Matheyo 18
18
Mutokweene moomweneni wa wiirimu
1Ehuhuweene yeele oohusera yaaphiya wa Yeesu ni yaamukoha: “Mutokweene taani oopwaha sootheene moomweneni wa wiirimu?” 2Amwiitthanaka mwaana mmoha, aamwiikaathi variyariwaya 3eeraka: “Miyo kinoororomelihani weera nyuwo muhiiceendye ni muhiitatunxe ntoko anamwane, vekhaikhai khamumvolowa moomweneni wa wiirimu. 4Tivawo, yoowo oniiyeviha ntoko mwaana ola, owo ti mutokweene moomweneni wa wiirimu. 5Yoowo onimwaakhela mmoha a anamwane ala, onkaakhelatho Miyo. 6Mukinatho amutthekiha mmoha a anamwane ala ankiroromela Miyo, waari fataari omutthukelela nxilo muxiko ni ovonyeriwa mphareiyani moowiixa! 7Ii! Enoohaawa elapo ya vathi niwoko na itthu sintthekiha! Khasinsembeiya weera itthu iyo sikhumelele, mene Ii! Ohaawa wa yoowo ontannyera seiyo! 8Matataanyu, hoye hoye nnaawonanyu nootthekihani, muthikile ni muvonyere okerekhere. Fataari ovolowa mookumini oorakaleene, naari oovulaleene, ohikhanle oreeneno matata meeli, hoye hoye inaawo soopiili ovonyeriwa mmooroni woohimala. 9Niithonaanyu nootthekihani, muzoole ni muriheleke okerekhere. Fataari ovolowa mookumini ni niitho nimoha paahi, ohikhanle oreeneno maitho oomeeli ovonyeriwa mmooroni woohimala.
Yoolikanyiha ya ekhondoolo yoothweelela
10Mwiipasoope weera muhimuramuse hata mmoha a yaala asikhaani! Miyo kinooleelani weera andyelowaaya a wiirimu annoona ekhove ya Atithaka ari wiirimu. 12Munuupuwela hai? Mukina akhalanneene ikhondoolo ncira, ni emoha ya seiyo enathweelela, khanghiya toko miloko mithannamixexe niithaniixexe omwaako, arowaka waasa yeeyo ethweelenle? 13Miyo kinoororomelihani weera aphwanya, owo onoohakalalela ekhondoolo eyo ohiya iyo miloko mithannamixexe niithaniixexe sahaathweelenle. 14Mooteene yoowo, Atithinyu ari wiirimu khaantthuna weera hata mmoha a asikhaani ala ariheiyeene.
Oreherera yoottheka ya munna
15Munninyu ootthekelani nyuwo, murowe okhwipi ni yoowo ni mwamoonihere yoottheka. Owo iiwa, nyuwo moongwina munninyu. 16Owo aahiwiiwanitho, munkuxe ni nyuwo mmoha mukinatho, hoye hoye eeli. Hiiho, ni iyano sa anamoona eeli, hoye hoye araru, milattu sootheene sikhale soomalihiwa. 17Akhootta wiiwelela, mwaleele ekerexa, ni owo aahiiwelelatho ekerexa, akhale ntoko mmalapwaanyu, naari namaliviha a musoko. 18Kinooleelani ni ekhaikhai: sootheene muntthukaanyu vathi, sinootthukiwatho wiirimu, ni sootheene munghulaanyu vathi, nsihuliwetho wiirimu. 19Ni kinooleelanitho weera, eeli a nyuwo yaakhulela vathi mwaha wa wakhalaru mulattu muneeraanyu muvekele, yeeyo Atithaka ari wiirimu anoowaakhulani. 20Vano, weiwo anthukumanaayawo eeli, naari araru mwa Nsinanaka, vawo Miyo kiri variyariwaya.”
