Marku 2
2
Yeesu onimulamiha mutthu ooheetta
1Vahoolo wa mahuku vakhaani, areene veeli Yeesu oKafaranawu, atthu yaahiiwa wuulummwaka weera Owo aari owaani. 2Vano atthu ancipale yaathukumana weiwe, moota wooweera khanaariwo nipuro, hata vaate wa vamulako, ni Owo aalaleera masu. 3Yaahoowa atthu akina, engwiiheraka mutthu ooheetta ateexiweene ni asilopwana axexe. 4Ehiweraka omuphiyera Yeesu niwoko na atthu ancipale, awo yaathamula mpatta wa nipatho na nipuro Yeesu aaraawe. Yaakuruxa nrepa aataleliwaawe mutthu ooheetta, evirihaka vanlakani nne yaapankaaya vanipathoni. 5Oonaka nroromelonaya, Yeesu aamweerela mutthu ooheetta: “Mwaana, sootthekasanyu sooleveleliwa.” 6Yaakilaathi weiwe anamawera a nlamulo* akina, yuupuwelaka mmurimanimwaya moota ola: 7“Heeni Mulopwana Ola onuulumaawe hiiho? Owo onimveiha Muluku. Taani ongwera olevelela soottheka, ahikhanle Muluku paahi?” 8Woowaakuveya Yeesu aasuwela mmunepanimwawe weera awo yuupuwela yeeyo, ni aaweerela: “Heeni nyuwo munaapaanyu itthu iya mmurimanimwanyu? 9Yookhweya eheeni omweerela mutthu ooheetta: ‘Sootthekasanyu sooleveleliwa,’ hoye hoye ‘Muvenye, mukuxe nrepananyu ni mweette’? 10Vano weera musuwele weera Mwaana a mutthu ookhalano mweelaponimu ikuru weera alevelele soottheka....” Yeesu aamweerela mutthu ooheetta: 11“Miyo kinooleelani: muvenye, mukuxe nrepananyu ni murowe owaani.” 12Owo aavenya, aakuxa nrepa ni aakhuma ooniwaka ni atthu ootheene. Ootheene yaatikhinaxa ni yaamvuwiha Muluku yeeraka: “Khaninatoko woona etthu ntoko yeela!”
Wiitthaniwa wa Leevi
13Yeesu aavenyatho mpaka mukerekhere wa ephareiya. Atthu ancipale yaamwaattamela, ni Owo aapacera waaxuttiha. 14Aviraka weiwe, aamoona Leevi, mwaana a Alfeyu, akilaantheene vanipuroni naalivihiwa musoko, ni aamweerela: “Mukitthare!” Leevi aaheemela anamutthara. 15Acaaka Yeesu ni oohuseraawe vaate wa Leevi, yeera ecaakatho anamaliviha a musoko ni anamattheka ancipale, niwoko yaari ancipale yaamutthara. 16Anamawera a nlamulo* yaari aFarisi* emoonaka Yeesu acaaka ni anamattheka ni anamaliviha a musoko, yaahaakoha oohuseraawe: “Heeni Ola oncaawe ni anamaliviha a musoko ni anamattheka?” 17Iiwaka yeeyo, Yeesu aaweerela: “Khaahiyono yaale ari ni okumi animuhaawela meediku, mene aani aretta. Miyo nkaaweenle owiitthana oororomeleya, mene anamattheka.”
Yeesu onkohakohiwa mwaha wa otthuka
18Oohusera a Yohaane ni aFarisi* yeera etthukaka. Atthu akina yaahoowa wa Yeesu ni yaamukoha: “Heeni oohusera a Yohaane ni a aFarisi* antthukaaya, mene yaawo awinyu hoye?” 19Yeesu aawaakhula: “Khoongwereya otthuka oolattuliwa a namatthomera owo areene ni yaawo. Khoongwereya owo nlelo areene ni yaawo. 20Vano eniikhale mahuku namatthomera aneeraawe avenxiwe wa yaawo, ni ehuhu eyo awo eniitthuke. 21Khaawo onghela nipareyo nnyowani vakuwoni ya khalayi, niwoko nipareyo ninrowa otepiha waahuwa wa ekuwo. 22Ni khaawo onghela eviinyu enyowani munrupani wa exapala wa khalayi. Ahela, eviinyu enoophula murupa wa exapala, ni hiiho eviinyu nitho murupa sinoonanariheya. Ohiyanawaya, onghela eviinyu enyowani munrupani munyowani.”
Apwiya a eSaabadu
23eSaabadu emoha, Yeesu eera alapuwaka imatta sa etrigu. Yeettaka hiihaale, oohuseraawe yaapacera ovurula makala. 24aFarisi* yaamukoha: “Moone, heeni awo ampakaaya yeeyo ehintthuniheriwa eSaabadu?” 25Owo aawaakhula: “Khamusomme yeele Davide aapankaawe ehuhuweene yeele owo ni asikhwaawe yaahaawaaya, ereene ni etala? 26Mmahukuni a Abiyatari, mutokweenexa a asaserdoti*, owo aavolowa Mpaani mwa Muluku ni aahooca ipaawu sootteelihiwa, saatthuniheriwa paahi ociwa ni asaserdoti*, ni aahaavahatho asikhwaawe.” 27Vano Yeesu aaweerelatho: “eSaabadu epakeliwe atthu, ehikhanle atthu wa eSaabadu. 28Tivawo Mwaana a mutthu ti Apwiya mpaka a eSaabadu.”
Iliyochaguliwa sasa
Marku 2: VMK2021
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Makhua Shirima Bible © Christelike Lektuurmaatskappy NPC, 2021.
