Matheyo 22
22
Yoolikanyiha ya efesta ya othelana
1Yeesu aawuulumelatho ni soolikanyiha eeraka: 2“Omwene wa wiirimu ori ntoko mwene omurehererenle mwanawe efesta ya othelana. 3Aahaarumihela arumeiyaawe atthu yaalattuliwe ofestani, eweerelaka weera eweeke, mene awo khayaatthunne orwa. 4Aahaarumihatho arumeiyi akina aweerelaka: ‘Mwaaleele oolattuliwa weera miyo kooreherera efesta ya othelana. Imombesaka ni ikhondoolosaka sooneneva soohiiviwa, ni sootheene soorehereriwa.’ 5Vano awo khayaapwantthetho ni yaavenya: mmoha omattawawe, mukina othumihawawe. 6Yaahanle, yaavaraka arumeiyi, yaahaahasula ni yaawiiva. 7Mwene aanyoonyiwa ni aahaarumiha anakhottwaawe, ni awo yaawiiva anamwiiva ale ni yaahisa esidadaaya. 8Vano aaweerela arumeiyaawe: ‘Efesta ya othelana yoolikana, mene oolattuliwa khayaaphwanenle. 9Murowe mmalakani ni mwaalattule ootheene muneeraanyu mwaaphwanye.’ 10Arumeiyi yaarowa mmiseweni ni yaahaathukumanya ootheene yaawenraaya waaphwanya – ooreera ni oonanara murima. Nipuro na efesta ya othelana naasareya ni oolattuliwa. 11Avolowaka mwene weera awoone oolattuliwa, aamoona mutthu ahaawanre yoowara ya othelana 12ni aamukoha: ‘Nthamwene, heeni muvolongwaanyu muumu muhiwaraka yoowara ya othelana?’ Mulopwana aamaalatho. 13Vano mwene aaweerela arumeiyi: ‘Muntthuke matata ni inaawo, ni mumvonyere vaate, mpiphini. Weiwo onuukhale wiinla ni okhuuriha maino.’ 14Vano, ancipale anniitthaniwa, mene vakhaani ti oothanliwa.”
Omuliva Seesari
15aFarisi* yaavenya ni yaapacera ovaanela moota heeni yeeraaya emvare ni maswaawe. 16Yaamurumihela oohuseraaya vamoha ni atthu a Herodi yaamweerenle: “Muhusiha, noosuwela weera Nyuwo muri oororomeleya nitho weera munghusiha ephiro ya Muluku moota wa ekhaikhai. Khamumviriyeliwa ni akina, hata khamunimuthanla mutthu. 17Munileeletho, munuupuwela hai: ontthuneya omuliva musoko Seesari, hoye hoye naari?” 18Yeesutho, asuwelaka soowuupuwelasaya soonanara, aahaakoha: “Anamwiixeera! Heeni nyuwo munkeereraanyu? 19Mukoonihere nikhoobiri na musoko.” Awo yaamoonihera edinaariyu* emoha, 20ni Owo aahaakoha: “Ecaambulo ela ni soolempwa iya ti sawani”? 21Awo yaamwaakhula: “Sa Seesari.” Owo aaweerela: “Vano, mumvahe Seesari yeeyo eri yawawe, ni wa Muluku eri yawawe.” 22Yiiwaka yeeyo, awo yaatikhina ni emuhiyaka, yaapwaha.
Ekhaikhai ya ovenyerera
23Nihuku nenenenne aSaduki*, anxuttiha weera khoowowo ovenyerera, yaamwaattamela Yoowo ni yookoha ela: 24“Muhusiha, Moisesi aaheera weera mulopwana akhwa woohimuhiya mwaana mulopwana, munneiye amutheleke naamukhweli, anaamuhiyere ekhapira. 25Variyari wa hiyo yaakhala axunna athanneeli. Oopacera aathela ni aahookhwa. Hapo khaakhalanne mwaana mulopwana, anamuhiyera mwaarawe munneiye. 26Etthweene yeeyo yaaheereiya ni anaaveeli, anaararu mpaka anaathanneeli. 27Woomalihera, muthiyana aahookhwa. 28Vanonto, moovenyererani, yeenre ootheene yamuthelaka, taani a athanneeli anaakhale iyawe?” 29Yeesu aawaakhula: “Nyuwo mootapanya vancipale, niwoko khamusuwenle Yoolempwa*, hata ikuru sa Muluku. 30Moovenyererani, atthu khaanthela, hata khoonthelaniwa, mene eniikhale ntoko andyelo wiirimu. 31Mwaha wa ovenyerera wa akhwiiye, khamusomme yeeyo Muluku aaweerenlaaweni: 32‘Miyo kiri Muluku a Abrahaamu, Isaaki ni Yakobe’? Owo khahiyono Muluku a akhwiiye, mene a akumi!” 33Yiiwaka yeeyo, atthu ancipale yaatikhina ni nihusihonawe.
