Epacerero 31
31
Yakobe ontthawa vaate wa Labani
1Wa soothesene, Yakobe aahiiwa yuulummwaka weera anamwane a Labani yeera: “Yakobe ookuxa sootheene seiye yaarinaaya atithihu anathukumanyiha mihakhu seera sikhaleke sa atithihu.” 2Yakobe aapacera woona weera mweettelo wa Labani waamvirikaneela. 3Yave aamweerela Yakobe: “Muhokoleele elapo ya anatithinyu ni wa amusaanyu, ni Miyo nkikhale ni nyuwo.” 4Yakobe aarumiha wiitthaniwa Rakheli ni Leya weera erowe ntuphini saaraayamo mihuwosawe. 5Vano aaweerela: “Kinoona weera mweettelo wa atithinyu wa miyo khoohiyono yoole wa khalayi. Muluku a atithaka ori ni miyo. 6Vano nyuwo moosuwela nnenesene weera kohaavarela muteko atithinyu moota kaaweraaka. 7Mene awo yaakipaka nsikini eceendyaka nlivonaka imaara muloko. Wa soothesene, Muluku khaatthunihenre weera ekihasule. 8Awo yeeraaya: ‘Mihuwo sa malepa nikhaleke nlivonawo,’ vano saayariwa paahi samalepa, vaheera yeeraayatho: ‘Vano paahi sooriipa ti nlivonawo’; saayariwa paahi sooriipa. 9Ti hiiho Muluku owaankhaawe muhuwo atithinyu akivahaka miyo. 10Nihuku nimoha, ehuhu saawelanaaya, kaaloha weera anapunci ootheene yaawenle ithiyana yaari ooriipa, a mitthaalala ni a malepa. 11Vano ndyelo a Yave aakiitthana moolohani: ‘Yakobe!’ Miyo kaamwaakhula: ‘Miyo kiri va!’ 12Owo aakeerela: ‘Moone, anapunci ootheene angwelana ni ithiyana ari ooriipa, a mitthaalala ni a malepa, niwoko kohoona sootheene Labani oopankaaweni. 13Miyo ti Muluku a oBeteli, mwa weiwo nyuwo mwaamiinenlaanyu makhura vanlukuni ni mwalipenlaanyuwo. Tivawo, mvenye elapweene yeela, muhokoleele elapo muyareliwaanyu.’” 14Rakheli ni Leya yaamwaakhula: “Weeraka nookhalano nlelo mpatta wa yoohiyeriwa vaate wa atithihu? 15Vano awo annoona ntoko anamarwa. Yeenre enithumihaka, aananariha musurukhu yaaphwannyaaya mwa hiyo. 16Vekhaikhai, mihakhu sootheene Muluku owaakhiyaawe atithihu ti sawihu vamoha ni anamwanaahutho. Vanonto, mpakeke sootheene Muluku oolamulenlaaweni.” 17Yakobe aahaakhavihera anamwanaawe ni axaariye owela ikamelu*. 18Attimulihaka muhuwaawe wootheene ni sootheene ole aaphwannyaawe ehuhu aaraawe oPadan Aram, aarowa oKanaani weera akhale vaate wa atithawe Isaki. 19Labani arongweene omettha muhuwaawe, Rakheli aawiiyera icaambulo sa miluku soolokottha sa nihimonawe. 20Ti hiiho Yakobe aamulokontthaawe Labani ngwArami, atthawaka vaatewawe ahimuleelaka etthu. 21Yakobe aathawa ni sootheene owo aarinaawe. Alapuwaka mooloko Efratesi, aarowa mpatta wa nyaako sa oGiliyade.
