1 Corintios 12
12
Ja jcholtik wax ya'a ja Espiritu Santo
1Jmoj aljel jumasa, wax k'ana oj ja na'ex ja jcholtik wax ya'a ja Espiritu Santo. 2Ja yajni mitoxa k'u'anex ja Kajwaltik Jesús ja we'nlexi, wanixa ta'a a mulex yuj ja waxa toyowex ja k'u'lub'al dyos jumasa, sok mini yuj wax k'umaniye'a. 3Kechan ja ma wax je'ji yi yuj ja Espiritu Santo, wa sna'awe ja'ni Kajwaltik ja Jesusi. Ja'yuj wax k'ana oj a na'ex mini ma oj b'ob' sta ti b'a mi lekuk ja Kajwaltik Jesusi, ta yuj k'a ja wa'n je'jel yi yuj ja Espiritu Santo.
4Ja janek' wanxa xa k'u'anex ja Dyosi, ay jastal tuktukil ja wa cholexi, spetsanil ja jawi, ja ni ja Espiritu Santo wax ya'a. 5Ay tuktukil jastal oj a'teltaxuk ja Kajwaltik Jesusi, cho petsanile june ita ja Kajwaltik ma' wax ya'teltaye'i. 6Oj b'ob' k'u'laxuk tuktukil a'tel, cho ye'nani ja Dyos wax ya'a ja yip b'a kada jujune b'a oj sk'u'luka. 7Ja Dyosi, wa sje'aki'tik, ja yajni oj ya'kitik jun jcholtik b'a tsa'ub'al yuj ja Espiritu Santo, jach' wa sk'u'lan b'a oj cham jk'ujoltik ja slekilal ja tuk jumasa. 8Ay ma wax ya'yi schol ja Espiritu Santo, b'a jel oj sna' ja jas oj yali, sok ay ma wax ya'yi schol b'a oj sna' lek jastal oj k'umanuki, 9ja tuki, ya'yi jun sniwanil sk'ujol sok ja Dyosi, ja tuki ya'yi schol b'a oj ya tojb'uk ja ma mi lekuk ayi. 10Ay ma ak'ub'al yip b'a oj sk'u'l milagro, ay ma ak'ub'al schol b'a aluman Dyosil. Ay ma ak'ul yi b'a oj sna' sb'aj ja Yespiritu ja Dyosi, sok b'a oj sna' sb'aj ja yip ja tan pukuji. Ay ma oj b'ob' k'umanuk sok tuktukil k'umal, jaxa tuk jumasa oj yab' sb'ej ja k'umal jumasa jawi. 11Ye'nani ja Espiritu Santo wax ch'ak sk'u'luk ja jastal jawa, cho ye'nani wa sna'a jas a'tel oj ya'yi b'a jujune'a.
Spetsanil t'ilan sok jel niwak ja b'a yoj snaj ja Dyosi
12Ja janek' moj aljelxa jb'ajtik, ja' lajan sok ja jastal ay ja jkwerpotiki. Yuj ja jkwerpotiki, jel jitsan ja jas yi'oji, cho kechani june'a. 13Ja janek' aytiki, ay ma' judio, jaxa tuk jumasa miyuk. Ay ma mi libre'uk ay, sok ay ma' libre ay. Kechani june ja Espiritu Santo ma' ki'ajtik ja' yuji, b'a jach' junxta oj yil'otik cho jun itani kwerpo aytika. Ja Dyosi, b'a kada jujune'otik ya'a ki'tik ja Espiritu Santo.
14Ja jkwerpo'ali, mi kechanuk june ja jas tojb'el soki, jitsan ja jas yi'oji. 15Yuj k'a oj yal ja okali ja ke'n mi teyukon sok ja kwerpo jawi: —jastal lek mi k'ab'alukon—, jpetsaniltik wax na'atik mi ja' ti oj eluk ja b'a kwerpo yuj ja jastal jawi. 16Ma oj yal ja chikinali: —Jastal lek mi b'ak satalukon ja ke'n, ja ke'n mi ti ayukon sok jun kwerpo'al— a'nima jach' wax yala jasa ti'ni ay b'a junxta kwerpo. 17Ja lek yuj spetsaniluk ja kwerpo'al kechan wax ilwani, mi oj kab'tik k'inala. Ma yuj kechan wax b'ob' yab' k'inal ja kwerpo'al jawi, mi jas oj kab'tik yik'ila. 18Ja'yuj ja Dyosi, spetsanil ti ya'akan b'a jkwerpo'tik ja jastal wa sk'ana ja Ye'n. 19Ta kechan k'a june ja jas yi'oji, mini kwerpo'uka. 20A'nima jel jitsanuk ja jas yi'oj ja kwerpo jawi, kechani, june ja kwerpo jawa.
