Epacerero 38
38
Mwaha mmoha wa Yuda ni Thamari
1Mweehuhuweene yeele Yuda aamwalamwala ni axunneiye, anarowa okhala nivaate na mulopwana mmoha a wAdulami iitthaniwa Hira. 2Weiwo, Yuda aamphwanya muthiyana muKanaani iitthaniwa Xuwa, anamuthela, anakonano. 3Owo aarupala, anamuyara mwaana mulopwana, mwa yoowo aamuttenghaawe Eri. 4Vahoolowaya, aarupalatho, anamuyara mwaana mulopwana, anamutteha Onani. 5Vano aamuyaratho mwaana mulopwana mukina, anamutteha Xela. Owo aayariwe Yuda areene oKezibi. 6Yuda aamuthanlela Eri, Mwanawe a ntthaara, muthiyana mmoha iitthaniwa Tamari weera amuthele. 7Wa soothesene, Yave khawaamusivenle mweettelo wooriheya wa Eri, ntthaara na Yuda, tivawo aamwiivalaawe. 8Yuda aamweerela Onani: “Othelaneke ni naamukweli a munneiyo, weera okwanihere ekhovelelo ya nikelampa ni yoowo, ni weera hiiho ekhumelele ekhapira wa amunnawaawo.” 9Onani aasuwela weera ekhapira ele khayaakhala yawawe. Tivawo, khula emaara aakonaaweno naamukhweli, owo annarihela vathi olopwanaawe weera ahihiye ekhapira wa amunnawaawe. 10Mukhaleloweene yoole khawaamusivenle Yave, tivawo aamwiivalaawetho. 11Yuda aamweerela Tamari, mwaara a mwaniye: “Ohokoleeleke wa atithawo ni wakhalekewo ntoko naamukhweli, mpaka aneeraawe unnuwe mwanaka Xela.” Vano Yuda aamoova weera owo anaakhwe ntoko axunneiye. Hiiho Tamari aarowa okhala vaate wa atithawe. 12Eviraka ehuhu ekina, aahookhwa mwaariye Yuda, mwaana muthiyana a Xuwa. Oviraleene wiinanela, Yuda aarowa oTimena owoona anamamettha a muhuwaawe vamoha ni nthamwenaawe Hira, ngwAdulami. 13Aleeliwakaru Tamari: “Atatinyu ari mphironi ya oTimena weera emetthe ikhondoolosaya,” 14owo aaceendya ikuwosawe sa onaamukhweli, anakhuneela ekhovaawe ni ekuwo, anakilaathi vamulako wa wEnayimi ori mphironi ya oTimena. Owo aapaka yeeyo niwoko aahoona weera Xela ohunnuwa, ni nlelo eera ahinaaye othelana ni yoowo. 15Yuda amoonakaru, uupuwela weera aari puuta, niwoko owo aakhuneela ekhovaawe. 16Ahisuwelaka weera aari mwaara a mwanawe, aamurowela muxexere wa musewe, anamweerela: “Orwe va. Kintthuna wookonano.” Tamari aamwaakhula: “Mmukivahe eheeni weera mukikonane?” 17Owo, aamwaakhula: “Kinimoorumihela epuri emoha ya muhuwaaka.” Ole aamwaakhula: “Khamunkivaha yookiroromeliha mpaka muneeraanyu mukirumihele yeeyo?” 18Owo aamukoha: “Yoororomeliha heeni kineeraaka koovahe?” Owo aamwaakhula: “Munelaanyu woottittelano ni eciikhwe nitho ekopowaanyu mvarenlaanyu mmatatani.” Owo aamvaha yeeyo, anakonano ni ole aarupala. 19Vahoolowaya owo aarowa, anarula ekuwo iikhuneenlaawe, anahokoleela owara ikuwo sa onaamukhweli. 20Yuda aarumiha epuri, amwinnyereraka nthamwenaawe ngwAdulami, weera aakhele yoororomelihiwaawe muthiyana ole, mene khaamphwannye. 21Vanonto, aahaakoha atthu a elapweene yeele: “Ori woowi puuta a wEnayimi onkhovelela okilaathi mukerekhere wa ephiro?” Awo yaamwaakhula: “Nno khawoworu puuta.” 