'akni jk'ul spetsanil ja a'tela, sts'akatal sok ja tsamal yip ya'ki ja Dyosi. 11A'nima, mi ja'uk wax k'elatikon ja ma jel wax a'tiji. Ja mas t'ilan kilatikoni, ja kalatikon a wabyex ja yab'al ja Dyosi, sok a k'u'anexni ja we'nlexa.
Jach'ni ja ke'ntiki, ojni cho sak'wukotika
12Ja tsamal yab'al ja Dyos it kaltikon a wabyexi, jayuj ja a'ji sak'wuk ja Kajwaltik Jesús yuj ja Dyosi. Jasyuj ja ¿ay chab' oxe wax yala a wujilex ke mi oj sak'wuk ja ma chamelxa b'a? 13Yuj k'a mi oj sak'wuk ja ma chamelxa, cho mini ja Kajwaltik Jesusi, mi oj sak'wuk ajyi. 14Ja lek mokto sak'wuk ja Kajwaltik Jesusi, ja tsamal yab'al ja Dyos it wa'ntikon yaljeli, mini jas oj makunuka, cho mini oj ja k'u'ukex ja we'nlex ja Jesusi. 15Ja lek meranuk ja mi oj sak'wuk ja cham winik jumasa, yujni toj le'uj ab'al wa'ntikon ja jastal wax ta'atikon ti' ja Dyosi, jaxa ja iti, smeranil ja jas wax kalatikon sak'wi ja Kajwaltik Jesusi.
16Ja lek meranuk ja mixa oj sak'wuk ja cham winik jumasa, cho jach'ni ja Kajwaltik Jesusi, mini yuj sak'wi'a. 17Ja lek mokxta sak'wuk ja Jesusi, lomni oj ja k'u'ukex ja ye'na, jawa mulexi mini yuj oj ch'ay sna'jela, ta yuj k'a jach' jastal jawi. 18Jach'ni ja ma'tik sk'u'ane b'ajtan ja Kajwaltik Jesusi chamye, jasa ch'ayeleni'a. 19Yuj k'a ja ita ay sniwanil jk'ujoltik sok ja Kajwaltik Jesús oj skoltayotik ja b'a sak'aniltik iti, jelni ajula jb'ajtika.
20Ja iti, mi jachukuk jastal jawi, —Ja Kajwaltik Jesusi, sak'wini'a— Ja jastal iti, ja wa sje'a ki'tik ojni sak'wuk ja cham winik jumasa'a. 21-22Yuj ja smul ja Adani, ja'yuj wani la chamtik ja ya'na; Sts'akatal ja Kajwaltik Jesusi, ja'yuj ja ke'ntiki, ojni sak'wukotika. 23Oj ni chak sak'wuke'a ja'ni ja k'ak'u oj yal ja Dyosi: Ja ma' sak'wi b'ajtani ja Kajwaltik Jesusi; tsa'an ja yajnix kumxi'i, ti oj sak'wuk ja ma'tik k'u'aji yuj ja ye'ni. 24Tsa'an ti'xa oj k'ot tik'an ja k'ak'u'i, jaxa Kajwaltik Jesusi, yajnix ch'ak sch'ay sna'jel spetsanil ja ma'tik ay ya'teli, sok spetsanil ja yipe jumasa, ti'xa oj ya'kan b'a sk'ab' ja Dyos Tatal ja a'tela.
25Ja Kajwaltik Jesusi, ti oj k'e stul ja ya'tel ja yajni ch'ak sch'ay sna'jel spetsanil ja matik mix yila sb'a sok leki. 26Ja b'a tsa'an xta oj sch'ay sna'jel ja Kajwaltik Jesusi, ja chamel ch'akeli. 27Ja b'a ts'ijb'anub'al ja yab'al ja Dyosi, jach' wax yala jastal iti: —Ye'n a'ji yi b'a skab' spetsanil ja jastik jumasa yuj ja Dyosi—, ja it wax yala —spetsanili—. Mi ti'uk kwenta'uk ay tiw ja Dyosi, yuj ja ye'n ja Dyos ja ma ch'ak ya'a yi b'a sk'ab spetsanil ja kosa jumasa ja Kajwaltik Jesusi. 28Jaxa yajni nakaxa tey b'a sk'ab' spetsanil ja kosa jumasa ja Kajwaltik Jesusi, ye'nxani oj cho ya' b'a sk'ab' ja Dyosi. Jaxa Dyosi, ti'ni oj ajyuk b'a sk'ab' spetsanila ja kosa jumasa, yuj ja ye'nani ya'yi b'a sk'ab' spetsanil ja Kajwaltik Jesusi.
