Marku 4
4
Yoolikanyiha ya namwaala
1Yeesu aapaceratho oxuttiha mukerekhere wa ephareiya. Yaathukumana emurukureenreene atthu ancipale, moota wooweera aavolowa munikulani ni mwemmo aakilaathi. Nikula naari mphareiyani, atthu ereene mukerekhere wa ephareiya. 2Owo aahaaxuttiha itthu sincipale ni soolikanyiha, eeraka munihusihonimwawe: 3“Mwiiwe, namwaala aavenya weera aale. 4Aalaka mmiso, mpatta mmoha waamorela mukerekhere wa ephiro, ni ipalame saahoowa ni saahooca. 5Mpatta mukina waamorela vamasorosoroni yahaakhanlewo etthaya yincipale, ni woowaakuveya waamela, niwoko etthaya khayiixenre. 6Naakhumalaaya nsuwa, mmiso ole waamenle waanyaala ni waahuuma, niwoko khawaarino mikwankhwaari. 7Mpatta mukina waamorela vanyiiwani ni, sunnuwaka, saavuvura mmiso ole moota wooweera khawiimale. 8Mpatta mukinatho waamorela vatthayani yooreera, waamela, waahunnuwa ni waahiima, ovahaka soohepha sooreera ophiyera mukina imaara miloko miraru, mukina imaara miloko mithannamosa ni mukinatho mpaka imaara ncira.” 9Woottharelana Yeesu aaheera: “Yoowo orino maaru oowiiwela, iiweke!” 10Yaapwahaaya atthu ancipale, muloko neeli ni yaawo yaari mukhwipimwawe Yeesu yaamukoha mwaha wa soolikanyiha seiye. 11Owo aaweerela: “Wa nyuwo moovahiwa exiiri ya omwene wa Muluku, mene wa yaawo ari vaate, sootheene anleeliwa ni soolikanyiha 12weera: ‘hata yoonaka, khaanoonexexa, ni yiiwaka, khaaniiwexexa, weera ehirukunxe murima ni ehileveleliwe.’ 13Vano Yeesu aahaakoha: “Nyuwo khamuniiwexexa yoolikanyiha ela? Vanonto, mmwiiwexexe hai yakhalaru yoolikanyiha ekina? 14Namwaala onaala masu. 15Atthu akina ari yaawo mukerekhere ephiro weiwo masu yaalingwaaya. Yiiwaru masu, Satana onimoowa ni onoovenxa masu yaalingwe mwa yaawo. 16Akina, ntoko mmiso woomisiwa vamasorosoroni, aniiwa masu ni woowaakuveya anaakhelela ni ohakalala. 17Wa soothesene, woonaka weera awo khaanono mikwankhwaari asineenaaya, khaankhala ehuhu yincipale. Waakhumelelaka ohaawa, hoye hoye ottharatthariwa niwoko na masu, woowaakuveya anoohiya ale. 18Akina ntoko mmiso woomisiwa vanyiiwani, aniiwa masu, 19mene saaphiyaka sooweeteteela sa okumi ola ni olokottha wa opuha ni ohaawela itthu sikina, sinoovuvura masu, etatuxaka ale oohiima. 20Atthu akina, ntoko mmiso woomisiwa vatthayani yooreera, aniiwa masu, anaakhulela ni anruwera soohepha sa imaara miloko miraru, imaara miloko mithannamosa ni mpaka imaara ncira.”
Onyaari
21Yeesu aaweerela: “Taani ongwiiha onyaari weera apopheelele owo ni elaata, hoye hoye vathi vabeetti? Hoye! Muniikaathi nipuro nootthuneya. 22Vano, itthu sootheene sa wiiphiini nsithupululiwe, nitho itthu sootheene soovithiwa nsilaleiwe. 23Mukina orino maaru oowiiwela, iiweke!” 24Yeesu aapwaherera eeraka: “Muupuweleke nnenesene yeeyo muniiwaanyu. Muringo munringelaanyu, nyuwo mmuringeliwe, ni mmwaandyeereriwetho. 25Owo orino, onimwaandyeereriwatho. Owo ohikhalanne, mpaka yeeyo orinaawe onimwaakhiwa.”
Yoolikanyiha ya mmiso
26Owo aapwaherera eeraka: “Omwene wa Muluku onlikana ni mulopwana onaala mmiso vatthayani. 27Ohiyu ni othana, akonaka, hoye hoye avenyaka, mmiso onoomela ni onimunnuwa, naari owo ahisuwelaka moota heeni. 28Etthaya eneenaaya enooruwera etrigu: woopacera muropo, vahoolowaya nikala, ni ommaleloni inuku soosareya munikalani. 29Yiitthwaru etrigu, mulopwana onoopacera waanyuula, niwoko yoophiya ehuhu ya ohepha.”