22Ole aahokoleela wa Yuda, anamweerela: “Nkimphannye ni, ohiya hiiho, atthu a nipuro nne yeenre weera khawoworu puutawo.” 23Yuda aamwaakhula: “Omuhiyekeno, weera nihitheiwe. Ekhaikhai ti weera koomurumihela epuri, mene weyo khoomphwannye.” 24Siviraleene nyeeri miraru, yaamweerela Yuda: “Mwaara a mwaninyu Tamari, ooraruwa, ni mooraruwanimwawe oorupala.” Vano Yuda aawaakhula: “Munkhumihere vaate weera ahisiwe mukumi!” 25Owo aakhumiheriwaawe vaate, aahaarumihela atithaya aiyawe mutthenga ola: “Miyo kirupalihiwe ni mulopwana ori muneene a itthu iya. Mooneke nnenesene weera munsuwele muneene taani a munela woottittelano ola, eciikhwe ela ni ekopo ela.” 26Yuda aasuwela weera saari sawawe, aneera: “Ola ti oororomeleya okipwaha miyo, niwoko kaaheereke omwinnyerera mwanaka Xela.” Vanonto khaamukonannetho. 27Ephiyerakaru ehuhu ya oyara, yaari maphapo mmirimanimwawe. 28Eyariwaka hiihaale, mmoha a yaawo aakhumihera vaate ntata, ni namayariha aakuxa nliinya nooxeera anamulutta mmoononimwawe eeraka: “Ola ti opacenre okhuma.” 29Owo aahokoloxa ntata, ni oopacera oyariwa aari mukina! Vano namayariha aaheera: “Khuu! Ophutunle moota heeni woowaakuveya?” Vano aamutteha Perezi. 30Vahoolowaya aakhuma munneiye aarino nliinya nooxeera mmoononimwawe, anattehiwa Zera.
Iliyochaguliwa sasa
Epacerero 38: VMK2021
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Makhua Shirima Bible © Christelike Lektuurmaatskappy NPC, 2021.
Epacerero 38
38
Mwaha mmoha wa Yuda ni Thamari
1Mweehuhuweene yeele Yuda aamwalamwala ni axunneiye, anarowa okhala nivaate na mulopwana mmoha a wAdulami iitthaniwa Hira. 2Weiwo, Yuda aamphwanya muthiyana muKanaani iitthaniwa Xuwa, anamuthela, anakonano. 3Owo aarupala, anamuyara mwaana mulopwana, mwa yoowo aamuttenghaawe Eri. 4Vahoolowaya, aarupalatho, anamuyara mwaana mulopwana, anamutteha Onani. 5Vano aamuyaratho mwaana mulopwana mukina, anamutteha Xela. Owo aayariwe Yuda areene oKezibi. 6Yuda aamuthanlela Eri, Mwanawe a ntthaara, muthiyana mmoha iitthaniwa Tamari weera amuthele. 7Wa soothesene, Yave khawaamusivenle mweettelo wooriheya wa Eri, ntthaara na Yuda, tivawo aamwiivalaawe. 8Yuda aamweerela Onani: “Othelaneke ni naamukweli a munneiyo, weera okwanihere ekhovelelo ya nikelampa ni yoowo, ni weera hiiho ekhumelele ekhapira wa amunnawaawo.” 9Onani aasuwela weera ekhapira ele khayaakhala yawawe. Tivawo, khula emaara aakonaaweno naamukhweli, owo annarihela vathi olopwanaawe weera ahihiye ekhapira wa amunnawaawe. 10Mukhaleloweene yoole khawaamusivenle Yave, tivawo aamwiivalaawetho. 11Yuda aamweerela Tamari, mwaara a mwaniye: “Ohokoleeleke wa atithawo ni wakhalekewo ntoko naamukhweli, mpaka aneeraawe unnuwe mwanaka Xela.” Vano Yuda aamoova weera owo anaakhwe ntoko axunneiye. Hiiho Tamari aarowa okhala vaate wa atithawe. 