aRooma 1
1
Olaleiya wa Pawulo oRooma
1Wa Pawulo, murumeiyi a Kristu Yeesu, iitthaniwe weera akhale murummwa, aathanliwe weera alaleiye masu ooreeraxa. 2Masu ooreeraxa ala yaaroromelihiwe khalayeene ni maprofeeti a Muluku mwa Yoolempwa* Yootteela, 3ni ala yaari mwaha wa Mwanawe, aari ntoko erutthwaawe a ekhapira ya Davide. 4Owo aakhalihiwa Mwaana a Muluku ni ikuru sa Munepa wa ntteeliho niwoko na ovenyererawawe mookhwaani: Yeesu Kristu, Apwiyaahu. 5Niwoko na Yoowo ni na Nsinanawe nohaakhela mahala ni muteko okhala arummwa, weera niweettihe atthu a miloko sootheene weera eroromele ni yiiwelele. 6Ni nyuwotho muri a oowiitthaniwa weera mukhale a Yeesu Kristu. 7Wa ootheene oRooma ari oosiveleya a Muluku ni aniitthaniwa weera ekhale ootteela: Wa nyuwo, mahala ni murettele onrweela wa Muluku Atithihu ni Apwiya Yeesu Kristu.
Wunkheliwa wa Pawulo weera axekure ekerexa ya oRooma
8Woopacerani, kinnamuttottopela Mulukwaaka mwa Yeesu Kristu niwoko na nyuwo ootheene, seenre mweelaponi moothemwene suulummwaka sa nroromelonanyu. 9Muluku, mwa Yoowo kinimurumeelaaka ni murima wootheene kilaleiyaka masu ooreeraxa a Mwanawe, ti namoonaaka moota miyo kingwuupuwelelaakani mahuku ootheene 10mmavekelonimwaka ehuhu yootheene. Kimveka weera, waari otthuna wa Muluku, ommaleloniwaya kihuleliwe ephiro weera kooxekureni. 11Onkunkhelaxa owoonani weera koovaheeni yoovaha emoha ya mMunepani weera koolipihereni, 12eyo tiiyo weera miyo ni nyuwo nilipihereyeke niwoko na nroromelonahu. 13Kintthuna weera nyuwo, axunnaka, musuwele nnenesene weera imaara sincipale kuupuwelaaka wooxekurani. Kaatthuna ohepha yoowiima emoha variyariwanyu ntoko kihemphaaka variyari wa amalapo akina, mene kohooceelihiwa wooxekurani mpaka olelo. 14Miyo kohaakoongorela anamiruku ni oohikhalano miruku, asuweli ni oohisuwela. 15Tivawo koolikana woolaleerani masu ooreeraxa nyuwotho muri oRooma. 16Nkinuulihiwa muru niwoko na masu ooreeraxa, niwoko ti ikuru sa Muluku singwera waavuluxa ootheene anroromela, woopacera aYuda ni wanaaveeli aGrego. 17Vano, mwa masu ooreeraxa onimooniheriwa waakhuleleya wa Muluku. Okhuma ompacereroni mpaka ommaleloni, waakhuleleya wu ti niwoko na nroromelo, ntoko elempwaaya: “Yoole onaakhuleliwa ni Muluku niwoko na nroromelo, anaakhale ni okumi.”