Labani onimutthimakela Yakobe
22Eviraleene mahuku mararu, Labani aaleeliwa weera Yakobe ootthawa. 23Labani aahaakuxa asilopwana a emusaawe, anamutthimakela Yakobe wa mahuku mathannameeli, anamphwanya onyaakoni sa oGiliyade. 24Muluku aahiixoonihera wa Labani ngwArami moolohani, mweehuhuni ya ohiyu, anamoopopiha, eeraka: “Mwiipasoope weera muhimweere etthu Yakobe. Muhimuroromelihe etthu naari muhimoopopihe.” 25Labani aamphwanya Yakobe aakonenlaawewo vanyaakoni sa oGiliyade. Vano Labani vamoha ni amusaawe aakonenle vaavaale. 26Labani aamukoha Yakobe: “Opanke eheeni? Khookitthangwe paahi, mene wohaakuxatho anamwanaaka ntoko oovariwa ni ekhotto. 27Okilokotthenleni otthawaka ni mwiitiho ohikileelaka? Kaasuwenle, saano kipakihaleene efesta yooraxelana ni wiipa, ikoma ni amakita. 28Khookitthunihenre waabeeca anamwanaaka asilopwana ni asithiyana hata axisuluwaaka weera kaaraxele. Woheetta ololo! 29Ikuru saakhala mmatatanimwaka weera koohasule, mene ohiyu ovirale Muluku a atithawo ohuuluma ni miyo akoopopihaka: ‘Mwiipasoope weera muhimweere Yakobe etthu. Muhimuroromelihe etthu naari muhimoopopihe.’ 30Vanonto, weyo ottimulenle niwoko noowunkhela vaate wa atithawo, vano wiiyenreni milukusaka?” 31Yakobe aamwaakhula: “Miyo kaamoova wooleelani, niwoko kuupuwela weera nyuwo mwaankaakha ni ikuru anamwaniinyu. 32Vanonto mwaha wa milukusanyu, akhala mukina va muneeraanyu mumphwanyeno, iiviweke. Vamaithoni wa amusaahu ootheene, muwehaweheke muneenaanyu yaareene vaava ni miyo yakhalaru etthu eri yawinyu. Yakhala, muhokolowekeno.” Yakobe khaasuwenle weera ti Rakheli iiyale. 33Labani aavolowa muheemani mwa Yakobe, mwa Leya, ni mwa arumeiyaawe eeli asithiyana woohiphwanya etthu. Vahoolowaya avolowa muheemani ya Rakheli. 34Rakheli iiyaathiye miluku iye mmaahotthani yaari vasulu wa ekamelu*, anakilaathela. Labani aatholathola muheemani moothemwene, mene khaaphwannye etthu. 35Rakheli aaweerela atithawe: “Muhikinyoonyeriwe apwiyaaka kiheemenlaaka vamaithoniwanyu, niwoko kirookhalano mpingu wa athiyana.” Ni hiiho Labani aapwaherera waasaasa icaambulo sa milukusawe, mene khaaphwannye. 36Yakobe aanyoonyiwa, anamurukunuwela Labani, anamukoha: “Yoonanara heeni koopakenlaakani? Yoottheka heeni koopakenlaakani nyuwo munkittharattharaanyu hiiha? 37Mootholathola itthusaka sootheene. Moophwanya eri yawinyu? Mwaphwanya, mwiikaathi sootheene ohoolo wa amusaahu, weera awosa enithorihe hiyo eelaahu. 38Iyaakha miloko miili kiri ni nyuwo. Ikhondoolosanyu ni ipurisanyu ithiyana khasinatoko orihakasa iyaasisaya, hata nkinakhuure naari enamaanyu emoha ya muhuwaanyu. 39Nkinooruuheleni mwaamunama oowiiviwa ni axinama ooluwa; miyo muneenaaka kannavilela ohaawa wootheene. Ni nyuwo mwannakivekela nlivo na axinama oowiiyiwa, othana naari ohiyu. 40Vano othana, kaahaawa oviha, ohiyu, oriira; imaara sincipale ohiyu nkaakona. 41Ti hiiho kikhanlaaka owannyinyu iyaakha miloko miili. Kohoovarelani muteko iyaakha muloko niixexe naakakhanyihaka ni anamwaniinyu eeli asithiyana ni iyaakha ithannamosa ni muhuwaanyu. Imaara muloko mwaaceendya nlivonaka. 42Ahaakhanle Muluku a apwiyaaka, Abrahaamu ni woopiha wa atithaka Isaki, vekhaikhai nyuwo mwaankihiya matataru. Vano Muluku aahoona ohaawawaka mutekwaaka woovihaxa, ni ohiyu ovinre Owo ohoonihera olakelawawe.”