29Ay chab' oxe ma wax yi'aj ja', b'a slok'ol ja ma chamta, yuj k'a wax ek' sk'ujole jach' oj sta skoltajele'i. Ta meran k'a mixa oj sak'wuk ja ma chamta, ¿jas ya'tel lom oj a wi'ex ja'? 30Ta jach' k'a jastal jawi, ¿jasyuj ja lom wa'ntik xta yi'jel wokol b'a? 31Ja we'nlexi waxa na'awex lek spetsanil ja k'ak'u jumasa mini ay sk'ak'uil oj chamkon ja ke'ni, ja mas gusto wax kab'i yuj ja waxa k'u'anex ja Kajwaltik Jesusi. 32Ja swinkil ja Efeso jel k'ak'e lajane sok ja chante jumasa b'a k'uli, ochyon ja b'a snalane'i. Ja lek meranuk ja mixa oj sak'wuk ja ma chamta, ¿jasun oj ka eluk ja ke'n ja jastal jaw b'a? mas lek laj jk'uluktik ja jastal ay ja ma wax yala: —La wa' ku'tik ja', yuj ja jechel ojni chamkotika.
33—Mok a wa'a b'ajex lo'lajel. —B'a oj slo'layex ja wa mojex jumasa, b'a mi oj a k'ulukex ja b'a leki. 34Na'awik lek ja jas waxa k'u'lanexi, mokxa jel a le' ja wa mulex ja b'a sti sat ja Dyosi. Ayni ja we'nlex mi waxa k'u'anex meran ja Dyosi, jelni k'ixwela'a b'ajexa.
Jastal oj sak'wuk ja ma chamta
35B'ob'ta ay ma oj b'ob' sjob' ki: ¿Jastal ma oj sak'wuk ja cham winik jumasa? ¿Jastal ma ja skwerpo oj a'juk yi'e'i? —oj chi'anik. 36—Mito xa na'awex k'inal ja jastal waxa job'wexi— K'elawilex yajni oj ts'unxuk jun sat ixim, t'ilani oj k'a'uk ja sat ixim jaw. 37Ja inat wax ts'unxi, mini sb'ajuk oj sak'wuka, ma chikan jas tik'e inatila, mas tuk yuj ja b'a oj sak'wuki. 38B'a kada jujune inat, ja Dyosi wax ya'yi ja skwerpo jastal wa sk'ana ja ye'n. 39Mi spetsaniluk ja kwerpo jumasa junxta, k'elawilex ja jkwerpo ke'ntiki sok ja sb'a chante'i, mi junuk xta. Cho jach'ni ja sb'a yal chan jumasa sok sb'a chayi, tuktukil. 40Cho jach'ni ja ma' tey b'a satk'inali, tuk ja skwerpo ja ye'nle yuj ja ma'tik tey b'a lu'umi. Ja ma'tik tey ja b'a satk'inali, masni tsamal ja skwerpo ja ye'nle yuj ja ma' tey b'a lu'umi. 41K'elawilex ja jastal wax lijpi ja k'ak'u, mi lajanuk sok ja jastal wax lijpi ja nan ixawi sok ja k'anal jumasa, kada jujune ja k'anali tuktukil ja jastal wax lijpi ye'i.
42Cho jach'ni oj ek' jastal jaw, ja yajnix sak'wi ja cham winik jumasa. 43Yajni ay ma wax chami, wanix mukxi ja skwerpo'a, ja kwerpo jawi, jelni ajula sb'aj ja, sok mey yip ja wax chami. Jaxa yajni oj sak'wuki, ojni a'juk yi jun tsamal skwerpo b'a jel tsats sok mixani ojto cham pilan majke'a. 44Ja kwerpo wax mukxi'i, mixa ja' oj sak'wuk. Ja jastal ay kwerpo b'a lu'um iti cho jach'ni ay pilan kwerpo espiritu ay.