Muluku onkhalela isara omutthu
18Isara sa Muluku sinoonihereya wiirimu ni ohitteela wootheene ni yoonanara yootheene ya atthu enooceeliha ekhaikhai. 19Vano, yeeyo engwereya osuwanyeya wa Muluku enooniheriwa variyariwaya, niwoko Muluku oowoonihera. 20Okhuma ephattuwelo ya elapo ya vathi, mikhalelo soohooneya sa Muluku, ntoko ikurusawe, soohimala, ni omulukwaawe, saahooniwa nnenesene. Iyo siiwexexiwa mwa itthu soopattuxiwa, moota wooweera atthweene yaawo ari oohileveleleya. 21Vano, emusuwelaka Muluku, khayaamvuwihale ntoko Muluku, hata khayaamutthapenle, mene soowuupuwelasaya saathatuwa sa siiyo, ni mirimasaya sa ololo saathatuwa epiphi. 22Yaari mwiixeerelaru asuweli, yaathatuwa alolo. 23Awo yaahaakakhanyiha ovuwa wa Muluku oohimala ni icaambulo soopakiwa soolikana ntoko mutthu onkhwa, hiiho ntoko ipalame, inama ni axiitthu aniipurula. 24Tivawo Muluku aavaherenraawe ohitteela, weera moohaawani woonanara wa murimaaya epakelane itthu soowuuliha muru mukina ni mukhwaawe. 25Yaahaakakhanyiha ekhaikhai ya Muluku ni wootha, ni yaalapa ni yaarumeela itthu soopattuxiwa, omuhiya Mpattuxa ori ooreelihiwa mahuku ootheene, Ame*. 26Tivawo Muluku aavaherenraawe soohaawela soowuuliha muru. Mpaka axaaraya yaahaakakhanyiha okona ni alopwana, ekonaka ni asithiyana akhwaaya, ehiyaka ikhalelosaya ntoko athiyana. 27Mooteene yoowo alopwanatho yaahiya okona ni athiyana, ni yaahaawelaxa okona ni akhwaaya. Yaapacera opaka miteko soowuuliha muru, alopwana ni alopwana, ni yaahaakhela asineenaaya yoottaruxa yoophwanela niwoko na mitekosaya. 28Woonaka weera awo yaaramusa osuwela wa Muluku, Owo muneenaawe ohaahiya ni soowuupuwelasaya soonanara, weera epake yeeyo yahaatthuneya opaka. 29Yaasareya mikhalelo sootheene sa soohookowa, otakhala, milili ni onarara. Aasareya nrima, wiiva, ohiiwanana, olokottha, ni murima woonanara. Ari anamwaapanana, 30anamootherana, amwiittana a Muluku, oowiikuxerera, oowiixoona, oowiihima; anoopakelela mikhalelo soopaka soonanara, khaangwiiwelela asitithaya, 31alolo, oohiroromeleya, a murima woowuuma, oohimoriwa ikharari. 32Hata esuwelaka nlamulo na Muluku, weera atthu ampaka itthu iyo amphwanela okhwa, khoohiyono ampwaherera opaka yeeyo paahi, menetho angwaakhulela yaale akina ampaka seiyo.
Iliyochaguliwa sasa
aRooma 1: VMK2021
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Makhua Shirima Bible © Christelike Lektuurmaatskappy NPC, 2021.
aRooma 1
1
Olaleiya wa Pawulo oRooma
1Wa Pawulo, murumeiyi a Kristu Yeesu, iitthaniwe weera akhale murummwa, aathanliwe weera alaleiye masu ooreeraxa. 2Masu ooreeraxa ala yaaroromelihiwe khalayeene ni maprofeeti a Muluku mwa Yoolempwa* Yootteela, 3ni ala yaari mwaha wa Mwanawe, aari ntoko erutthwaawe a ekhapira ya Davide. 4Owo aakhalihiwa Mwaana a Muluku ni ikuru sa Munepa wa ntteeliho niwoko na ovenyererawawe mookhwaani: Yeesu Kristu, Apwiyaahu. 5Niwoko na Yoowo ni na Nsinanawe nohaakhela mahala ni muteko okhala arummwa, weera niweettihe atthu a miloko sootheene weera eroromele ni yiiwelele. 6Ni nyuwotho muri a oowiitthaniwa weera mukhale a Yeesu Kristu. 7Wa ootheene oRooma ari oosiveleya a Muluku ni aniitthaniwa weera ekhale ootteela: Wa nyuwo, mahala ni murettele onrweela wa Muluku Atithihu ni Apwiya Yeesu Kristu.
