Epacerero 42
42
Axunneiye Yoseefe anrowa wExipitu
1Yakobe, oonaka weera yaakhala yooca wExipitu, aaweerela anamwanaawe: “Heeni muraanyu xiixee ngwehanaka mukina ni mukhwaawe?” 2Aaheeratho: “Kohiiwa weera yookhala etrigu wExipitu. Murowewo weera mwathume etrigu weera nihikhwe etala.” 3Hiiho axuneiye Yoseefe yaarowa wExipitu weera yathume etrigu. 4Yakobe khaamuhiyale Benyamini, munneiye Yoseefe, arowaka ni yaawo, oovaka weera eniimukhumelele etthu yoonanara. 5Anamwane a Yixrayeli yaarowa othuma etrigu yaatakansana vamoha ni akina yaarowelatho etthweene yeeyo, niwoko etala yaakwanela elapo yootheene ya oKanaani. 6Yoseefe aari ti yoowo aahoolela elapo yootheene ya wExipitu nitho aari ti yoowo aathumihera etrigu miloko sootheene sa mweelaponi. Tivawo, ephiyakaru axunneiye Yoseefe, yaamukokhorenlaaya ohoolowawe. 7Awoonaka axunneiye, Yoseefe aahaasuwela, mene iixeera weera khaasuwenle ni aawuulumela ni owali: “Mungweela woowi nyuwosa?” Awo yaamwaakhula: “Ningweela oKanaani weera nithume yooca.” 8Yoseefe aahaasuwela axunneiye, mene awosa khayaamusuwenle. 9Yoseefe aahuupuwelela soolohasawe mwaha wa yaale, aneera: “Nyuwosa anamahottela! Murweenle woona mipatta heeni sa elapo ela sihikhapeleleiyaayawo!” 10Awosa yaamweerela: “Hata vakhaani apwiya! Arumeiyaanyu ala arweenle paahi othuma yooca. 11Ootheene hiyo ti anamwane a tiithi mmoharu. Arumeiyaanyu ti atthu oororomeleya, khaahiyono anamahottela!” 12Yoseefe aanyesera: “Hoye! Nyuwo murweenle paahi woona mipatta heeni sa elapo sihikhapeleleiyaayawo.” 13Awo yaanyesereratho: “Arumeiyaanyu yaari axunna muloko neeli, ootheene anamwane a tiithi mmoharu onkhala elapo ya oKanaani. Vano neetthaako ohanle owaani ni atiithi ni mukina ohookhwa.” 14Wa soothesene, Yoseefe aaheera: “Ti yeele miyo kooleenlaakani. Nyuwo anamahottela! 15Miyo kinoowootani murima. Kinlipela mwa okumi wa Farawu* weera khamurwa mvenyasa mweelaponimu ahinaaye orwa munninyu neetthaako. 16Mmoha a nyuwo arowe amukuxe munninyu neetthaako akinaawo engwehereraka okaliposo. Hiiho onookupaleya maswaanyu yaareene a ekhaikhai naari hoye. Vano yaahikhala ekhaikhai kinlipela mwa okumi wa Farawu* weera onimooneya weera nyuwosa anamahottela.” 17Yoseefe aahaawalela mukaliposo mwemmo mahuku mararu. 18Ommaleloni wa mahuku mararu ale Yoseefe aweerela: “Miyo kimmoova Muluku. Tivawo mwatthuna wuurela okumaanyu, mweereke ha: 19Nyuwosa mwaareene atthu oororomeleya, munghiye munninyu mmoha mukaliposo mu. Vanonto muhokoloweke, mukuxaleene etrigu weera mwiive etala mweemusinimwanyu. 20Wa soothesene, mwakiruuhele nno munninyu neetthaako ekupaleeleye maswaanyu ni muhikhwe.” Vano ale yaahiireherera weera epake yeeyo. 21Yaaheerelana: “Vekhaikhai ninttaruxeliwa yeeyo nimpankaahu munnihu, niwoko naamoona moota owo aakacamiheiyaawe aanidyoonttelelaawe mwa okumaawe, mene khanaamwiiwelenle. Tivawo aniweenlaaya makacamiho ala.” 22Rubeni aaweerela: “Miyo kaahooleelani nnenesene weera muhimpakele etthu yoonanara mmiravo ole, mene khamwaakiiwelenle. Vanonto okhwawawe munnihu wooniphwanya.” 23Vano ale khayaasuwela weera Yoseefe aamwiiwexexa yeele yuulumaaya, hapo yuuluma ni Yoseefe emvarelaka muteko namataphulela. 24Yoseefe aavenya vaavaale, anapacera wiinla ni, amalihakaru wiinla, aahokololeela wuuluma ni yaawo. Aamuthanla Simeyoni, analamulela otthukiwa ni onyooro vamaithoniwaya.