Wiiraana wa Yakobe ni Labani
43Labani aamwaakhula Yakobe: “Axaarawo ti anamwanaaka, osuulu ti wawaka, mihuwo ti sawaka, sootheene iya va onoonaawo ti sawaka. Vano nkeere hai ni anamwanaaka, ni axisulwaaka? 44Tivawo, hiyo ooweeli nrowe niiraane weera okhale onamoona variyariwahu.” 45Yakobe aakuxa nluku aneemexa ntoko nrimbu. 46Owo aaweerela amusaawe: “Muukele maluku makina,” ni awo yaapaka hiiho. Yaattottela maluku nduu. Vahoolowaya yaahooca vaavaale muxerexere wa maluku ale. 47Labani aatteha nipuro nne oYegari Sahaduta, vaheera Yakobe aatteha oGalehedi. 48Vano Labani aaheera: “Maluku ala nuukenlaahu olelo ti onamoona variyariwahu.” Tivawo nitteehiwaaya oGalehedi. 49Noottehiwatho oMizepa, niwoko aaheera: “Weera Yave aniwehawehe hiyo ooweeli, nimmwalamwala mukina ni mukhwaawe. 50Waahasula anamwanaaka, hoye hoye waahaapwattha waathelaka athiyana akina, hata ohooniwaka, osuweleke weera Muluku onookhala Namoona variyariwahu” 51Nlelotho Labani aamweerela Yakobe: “Va aakhala maluku ala ni nrimbu nna keemenxaaka variyariwahu. 52Maluku ala ari anamoona weera miyo kihilapuwele iwo weera koohooxe hata weyo ohilapuwele nno weera okihooxe. 53Muluku a Abrahaamu ni a Nahori, Muluku a asitithaya akhale Mphukaahu.” Yakobe aalipela mwa nsina na woopiha wa atithawe Isaki. 54Vano Yakobe aapaka yooveleela vamwaakoni, anaalattula amusaawe yaari vaavaale weera eceno. Vano ecaakaru, yaakonelawo. 55Oxaawaya, Labani aavenya, anaabeeca axisulwaawe ni anamwanaawe, anaareeliha ni vahoolowaya aahokoleela elapwaawe.
Iliyochaguliwa sasa
Epacerero 31: VMK2021
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Makhua Shirima Bible © Christelike Lektuurmaatskappy NPC, 2021.
Epacerero 31
31
Yakobe ontthawa vaate wa Labani
1Wa soothesene, Yakobe aahiiwa yuulummwaka weera anamwane a Labani yeera: “Yakobe ookuxa sootheene seiye yaarinaaya atithihu anathukumanyiha mihakhu seera sikhaleke sa atithihu.” 2Yakobe aapacera woona weera mweettelo wa Labani waamvirikaneela. 3Yave aamweerela Yakobe: “Muhokoleele elapo ya anatithinyu ni wa amusaanyu, ni Miyo nkikhale ni nyuwo.” 4Yakobe aarumiha wiitthaniwa Rakheli ni Leya weera erowe ntuphini saaraayamo mihuwosawe. 5Vano aaweerela: “Kinoona weera mweettelo wa atithinyu wa miyo khoohiyono yoole wa khalayi. Muluku a atithaka ori ni miyo. 6Vano nyuwo moosuwela nnenesene weera kohaavarela muteko atithinyu moota kaaweraaka. 7Mene awo yaakipaka nsikini eceendyaka nlivonaka imaara muloko. Wa soothesene, Muluku khaatthunihenre weera ekihasule. 8Awo yeeraaya: ‘Mihuwo sa malepa nikhaleke nlivonawo,’ vano saayariwa paahi samalepa, vaheera yeeraayatho: ‘Vano paahi sooriipa ti nlivonawo’; saayariwa paahi sooriipa. 9Ti hiiho Muluku owaankhaawe muhuwo atithinyu akivahaka miyo. 10Nihuku nimoha, ehuhu saawelanaaya, kaaloha weera anapunci ootheene yaawenle ithiyana yaari ooriipa, a mitthaalala ni a malepa. 11Vano ndyelo a Yave aakiitthana moolohani: ‘Yakobe!’ Miyo kaamwaakhula: ‘Miyo kiri va!’ 12Owo aakeerela: ‘Moone, anapunci ootheene angwelana ni ithiyana ari ooriipa, a mitthaalala ni a malepa, niwoko kohoona sootheene Labani oopankaaweni. 