12Eviraka ehuhu ekina, aahookhwa mwaariye Yuda, mwaana muthiyana a Xuwa. Oviraleene wiinanela, Yuda aarowa oTimena owoona anamamettha a muhuwaawe vamoha ni nthamwenaawe Hira, ngwAdulami. 13Aleeliwakaru Tamari: “Atatinyu ari mphironi ya oTimena weera emetthe ikhondoolosaya,” 14owo aaceendya ikuwosawe sa onaamukhweli, anakhuneela ekhovaawe ni ekuwo, anakilaathi vamulako wa wEnayimi ori mphironi ya oTimena. Owo aapaka yeeyo niwoko aahoona weera Xela ohunnuwa, ni nlelo eera ahinaaye othelana ni yoowo. 15Yuda amoonakaru, uupuwela weera aari puuta, niwoko owo aakhuneela ekhovaawe. 16Ahisuwelaka weera aari mwaara a mwanawe, aamurowela muxexere wa musewe, anamweerela: “Orwe va. Kintthuna wookonano.” Tamari aamwaakhula: “Mmukivahe eheeni weera mukikonane?” 17Owo, aamwaakhula: “Kinimoorumihela epuri emoha ya muhuwaaka.” Ole aamwaakhula: “Khamunkivaha yookiroromeliha mpaka muneeraanyu mukirumihele yeeyo?” 18Owo aamukoha: “Yoororomeliha heeni kineeraaka koovahe?” Owo aamwaakhula: “Munelaanyu woottittelano ni eciikhwe nitho ekopowaanyu mvarenlaanyu mmatatani.” Owo aamvaha yeeyo, anakonano ni ole aarupala. 19Vahoolowaya owo aarowa, anarula ekuwo iikhuneenlaawe, anahokoleela owara ikuwo sa onaamukhweli. 20Yuda aarumiha epuri, amwinnyereraka nthamwenaawe ngwAdulami, weera aakhele yoororomelihiwaawe muthiyana ole, mene khaamphwannye. 21Vanonto, aahaakoha atthu a elapweene yeele: “Ori woowi puuta a wEnayimi onkhovelela okilaathi mukerekhere wa ephiro?” Awo yaamwaakhula: “Nno khawoworu puuta.” 22Ole aahokoleela wa Yuda, anamweerela: “Nkimphannye ni, ohiya hiiho, atthu a nipuro nne yeenre weera khawoworu puutawo.” 23Yuda aamwaakhula: “Omuhiyekeno, weera nihitheiwe. Ekhaikhai ti weera koomurumihela epuri, mene weyo khoomphwannye.” 24Siviraleene nyeeri miraru, yaamweerela Yuda: “Mwaara a mwaninyu Tamari, ooraruwa, ni mooraruwanimwawe oorupala.” Vano Yuda aawaakhula: “Munkhumihere vaate weera ahisiwe mukumi!” 25Owo aakhumiheriwaawe vaate, aahaarumihela atithaya aiyawe mutthenga ola: “Miyo kirupalihiwe ni mulopwana ori muneene a itthu iya. Mooneke nnenesene weera munsuwele muneene taani a munela woottittelano ola, eciikhwe ela ni ekopo ela.” 26Yuda aasuwela weera saari sawawe, aneera: “Ola ti oororomeleya okipwaha miyo, niwoko kaaheereke omwinnyerera mwanaka Xela.” Vanonto khaamukonannetho. 27Ephiyerakaru ehuhu ya oyara, yaari maphapo mmirimanimwawe. 28Eyariwaka hiihaale, mmoha a yaawo aakhumihera vaate ntata, ni namayariha aakuxa nliinya nooxeera anamulutta mmoononimwawe eeraka: “Ola ti opacenre okhuma.” 29Owo aahokoloxa ntata, ni oopacera oyariwa aari mukina! Vano namayariha aaheera: “Khuu! Ophutunle moota heeni woowaakuveya?” Vano aamutteha Perezi. 30Vahoolowaya aakhuma munneiye aarino nliinya nooxeera mmoononimwawe, anattehiwa Zera.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Makhua Shirima Bible © Christelike Lektuurmaatskappy NPC, 2021.