Yoolikanyiha ya enuku ya emostarda*
30Aaheeratho: “Nnilikanxe ni eheeni omwene wa Muluku? Yoolikanyiha heeni nneeraahu nivarele muteko weera nithalihe owo? 31Ori ntoko enuku ya emostarda* eri ekhaani yoopwaha inuku sootheene sinaaliwa vatthayani. 32Wa sootheesene, yaaliwaka, ela enimunnuwa ni enoothatuwa mwiri mutokotoko woopwaha nyiri sootheene sa nttimbeni ni iphandi sitokotoko, moota wooweera ipalame sa wiirimu sinoowera omaka mmunttuusinimwaya.” 33Ni soolikanyiha sincipale ntoko iya Yeesu aalaleera masu, yeeyo awo yaaweraaya wiiwexexa. 34Khaaleela etthu, ohikhanle ni soolikanyiha. Vano, aakhalaawe ni oohuseraawe paahi, annaathalihera sootheene.
Yeesu ommaaliha ettheku
35Vanihukuni nne, wiilaka, Owo aaweerela oohuseraawe: “Nrowe nilapuwele okhopela.” 36Yaahiyaka atthu ancipale, yaamukuxa munikulani mooteene yoowo aaraawe. Makula makinatho yaamuhoola. 37Yaapacera ettheku, ni mitekuteku saavolowa munikulani moota wooweera nikula naahanle vakhaani osareya maahi. 38Yeesu aari mpatta wa ottuli wa nikula akonaka, ni muruwaawe iikaathiyeene vakuwoni. Oohusera yaamvenxa ni yaakhuwela: “Muhusiha, khamumpwattha weera hiyo ninooriheya?” 39Owo aavenya, aahiiha epheyo ni aaheerela ephareiya: “Omaale ni wiikhalele.” Epheyo yaamaala, ni sootheene saakhala soomaaleleyaxa. 40Vano aahaakoha oohuseraawe: “Heeni nyuwo munoovaanyu vancipale? Nlelo khamunroromela?” 41Awo yaahoova vancipale ni yaakohana: “Ola taani? Mpaka epheyo ni ephareiya enoomwiiwelela!”
Iliyochaguliwa sasa
Marku 4: VMK2021
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Makhua Shirima Bible © Christelike Lektuurmaatskappy NPC, 2021.
Marku 4
4
Yoolikanyiha ya namwaala
1Yeesu aapaceratho oxuttiha mukerekhere wa ephareiya. Yaathukumana emurukureenreene atthu ancipale, moota wooweera aavolowa munikulani ni mwemmo aakilaathi. Nikula naari mphareiyani, atthu ereene mukerekhere wa ephareiya. 2Owo aahaaxuttiha itthu sincipale ni soolikanyiha, eeraka munihusihonimwawe: 3“Mwiiwe, namwaala aavenya weera aale. 4Aalaka mmiso, mpatta mmoha waamorela mukerekhere wa ephiro, ni ipalame saahoowa ni saahooca. 5Mpatta mukina waamorela vamasorosoroni yahaakhanlewo etthaya yincipale, ni woowaakuveya waamela, niwoko etthaya khayiixenre. 6Naakhumalaaya nsuwa, mmiso ole waamenle waanyaala ni waahuuma, niwoko khawaarino mikwankhwaari. 7Mpatta mukina waamorela vanyiiwani ni, sunnuwaka, saavuvura mmiso ole moota wooweera khawiimale. 8Mpatta mukinatho waamorela vatthayani yooreera, waamela, waahunnuwa ni waahiima, ovahaka soohepha sooreera ophiyera mukina imaara miloko miraru, mukina imaara miloko mithannamosa ni mukinatho mpaka imaara ncira.” 9Woottharelana Yeesu aaheera: “Yoowo orino maaru oowiiwela, iiweke!” 10Yaapwahaaya atthu ancipale, muloko neeli ni yaawo yaari mukhwipimwawe Yeesu yaamukoha mwaha wa soolikanyiha seiye. 11Owo aaweerela: “Wa nyuwo moovahiwa exiiri ya omwene wa Muluku, mene wa yaawo ari vaate, sootheene anleeliwa ni soolikanyiha 12weera: ‘hata yoonaka, khaanoonexexa, ni yiiwaka, khaaniiwexexa, weera ehirukunxe murima ni ehileveleliwe.’ 13Vano Yeesu aahaakoha: “Nyuwo khamuniiwexexa yoolikanyiha ela? Vanonto, mmwiiwexexe hai yakhalaru yoolikanyiha ekina? 14Namwaala onaala masu. 15Atthu akina ari yaawo mukerekhere ephiro weiwo masu yaalingwaaya. Yiiwaru masu, Satana onimoowa ni onoovenxa masu yaalingwe mwa yaawo. 16Akina, ntoko mmiso woomisiwa vamasorosoroni, aniiwa masu ni woowaakuveya anaakhelela ni ohakalala. 17Wa soothesene, woonaka weera awo khaanono mikwankhwaari asineenaaya, khaankhala ehuhu yincipale. Waakhumelelaka ohaawa, hoye hoye ottharatthariwa niwoko na masu, woowaakuveya anoohiya ale. 18Akina ntoko mmiso woomisiwa vanyiiwani, aniiwa masu, 19mene saaphiyaka sooweeteteela sa okumi ola ni olokottha wa opuha ni ohaawela itthu sikina, sinoovuvura masu, etatuxaka ale oohiima. 20Atthu akina, ntoko mmiso woomisiwa vatthayani yooreera, aniiwa masu, anaakhulela ni anruwera soohepha sa imaara miloko miraru, imaara miloko mithannamosa ni mpaka imaara ncira.”