Ohokoleela oKanaani
25Vano Yoseefe aalamulela weera esarihiwe etrigu musaakhonimwaya, ni ahokoloxeriwe khula mutthu musurukhwaawe. Aalamulelatho weera evahiwe booso a munkwahani, ni hiiho waahereya. 26Awo yaatthukelela isaakho sa etrigu mwaabuurunimwaya, enapwaha. 27Vanipuroni yeemenlaaya weera ekonele, mmoha a yaawo aataphula esaakhwaawe weera amvahe yooca buurwaawe, anoona musurukhu owanoni wa esaakho ele. 28Aahaathalihera axunneiye: “Aakihokoloxera musurukhu! Mooneke musaakhonimwaka mu!” Awosa yaatuthuwa ni ethukumelasaka, yaaheerelana: “Eheeni yeela Muluku onipankaawe?” 29Ephiyakaru vaate wa atithaya, Yakobe, elapo ya oKanaani, yaahaathalihera sootheene seiye saakhumelenle, yeeraka: 30“Mulopwana ole onghoolela elapo ele oonuulumela ni owali, mpaka oneerela hiyo anamahottela a elapo. 31Vano hiyo noomuroromeliha weera nri atthu oororomeleya ni khanihiyono anamahottela. 32Noomuleelatho weera naari axunna muloko neeli, anamwane a tiithi mmoha, ni weera mmoha ohookhwa, ni neetthaako ohanle ni atiithi oKanaani. 33Mulopwana onghoolela elapo ele ooneerela: ‘Nnoone nyuwosa mwaareene atthu oororomeleya: Mmoha a axunninyu ahaleke wenno ni miyo. Akinaawo eroweke ni ekuxeke yooca weera yiive etala mweemusinimwanyu. 34Vahoolowaya mwakiruuhele munninyu neetthaako. Hiiho kinoosuwela weera khamuhiyono anamhottela, mene atthu oororomeleya. Vahoolowaya kinimoohokoloxerani munninyu ni munoowera ompaka nakoso mweelaponimu.’” 35Woowiittha esaakho ya khula mutthu waakhalamo murupa woosareya musurukhu. Vano awosa ni atithaya yoonaka mirupa soosareya musurukhu, yaahoova. 36Yakobe aaweerela: “Nyuwosa munoovira mukimaliheraka anamwanaaka. Yoseefe ohookhwa, Simeyoni khakhanle vaava, vano nlelo muntthuna okaakha Benyamini! Olatta wookikhuruwela.” 37Rubeni aawaakhula atithawe: “Ngwiiveke anamwanaaka eeli miyo kaahimuhokoloxa Benyamini. Kinoomulipano ni miyo nkimuhokoloxe.” 38Yakobe aamwaakhula: “Mwanaka kharowa vamoha ni nyuwo, niwoko amunnawaawe ahookhwa, ni ohanle yoola paahi. Yamukhumelela erisa munkwahani muneeraanyu mweette, nthowa nnikhale nawinyu weera namuuluvala ola akhwe moothananani.”
Iliyochaguliwa sasa
Epacerero 42: VMK2021
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Makhua Shirima Bible © Christelike Lektuurmaatskappy NPC, 2021.