Murumeiyi oohimoriwa ikharari
21Pedru aamwaattamela Yeesu ni aamukoha: “Apwiya, imaara ihayi kineeraaka kimulevelele munnaka akitthekela? Mpaka imaara ithannapiili?” 22Yeesu aamwaakhula: “Miyo kinooleelani weera khasihiyono imaara ithannapiili, mene mpaka imaara soothesene. 23Tivawo omwene wa wiirimu ori ntoko mwene aatthunne waalikela ikoongori sa arumeiyaawe. 24Aapacenraawe waalikela, aaruuheliwa mmoha vamaithoniwawe aakoongonre italento* macira macireene muloko. 25Hapo Okhala khaawenre oliva, apwiya yaamulamulela weera owo, amwaarawe, anamwanaawe ni sootheene yaarinaaya sithumihiwe weera elive ekoongoraawe. 26Murumeiyi ole aahuuramela ohoolowaya ni aahaadyoonttelela eeraka: “Mukivilele. Miyo kinimoolivani sootheene.” 27Apwiya a murumeiyi ole yaammorela ikharari, aamaliha ekoongori ni aamuhiya weera arowe. 28Murumeiyi ole avenyaka, aamphwanya murumeiyi mukhwaawe mmoha aamukoongorenle idinaariyu* ncira. Aamvara ni aapacera omunyooka eeraka: “Mukilive yeele mukikoongorenlaanyu!” 29Vano murumeiyi mukhwaawe ole aamukokhorela ni aamudyoonttelela eeraka: “Mukivilele! Miyo kinimoolivani sootheene.” 30Mene owo khaatthuna. Aarowa waalamula atthu akina weera engwalele mukaliposo mpaka aneeraawe alive ekoongori. 31Vano arumeiyi asikhwaawe akina, yoonnaaya yeele yeereiye, yaathanana vancipale ni yaarowa waaleela apwiyaawe sootheene seiye seereiye. 32Apwiya yaamwiitthana murumeiyi ole ni yaamweerela: “Murumeiyi oonanara murima! Koomaliha ikoongorisawo sootheene niwoko waakidyoonttelela. 33Khawaatthuneya weera weyo ommorele ikharari murumeiyi mukhwaawo ntoko miyo kaaweerihalaaka weyo? 34Enyoonyiweene, apwiyaawe yaamvaherera anamahooxa mpaka eeraawe alive sootheene aakoongonraawe. 35Hiihotho animoopakani Atithaka ari wiirimu nyuwo ootheene mwaahimulevelela munninyu ni murima wootheene.”
Iliyochaguliwa sasa
Matheyo 18: VMK2021
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Makhua Shirima Bible © Christelike Lektuurmaatskappy NPC, 2021.
Matheyo 18
18
Mutokweene moomweneni wa wiirimu
1Ehuhuweene yeele oohusera yaaphiya wa Yeesu ni yaamukoha: “Mutokweene taani oopwaha sootheene moomweneni wa wiirimu?” 2Amwiitthanaka mwaana mmoha, aamwiikaathi variyariwaya 3eeraka: “Miyo kinoororomelihani weera nyuwo muhiiceendye ni muhiitatunxe ntoko anamwane, vekhaikhai khamumvolowa moomweneni wa wiirimu. 4Tivawo, yoowo oniiyeviha ntoko mwaana ola, owo ti mutokweene moomweneni wa wiirimu. 5Yoowo onimwaakhela mmoha a anamwane ala, onkaakhelatho Miyo. 6Mukinatho amutthekiha mmoha a anamwane ala ankiroromela Miyo, waari fataari omutthukelela nxilo muxiko ni ovonyeriwa mphareiyani moowiixa! 7Ii! Enoohaawa elapo ya vathi niwoko na itthu sintthekiha! Khasinsembeiya weera itthu iyo sikhumelele, mene Ii! Ohaawa wa yoowo ontannyera seiyo! 8Matataanyu, hoye hoye nnaawonanyu nootthekihani, muthikile ni muvonyere okerekhere. Fataari ovolowa mookumini oorakaleene, naari oovulaleene, ohikhanle oreeneno matata meeli, hoye hoye inaawo soopiili ovonyeriwa mmooroni woohimala. 9Niithonaanyu nootthekihani, muzoole ni muriheleke okerekhere. Fataari ovolowa mookumini ni niitho nimoha paahi, ohikhanle oreeneno maitho oomeeli ovonyeriwa mmooroni woohimala.