13Miyo ti Muluku a oBeteli, mwa weiwo nyuwo mwaamiinenlaanyu makhura vanlukuni ni mwalipenlaanyuwo. Tivawo, mvenye elapweene yeela, muhokoleele elapo muyareliwaanyu.’” 14Rakheli ni Leya yaamwaakhula: “Weeraka nookhalano nlelo mpatta wa yoohiyeriwa vaate wa atithihu? 15Vano awo annoona ntoko anamarwa. Yeenre enithumihaka, aananariha musurukhu yaaphwannyaaya mwa hiyo. 16Vekhaikhai, mihakhu sootheene Muluku owaakhiyaawe atithihu ti sawihu vamoha ni anamwanaahutho. Vanonto, mpakeke sootheene Muluku oolamulenlaaweni.” 17Yakobe aahaakhavihera anamwanaawe ni axaariye owela ikamelu*. 18Attimulihaka muhuwaawe wootheene ni sootheene ole aaphwannyaawe ehuhu aaraawe oPadan Aram, aarowa oKanaani weera akhale vaate wa atithawe Isaki. 19Labani arongweene omettha muhuwaawe, Rakheli aawiiyera icaambulo sa miluku soolokottha sa nihimonawe. 20Ti hiiho Yakobe aamulokontthaawe Labani ngwArami, atthawaka vaatewawe ahimuleelaka etthu. 21Yakobe aathawa ni sootheene owo aarinaawe. Alapuwaka mooloko Efratesi, aarowa mpatta wa nyaako sa oGiliyade.
Labani onimutthimakela Yakobe
22Eviraleene mahuku mararu, Labani aaleeliwa weera Yakobe ootthawa. 23Labani aahaakuxa asilopwana a emusaawe, anamutthimakela Yakobe wa mahuku mathannameeli, anamphwanya onyaakoni sa oGiliyade. 24Muluku aahiixoonihera wa Labani ngwArami moolohani, mweehuhuni ya ohiyu, anamoopopiha, eeraka: “Mwiipasoope weera muhimweere etthu Yakobe. Muhimuroromelihe etthu naari muhimoopopihe.” 25Labani aamphwanya Yakobe aakonenlaawewo vanyaakoni sa oGiliyade. Vano Labani vamoha ni amusaawe aakonenle vaavaale. 26Labani aamukoha Yakobe: “Opanke eheeni? Khookitthangwe paahi, mene wohaakuxatho anamwanaaka ntoko oovariwa ni ekhotto. 27Okilokotthenleni otthawaka ni mwiitiho ohikileelaka? Kaasuwenle, saano kipakihaleene efesta yooraxelana ni wiipa, ikoma ni amakita. 28Khookitthunihenre waabeeca anamwanaaka asilopwana ni asithiyana hata axisuluwaaka weera kaaraxele. Woheetta ololo! 29Ikuru saakhala mmatatanimwaka weera koohasule, mene ohiyu ovirale Muluku a atithawo ohuuluma ni miyo akoopopihaka: ‘Mwiipasoope weera muhimweere Yakobe etthu. Muhimuroromelihe etthu naari muhimoopopihe.’ 30Vanonto, weyo ottimulenle niwoko noowunkhela vaate wa atithawo, vano wiiyenreni milukusaka?” 31Yakobe aamwaakhula: “Miyo kaamoova wooleelani, niwoko kuupuwela weera nyuwo mwaankaakha ni ikuru anamwaniinyu. 32Vanonto mwaha wa milukusanyu, akhala mukina va muneeraanyu mumphwanyeno, iiviweke. Vamaithoni wa amusaahu ootheene, muwehaweheke muneenaanyu yaareene vaava ni miyo yakhalaru etthu eri yawinyu. Yakhala, muhokolowekeno.” Yakobe khaasuwenle weera ti Rakheli iiyale. 33Labani aavolowa muheemani mwa Yakobe, mwa Leya, ni mwa arumeiyaawe eeli asithiyana woohiphwanya etthu. Vahoolowaya avolowa muheemani ya Rakheli. 34Rakheli iiyaathiye miluku iye mmaahotthani yaari vasulu wa ekamelu*, anakilaathela. Labani aatholathola muheemani moothemwene, mene khaaphwannye etthu. 