Epacerero 42
42
Axunneiye Yoseefe anrowa wExipitu
1Yakobe, oonaka weera yaakhala yooca wExipitu, aaweerela anamwanaawe: “Heeni muraanyu xiixee ngwehanaka mukina ni mukhwaawe?” 2Aaheeratho: “Kohiiwa weera yookhala etrigu wExipitu. Murowewo weera mwathume etrigu weera nihikhwe etala.” 3Hiiho axuneiye Yoseefe yaarowa wExipitu weera yathume etrigu. 4Yakobe khaamuhiyale Benyamini, munneiye Yoseefe, arowaka ni yaawo, oovaka weera eniimukhumelele etthu yoonanara. 5Anamwane a Yixrayeli yaarowa othuma etrigu yaatakansana vamoha ni akina yaarowelatho etthweene yeeyo, niwoko etala yaakwanela elapo yootheene ya oKanaani. 6Yoseefe aari ti yoowo aahoolela elapo yootheene ya wExipitu nitho aari ti yoowo aathumihera etrigu miloko sootheene sa mweelaponi. Tivawo, ephiyakaru axunneiye Yoseefe, yaamukokhorenlaaya ohoolowawe. 7Awoonaka axunneiye, Yoseefe aahaasuwela, mene iixeera weera khaasuwenle ni aawuulumela ni owali: “Mungweela woowi nyuwosa?” Awo yaamwaakhula: “Ningweela oKanaani weera nithume yooca.” 8Yoseefe aahaasuwela axunneiye, mene awosa khayaamusuwenle. 9Yoseefe aahuupuwelela soolohasawe mwaha wa yaale, aneera: “Nyuwosa anamahottela! Murweenle woona mipatta heeni sa elapo ela sihikhapeleleiyaayawo!” 10Awosa yaamweerela: “Hata vakhaani apwiya! Arumeiyaanyu ala arweenle paahi othuma yooca. 11Ootheene hiyo ti anamwane a tiithi mmoharu. Arumeiyaanyu ti atthu oororomeleya, khaahiyono anamahottela!” 12Yoseefe aanyesera: “Hoye! Nyuwo murweenle paahi woona mipatta heeni sa elapo sihikhapeleleiyaayawo.” 13Awo yaanyesereratho: “Arumeiyaanyu yaari axunna muloko neeli, ootheene anamwane a tiithi mmoharu onkhala elapo ya oKanaani. Vano neetthaako ohanle owaani ni atiithi ni mukina ohookhwa.” 14Wa soothesene, Yoseefe aaheera: “Ti yeele miyo kooleenlaakani. Nyuwo anamahottela! 15Miyo kinoowootani murima. Kinlipela mwa okumi wa Farawu* weera khamurwa mvenyasa mweelaponimu ahinaaye orwa munninyu neetthaako. 16Mmoha a nyuwo arowe amukuxe munninyu neetthaako akinaawo engwehereraka okaliposo. Hiiho onookupaleya maswaanyu yaareene a ekhaikhai naari hoye. Vano yaahikhala ekhaikhai kinlipela mwa okumi wa Farawu* weera onimooneya weera nyuwosa anamahottela.” 17Yoseefe aahaawalela mukaliposo mwemmo mahuku mararu. 18Ommaleloni wa mahuku mararu ale Yoseefe aweerela: “Miyo kimmoova Muluku. Tivawo mwatthuna wuurela okumaanyu, mweereke ha: 19Nyuwosa mwaareene atthu oororomeleya, munghiye munninyu mmoha mukaliposo mu. Vanonto muhokoloweke, mukuxaleene etrigu weera mwiive etala mweemusinimwanyu. 20Wa soothesene, mwakiruuhele nno munninyu neetthaako ekupaleeleye maswaanyu ni muhikhwe.” Vano ale yaahiireherera weera epake yeeyo. 21Yaaheerelana: “Vekhaikhai ninttaruxeliwa yeeyo nimpankaahu munnihu, niwoko naamoona moota owo aakacamiheiyaawe aanidyoonttelelaawe mwa okumaawe, mene khanaamwiiwelenle. Tivawo aniweenlaaya makacamiho ala.” 22Rubeni aaweerela: “Miyo kaahooleelani nnenesene weera muhimpakele etthu yoonanara mmiravo ole, mene khamwaakiiwelenle. Vanonto okhwawawe munnihu wooniphwanya.” 23Vano ale khayaasuwela weera Yoseefe aamwiiwexexa yeele yuulumaaya, hapo yuuluma ni Yoseefe emvarelaka muteko namataphulela. 24Yoseefe aavenya vaavaale, anapacera wiinla ni, amalihakaru wiinla, aahokololeela wuuluma ni yaawo. Aamuthanla Simeyoni, analamulela otthukiwa ni onyooro vamaithoniwaya.