45Ja b'a yab'al ja Dyosi swax yala, ja b'ajtan winik sk'u'lan ja Dyosi ja'ni ja Adani, ya'yi sak'anil b'a oj b'ob' ajyuk ja b'a lu'um iti. Jaxa pilan Adani, ja'ni ja Kajwaltik Jesusi, yuj ja ye'n oj ya' ki'tik ja jsak'aniltik b'a satk'inali. 46Ja'yuj ja b'ajtan jkwerpo'tiki, jani ja b'a lu'um iti, tsa'an oj a'juk ki'tik ja jkwerpo'tik tsa'ub'ali. 47Ja b'ajtan winiki k'u'laji sok sts'ub'il lu'um, jaxa schab'ili, ti ko'jan b'a satk'inal. 48Ja'yuj jpetsaniltik ja janek' ti ayotik b'a lu'umi, ayni jun jkwerpo'tik jastal ja sb'a Adani, jastal k'u'laji sok ts'ub' lu'um ja ye'n. Jaxa ma'tik ti oj ajyuk b'a satk'inali ojni a'juk jun skwerpo'tik jastal ja sb'a Kajwaltik Jesusi. 49Ja ke'ntiki, jach'ni ja jkwerpo'tik jastal ja sb'a ja b'ajtan winik it k'ulaji sok ts'ub' lu'umi, ojtoni cho jlajtik ja jastal ja Kajwaltik Jesús it tey b'a satk'inali.
50Jmoj aljel jumasa, wax kana oj kala wabyex sok ja jkwerpo ki'ojtik ja b'a lu'um iti, mi ni oj ochkotik sok ja b'a wa skulan mandar ja Dyos sb'a mini oj ch'akuki. 51Oj kala wabyex t'usan ja jas mitox ya jna'tik jastal ay ja Dyosi: Mi jpetsaniluktik chamelotik, jasa jpetsaniltik oj tukb'ukotik. 52Ja yajnix jak pilan majke ja Kajwaltik Jesusi, oj kab'tik jun yok'el korneta, ja k'ak'u jaw ja ma'tik chamelxa oj ch'ak k'e'uke, mixani oj chamuke pilan majke'a, jaxa ma'tik sak'anotikto ja k'ak'u jawi, jun juts'in oj muts'tik sok oj jamtik ja satiki ojni ch'ak tukb'ukotika. 53Ja Dyosi, oj ya pilan ja kwerpo jumasa b'a it ki'ojtik b'a wax cham sok wax k'a'i, b'a jun kwerpo mixa oj ch'akuk, sok mixani oj ch'ay sna'jela. 54Yajnix k'ot ja k'ak'u ja jastal jawi, ti oj k'ot smeranil ja jas wax yala ja b'a yab'al ja Dyosi:
—Ja chamel ch'akeli, ch'aytani sna'jela.
55¿Ja yan B'aya waxa wala oj ja k'ul ganari?
¿B'ay wa wip ja waxa wala oj syajb'esotikoni?
56Yuj ja mulali, ja'yuj wala chamtik, sok ti aya yuj ja smandari. 57—Sts'akatal lek ja Dyosi, ja'yuj wax b'ob' kujtik yuj ja sb'i'il ja Kajwaltik Jesusi.
58Ja'yuj moj aljel jumasa tsats la ajyiyex sok ja jTatik Dyosi, mok a wa'wex kan ya'teltajel ja yab'al ja Kajwaltik Jesusi. Na'awik spetsanil ja jas waxa k'u'lanex sb'a Dyosi, mi ni lomuka.
Iliyochaguliwa sasa
1 Corintios 15: YABD
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021
1 Corintios 15
15
Sak'wi ta ja Kajwaltik Jesusi
1Jmoj aljel jumasa, wax k'ana oj ka jul a k'ujolex ja yab'al ja Dyos it kala wabyexi. Ja we'nlexi jelni gusto a wabyexa sok a k'u'anexni'a. 2Ta yuj k'a jach' toj oj a k'u'ukex och ja yab'al ja Dyosi, ojni a ta wa koltajelexa, kechan ta yuj k'a miyuki, lomni a k'u'anexta'a.
3Ja jas je'a a wi'ex b'ajtani, ja'ni ja jas jneb'a ja ke'ni: Yuj ja cham ja Kajwaltik Jesusi, ja'yuj ja ke'ntik yuj ja jel mulanumotiki. Jach'ni jastal wa sje'a ja b'a ts'ijb'anub'al ja yab'al ja Dyosi, 4waj mukan, jaxa b'a yoxil k'ak'u a'ji sak'wuk yuj ja Dyosi. 5Yajni sak'wi, ja ma b'ajtan sje'a sb'aj yi'i, ja Pedro, tsa'an sje'a sb'aj yi ja lajchawe sjekab'anum jumasa. 6Tsa'an sje'a sb'aj yi, ja ma'tik nochji yuji ek'el yuj mas ja jo'e syeni (500), ay to jitsan sak'an ja ye'nle'i, jaxa tuki chamye'ta. 7Tsa'an cho sje'a sb'aj yi ja Santiago, ti'xta'a cho sje'a sb'aj yi spetsanil ja sjekab'anum jumasa. 8Ke'nxta tsa'an sje'a sb'aj ki; yujni tsa'anxa lek jna'a sb'aj ja ke'n yuj ja tuk sjekab'anum jumasa'a.