21Ja b'ak' satali, mi oj b'ob' yal yab' ja k'ab'ali: —Ja we'n mi oj makunan kuj—. Cho mini ja olomali, mi oj b'ob' yal yab' ja okali: —Ja we'n mi oj makunan kuj—. 22Spakaxil ay, ja jastik jel ko'el wax ilxi, ja jel wax makuni kujtik. 23Jaxa b'a mi jex makuni wax kilatiki, ja mas wax potsotik lek. Cho jach'ni wax k'u'lantik sok jastal jaw ja jkwerpo'tik b'a mix k'ana oj je'tiki. 24Ja'xa b'a wax je'atiki mi wax talnatik leka. Ye'n sk'u'lan ja jkwerpo'tik ja Dyosi, ja'yuj sb'ej oj talnatik lek ja b'a wax kilatik mi jel wax makuni. 25Jachuk ja jastik yi'oj ja jkwerpo'tik jawi naka lajan aye, june itani aya, cho tuktukil ja schole'i. 26Ta wank'a xyajb'i xedan ja jkwerpo'tiki spetsanil wanix yab' syajala. Ta wan k'ax talnatik lek ja jkwerpo'tiki, spetsanil ja tuk jumasa gusto'ni wax ajyi'a.
27Ja'yuj ja ya'n, b'a kada jujune ja we'nlex ja janek' moj aljel jb'ajtiki, b'a jpetsaniltik jun kwerpo aytik sok ja Kajwaltik Jesusi. 28Ja moj aljeltik jumasa, ya'yi kada jujune ya'teli. Ay ma' ya och jekab'anumil; ay ma' ya' och aluman Dyosil, ay ma' ya och b'a sje' ju'un. Cho ay chab' oxe ma' oj sk'u'l milagro, ay ma oj b'ob' ya tojb'uk ja ma mi lek ayi'; ay ma oj b'ob' skolta ja ma' wokol ayi, ay ma' ay jas oj b'ob' sje' yi' ja smoji, sok ay ma wax b'ob' k'umanuk sok yajk'achil k'umal. 29Mi spetsaniluk jekab'anumuk, mini aluman Dyosil, mini je'a ju'unil. Cho mini a petsanilukex oj b'ob' a k'u'lukex milagro 30ma b'a oja wajnayex ja ma mi lek ayi. Mi a petsanilukex oj b'ob' k'umananik sok tuk ab'al, cho mi a petsanilukex oj b'ob' a wabyex sb'ej ja jas wax yalawe ja b'a k'umal jumasa jastal jawi. 31Lek ay yuj ja waxa k'anawex oj ya'a wi'ex ja Espiritu Santo petsanil ja jas jel oj ja na'exi. Cho jach'ni ja ke'n ay jas jel t'ilan oj cho je'a wi'ex.
Iliyochaguliwa sasa
1 Corintios 12: YABD
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021
1 Corintios 12
12
Ja jcholtik wax ya'a ja Espiritu Santo
1Jmoj aljel jumasa, wax k'ana oj ja na'ex ja jcholtik wax ya'a ja Espiritu Santo. 2Ja yajni mitoxa k'u'anex ja Kajwaltik Jesús ja we'nlexi, wanixa ta'a a mulex yuj ja waxa toyowex ja k'u'lub'al dyos jumasa, sok mini yuj wax k'umaniye'a. 3Kechan ja ma wax je'ji yi yuj ja Espiritu Santo, wa sna'awe ja'ni Kajwaltik ja Jesusi. Ja'yuj wax k'ana oj a na'ex mini ma oj b'ob' sta ti b'a mi lekuk ja Kajwaltik Jesusi, ta yuj k'a ja wa'n je'jel yi yuj ja Espiritu Santo.
4Ja janek' wanxa xa k'u'anex ja Dyosi, ay jastal tuktukil ja wa cholexi, spetsanil ja jawi, ja ni ja Espiritu Santo wax ya'a. 5Ay tuktukil jastal oj a'teltaxuk ja Kajwaltik Jesusi, cho petsanile june ita ja Kajwaltik ma' wax ya'teltaye'i. 6Oj b'ob' k'u'laxuk tuktukil a'tel, cho ye'nani ja Dyos wax ya'a ja yip b'a kada jujune b'a oj sk'u'luka. 7Ja Dyosi, wa sje'aki'tik, ja yajni oj ya'kitik jun jcholtik b'a tsa'ub'al yuj ja Espiritu Santo, jach' wa sk'u'lan b'a oj cham jk'ujoltik ja slekilal ja tuk jumasa. 8Ay ma wax ya'yi schol ja Espiritu Santo, b'a jel oj sna' ja jas oj yali, sok ay ma wax ya'yi schol b'a oj sna' lek jastal oj k'umanuki, 9ja tuki, ya'yi jun sniwanil sk'ujol sok ja Dyosi, ja tuki ya'yi schol b'a oj ya tojb'uk ja ma mi lekuk ayi. 10Ay ma ak'ub'al yip b'a oj sk'u'l milagro, ay ma ak'ub'al schol b'a aluman Dyosil. Ay ma ak'ul yi b'a oj sna' sb'aj ja Yespiritu ja Dyosi, sok b'a oj sna' sb'aj ja yip ja tan pukuji. Ay ma oj b'ob' k'umanuk sok tuktukil k'umal, jaxa tuk jumasa oj yab' sb'ej ja k'umal jumasa jawi. 11Ye'nani ja Espiritu Santo wax ch'ak sk'u'luk ja jastal jawa, cho ye'nani wa sna'a jas a'tel oj ya'yi b'a jujune'a.