Wunkheliwa wa Pawulo weera axekure ekerexa ya oRooma
8Woopacerani, kinnamuttottopela Mulukwaaka mwa Yeesu Kristu niwoko na nyuwo ootheene, seenre mweelaponi moothemwene suulummwaka sa nroromelonanyu. 9Muluku, mwa Yoowo kinimurumeelaaka ni murima wootheene kilaleiyaka masu ooreeraxa a Mwanawe, ti namoonaaka moota miyo kingwuupuwelelaakani mahuku ootheene 10mmavekelonimwaka ehuhu yootheene. Kimveka weera, waari otthuna wa Muluku, ommaleloniwaya kihuleliwe ephiro weera kooxekureni. 11Onkunkhelaxa owoonani weera koovaheeni yoovaha emoha ya mMunepani weera koolipihereni, 12eyo tiiyo weera miyo ni nyuwo nilipihereyeke niwoko na nroromelonahu. 13Kintthuna weera nyuwo, axunnaka, musuwele nnenesene weera imaara sincipale kuupuwelaaka wooxekurani. Kaatthuna ohepha yoowiima emoha variyariwanyu ntoko kihemphaaka variyari wa amalapo akina, mene kohooceelihiwa wooxekurani mpaka olelo. 14Miyo kohaakoongorela anamiruku ni oohikhalano miruku, asuweli ni oohisuwela. 15Tivawo koolikana woolaleerani masu ooreeraxa nyuwotho muri oRooma. 16Nkinuulihiwa muru niwoko na masu ooreeraxa, niwoko ti ikuru sa Muluku singwera waavuluxa ootheene anroromela, woopacera aYuda ni wanaaveeli aGrego. 17Vano, mwa masu ooreeraxa onimooniheriwa waakhuleleya wa Muluku. Okhuma ompacereroni mpaka ommaleloni, waakhuleleya wu ti niwoko na nroromelo, ntoko elempwaaya: “Yoole onaakhuleliwa ni Muluku niwoko na nroromelo, anaakhale ni okumi.”
Muluku onkhalela isara omutthu
18Isara sa Muluku sinoonihereya wiirimu ni ohitteela wootheene ni yoonanara yootheene ya atthu enooceeliha ekhaikhai. 19Vano, yeeyo engwereya osuwanyeya wa Muluku enooniheriwa variyariwaya, niwoko Muluku oowoonihera. 20Okhuma ephattuwelo ya elapo ya vathi, mikhalelo soohooneya sa Muluku, ntoko ikurusawe, soohimala, ni omulukwaawe, saahooniwa nnenesene. Iyo siiwexexiwa mwa itthu soopattuxiwa, moota wooweera atthweene yaawo ari oohileveleleya. 21Vano, emusuwelaka Muluku, khayaamvuwihale ntoko Muluku, hata khayaamutthapenle, mene soowuupuwelasaya saathatuwa sa siiyo, ni mirimasaya sa ololo saathatuwa epiphi. 22Yaari mwiixeerelaru asuweli, yaathatuwa alolo. 23Awo yaahaakakhanyiha ovuwa wa Muluku oohimala ni icaambulo soopakiwa soolikana ntoko mutthu onkhwa, hiiho ntoko ipalame, inama ni axiitthu aniipurula. 24Tivawo Muluku aavaherenraawe ohitteela, weera moohaawani woonanara wa murimaaya epakelane itthu soowuuliha muru mukina ni mukhwaawe. 25Yaahaakakhanyiha ekhaikhai ya Muluku ni wootha, ni yaalapa ni yaarumeela itthu soopattuxiwa, omuhiya Mpattuxa ori ooreelihiwa mahuku ootheene, Ame*. 26Tivawo Muluku aavaherenraawe soohaawela soowuuliha muru. Mpaka axaaraya yaahaakakhanyiha okona ni alopwana, ekonaka ni asithiyana akhwaaya, ehiyaka ikhalelosaya ntoko athiyana. 27Mooteene yoowo alopwanatho yaahiya okona ni athiyana, ni yaahaawelaxa okona ni akhwaaya. Yaapacera opaka miteko soowuuliha muru, alopwana ni alopwana, ni yaahaakhela asineenaaya yoottaruxa yoophwanela niwoko na mitekosaya. 28Woonaka weera awo yaaramusa osuwela wa Muluku, Owo muneenaawe ohaahiya ni soowuupuwelasaya soonanara, weera epake yeeyo yahaatthuneya opaka. 29Yaasareya mikhalelo sootheene sa soohookowa, otakhala, milili ni onarara. Aasareya nrima, wiiva, ohiiwanana, olokottha, ni murima woonanara. Ari anamwaapanana, 30anamootherana, amwiittana a Muluku, oowiikuxerera, oowiixoona, oowiihima; anoopakelela mikhalelo soopaka soonanara, khaangwiiwelela asitithaya, 31alolo, oohiroromeleya, a murima woowuuma, oohimoriwa ikharari. 32Hata esuwelaka nlamulo na Muluku, weera atthu ampaka itthu iyo amphwanela okhwa, khoohiyono ampwaherera opaka yeeyo paahi, menetho angwaakhulela yaale akina ampaka seiyo.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Makhua Shirima Bible © Christelike Lektuurmaatskappy NPC, 2021.