Ohokoleela oKanaani
25Vano Yoseefe aalamulela weera esarihiwe etrigu musaakhonimwaya, ni ahokoloxeriwe khula mutthu musurukhwaawe. Aalamulelatho weera evahiwe booso a munkwahani, ni hiiho waahereya. 26Awo yaatthukelela isaakho sa etrigu mwaabuurunimwaya, enapwaha. 27Vanipuroni yeemenlaaya weera ekonele, mmoha a yaawo aataphula esaakhwaawe weera amvahe yooca buurwaawe, anoona musurukhu owanoni wa esaakho ele. 28Aahaathalihera axunneiye: “Aakihokoloxera musurukhu! Mooneke musaakhonimwaka mu!” Awosa yaatuthuwa ni ethukumelasaka, yaaheerelana: “Eheeni yeela Muluku onipankaawe?” 29Ephiyakaru vaate wa atithaya, Yakobe, elapo ya oKanaani, yaahaathalihera sootheene seiye saakhumelenle, yeeraka: 30“Mulopwana ole onghoolela elapo ele oonuulumela ni owali, mpaka oneerela hiyo anamahottela a elapo. 31Vano hiyo noomuroromeliha weera nri atthu oororomeleya ni khanihiyono anamahottela. 32Noomuleelatho weera naari axunna muloko neeli, anamwane a tiithi mmoha, ni weera mmoha ohookhwa, ni neetthaako ohanle ni atiithi oKanaani. 33Mulopwana onghoolela elapo ele ooneerela: ‘Nnoone nyuwosa mwaareene atthu oororomeleya: Mmoha a axunninyu ahaleke wenno ni miyo. Akinaawo eroweke ni ekuxeke yooca weera yiive etala mweemusinimwanyu. 34Vahoolowaya mwakiruuhele munninyu neetthaako. Hiiho kinoosuwela weera khamuhiyono anamhottela, mene atthu oororomeleya. Vahoolowaya kinimoohokoloxerani munninyu ni munoowera ompaka nakoso mweelaponimu.’” 35Woowiittha esaakho ya khula mutthu waakhalamo murupa woosareya musurukhu. Vano awosa ni atithaya yoonaka mirupa soosareya musurukhu, yaahoova. 36Yakobe aaweerela: “Nyuwosa munoovira mukimaliheraka anamwanaaka. Yoseefe ohookhwa, Simeyoni khakhanle vaava, vano nlelo muntthuna okaakha Benyamini! Olatta wookikhuruwela.” 37Rubeni aawaakhula atithawe: “Ngwiiveke anamwanaaka eeli miyo kaahimuhokoloxa Benyamini. Kinoomulipano ni miyo nkimuhokoloxe.” 38Yakobe aamwaakhula: “Mwanaka kharowa vamoha ni nyuwo, niwoko amunnawaawe ahookhwa, ni ohanle yoola paahi. Yamukhumelela erisa munkwahani muneeraanyu mweette, nthowa nnikhale nawinyu weera namuuluvala ola akhwe moothananani.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Makhua Shirima Bible © Christelike Lektuurmaatskappy NPC, 2021.