Onyaari
21Yeesu aaweerela: “Taani ongwiiha onyaari weera apopheelele owo ni elaata, hoye hoye vathi vabeetti? Hoye! Muniikaathi nipuro nootthuneya. 22Vano, itthu sootheene sa wiiphiini nsithupululiwe, nitho itthu sootheene soovithiwa nsilaleiwe. 23Mukina orino maaru oowiiwela, iiweke!” 24Yeesu aapwaherera eeraka: “Muupuweleke nnenesene yeeyo muniiwaanyu. Muringo munringelaanyu, nyuwo mmuringeliwe, ni mmwaandyeereriwetho. 25Owo orino, onimwaandyeereriwatho. Owo ohikhalanne, mpaka yeeyo orinaawe onimwaakhiwa.”
Yoolikanyiha ya mmiso
26Owo aapwaherera eeraka: “Omwene wa Muluku onlikana ni mulopwana onaala mmiso vatthayani. 27Ohiyu ni othana, akonaka, hoye hoye avenyaka, mmiso onoomela ni onimunnuwa, naari owo ahisuwelaka moota heeni. 28Etthaya eneenaaya enooruwera etrigu: woopacera muropo, vahoolowaya nikala, ni ommaleloni inuku soosareya munikalani. 29Yiitthwaru etrigu, mulopwana onoopacera waanyuula, niwoko yoophiya ehuhu ya ohepha.”
Yoolikanyiha ya enuku ya emostarda*
30Aaheeratho: “Nnilikanxe ni eheeni omwene wa Muluku? Yoolikanyiha heeni nneeraahu nivarele muteko weera nithalihe owo? 31Ori ntoko enuku ya emostarda* eri ekhaani yoopwaha inuku sootheene sinaaliwa vatthayani. 32Wa sootheesene, yaaliwaka, ela enimunnuwa ni enoothatuwa mwiri mutokotoko woopwaha nyiri sootheene sa nttimbeni ni iphandi sitokotoko, moota wooweera ipalame sa wiirimu sinoowera omaka mmunttuusinimwaya.” 33Ni soolikanyiha sincipale ntoko iya Yeesu aalaleera masu, yeeyo awo yaaweraaya wiiwexexa. 34Khaaleela etthu, ohikhanle ni soolikanyiha. Vano, aakhalaawe ni oohuseraawe paahi, annaathalihera sootheene.
Yeesu ommaaliha ettheku
35Vanihukuni nne, wiilaka, Owo aaweerela oohuseraawe: “Nrowe nilapuwele okhopela.” 36Yaahiyaka atthu ancipale, yaamukuxa munikulani mooteene yoowo aaraawe. Makula makinatho yaamuhoola. 37Yaapacera ettheku, ni mitekuteku saavolowa munikulani moota wooweera nikula naahanle vakhaani osareya maahi. 38Yeesu aari mpatta wa ottuli wa nikula akonaka, ni muruwaawe iikaathiyeene vakuwoni. Oohusera yaamvenxa ni yaakhuwela: “Muhusiha, khamumpwattha weera hiyo ninooriheya?” 39Owo aavenya, aahiiha epheyo ni aaheerela ephareiya: “Omaale ni wiikhalele.” Epheyo yaamaala, ni sootheene saakhala soomaaleleyaxa. 40Vano aahaakoha oohuseraawe: “Heeni nyuwo munoovaanyu vancipale? Nlelo khamunroromela?” 41Awo yaahoova vancipale ni yaakohana: “Ola taani? Mpaka epheyo ni ephareiya enoomwiiwelela!”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Makhua Shirima Bible © Christelike Lektuurmaatskappy NPC, 2021.