9Jayuj ja ke'n mas jel ko'el wax kab' ja ka'tel yuj ja tuk jekab'anum jumasa, cho mini sb'ejuk oj yal kab' jekab'anumil ja kristyano, yuj ja jel ka yi'e wokol ja moj aljeltik jumasa. 10Jachuk, ja Dyosi, jel lek jmok ja ke'n ja'yuj ya ochkon sjekab'anumil. Mi ch'inuk kila ja tsamal yip ya'ki ja Dyosi, sok kechan ke'n mas a'tijiyon yuj ja tuk sjekab'anum jumasa'a; ja smeranili, ch'akni jk'ul spetsanil ja a'tela, sts'akatal sok ja tsamal yip ya'ki ja Dyosi. 11A'nima, mi ja'uk wax k'elatikon ja ma jel wax a'tiji. Ja mas t'ilan kilatikoni, ja kalatikon a wabyex ja yab'al ja Dyosi, sok a k'u'anexni ja we'nlexa.
Jach'ni ja ke'ntiki, ojni cho sak'wukotika
12Ja tsamal yab'al ja Dyos it kaltikon a wabyexi, jayuj ja a'ji sak'wuk ja Kajwaltik Jesús yuj ja Dyosi. Jasyuj ja ¿ay chab' oxe wax yala a wujilex ke mi oj sak'wuk ja ma chamelxa b'a? 13Yuj k'a mi oj sak'wuk ja ma chamelxa, cho mini ja Kajwaltik Jesusi, mi oj sak'wuk ajyi. 14Ja lek mokto sak'wuk ja Kajwaltik Jesusi, ja tsamal yab'al ja Dyos it wa'ntikon yaljeli, mini jas oj makunuka, cho mini oj ja k'u'ukex ja we'nlex ja Jesusi. 15Ja lek meranuk ja mi oj sak'wuk ja cham winik jumasa, yujni toj le'uj ab'al wa'ntikon ja jastal wax ta'atikon ti' ja Dyosi, jaxa ja iti, smeranil ja jas wax kalatikon sak'wi ja Kajwaltik Jesusi.
16Ja lek meranuk ja mixa oj sak'wuk ja cham winik jumasa, cho jach'ni ja Kajwaltik Jesusi, mini yuj sak'wi'a. 17Ja lek mokxta sak'wuk ja Jesusi, lomni oj ja k'u'ukex ja ye'na, jawa mulexi mini yuj oj ch'ay sna'jela, ta yuj k'a jach' jastal jawi. 18Jach'ni ja ma'tik sk'u'ane b'ajtan ja Kajwaltik Jesusi chamye, jasa ch'ayeleni'a. 19Yuj k'a ja ita ay sniwanil jk'ujoltik sok ja Kajwaltik Jesús oj skoltayotik ja b'a sak'aniltik iti, jelni ajula jb'ajtika.
20Ja iti, mi jachukuk jastal jawi, —Ja Kajwaltik Jesusi, sak'wini'a— Ja jastal iti, ja wa sje'a ki'tik ojni sak'wuk ja cham winik jumasa'a. 21-22Yuj ja smul ja Adani, ja'yuj wani la chamtik ja ya'na; Sts'akatal ja Kajwaltik Jesusi, ja'yuj ja ke'ntiki, ojni sak'wukotika. 23Oj ni chak sak'wuke'a ja'ni ja k'ak'u oj yal ja Dyosi: Ja ma' sak'wi b'ajtani ja Kajwaltik Jesusi; tsa'an ja yajnix kumxi'i, ti oj sak'wuk ja ma'tik k'u'aji yuj ja ye'ni. 24Tsa'an ti'xa oj k'ot tik'an ja k'ak'u'i, jaxa Kajwaltik Jesusi, yajnix ch'ak sch'ay sna'jel spetsanil ja ma'tik ay ya'teli, sok spetsanil ja yipe jumasa, ti'xa oj ya'kan b'a sk'ab' ja Dyos Tatal ja a'tela.