Nlamulo nootthuneyaxa
34Yiiwaka weera yeeriwe Yeesu aahaahiya aSaduki* ehaakhunle, aFarisi* yaathukumana. 35Mmoha a yaawo, namawera a nlamulo*, aamweerera Yeesu ni yookoha ela: 36“Muhusiha, malamulo heeni oopwaha ootheene?” 37Yeesu aamwaakhula: “‘Mwaasivele Apwiya Mulukwaanyu ni murimaanyu wootheene, ni okumaanyu wootheene, ni wuupuwelawanyu wootheene.’ 38Nna ti noopacera ni noottittimiheyaxa. 39Ni nanaaveeli nri noolikana ni nenna: ‘Munsivele mukhwiinyu ntoko muniisivelaanyu muneenaanyu.’ 40Malamulo ootheene ni maprofeeti ootheene akumanyihiwe ni malamulo meeli ala.”
Kristu ti Apwiya a Davide
41Ethukumanneene hiihaawo aFarisi*, Yeesu aahaakoha: 42“Munuupuwela hai mwaha wa Kristu? Mwaana awani”? Awo yaamwaakhula: “Mwaana a Davide.” 43Vano Owo aaweerela: “Heeni Davide, uulumaka mMunepani, ommwiitthanaawe: ‘Apwiya’? Owo oneera: 44‘Apwiya yeenre wa Apwiyaaka: Mukilaathi moonowaaka mulopwana mpaka Miyo kineeraaka kiwiikaathi amwiitanaanyu vathi wa inaawosanyu.’ 45Davide amwiitthana ‘Apwiya,’ ongwereya hai Owo okhala mwanawe?” 46Khaawo yaawenre omwaakhula. Ni okhuma nihuku nenne mpaka ohoolo, khaawo eerenre omukoha yookoha ekina.
Iliyochaguliwa sasa
Matheyo 22: VMK2021
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Makhua Shirima Bible © Christelike Lektuurmaatskappy NPC, 2021.
Matheyo 22
22
Yoolikanyiha ya efesta ya othelana
1Yeesu aawuulumelatho ni soolikanyiha eeraka: 2“Omwene wa wiirimu ori ntoko mwene omurehererenle mwanawe efesta ya othelana. 3Aahaarumihela arumeiyaawe atthu yaalattuliwe ofestani, eweerelaka weera eweeke, mene awo khayaatthunne orwa. 4Aahaarumihatho arumeiyi akina aweerelaka: ‘Mwaaleele oolattuliwa weera miyo kooreherera efesta ya othelana. Imombesaka ni ikhondoolosaka sooneneva soohiiviwa, ni sootheene soorehereriwa.’ 5Vano awo khayaapwantthetho ni yaavenya: mmoha omattawawe, mukina othumihawawe. 6Yaahanle, yaavaraka arumeiyi, yaahaahasula ni yaawiiva. 7Mwene aanyoonyiwa ni aahaarumiha anakhottwaawe, ni awo yaawiiva anamwiiva ale ni yaahisa esidadaaya. 8Vano aaweerela arumeiyaawe: ‘Efesta ya othelana yoolikana, mene oolattuliwa khayaaphwanenle. 9Murowe mmalakani ni mwaalattule ootheene muneeraanyu mwaaphwanye.’ 10Arumeiyi yaarowa mmiseweni ni yaahaathukumanya ootheene yaawenraaya waaphwanya – ooreera ni oonanara murima. Nipuro na efesta ya othelana naasareya ni oolattuliwa. 11Avolowaka mwene weera awoone oolattuliwa, aamoona mutthu ahaawanre yoowara ya othelana 12ni aamukoha: ‘Nthamwene, heeni muvolongwaanyu muumu muhiwaraka yoowara ya othelana?’ Mulopwana aamaalatho. 13Vano mwene aaweerela arumeiyi: ‘Muntthuke matata ni inaawo, ni mumvonyere vaate, mpiphini. Weiwo onuukhale wiinla ni okhuuriha maino.’ 14Vano, ancipale anniitthaniwa, mene vakhaani ti oothanliwa.”