35Rakheli aaweerela atithawe: “Muhikinyoonyeriwe apwiyaaka kiheemenlaaka vamaithoniwanyu, niwoko kirookhalano mpingu wa athiyana.” Ni hiiho Labani aapwaherera waasaasa icaambulo sa milukusawe, mene khaaphwannye. 36Yakobe aanyoonyiwa, anamurukunuwela Labani, anamukoha: “Yoonanara heeni koopakenlaakani? Yoottheka heeni koopakenlaakani nyuwo munkittharattharaanyu hiiha? 37Mootholathola itthusaka sootheene. Moophwanya eri yawinyu? Mwaphwanya, mwiikaathi sootheene ohoolo wa amusaahu, weera awosa enithorihe hiyo eelaahu. 38Iyaakha miloko miili kiri ni nyuwo. Ikhondoolosanyu ni ipurisanyu ithiyana khasinatoko orihakasa iyaasisaya, hata nkinakhuure naari enamaanyu emoha ya muhuwaanyu. 39Nkinooruuheleni mwaamunama oowiiviwa ni axinama ooluwa; miyo muneenaaka kannavilela ohaawa wootheene. Ni nyuwo mwannakivekela nlivo na axinama oowiiyiwa, othana naari ohiyu. 40Vano othana, kaahaawa oviha, ohiyu, oriira; imaara sincipale ohiyu nkaakona. 41Ti hiiho kikhanlaaka owannyinyu iyaakha miloko miili. Kohoovarelani muteko iyaakha muloko niixexe naakakhanyihaka ni anamwaniinyu eeli asithiyana ni iyaakha ithannamosa ni muhuwaanyu. Imaara muloko mwaaceendya nlivonaka. 42Ahaakhanle Muluku a apwiyaaka, Abrahaamu ni woopiha wa atithaka Isaki, vekhaikhai nyuwo mwaankihiya matataru. Vano Muluku aahoona ohaawawaka mutekwaaka woovihaxa, ni ohiyu ovinre Owo ohoonihera olakelawawe.”
Wiiraana wa Yakobe ni Labani
43Labani aamwaakhula Yakobe: “Axaarawo ti anamwanaaka, osuulu ti wawaka, mihuwo ti sawaka, sootheene iya va onoonaawo ti sawaka. Vano nkeere hai ni anamwanaaka, ni axisulwaaka? 44Tivawo, hiyo ooweeli nrowe niiraane weera okhale onamoona variyariwahu.” 45Yakobe aakuxa nluku aneemexa ntoko nrimbu. 46Owo aaweerela amusaawe: “Muukele maluku makina,” ni awo yaapaka hiiho. Yaattottela maluku nduu. Vahoolowaya yaahooca vaavaale muxerexere wa maluku ale. 47Labani aatteha nipuro nne oYegari Sahaduta, vaheera Yakobe aatteha oGalehedi. 48Vano Labani aaheera: “Maluku ala nuukenlaahu olelo ti onamoona variyariwahu.” Tivawo nitteehiwaaya oGalehedi. 49Noottehiwatho oMizepa, niwoko aaheera: “Weera Yave aniwehawehe hiyo ooweeli, nimmwalamwala mukina ni mukhwaawe. 50Waahasula anamwanaaka, hoye hoye waahaapwattha waathelaka athiyana akina, hata ohooniwaka, osuweleke weera Muluku onookhala Namoona variyariwahu” 51Nlelotho Labani aamweerela Yakobe: “Va aakhala maluku ala ni nrimbu nna keemenxaaka variyariwahu. 52Maluku ala ari anamoona weera miyo kihilapuwele iwo weera koohooxe hata weyo ohilapuwele nno weera okihooxe. 53Muluku a Abrahaamu ni a Nahori, Muluku a asitithaya akhale Mphukaahu.” Yakobe aalipela mwa nsina na woopiha wa atithawe Isaki. 54Vano Yakobe aapaka yooveleela vamwaakoni, anaalattula amusaawe yaari vaavaale weera eceno. Vano ecaakaru, yaakonelawo. 55Oxaawaya, Labani aavenya, anaabeeca axisulwaawe ni anamwanaawe, anaareeliha ni vahoolowaya aahokoleela elapwaawe.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Makhua Shirima Bible © Christelike Lektuurmaatskappy NPC, 2021.