25Ja Kajwaltik Jesusi, ti oj k'e stul ja ya'tel ja yajni ch'ak sch'ay sna'jel spetsanil ja matik mix yila sb'a sok leki. 26Ja b'a tsa'an xta oj sch'ay sna'jel ja Kajwaltik Jesusi, ja chamel ch'akeli. 27Ja b'a ts'ijb'anub'al ja yab'al ja Dyosi, jach' wax yala jastal iti: —Ye'n a'ji yi b'a skab' spetsanil ja jastik jumasa yuj ja Dyosi—, ja it wax yala —spetsanili—. Mi ti'uk kwenta'uk ay tiw ja Dyosi, yuj ja ye'n ja Dyos ja ma ch'ak ya'a yi b'a sk'ab spetsanil ja kosa jumasa ja Kajwaltik Jesusi. 28Jaxa yajni nakaxa tey b'a sk'ab' spetsanil ja kosa jumasa ja Kajwaltik Jesusi, ye'nxani oj cho ya' b'a sk'ab' ja Dyosi. Jaxa Dyosi, ti'ni oj ajyuk b'a sk'ab' spetsanila ja kosa jumasa, yuj ja ye'nani ya'yi b'a sk'ab' spetsanil ja Kajwaltik Jesusi.
29Ay chab' oxe ma wax yi'aj ja', b'a slok'ol ja ma chamta, yuj k'a wax ek' sk'ujole jach' oj sta skoltajele'i. Ta meran k'a mixa oj sak'wuk ja ma chamta, ¿jas ya'tel lom oj a wi'ex ja'? 30Ta jach' k'a jastal jawi, ¿jasyuj ja lom wa'ntik xta yi'jel wokol b'a? 31Ja we'nlexi waxa na'awex lek spetsanil ja k'ak'u jumasa mini ay sk'ak'uil oj chamkon ja ke'ni, ja mas gusto wax kab'i yuj ja waxa k'u'anex ja Kajwaltik Jesusi. 32Ja swinkil ja Efeso jel k'ak'e lajane sok ja chante jumasa b'a k'uli, ochyon ja b'a snalane'i. Ja lek meranuk ja mixa oj sak'wuk ja ma chamta, ¿jasun oj ka eluk ja ke'n ja jastal jaw b'a? mas lek laj jk'uluktik ja jastal ay ja ma wax yala: —La wa' ku'tik ja', yuj ja jechel ojni chamkotika.
33—Mok a wa'a b'ajex lo'lajel. —B'a oj slo'layex ja wa mojex jumasa, b'a mi oj a k'ulukex ja b'a leki. 34Na'awik lek ja jas waxa k'u'lanexi, mokxa jel a le' ja wa mulex ja b'a sti sat ja Dyosi. Ayni ja we'nlex mi waxa k'u'anex meran ja Dyosi, jelni k'ixwela'a b'ajexa.
Jastal oj sak'wuk ja ma chamta
35B'ob'ta ay ma oj b'ob' sjob' ki: ¿Jastal ma oj sak'wuk ja cham winik jumasa? ¿Jastal ma ja skwerpo oj a'juk yi'e'i? —oj chi'anik. 36—Mito xa na'awex k'inal ja jastal waxa job'wexi— K'elawilex yajni oj ts'unxuk jun sat ixim, t'ilani oj k'a'uk ja sat ixim jaw. 37Ja inat wax ts'unxi, mini sb'ajuk oj sak'wuka, ma chikan jas tik'e inatila, mas tuk yuj ja b'a oj sak'wuki. 38B'a kada jujune inat, ja Dyosi wax ya'yi ja skwerpo jastal wa sk'ana ja ye'n. 39Mi spetsaniluk ja kwerpo jumasa junxta, k'elawilex ja jkwerpo ke'ntiki sok ja sb'a chante'i, mi junuk xta. Cho jach'ni ja sb'a yal chan jumasa sok sb'a chayi, tuktukil. 40Cho jach'ni ja ma' tey b'a satk'inali, tuk ja skwerpo ja ye'nle yuj ja ma'tik tey b'a lu'umi. Ja ma'tik tey ja b'a satk'inali, masni tsamal ja skwerpo ja ye'nle yuj ja ma' tey b'a lu'umi. 41K'elawilex ja jastal wax lijpi ja k'ak'u, mi lajanuk sok ja jastal wax lijpi ja nan ixawi sok ja k'anal jumasa, kada jujune ja k'anali tuktukil ja jastal wax lijpi ye'i.