Spetsanil t'ilan sok jel niwak ja b'a yoj snaj ja Dyosi
12Ja janek' moj aljelxa jb'ajtik, ja' lajan sok ja jastal ay ja jkwerpotiki. Yuj ja jkwerpotiki, jel jitsan ja jas yi'oji, cho kechani june'a. 13Ja janek' aytiki, ay ma' judio, jaxa tuk jumasa miyuk. Ay ma mi libre'uk ay, sok ay ma' libre ay. Kechani june ja Espiritu Santo ma' ki'ajtik ja' yuji, b'a jach' junxta oj yil'otik cho jun itani kwerpo aytika. Ja Dyosi, b'a kada jujune'otik ya'a ki'tik ja Espiritu Santo.
14Ja jkwerpo'ali, mi kechanuk june ja jas tojb'el soki, jitsan ja jas yi'oji. 15Yuj k'a oj yal ja okali ja ke'n mi teyukon sok ja kwerpo jawi: —jastal lek mi k'ab'alukon—, jpetsaniltik wax na'atik mi ja' ti oj eluk ja b'a kwerpo yuj ja jastal jawi. 16Ma oj yal ja chikinali: —Jastal lek mi b'ak satalukon ja ke'n, ja ke'n mi ti ayukon sok jun kwerpo'al— a'nima jach' wax yala jasa ti'ni ay b'a junxta kwerpo. 17Ja lek yuj spetsaniluk ja kwerpo'al kechan wax ilwani, mi oj kab'tik k'inala. Ma yuj kechan wax b'ob' yab' k'inal ja kwerpo'al jawi, mi jas oj kab'tik yik'ila. 18Ja'yuj ja Dyosi, spetsanil ti ya'akan b'a jkwerpo'tik ja jastal wa sk'ana ja Ye'n. 19Ta kechan k'a june ja jas yi'oji, mini kwerpo'uka. 20A'nima jel jitsanuk ja jas yi'oj ja kwerpo jawi, kechani, june ja kwerpo jawa.
21Ja b'ak' satali, mi oj b'ob' yal yab' ja k'ab'ali: —Ja we'n mi oj makunan kuj—. Cho mini ja olomali, mi oj b'ob' yal yab' ja okali: —Ja we'n mi oj makunan kuj—. 22Spakaxil ay, ja jastik jel ko'el wax ilxi, ja jel wax makuni kujtik. 23Jaxa b'a mi jex makuni wax kilatiki, ja mas wax potsotik lek. Cho jach'ni wax k'u'lantik sok jastal jaw ja jkwerpo'tik b'a mix k'ana oj je'tiki. 24Ja'xa b'a wax je'atiki mi wax talnatik leka. Ye'n sk'u'lan ja jkwerpo'tik ja Dyosi, ja'yuj sb'ej oj talnatik lek ja b'a wax kilatik mi jel wax makuni. 25Jachuk ja jastik yi'oj ja jkwerpo'tik jawi naka lajan aye, june itani aya, cho tuktukil ja schole'i. 26Ta wank'a xyajb'i xedan ja jkwerpo'tiki spetsanil wanix yab' syajala. Ta wan k'ax talnatik lek ja jkwerpo'tiki, spetsanil ja tuk jumasa gusto'ni wax ajyi'a.
27Ja'yuj ja ya'n, b'a kada jujune ja we'nlex ja janek' moj aljel jb'ajtiki, b'a jpetsaniltik jun kwerpo aytik sok ja Kajwaltik Jesusi. 28Ja moj aljeltik jumasa, ya'yi kada jujune ya'teli. Ay ma' ya och jekab'anumil; ay ma' ya' och aluman Dyosil, ay ma' ya och b'a sje' ju'un. Cho ay chab' oxe ma' oj sk'u'l milagro, ay ma oj b'ob' ya tojb'uk ja ma mi lek ayi'; ay ma oj b'ob' skolta ja ma' wokol ayi, ay ma' ay jas oj b'ob' sje' yi' ja smoji, sok ay ma wax b'ob' k'umanuk sok yajk'achil k'umal. 29Mi spetsaniluk jekab'anumuk, mini aluman Dyosil, mini je'a ju'unil. Cho mini a petsanilukex oj b'ob' a k'u'lukex milagro 30ma b'a oja wajnayex ja ma mi lek ayi. Mi a petsanilukex oj b'ob' k'umananik sok tuk ab'al, cho mi a petsanilukex oj b'ob' a wabyex sb'ej ja jas wax yalawe ja b'a k'umal jumasa jastal jawi. 31Lek ay yuj ja waxa k'anawex oj ya'a wi'ex ja Espiritu Santo petsanil ja jas jel oj ja na'exi. Cho jach'ni ja ke'n ay jas jel t'ilan oj cho je'a wi'ex.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021