Marku 2
2
Yeesu onimulamiha mutthu ooheetta
1Vahoolo wa mahuku vakhaani, areene veeli Yeesu oKafaranawu, atthu yaahiiwa wuulummwaka weera Owo aari owaani. 2Vano atthu ancipale yaathukumana weiwe, moota wooweera khanaariwo nipuro, hata vaate wa vamulako, ni Owo aalaleera masu. 3Yaahoowa atthu akina, engwiiheraka mutthu ooheetta ateexiweene ni asilopwana axexe. 4Ehiweraka omuphiyera Yeesu niwoko na atthu ancipale, awo yaathamula mpatta wa nipatho na nipuro Yeesu aaraawe. Yaakuruxa nrepa aataleliwaawe mutthu ooheetta, evirihaka vanlakani nne yaapankaaya vanipathoni. 5Oonaka nroromelonaya, Yeesu aamweerela mutthu ooheetta: “Mwaana, sootthekasanyu sooleveleliwa.” 6Yaakilaathi weiwe anamawera a nlamulo* akina, yuupuwelaka mmurimanimwaya moota ola: 7“Heeni Mulopwana Ola onuulumaawe hiiho? Owo onimveiha Muluku. Taani ongwera olevelela soottheka, ahikhanle Muluku paahi?” 8Woowaakuveya Yeesu aasuwela mmunepanimwawe weera awo yuupuwela yeeyo, ni aaweerela: “Heeni nyuwo munaapaanyu itthu iya mmurimanimwanyu? 9Yookhweya eheeni omweerela mutthu ooheetta: ‘Sootthekasanyu sooleveleliwa,’ hoye hoye ‘Muvenye, mukuxe nrepananyu ni mweette’? 10Vano weera musuwele weera Mwaana a mutthu ookhalano mweelaponimu ikuru weera alevelele soottheka....” Yeesu aamweerela mutthu ooheetta: 11“Miyo kinooleelani: muvenye, mukuxe nrepananyu ni murowe owaani.” 12Owo aavenya, aakuxa nrepa ni aakhuma ooniwaka ni atthu ootheene. Ootheene yaatikhinaxa ni yaamvuwiha Muluku yeeraka: “Khaninatoko woona etthu ntoko yeela!”
Wiitthaniwa wa Leevi
13Yeesu aavenyatho mpaka mukerekhere wa ephareiya. Atthu ancipale yaamwaattamela, ni Owo aapacera waaxuttiha. 14Aviraka weiwe, aamoona Leevi, mwaana a Alfeyu, akilaantheene vanipuroni naalivihiwa musoko, ni aamweerela: “Mukitthare!” Leevi aaheemela anamutthara. 15Acaaka Yeesu ni oohuseraawe vaate wa Leevi, yeera ecaakatho anamaliviha a musoko ni anamattheka ancipale, niwoko yaari ancipale yaamutthara. 16Anamawera a nlamulo* yaari aFarisi* emoonaka Yeesu acaaka ni anamattheka ni anamaliviha a musoko, yaahaakoha oohuseraawe: “Heeni Ola oncaawe ni anamaliviha a musoko ni anamattheka?” 17Iiwaka yeeyo, Yeesu aaweerela: “Khaahiyono yaale ari ni okumi animuhaawela meediku, mene aani aretta. Miyo nkaaweenle owiitthana oororomeleya, mene anamattheka.”
Yeesu onkohakohiwa mwaha wa otthuka
18Oohusera a Yohaane ni aFarisi* yeera etthukaka. Atthu akina yaahoowa wa Yeesu ni yaamukoha: “Heeni oohusera a Yohaane ni a aFarisi* antthukaaya, mene yaawo awinyu hoye?” 19Yeesu aawaakhula: “Khoongwereya otthuka oolattuliwa a namatthomera owo areene ni yaawo. Khoongwereya owo nlelo areene ni yaawo. 20Vano eniikhale mahuku namatthomera aneeraawe avenxiwe wa yaawo, ni ehuhu eyo awo eniitthuke. 21Khaawo onghela nipareyo nnyowani vakuwoni ya khalayi, niwoko nipareyo ninrowa otepiha waahuwa wa ekuwo. 22Ni khaawo onghela eviinyu enyowani munrupani wa exapala wa khalayi. Ahela, eviinyu enoophula murupa wa exapala, ni hiiho eviinyu nitho murupa sinoonanariheya. Ohiyanawaya, onghela eviinyu enyowani munrupani munyowani.”
Apwiya a eSaabadu
23eSaabadu emoha, Yeesu eera alapuwaka imatta sa etrigu. Yeettaka hiihaale, oohuseraawe yaapacera ovurula makala. 24aFarisi* yaamukoha: “Moone, heeni awo ampakaaya yeeyo ehintthuniheriwa eSaabadu?” 25Owo aawaakhula: “Khamusomme yeele Davide aapankaawe ehuhuweene yeele owo ni asikhwaawe yaahaawaaya, ereene ni etala? 26Mmahukuni a Abiyatari, mutokweenexa a asaserdoti*, owo aavolowa Mpaani mwa Muluku ni aahooca ipaawu sootteelihiwa, saatthuniheriwa paahi ociwa ni asaserdoti*, ni aahaavahatho asikhwaawe.” 27Vano Yeesu aaweerelatho: “eSaabadu epakeliwe atthu, ehikhanle atthu wa eSaabadu. 28Tivawo Mwaana a mutthu ti Apwiya mpaka a eSaabadu.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Makhua Shirima Bible © Christelike Lektuurmaatskappy NPC, 2021.