Yoolikanyiha ya ekhondoolo yoothweelela
10Mwiipasoope weera muhimuramuse hata mmoha a yaala asikhaani! Miyo kinooleelani weera andyelowaaya a wiirimu annoona ekhove ya Atithaka ari wiirimu. 12Munuupuwela hai? Mukina akhalanneene ikhondoolo ncira, ni emoha ya seiyo enathweelela, khanghiya toko miloko mithannamixexe niithaniixexe omwaako, arowaka waasa yeeyo ethweelenle? 13Miyo kinoororomelihani weera aphwanya, owo onoohakalalela ekhondoolo eyo ohiya iyo miloko mithannamixexe niithaniixexe sahaathweelenle. 14Mooteene yoowo, Atithinyu ari wiirimu khaantthuna weera hata mmoha a asikhaani ala ariheiyeene.
Oreherera yoottheka ya munna
15Munninyu ootthekelani nyuwo, murowe okhwipi ni yoowo ni mwamoonihere yoottheka. Owo iiwa, nyuwo moongwina munninyu. 16Owo aahiwiiwanitho, munkuxe ni nyuwo mmoha mukinatho, hoye hoye eeli. Hiiho, ni iyano sa anamoona eeli, hoye hoye araru, milattu sootheene sikhale soomalihiwa. 17Akhootta wiiwelela, mwaleele ekerexa, ni owo aahiiwelelatho ekerexa, akhale ntoko mmalapwaanyu, naari namaliviha a musoko. 18Kinooleelani ni ekhaikhai: sootheene muntthukaanyu vathi, sinootthukiwatho wiirimu, ni sootheene munghulaanyu vathi, nsihuliwetho wiirimu. 19Ni kinooleelanitho weera, eeli a nyuwo yaakhulela vathi mwaha wa wakhalaru mulattu muneeraanyu muvekele, yeeyo Atithaka ari wiirimu anoowaakhulani. 20Vano, weiwo anthukumanaayawo eeli, naari araru mwa Nsinanaka, vawo Miyo kiri variyariwaya.”
Murumeiyi oohimoriwa ikharari
21Pedru aamwaattamela Yeesu ni aamukoha: “Apwiya, imaara ihayi kineeraaka kimulevelele munnaka akitthekela? Mpaka imaara ithannapiili?” 22Yeesu aamwaakhula: “Miyo kinooleelani weera khasihiyono imaara ithannapiili, mene mpaka imaara soothesene. 23Tivawo omwene wa wiirimu ori ntoko mwene aatthunne waalikela ikoongori sa arumeiyaawe. 24Aapacenraawe waalikela, aaruuheliwa mmoha vamaithoniwawe aakoongonre italento* macira macireene muloko. 25Hapo Okhala khaawenre oliva, apwiya yaamulamulela weera owo, amwaarawe, anamwanaawe ni sootheene yaarinaaya sithumihiwe weera elive ekoongoraawe. 26Murumeiyi ole aahuuramela ohoolowaya ni aahaadyoonttelela eeraka: “Mukivilele. Miyo kinimoolivani sootheene.” 27Apwiya a murumeiyi ole yaammorela ikharari, aamaliha ekoongori ni aamuhiya weera arowe. 28Murumeiyi ole avenyaka, aamphwanya murumeiyi mukhwaawe mmoha aamukoongorenle idinaariyu* ncira. Aamvara ni aapacera omunyooka eeraka: “Mukilive yeele mukikoongorenlaanyu!” 29Vano murumeiyi mukhwaawe ole aamukokhorela ni aamudyoonttelela eeraka: “Mukivilele! Miyo kinimoolivani sootheene.” 30Mene owo khaatthuna. Aarowa waalamula atthu akina weera engwalele mukaliposo mpaka aneeraawe alive ekoongori. 31Vano arumeiyi asikhwaawe akina, yoonnaaya yeele yeereiye, yaathanana vancipale ni yaarowa waaleela apwiyaawe sootheene seiye seereiye. 32Apwiya yaamwiitthana murumeiyi ole ni yaamweerela: “Murumeiyi oonanara murima! Koomaliha ikoongorisawo sootheene niwoko waakidyoonttelela. 33Khawaatthuneya weera weyo ommorele ikharari murumeiyi mukhwaawo ntoko miyo kaaweerihalaaka weyo? 34Enyoonyiweene, apwiyaawe yaamvaherera anamahooxa mpaka eeraawe alive sootheene aakoongonraawe. 35Hiihotho animoopakani Atithaka ari wiirimu nyuwo ootheene mwaahimulevelela munninyu ni murima wootheene.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Makhua Shirima Bible © Christelike Lektuurmaatskappy NPC, 2021.