42Cho jach'ni oj ek' jastal jaw, ja yajnix sak'wi ja cham winik jumasa. 43Yajni ay ma wax chami, wanix mukxi ja skwerpo'a, ja kwerpo jawi, jelni ajula sb'aj ja, sok mey yip ja wax chami. Jaxa yajni oj sak'wuki, ojni a'juk yi jun tsamal skwerpo b'a jel tsats sok mixani ojto cham pilan majke'a. 44Ja kwerpo wax mukxi'i, mixa ja' oj sak'wuk. Ja jastal ay kwerpo b'a lu'um iti cho jach'ni ay pilan kwerpo espiritu ay.
45Ja b'a yab'al ja Dyosi swax yala, ja b'ajtan winik sk'u'lan ja Dyosi ja'ni ja Adani, ya'yi sak'anil b'a oj b'ob' ajyuk ja b'a lu'um iti. Jaxa pilan Adani, ja'ni ja Kajwaltik Jesusi, yuj ja ye'n oj ya' ki'tik ja jsak'aniltik b'a satk'inali. 46Ja'yuj ja b'ajtan jkwerpo'tiki, jani ja b'a lu'um iti, tsa'an oj a'juk ki'tik ja jkwerpo'tik tsa'ub'ali. 47Ja b'ajtan winiki k'u'laji sok sts'ub'il lu'um, jaxa schab'ili, ti ko'jan b'a satk'inal. 48Ja'yuj jpetsaniltik ja janek' ti ayotik b'a lu'umi, ayni jun jkwerpo'tik jastal ja sb'a Adani, jastal k'u'laji sok ts'ub' lu'um ja ye'n. Jaxa ma'tik ti oj ajyuk b'a satk'inali ojni a'juk jun skwerpo'tik jastal ja sb'a Kajwaltik Jesusi. 49Ja ke'ntiki, jach'ni ja jkwerpo'tik jastal ja sb'a ja b'ajtan winik it k'ulaji sok ts'ub' lu'umi, ojtoni cho jlajtik ja jastal ja Kajwaltik Jesús it tey b'a satk'inali.
50Jmoj aljel jumasa, wax kana oj kala wabyex sok ja jkwerpo ki'ojtik ja b'a lu'um iti, mi ni oj ochkotik sok ja b'a wa skulan mandar ja Dyos sb'a mini oj ch'akuki. 51Oj kala wabyex t'usan ja jas mitox ya jna'tik jastal ay ja Dyosi: Mi jpetsaniluktik chamelotik, jasa jpetsaniltik oj tukb'ukotik. 52Ja yajnix jak pilan majke ja Kajwaltik Jesusi, oj kab'tik jun yok'el korneta, ja k'ak'u jaw ja ma'tik chamelxa oj ch'ak k'e'uke, mixani oj chamuke pilan majke'a, jaxa ma'tik sak'anotikto ja k'ak'u jawi, jun juts'in oj muts'tik sok oj jamtik ja satiki ojni ch'ak tukb'ukotika. 53Ja Dyosi, oj ya pilan ja kwerpo jumasa b'a it ki'ojtik b'a wax cham sok wax k'a'i, b'a jun kwerpo mixa oj ch'akuk, sok mixani oj ch'ay sna'jela. 54Yajnix k'ot ja k'ak'u ja jastal jawi, ti oj k'ot smeranil ja jas wax yala ja b'a yab'al ja Dyosi:
—Ja chamel ch'akeli, ch'aytani sna'jela.
55¿Ja yan B'aya waxa wala oj ja k'ul ganari?
¿B'ay wa wip ja waxa wala oj syajb'esotikoni?
56Yuj ja mulali, ja'yuj wala chamtik, sok ti aya yuj ja smandari. 57—Sts'akatal lek ja Dyosi, ja'yuj wax b'ob' kujtik yuj ja sb'i'il ja Kajwaltik Jesusi.
58Ja'yuj moj aljel jumasa tsats la ajyiyex sok ja jTatik Dyosi, mok a wa'wex kan ya'teltajel ja yab'al ja Kajwaltik Jesusi. Na'awik spetsanil ja jas waxa k'u'lanex sb'a Dyosi, mi ni lomuka.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021