Omuliva Seesari
15aFarisi* yaavenya ni yaapacera ovaanela moota heeni yeeraaya emvare ni maswaawe. 16Yaamurumihela oohuseraaya vamoha ni atthu a Herodi yaamweerenle: “Muhusiha, noosuwela weera Nyuwo muri oororomeleya nitho weera munghusiha ephiro ya Muluku moota wa ekhaikhai. Khamumviriyeliwa ni akina, hata khamunimuthanla mutthu. 17Munileeletho, munuupuwela hai: ontthuneya omuliva musoko Seesari, hoye hoye naari?” 18Yeesutho, asuwelaka soowuupuwelasaya soonanara, aahaakoha: “Anamwiixeera! Heeni nyuwo munkeereraanyu? 19Mukoonihere nikhoobiri na musoko.” Awo yaamoonihera edinaariyu* emoha, 20ni Owo aahaakoha: “Ecaambulo ela ni soolempwa iya ti sawani”? 21Awo yaamwaakhula: “Sa Seesari.” Owo aaweerela: “Vano, mumvahe Seesari yeeyo eri yawawe, ni wa Muluku eri yawawe.” 22Yiiwaka yeeyo, awo yaatikhina ni emuhiyaka, yaapwaha.
Ekhaikhai ya ovenyerera
23Nihuku nenenenne aSaduki*, anxuttiha weera khoowowo ovenyerera, yaamwaattamela Yoowo ni yookoha ela: 24“Muhusiha, Moisesi aaheera weera mulopwana akhwa woohimuhiya mwaana mulopwana, munneiye amutheleke naamukhweli, anaamuhiyere ekhapira. 25Variyari wa hiyo yaakhala axunna athanneeli. Oopacera aathela ni aahookhwa. Hapo khaakhalanne mwaana mulopwana, anamuhiyera mwaarawe munneiye. 26Etthweene yeeyo yaaheereiya ni anaaveeli, anaararu mpaka anaathanneeli. 27Woomalihera, muthiyana aahookhwa. 28Vanonto, moovenyererani, yeenre ootheene yamuthelaka, taani a athanneeli anaakhale iyawe?” 29Yeesu aawaakhula: “Nyuwo mootapanya vancipale, niwoko khamusuwenle Yoolempwa*, hata ikuru sa Muluku. 30Moovenyererani, atthu khaanthela, hata khoonthelaniwa, mene eniikhale ntoko andyelo wiirimu. 31Mwaha wa ovenyerera wa akhwiiye, khamusomme yeeyo Muluku aaweerenlaaweni: 32‘Miyo kiri Muluku a Abrahaamu, Isaaki ni Yakobe’? Owo khahiyono Muluku a akhwiiye, mene a akumi!” 33Yiiwaka yeeyo, atthu ancipale yaatikhina ni nihusihonawe.
Nlamulo nootthuneyaxa
34Yiiwaka weera yeeriwe Yeesu aahaahiya aSaduki* ehaakhunle, aFarisi* yaathukumana. 35Mmoha a yaawo, namawera a nlamulo*, aamweerera Yeesu ni yookoha ela: 36“Muhusiha, malamulo heeni oopwaha ootheene?” 37Yeesu aamwaakhula: “‘Mwaasivele Apwiya Mulukwaanyu ni murimaanyu wootheene, ni okumaanyu wootheene, ni wuupuwelawanyu wootheene.’ 38Nna ti noopacera ni noottittimiheyaxa. 39Ni nanaaveeli nri noolikana ni nenna: ‘Munsivele mukhwiinyu ntoko muniisivelaanyu muneenaanyu.’ 40Malamulo ootheene ni maprofeeti ootheene akumanyihiwe ni malamulo meeli ala.”
Kristu ti Apwiya a Davide
41Ethukumanneene hiihaawo aFarisi*, Yeesu aahaakoha: 42“Munuupuwela hai mwaha wa Kristu? Mwaana awani”? Awo yaamwaakhula: “Mwaana a Davide.” 43Vano Owo aaweerela: “Heeni Davide, uulumaka mMunepani, ommwiitthanaawe: ‘Apwiya’? Owo oneera: 44‘Apwiya yeenre wa Apwiyaaka: Mukilaathi moonowaaka mulopwana mpaka Miyo kineeraaka kiwiikaathi amwiitanaanyu vathi wa inaawosanyu.’ 45Davide amwiitthana ‘Apwiya,’ ongwereya hai Owo okhala mwanawe?” 46Khaawo yaawenre omwaakhula. Ni okhuma nihuku nenne mpaka ohoolo, khaawo eerenre omukoha yookoha ekina.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Makhua Shirima Bible © Christelike Lektuurmaatskappy NPC, 2021.